حرف شامخ : اراهن انك بتفلّس
تراجع في عرضك خخ

صباحكم امل ،
بأن كل الاشياء ستعود لمكانها الأصلي ،،

من امس ما خليت و لا دعوة اني القى الشيء المهم الضايع مني ،،
لدرجه اني دعيت دعيت الين نمت
يارب القاه ،، لاني مابي ازعل المديرة
هذي المديرة من المديرات اللي اعزهم مررره ،، فضلها كبير علي
و حزينه اني بزعلها

اليوم بروح بدري الدوام و انفض مكتبي نفض ،، عل و عسى القاه ،،

ارجع اكمل شغلي <- تبي تكمل دعاوي خخخ

^
^


بعد ما كتبت هالكلام غفيت و حلمت ان وحده من البنات لقت اوراقي الضايعه
فتحت درج أصلاً ف الحقيقه ماهو موجود الا شوي تطلع لي الظرف اللي فيه الأوراق
ياني صحت صياح من الفرحه ،، من كثر ما بكيت ف الحلم حسيت قلبي بيطلع من مكانه ،،
و انا ف الحلم فرحانه اني لقيت اوراقي الضايعه ، و حسيت ان الموقف حقيقه مو حلم ،،
بس يوم صحيت ،، و اتذكر الحلم و اتذكر المكان اللي لقينا فيه الأوراق ماهو موجود ف الحقيقه

حزنت

و اللي يقهرني اكثر ،، ان المديره تسوي لي اشياء حلوه و توقف ف صفي دايم ، و الشي اللي ابيه يصير ،،
و انا كذا بكل بساطه أضيّع الورق
اليوم كل ماجاتني تضحك وتبشرني ب اشياء حلوه انا قلبي يعورني ،،

ليه مكبره الموضوع مدري ،،
ادعو لي القاها

ك الْحُلْم أنت ،،

حُلم جميل
يزورني كل ليلة
و استبشر بك خيراً
و أطير فرحاً

ابحث لك عن تفسير
بإنتظار تحقيقك

اركض خلفك
خلف الْحُلْم
خلف السراب

أتوه ف عالم الأحلام

" اللهم رد لي ضالتي "


و انا ادعي هالدعاء ،، تنحت لثواني ..
و اقول ف نفسي هل كل شيء ضاع مني بيرجع ..!
دار ف بالي اشياء كثير و نسيت الأوراق ،،
خلاص قررت ما اشيل هم ،، اذا ربي كاتب بلقاها بلقاها <- تحلم ف الأوراق خخخ
من يومي و انا راضيه بالمكتوب



صباحكم رضا ، و راحة بال

لا أشعر بشيء

ليس هُناك سوى قلب ينبض لازال متمسكاً بالحياة ،،
و جميع الحواس أختفت و إنتهت ،،

لكن احمد الله ، إن اللسان لازال يهتف ب يارب