|
إضافة رد |
| LinkBack | أدوات الموضوع | انواع عرض الموضوع |
03-25-16, 02:17 PM | #223 | |||||||||||
| يالله قد ايش وقتنا يضيع بدون نحس ،، كثير نقاط نسويها كل يوم و كل ساعه و كل دقيقه ،، و احنا نفكر انها شيء عادي و روتيني نسويه ،، لكنه يضيع وقتنا راجع نفسك ، راجع تصرفاتك ، راجع افعالك ،، و حاول انك تحافظ على وقتك ،، و تستغله افضل استغلال ،، الصوره اعجبتني و جلست اتأملها ، و نقاط كثيره اسويها ،، بس زعلت على نفسي ،، الله يقدرني على تغيير نفسي | |||||||||||
|
03-25-16, 04:07 PM | #224 | |||||||||||
|
اعز صديقاتي ، اختي اللي ما جابتها امي ،، صحيح اقصر معها اوقات بس عمرها ما زعلت مني ،، عمرها ما قالت نوره ما تكلمني انا ما اكلمها ،، نوره ما ترسلي انا ما ارسلها ،، ما تقول ابد من هالكلام ،، لاني انا وحدة قليلة ادب ، ما اكلم و لا ارسل بداية صداقتنا كان اول يوم ف الجامعه ،، ما راح اقولكم عام كم عشان ما تعرفون عمري بس من زمااان ،، مو زمان زمان ،، زمان شوي ،، المهم ،، فجأه ارسلت لي ف الواتساب رساله ،، نطيت عليها قلت انا ابي اجيك بسرعه قولي متى اجيك خخ لاني عارفه لو قلت لها نفسي اجيك و هي بتقول حتى انا و يروح وقتنا كله نفسي و نفسي خخخ المهم قلت لها لا تسوين ولا شي بسوي القهوه و اجي ،، هي تقول لا انا اسويها و انا اقولها انا بسويها ،، و طبعاً يسري ليلنا كذا خخخ شوي الا عرق البداوة نط خخ قلت و الله ما يسويها الا انا خخخ و رست علي انا اسوي القهوه و الله يستر لا اخربها خخ <- عوايدك خخ ساعه ، ساعه وشوي و اروح لها ،، واحشتني | |||||||||||
|
03-27-16, 10:19 PM | #225 | |||||||||||
| بعض الناس يحسسوني ان الدنيا حلوه و لسى بخير ،، يحسسوني انه باقي فيه ناس فيهم خير ،، باقي فيه ناس قلوبهم طيبه صديقتي و اختي رحت لها قبل يومين ،، انسانه جداً رائعه ، يعجبني تفكيرها تصرفاتها ،، و ثقة اهلها فيها و اعتمادهم عليها اعتماد كلي ،، يخليني افخر بصحبتها هي تسولف و انا متنحه فيها ،، هي هي ما تغيرت مشاءالله نفس القلب الطيب ، نفس الحنيه ع اللي حولها ،، نفس القوة و الصلابه نفس الثقة بالنفس ،، و ثقتي فيها عمياء ،، اذكر زمان كان اختي تكلمني ف موضوع و انا مررره رافضه الفكره ،، و لما كلمتني صديقتي عن نفس الموضوع على طول وافقت و طاوعتها ف الفكره اتذكر اختي عصبت مني خخخ كيف هي تحاول فيني و من كلمه وحده من صديقتي وافقت انا عرفت بنات كثير ، صاحبت بنات كثير بس زي هذي مافيه ،، لو بتكلم الين بكره ما راح اسكت ،، | |||||||||||
|
03-28-16, 04:58 PM | #226 | |||||||||||
|
ضع يدك على قلبك ،، و أغمض عينيك ،، و ادعي لنفسك بصوت خافت و صادق ،، لا يوجد اصدق من دعواتك لنفسك ،، إلا دعوات والدتك لك ،، حتى دعواتي لك لا تكفي | |||||||||||
|
03-29-16, 12:34 AM | #227 | |||||||||||
|
خواتي اليوم يضحكون علي اني اشارك ف المنتديات للحين ،، و يقولون اكيد مشرفه <- تريقه خخ قلت ايوه مشرفه و مالكم شغل فيني انا جوي كذا احب الاشياء القديمه ما احب جوكم و اهتماماتكم ،، مسك الغلا حبيته ، احسه يرفهه عني ، متنفس لي ،، ارتاح هنا مدونتي احب اسولف لها ،، لازم افتحها ف اليوم الف مره و أقراني كثير اكيد تعرفون اني احبني و اكثر وحده تحب نفسها و تراعيها و تواسيها انا بس قهروني خواتي اليوم و يضحكون علي ،، و اللي يضحك علي خواتي اللي اصغر مني بس ما علي منهم | |||||||||||
|
03-29-16, 06:48 PM | #228 | |||||||||||
| | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||