خُدها مني قاعدة:
أي رجل بيتكلّم عن التعدد في الفاضي والمليان، ويدخل التعدد في أي نقاش وأي كلام، لا يخرج عن كونه:
- راجل دماغه تعبانه.
- شاب أعزب لم يتزوج أصلا
- راجل دماغه تعبانه.
- راجل مراته مطلّعه عينه وبيشوف النجوم في عز الضهر، وبيجي يفضفض بكلمتين، وهو مش يقدر يفتح بؤه بنص كلمه
- أو راجل دماغه تعبانه

بس كدا

الراجل اللي هو راجل وناوي ع التعدد لا بيتكلم ولا بيعمل حوارات، بيتزوج وهو ساكت ومش بيعمل دوشه كتيرة

من باب الفضفضة - لا أقصد أحدًا بكلامي-:
أنا لا أحب الناس اللي دايما يكتبوا في البايو أو ملفات التعريف في وسائل التواصل أو كدا، عبارات من نحو:
مصر أم الدنيا
السعودية العظمى
الكويت العظمي
إلخ
كونك بتحب بلدك أو وطنك= دا أمر فطري وطبيعي جدًا، ومن الدين
عادي
بس ليه بتعظّم شأنك بالنقطة دي؟
إنت لا اختيار لك أصلا فيها ، قدر ربنا إنك اتولدت في البقعة الجغرافية دي وبس،

افتخر بتعليمك، وشهاداتك، وعملك، وانجازك= دا شيء إنت اخترته، وعملته بإيدك، وتعبت فيه، دي الحاجات اللي المفروض تحس فيها بالفخر والإنجاز
أما كونك سعودي أو كويتي أو مصري أو سوداني = الجنسية نفسها مش هترفع منك، لو إنت إنسان وضيع الحاجات دي مش هتفيدك
ركّز في الأشياء اللي تفيدك
وطوّر من نفسك، عشان بلدك تفتخر بيك

محافظة الدقهلية

"طُبِع ابن آدم على اللُّؤْم، فمِن شأنه أن يتقرَّب ممَّن يتباعد منه، ويتباعد ممَّن يتقرَّب منه"
الشافعي

صيام شهر شعبان فرصة لمَن كان مقصّرا في صيام التّطوع باقي أيّام السّنة، فيعوّض أكثر ما فاته دفعة واحدة في هذا الشّهر، وقد ورد في حديث ضعيف الحكمة من كوْنه صلّى الله عليه وسلّم يصوم شهر شعبان، وهو أنّه صلّى الله عليه وسلّم كان يشتغل عن صوم الثّلاثة الأيّام من كلّ شهر لسفرٍ وغيره، فيقضيها في شهر شعبان... هذا مع ما في صيامه من الاستعداد النّفسي والبدني لشهر رمضان، ولكوْن الأعمال تُرفَع فيه إلى الله تعالى.

كل سنة وإنتم طيّبين