وما الجديد تحت الشمس
؟؟؟
الجديد اليوم تكتمل سفرتنا الله
,,
وقرت عيوني بقلبي حسب مسماهم طبعا في الآيفون عندي

’’
وأقدر أقول وصل نصفي الآخر
المجادل
حقيقة
’’
لهذا لما يسافر
دايما أقوله
: الحين اتهاوش مع من

اكره جدا الرحيل واتجنب السلام عليهم في الذهاب
وجدا أكون مترقبة للقدوم
شعور يختلف
بين
قدوم ومغادرة
تدور دواليب الحياة
’’
بس
أهلا بصالة القادمين

والحين
نمر قليلا
على
الحرملك
وما وراء الدريشة
و
نسوان الفريج
’’
نشوف
,,

اليوم على سفرة الأفطار وأم فلان وبنتها
’’
أم فلان بعد الصلاة
توجه الكلام للبنت المفعوصة
حسب المسمى الدراج عند
نسوان الفريج
:
أنا خاطري أعرف
الحين الجلال اللي شكله شكل
والسجادة الموردة
ليش حضرتج رايحة عرس
’’
وترد المفعوصة مهب هينة وتقول
:
والله لما يجون صديقاتج أحلى الذهب يطلع
والدراعة الكشخة
ذيلا وهم ربعج
أم فلان وأم علان وعلنتان
’’
فشلون وأنا أقابل ربي مب أجدر
أكشخ له
’’
وتصرفها الأم وتقول :
يلا يلا دراسة
’’
وترد المفعوصة :
خاطري بس تقولين كلمة حلوة \قولي ما شاء الله ’’ صح كلامج درر درر
’’
قولي بارك الله فيج
’’
قولي قولي
’’
وفعلا قالت
:

قالت : سندرتي راسي ’’ صدعتيني
نبع الحنان ةما أدراك
’’
طيب
وتروح المفعوصة اتابع مسلسلها اللي صار مقرر
ويصيدها رادار الأم:
قومي درسي المسلسلات بتنعاد بعد رمضان ’’
ذي بدال ما تجابلين القرآن
’’
وترد :
والله أنتي عجيبة صليت ما مدحتي ’’
شفت مسلسل زفيتي
’’
دكتاتورية حقيقية
’’
الأم طبعا على طول :
شوفوا أم لسانين ترادد
’’
وتروح أم لسانيين

شردت من نبع الحنان
و

ويجي وقت صلاة العشاا
ويشوف الأبو الأم رايحة المسجد ويقولها: أم فلان
ترد على البعل بتاعها : سم
ويرد : سم الله عدوينج ’’ كل ذي الكشخة العباة الجديدة ’’
الدراعة الجديدة للمسجد
’’
ترد بثقة : والله الدراعة بسترها بعباتي
يعني أقابل الناس بالكشخة وأقابل ربي
اللي ربهم وأنا مبهذلة وحالتي حالة
’’
تصور كل ذي وأم لسانيين تسترق السمع
وتصرخ:
يمممه بوجه مستغرب
’’
نع الحنان طبعا : ومشعاب فوق القمة
’’
وتمر عندها أم لسانيين وتقول
:
ما له داعي التجعم
’’مب قايلة قدام أبوي أنج تقلديني
’’

أفااا بس يا نبع الحنان
تقلدين أم لسانين ولا تمدحينها
’’
من
صراع الأجيال
و
نسوان الفريج
’’

و
ألقاكم على سعادة
’’’