":"
يا هدنة الحرف وش باقي على المدة
أحس باقي وراء صمتك خبر غالي
"
والله لولا العمر ما ينعرف حده
لا أقول يا حرف لا تبالي ولا أبالي
"
أخاف من يوم يلفي بي على الشدة
والنفس لو كيفها .. ما تنظر لحالي
"
النفس تبني لها مشروع وتهدّه
ذا شغلها في حياتي وأشغلت بالي
"
يا نفس شومي عن الأنظار واللدة
امشي وخلي العمر في دبرة الوالي
"
لي قلب بين الحنايا ما فرط سدّه
ولا خان عهد الوفاء من أول وتالي
":"

يا الخفوق اللي تعالى
نبض حسه في المنام
وش مصحي نبض حسك ؟
من ألم والا حنين
"
يالخفوق اللي تحدر..
دمعته وقت الزحام
ما تذكرت الرحابة
في صدور العاشقين ؟!
"

اتبعتك نور هادي ...
شع في عتمة ظلام
ارتجيتك مثل جذوة
اقتبسها للسنين
"
جيتني حرب وذخيرة ...
وجيت لك برد وسلام
جيت حزن و جيت حيرة ..
و كنت لك خاطر وعين
"
ما جرى حبر المشاعر
لجل يرسم لك غرام
انتهى ذاك الكتاب .... اللي قريته مرتين
"

":"
تبكيك مني كل ضحكة بريئة
أودعتها مسمعك عهد وأمانة
"
وقلبٍ نحى يمك بخطوة جريئة
أمسى دخيل.. وصبّحته الخيانة

"
أجارك القلب .؟ أم جارتك أطباعي
حتى ألاقيك لحنًا بين أسماعي
"
أتكمن الشوق مني في مخالسةٍ
أم كنت ترقب ما أبقته أضلاعي
"
لا يجرمني على النسيان موجدة
وإن تداعت وأفنت حس إبداعي
"