اجمل الهدايا ، هديه وصلتني رمضان اللي فات
من انسانه عزيزه جداً على قلبي ،
من الناس اللي قلوبهم بيضاء يحسسونك ان الحياة لسى فيها خير
لسى فيه ناس طيبه تحبك و تتمنى لك الخير
صديقتي الحبيبه نوره

لا تعلم ، و لا اعلم ..
جميعنا تهنا و أضعنا الطريق ،،

سبحان الله مافي احد مرتاح و راضي عن حياته ميه بالميه
هذي مو عاجبها تطنيش زوجها لها ، و هذي مو عاجبها اهتمامه ،،

حتى انا في فتره من الفترات ما كنت راضيه عن حياتي ، و كنت طفشانه و اتملل من وضعي ،،
الين اقتنعت و آمنت ، ان كل شيء مكتوب لي ،، رضيت و الا ما رضيت راح يصير ،،
ليه ازعل نفسي و اكتئب ، و ف الاخير المكتوب راح اشوفه ،،
حبيت حياتي زي ما هي ، رضيت و زادني الله رضا ، زادني ايمان بالقدر ،، زادني تفاؤل
الحمدلله على كل شي

اللي نايم و اللي طالع و اللي مداوم <- كل ما تتذكر الدوام يجيها غثيان
الحمدلله اني ف اجازه مدة اسبوعين

و انا جالسه لحالي
ما عندي الا بنت اختي الصغيره كل ما اناديها تهرب مني

يا شين البيت الكبير بدون ناسه ،،
كان نفسي اروح معهم بس الله ما كتب الحمدلله ،،
سويت فطوري و جلست ف الصاله لحالي <- توك تفطرين
اشين شيء ف الاجازات لخبطة النوم ،، لا نهارك نهار و لا ليلك ليل ،،

يالله انتظر احد يجي يسليني و يسولف معي ،،

دايماً الاشياء اللي ودي فيها و أتمناها ،،
كل ما احاول افكر فيها ابعدها من بالي على طول ،،
ليه ما ادري

نايمه للظهر و الحين كبس علي النوم و جالسه اقاومه
عشان انام زي الناس ف الليل ،،
اشتقت اقوم الصباح و اروّق