السلام عليكم ورحمة الله وبركاته،

يا أعضاء أنا لي مشكلة بشعر إنها من أكتر المشاكل المؤلمة، وحبيت افتح لكم قلبي عن مشكلة بحياتي الخاصة مع والدتي.

مشكلتي " زعل والدتي".. وهل في مشكلة أكبر من زعل أحد الوالدين ؟

طبعا انا مقيمة بكندا من سنوات طويلة ، والحمدلله شغلي راتبي حياتي مستقرة وحلوة....
لكن والدتي ومن زمن زعلانة مني لاني لوحدي، بدياني أرجع لبلدي وعيش قريبة منها...
ماما دارسة الحمدلله دكتوراه، وعندها زوج بعد وفاة والدي الله يرحمه...

بعرف ضغوط ماما لي لارجع لها وزعلها كرمال مصلحتي..

انا حاولت سايرها قدر الامكان. وكون لطيفة معها واسمع لها .. بس ما فيي ارجع وانا خلص بنت كبيرة وناضجة ولي حياتي وشغلي هون ..

ماما بالآونة الاخيرة عملت لي بلوك بالواتس. وطلبت من اختي ( لي اخت وحيدة كانت تعيش ببريطانيا ورجعت تعيش جنب ماما كرمال لها ) .. طلبت من اختي انو تعملي بلوك كمان. لكن اختي رفضت....

واختي متزوجة ولها عائلة الحمدلله.
عائلتي محافظة وبحبو اتباع الدين قدر الامكان وانا بتفهم هالشي.


سؤالي :

في حالة اني مطلقة لي اطفال.. هل تنصحو بقائي بكندا رغم امي زعلانة مني ؟
شو بتعملو عوضا عني ؟

هل ابئا وشوف حياتي ومستقبلي ( ومستقبل أطفالي " في حالة وجود أطفال" ).. .. وحاول ساير امي. وانا كل فترة بتواصل مع اختي وبطمن عليها ..

او لازم ارضي زعل ماما واترك كندا وشغلي ومستقبلي - وارجع للوطن يكملو اطفالي مستقبلهم هنيك - للعلم..معروف المستوى العلمي والصحي ببلاد عربية مو متل كندا فيما يتعلق بمستقبل الاطفال!


* انا حابة بس شوف بس ردودكم أعزائي ووجهات نظركم. بغض النظر بخالفها او لا .

وشكرا لوقتكم مقدّماً.

شكرا لردك المدير.
والله فعلا محتارة بهالمشكلة !

..ما كنت بعرف هل هالشي فعلا مخالف للدين؟؟

وبتمنى رضا ماما وبدعي ربّ العالمين ...

'





اولاً حياتك الان تتمحور حول ضغط نفسي وعدم الراحة
طالما امك بصحتها وعافيتها اكسبي رضاها
الحل الي بشوفه حالياً مؤقت
انك تروحي لها انتِ و اطفالك كَ سفر مؤقت ولا تخبريهم
فاجئي والدتك و اختك .. ومن هنا تحطو النقاط ع الحروف
تجلسي مع والدتك وتقنعيها اذا جلوسك هناك بشأن امور مادية و مستقبليه
صدقيني حالياً حياتك مالها معنى لذا مالك الا هالحل
اذا تواجدك بكندا ك مستقبلاً افضل لاطفالك وماديتك
وزيارتك لوالدتك بتخفف امور عبئ عليك
عن بعد كذا ماينفع

تسلميلي غزل..
حبيت ردك كتير. ولئيته فكرة جيدة فعلا..

وبتمنى يا ربّ يهونها عليها. بعرف ماما بتحبني وبدا مصلحتي . وعم تضغط علي كرمالي..

ربي يهونها علينا .

الحياة ما تبنيها مشاعر لحالها
لو كانت العواطف لوحدها
تحكم الإنسان

كان بقي الرسول صلى الله عليه وسلم
بمكة
وهو المكان المحبوب الى قلب النبي
عليه افضل الصلاه والسلام


وحتى تحلي هذي المشكلة
ادعميها بعقلانية والتفكير المتقدم
في حياتك

أي أم بدنيا لا تكره من قلبها نهائيا
لانوا قلوبهم سمحة و صافية اتجاه الحياة
وأولادهم وبناتهم

أنا أقترح ترضي امك بزيارة عائلية
بما يملي عليه الدين والرضى والسلام
بينكم

أما وجودك او عدم وجودك في كندا
هذا يبقى اختيارتك الشخصية
لانوا بما انك فتاة واعية
تدركي جيدا مصلحتك وكفائتك في اتخاذ القرارات
الناجحة
في مواصلة الطريق
وديمومة الاستفادة بأكبر قدر ممكن من
مشوار غربتك

وحتى مفهوم الغربة أصبح وطن
لكثير من الناس
أينما كانوا واينما اتجهوا

بتوفيق