فجأه تغيرت حالتي النفسيه
و هالحاله تتطلب مني اجيب الهارديسك و اتفرج ف الذكرى القديمه ،،
بس المشكله مافيني حيل اقوم من مكاني و اروح اجيبه ،،

مشكله لما تشوفهم على خطأ و ما تقدر تنصحهم ، و لا تقولهم اللي ف بالك ،،
لاني اعرف انهم ما راح يتقبلون مني النصيحه ، لأسباب كثيره ،،
نتمنى لهم الخير ، حتى لو ما يتمنون لنا الخير ،،

الحياة قصيره و صارت مخيفه ،،
ما يطمنا فيها الا قربنا من الله ،،
و الا اي شيء ثاني لا ،،

دعوتي لهم دايم : الله يصلح حالكم ، و ينور بصيرتكم ،،

ما اعرف اذا كنّا مزعجين لبعض و الا لا ..!
بس اللي اعرفه ،، أن الامور راح تعدي بسلام ،، و إن كل شيء ف حياتي مريح
و حتى لو كان فيه شيء مزعج ، انا أخليه مريح غصب عن كل شيء

الطبع اللي كان فيني اللي هو "ما احب ازعج احد حتى لو على حساب نفسي"
قدرت أتغلب عليه نوعاً ما ، و ان ما تغلبت عليك ، ب اقدر أتغلب عليه ،،
نفسي أولاً و من بعدي الطوفان ، يمكن هذي القاعدة خلتني اهدى شوي ، خلتني راكده اكثر ،،


في الدورة اللي أخذناها امس ، كانت عن ادارة التغيير
شدني تعليق وحده من البنات ،،
تقول الواحد اذا كبر ف العمر عقله يكبر و قلبه يصغر ..!
الكل خالفها و صحح لها بمعنى أصح ،، ان القلب ما يصغر ، بس من كبر العقل قدر يتحكم فيه

و انا اشوف قلبي كل ما اكبر يتضخم و يكبر معي ، و يكثرون الناس فيه و احمد ربي عليهم ،،
صح اني مو اجتماعيه و خجوله ، بس الصداقات عندي كثير ، و غالب هالصداقات من خارج العائله ،،
من عائلتي ما صادقت الا خواتي

نحمد ربنا على نعمة الحُب ، و الناس اللي تحبك تبقى معك طول عمرك حتى لو فرقتكم المسافات ،،
و تزيد مخزون السعاده عندك ، مخزون الامل و التفاؤل ،،

سعيدة في هذا الصباح و اتمنى لكم ضعف سعادتي
صباحكم سعاده

أجمل الصباحات بِ رفقة أغلى البشر "أمي"

https://www.************/watch?v=Y1DPtqmGDpg



هذي ثلاث سنين راحت بلياك
حبك يزيد وشوق قلبي يناديك

لما الطبيب يكون عنده خبره عاليه و إلمام كبير و ذا معرفه واسعه " بالعامية شاطر "
و يزيد إقبال الناس عليه لسمعته الزينه ،،
بدل ما يحتسب عمله لوجه الله و انه يساعد مرضى كثير على الشفاء
اصبح اكثر جشعاً ، الكشف عنده صار ب 800 ريال ، عشان التأمين ادفع 250
تخيلو شهرياً انا لازم ادفع الكشفيه بس عشان يكتب لي وصفه بالحبوب !!
طبعاً بكل بساطه رحت لدكتور ثاني ،، ماني محتاجه ادفع له و انا صحتي بيد الله مو عنده


كل يوم يطلع لنا اشياء عجيبه في الحياة
الله يعين عليها