ً
ً

ذكرتني بقول الشاعر اللي يقول :
" يمشي الفقير وكل شيء ضده
والناس تغلق دونه أبوابها

وتراه مبغوضاً وليس بمذنب
ويرى العداوة لا يرى أسبابها

حتى الكلاب إذا رأت ذا ثروة
خضعت لديه وحركت أذنابها

وإذا رأت يوماً فقيراً عابراً
نبحت عليه وكشرت أنيابها "


لازم تفهم وتتيقن ان الناس مصالح
وكلنا نشوف هالشي في واقعنا
يعني امير ، تاجر ، صاحب منصب
تلقى الكل يعاملهم باحترام وتقدير
وتشوف انواع المجاملات وانواع النفاق
حتى مشاهير الفلس ..
شوف كيف يتغير حالهم
قبل الشهرة مافي حد يناظرهم
وبعد الشهرة يصير عندهم اتباع ومعجبين
وكل هالشي عشان المصلحة فقط

لذلك لا تستغرب ابد من تعاملهم معاك
يوم كنت منتف ولا عندك شي
الاصيل منهم هو اللي يعاملك بانسانية
ولا يتغير ولا يشوف نفسه عليك
اما البقية فهم تبع المصلحة
وهذا شي طبيعي في كل العالم
اقصد يتبعون المصلحة وبس

المهم ..
دام الله اغناك واعطاك ووفقك
لا تتغير ولا تتعامل بغير اصلك
اخدمهم وقدم اللي تقدر عليه
ولا تناظر لاي شي كان قبل
ولا تعاملهم بنفس تعاملهم
كن الافضل والاكرم والارقى
ولك في نبيك قدوة واسوة حنسة
قومه اذوه وطردوه وسبوه وحاربوه
ويوم الله نصره عليهم ومكنه منهم
عفى عنهم وقال اذهبوا فانتم الطلقاء

ولعلمك مثل ما دارت الدنيا
وتغير وضعك وصرت في خير
لا تضمن تقلبات الدنيا
لان مالها امان
ويمكن تدور وترجع مثل ما كنت
لذلك اعمل باصلك ودينك
واخدمهم لوجه الله
مو عشان شي ثاني
وتذكر بان ما كان لله يبقى
وما كان لغير الله لا يبقى

وكما يقال :
" لا يحمل الحقد من تعلو به الرتب
ولا ينال الرضى من طبعه الغضب "

والاصيل مافي شي يغيره
لا منصب ولا فلوس ولا مصالح


اسال الله ان يوفقك ويسعدك
ويجعلك ممن تقضى على يديه حوائج الناس



تقديري


ِ