كل ما اكتب لك سطر
يجتمع عندي ضيوف
بين شوقي والمطر
تستوي فيك الحروف

السعادة ما تؤلفها الحروف
السعاد راية القلب الغني
ابتسم والناس قدامك تشوف
لا تخاف من العيون وتستحي
ابتسم من قبل تخفيها الظروف
زينة محياك لاهي تختفي

صباح الخير يابوح الحنين وقمة الإحساس
صباح الخير يا فرحة بيوت الحي وأعياده
صباح الخير يا روح الجمال وفتنة الحراس
صباح الخير يا طلة شعور القلب وأمجاده
صباح الخير ياموطن غلاي وقهوتي والكاس
صباح الخير ياذكرى ربيع(ن)حان ميعاده

مع عبير الورد و أنسام الصباح
رفرفت لك راية الشوق الصحيح
تستبيحك عذر تطلبك السماح
عند من يحفظ لها الود ويبيح
يا زهور العشب فـ الأرض البراح
بالـنـقـاء محـميـةٍ مـن كل ريح
ما يجيها إلا المطر عذبٍ قراح
و ما يقرب وردها غير المديح
طيفك أللي كان ترسل وين راح
ما وصلني منك بالوضع المريح

أتمنى و أنت تهواك الأماني*
والعيون وكل ما تطلب فدا لك
شوفتك بالعين ياسهيل اليماني*
من سرور القلب لوك في محلك

من عرفتك و أنت ميزان العدالة
تفهم أصول العلاقة والمعاني
والشعربأغلب دواوينه رسالة
طيها فيه العتب و إلا التهاني
كل بيت من قصيدي له دلالة
و أغلبه لجيت للواقع أماني