جمال الصباح .. بأنك ما تشيل هم بكرة و تجعله عبء عليك
جمال الصباح في رسم الاهداف و العمل على تحقيقها ..

عيش صباحك على انه بداية يوم جميل .. بداية حلم جميل

احب الصباح و اروق فيه .. رغم كل شي ممكن يكدر
انا سعيدة و احب اكون سعيدة ..و احب كل اللي حولي سعداء ...


نشر ثقافة السعادة على كل من حولك امر جميل .. و الاجمل يكون طبع فيك



امممم ابي اشتري جوال هدية لوحده قريبه مني
و محتاره بين الايفون و الجالكسي .. و عجزت و انا اجس نبضها وش تحب
لدرجه اني شوي و اقولها ابي اجيب لك هديه خخخخ
نفسي اجيب لها جالكسي اس ٨ بلس .. و من اليوم رايحه جايه عليه
اشتريه ما اشتريه ..! بس في شي داخلي يقول اشتريه لها ..


وحشتني المدونه و وحشتني سواليفي وحشة شوفتي اكثر خخخ

يوم عن يوم احبني اكثر

صباحكم خير .. صباحكم امل ..

الحياة مستمرة مدام الله اراد لنا ذلك ..
و احنا نراقب تطورنا و تقدم العمر ..

بنتي صارت سنه خامس و الابله الزمتهم انهم يتحجبون ..
و هي تتحلطم عندي و تقول انها صغيرة ..
قلت لها لا ي ماما انتي بنت كبيرة تفهمين و لازم تتحجبين الحين ..

و احنا رايحين للمدرسة جلست اتأملها و يمر في بالي عمرها كله ..
من يوم كانت في الروضه .. غدو درست من عمرها ٣ سنوات ..

ما اخفيكم اني بكيت و انا اتذكر .. الصور تتكرر في بالي ورا بعض و بالترتيب

سبحان الله الزمن يمشي و احنا و الله مو حاسين ..


الحين احاول اعاملها كأنها بنت كبيرة .. على انها في عيني طفله ..
الله يخليها لي و لا يحرمني منها

ايقنت ان حبسك داخل الذاكرة .. افضل من الحديث عنك بصمت ..
و ايقنت أن لا شيء يبعدك .. حتى و إن حاولت الاوهام نسيانك ..

لكن لازال الامل يرافقني .. يربت على كتفي.. يهمس لي " اكملي طريقك "

صباحكم خيرر ..

حركة تنرفزني في السناب .. لما احد من اهلي يرسلي سناب احد
و انا اتوقع انه واحد مشهور و اجي اضيفه اشوف وش عنده
فجأه هذا الشخص يرجع يضيفني و اكتشف انه من اصحابهم
لا شعورياً حظر على طول خخخخ

مابي احد يضيفني ما اعرفه .. عادي انا اضيف و اتفرج

بس

١٤٣٩


سنه جديدة
سنة بدايتها جميلة .. مختلفة ..
تفائل .. ابدأ سنتك بحب .. شوق لتحقيق الاهداف ..

اجذب الاشياء الجميلة لك .. عيشها و حققها ..

اشكرك على نظرتك ،، اللي اتوقع اني ما وصلت للعظمة في تعاملي و تربيتي ،،
كل ما اطالع في امي و تصرفاتها معنا و وكيف تبدينا على نفسها ،، امي العظيمه مو انا " الله لا يحرمني منها ،،

و بالنسبة للحجاب يوم تتذكره و يوم تنساه ،، و انا ما اشد عليها عشان ما تكرهه ،،
و الله يعيني ع التربيه ،،