04-11-24, 04:32 PM
| #1 | |||||||||||
  
| 
تعقيب على موضوع ماعندي صديقات  عيد سعيد عليكم!!! كل عام وانتم بخير نزلت قبل فتره موضوع بعنوان ماعندي صديقات شكرا على الردود الآن بثاني أيام العيد السعيد فرحتي ناقصة وحاسه بستخف كلهم فرحانين الا انا علمتكم بالموضوع السابق ان صاحباتي تبع الدراسه الجامعيه دششوني قروب وعلمتهم ان تلفوني مايتحمل قروبات كثيرة وثانيا سوالف كثيره فيه مالها داعي ماحب القروبات المزعجه تلفوني اكثريته قروبات دينيه وقروبين تبع زميلات الدراسه بس هاديين نادرا مايرسلون و٢ من صديقاتي تقريبا كثير معاهم انا واحس بالبساطه والقرب وموقصدي البنات الثانيين العكس لا حشى الاغلب علاقتي معاه سطحيه واذا صار شي اشوف بالحالات بالواتس واقوم بالواجب سواء ولاده زواج وهكذا لكن احب اسولف واضحك مع الكل عادي بس بشكل سطحي المهم، كنت بجروب مع صديقاتي زميلات الدراسه الجامعيه زمان فتره وخرجت من القروب وقبل رمضان رجعوني مع انني قلت لهم قبل ماريد القروبات لان فوني يعلق وماريد زحمه قروبات وانا اصلا ما اشارك كثير وماحب السوالف الي ملها داعي وماحب الارتباط والعلاقات الاجتماعيه كثير وعاتبتني وحده ان انا تغيرت من خلصنا الدراسه قلت لها ماتغيرت وانتي بعد ماتسألين والباقي لما طلعت من القروب اول مره جوني بالخاص وسالوني المهم مرت الايام وتفاجأت اليوم انها ازالتني من القروب لان ماشارك فيه واذا في شي اروح خاص تفاجات من تصرفها واخاف تقول لهم ان انا طلبت منها تزيلني وبالرغم ان لما دششوني القروب هالمره قلت ماعليه بتم وياهم حتى لو ما اشارك عشان مايزعلون،،، وامس خطرت ببالي فكره ان اخرج من القروب بس ماعملتها لكن احس بحزن انها طلعتني وانا ماعامله شي بس متابعه يمكن لان ما اشارك طلعتني ورافضه من بدايه ادش احس مو حلو بحقي مو معناته ان ماشارك او ما اسال ان انا تغيرت او ما احبهم ونسيت عشرتهم بس انا كذا طبعي ممكن من الصدمات الي حصلت لي قبل اثرت فيني وصرت كذا المهم انا خايفه انهم زعلو مني وطلعوني من حياتهم او يبلكوني من حسابات ثانيه او اذا صار معي مناسبه او شي مايراسلوني او خلاص تغيرو علي بعدين قلت سبحان الله يمكن خيره والله له حكمه من الي صار بس قلبي فيه غصه كنت بروح لهم اشوف ليش طلعوني مو لهالدرجه عندي فروبين وما اشارك فيهم لكن ماعمرهم طلعوني بالعكس عادي ونتواصل فترات فالخاص ماحكمت على قروب شورو علي شو اعمل انا بضيق انكسرت فرحتي فالعيد  | |||||||||||
| |
|
04-11-24, 09:01 PM
| #2 | |||||||||||
  
|
علينا وعليكِ وكل عام وأنتِ بصحة وسلامة عادي لا تزعلين لو طلعوك من القروب يمكن خيرة لك أحس من كلامك أن شخصيتك تميل للشخصية الانطوائية أكثر من الانبساطية شوفي في قوقل الفرق بين الشخصية الانطوائية والانبساطية ترا طبيعي وفي كثير ناس مثلك يعني لا تتضايقين لأنك مختلفة عنهم حتى لو ما فهموك خذي الأمور ببساطة لا تاخذينها بحساسية بتتعبين لو دققتي بتصرفاتهم وردود أفعالهم | |||||||||||
| |
|
04-12-24, 02:55 AM
| #3 | |||||||||||||
 
|
أنتي تعرفي انك كسبتي نفسك لأنك كنتي راح تخسرين وقتك معهم أول قاعدة بحقيقة الحياة ارضاء الناس غاية لا تدرك انا أراهن أن اغلب القروبات شخصيات لا يحبون بعضهم فلا تحزني على الكأس المسكوب وانتي نهر | |||||||||||||
| |
|
04-12-24, 06:34 AM
| #4 | |||||||||||||
  
|
إصنعي لك مملكه خاصه فيك تعيشي فيها كما تشائين لا كما يشاء الآخرين كوني أنتي فيها الزعيمه والمتصرفه الوحيده بكل منهم حواليك أو كل من تحبينهم مثلاً : إفتحي لك قروب واتساب وأضيفي فيه من ترين بأن شخصيتها أو إسلوبها أو وضعها يناسبك ثم حاولي تقتنصين الفرض عندما تتحدثين أو ترسلين شيء لابد يستدعي الفضول أو يصنع الأثاره بينهم حتى يكون شغل شاغل الجميع في القروب ويضربون لك به ألف حساب وتأكدي مع الأيام ستلاحظي بأنك تطورتي نفسياً وتحسنتي معنوياً وستكوني ذو أهميه يجبر الجميع يبحثون عنك ويتلزقون فيك بكل حب وإحترام . ملاحظه : أجمل شعور قد تحسيه هو (( عندما تتحدثين الحقيقه بطريقه تشكك بأنك تكذبين )) نصيحتي جربي طبقي هذا الشعور في حياتك وستلاحظي نظرة الآخرين لك كيف ستكون لافته وجذابه لك . | |||||||||||||
| |
|
04-12-24, 10:12 AM
| #5 | |||||||||
 
|
عادي اللي تمرين فيه جميعنا مرينا في نفس المرحلة للعلم جميع أصدقائي في الجامعة لم يبقى منهم أحد ،، كنت أرى انهم أكسجين الحياة . وهاهم كل في حال سبيله ، ولم يتغير العالم | |||||||||
| |
|
04-12-24, 11:30 AM
| #6 | ||||||||||||
 
|
ياحلوتي حطيها في بالك مافي شي اسمه صداقه ابدا في شي إسمه الصداقه مصلحه موقته الصديقه الوحيده هي اختك بنسبه اللي تمرين فيه شي عادي جدا ولا تكوني حساسه جدا ولا تفكرين الشي اللي تسويه ولا تفكرين تكونين صداقه فكري كيف تعدين اختبارات تعدين مرحله الجامعه بنسبه اللي قروب مو شرط تسولفين خوذي فايده منه اما سوالف اللي ماله داعي اكتفي في قراء فقط علي فكره شفتي كل قروب الجامعه اصلان بعد ما تخلص من الجامعه بتشوفي الكل طلع من قروب انها فتره. دراسه لا أكثر ركزي علي داستك علي نفسك بس | ||||||||||||
| |
