|
هلا بالغيمة اللي من مطرها يسقي الظمآن تزيل من الشقي همه وتذهب جملة أحزانه هلا يا طلة القمرا هلا يا نشوةالفرحان هلا يا هاجس الشاعر هلا يا جملة ألحانه هلا يا درة جتني مع وسط البحر مرجان هلا يا زرعي أللي في كياني زانت ألوانه هلا يا وردة النرجس تمايل من على الأغصان هلابك يا اكسجينٍ بالهواء نحيا على شانه |
يا قلبي أللي في الحنايا تخفيت ارفق علي قبل أرفع الصوت عالي أفرحتني يومك على الجرح دقيت دقة غلا من يد عزيز(ن) وغالي يا جوهرة يا درة داخل البيت يا سلوتي ما ني لغيرك بسالي كم مرة(ن) بإسمك نطقت وتغنيت وكم هاجس(ن)جاني وشفتك إقبالي |
يا طير يا ألي في فضاء الجو يا طير هات الخبر من ساكن الدار هاته هات الخبر منه ومسيه بالخير وأنشد عن أحواله وجب لي وصاته وقله ترى لو غاب في زحمة السير طيفه معي موجود لو غاب ذاته أشري غلاه ولا حسبت المخاسير ولو يطلب الدنيا ملايين جاته بشر وأنا بعطيك غالي التباشير بأخبار غالي تحتويني غلاته |
اكتب و قلي عن اغيابك وأنا اقلّك في بصمة الحرف طمني عن أحوالك أرسلت طيف الغرام وعاد ما دلّك ضيع طريقك وتاه الشوق ما جالك ودّه يلاقي غلاك ويتعب ارضا لّك في قمة الشوق تهنا له ويهنالك وأللي يحاول يتوهني معادٍ لّك جعله فدا لّك تحت رجليك و انعالك ما يدري إني على بعدك محبالّك وأحب حيّك وعمانك وأخوالك طول الليالي يزيد الشوق ما ملّك يمشي مع خطوتك ويلازم اظلالك |
هلا بالضيوف ألي تواجد على الساحة يجي بالغلا ضيف الغلا والغلا نهديه هلا باللقاء لوكان ما جاء معه راحة ما دام الخواطر بلاغلاوة تجمع فيه |
أحاسيس و دية صباحية جديدة: مع طلة صباح الخير عندي لك كلوم اكثار و على قرب المسافة خذ علومٍ تعجبك مني علومٍ بيننا م الراس ما تنشر مع الأخبار سرائر من عذوبتها تميز فنّك وفني |
الساعة الآن 11:32 PM. | |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا