اليوم كان سعاده ،،
شفت استاذة من ايام الجامعه ،، هي اللي حببتني في المحاسبه ،،
مشاءالله كل البنات يحبونها ،، سبحان الله ، الله اذا احب عبد حبب الناس فيه

و لقيت الشغله اللي ابيها ،، اللي تجيب لي السعاده اقوى شيء ،،
اذا وصلتني صورتها لكم
<- مسويه تشويق خخخ

و بس كان يوم سعيد الحمدلله ، و ان شاءالله كل ايامنا سعادة ،،

مافيني نوم ،،
و لا فيني كلام ،،

بس كلمة " لا "
تتردد ب داخلي
كل ما انحرف تفكيري تجاهك ،،
و اجلس اقاوم الذكرى .. !!

و استلمت الحبيبه اللي توسّع خاطري
الحين ارجع اتحمس للتصوير ، بعد ما كسّلت
اكثر وحده تعصب مني و من الكاميرات هي " امي " ،،
اليوم رحت استلمها و معي امي ،، قالت وش هذي قلت كاميرا <- و انا بتشقق خخ
قامت تتحلطم ،،
قلت يمه زي ما تحبين تشترين مواعين و خرابيط المطبخ ،، انا احب اشتري كاميرات و اغراض التصوير
<- الحين اللي للمطبخ خرابيط و التصوير اغراض خخخ



بس احبني

مدري ..!
مدري وش النهاية ..

لما احس هالاحساس ، اتذكر كلام صديقتي
كانت تقول لي : ليت عندي شباك للمستقبل و اشوفه ..!
كنت اسمعها و اتسائل بداخلي ليه تحس بهالاحساس ..
و كنت اقولها ليه مستعجله ، كل شيء مكتوب لك بتشوفينه ..

هذا الكلام كان قبل سنوات ، و احنا اصغر شوي <- ما تبي تقول بكم سنه خخ

الحين : انا و هي تغيرت حياتنا كلياً ،، شخصياتنا تغيرت ،،
دخلو ف حياتنا اشخاص ، غيروها و خلو لها طعم

بس انا صرت شرانيه
كنت اول هاديه جداً ، و ما ينسمع لي صوت ،
و ممكن ياخذون مني اشيائي و انا ساكته ،،
كنت ابكي عشان اشياء مره تافهه ،،

اقولكم شيء من الاشياء اللي كنت ابكي عليها ،،

من صغري و انا بين بيت اهلي و بيت خوالي ،،
يعني المدرسه عند اهلي و الاجازات عند خوالي ،،
الين كبرت و صرت ف الثانوي و انا هذا موالي

دايم اذا طولت عند خوالي تجي امي تعاتبني و تقول ما عاد تبيننا و من ذا الكلام
و اذا طولت عند اهلي ،، تجي خالتي تعاتبني ،،
و انا مدري ارضي مين ،، كنت ابكي على هالسالفه خخ <- تناشق خخخ
ي حلوي بس

الحين صرت شرانيه ما ابكي على شي
صار لساني طويل ، ما اسكت لازم ارد ،، بس الفهاوه قامت تزيد عندي خخ
بس الحمدلله مبسوطه من نفسي ، و الله يستر من الجاي

يجعل لنا الله نقطة بداية كل يوم ،،
يعطينا المساحه بأن نجدد كل شيء حولنا ،،
و السعيد من بدأ يومه بـ ذكر الله و التوكل عليه

يا رب إجعل يومنا من افضل ما يكون

يمممه مني ،، ورا وجهي شاحب كذا خخخ
هديه قايد الريم ، اسعدتنا فيها ، الله يسعدك
شكراً لك