حكــاية قصيــرة ❥

[آلنـور]

انا حالياً في عالم آخر :MonTaseR_115:

[آلنـور]

اقرا علي ي مطوع - جابر الكاسر :عبوث:


اعترف ان مزاجي عاااالي :112:
لحد يسهرني ، افصل على طووووول :21:
لحقوني البنات ب قهوة تركي عشان يتداركو الامر و لا اجيب العيد :MonTaseR_206:

http://www.al2la.com/up/uploads/images/domain-799f1fed84.png


العضو المخفي ترا بجيك بالعقال لو ما عقلت :21:


باي :MonTaseR_72:

[آلنـور]

:MonTaseR_143: <- يعبر عني بقوة خخ


اخيراً هجدت ، اخيراً مسكت الارض و ف فراشي استعد للنوم
بس النوم كنه حالف ما يجيني:20: ،، احد يناديه لي ،،
يمكن مضيع طريقي :دموع الورد:

اخخ بس من امس و انا ماسكة طريق الحلطمه

من كثر الهلوسه ،، قبل شوي بطلع من الغرفه و فتحت الباب قمزت قمزة
تخيلو وش تخيلت اني شفت !!!

كني شفت قطو اسود !!! وربي مت من الخوف

المهم
ما اقول الا علااام النوم عيّا لا يجيني
تباعد عن عيوني و خلاني
<- خلي الجوال و يجيك :20:

تصبحون على خير
:رحيق:

[آلنـور]

و يبقى الصباح رغم كل شيء " اجمل "
و تبقى البدايات " سعيدة "

صباحكم " خير "

[آلنـور]

مساعد الرشيدي >> الطواريق

http://www.al2la.com/up/uploads/images/domain-8c1cce470f.jpg

فيه قصايد احس اني كاتبتها <- ي كبرها عند ربي خخخ
مدري ..! بس كذا تلامس القلب بدون حواجز




لاني اشوا ولاني مسفهلي
اتهيا وانا ضايع جدا
واتسمر على جدران ظلي
اتشره على رجع الصدا
اتوحا ياعلة صوت خلي
اتلفت ولا حولي حدا

:نبض:

[آلنـور]

ما صبحت عليكم اليوم :سكر: ..
صحيت متأخر مو على عادتي <- الساعه ١٠ و نص :thumbdown:
بالعاده اصحى سبع او ثمان ،،

يالله صباحكم سعادة و مساكم فرح :نبض: ،،

فطوري اليوم :crosscrusher:

http://www.al2la.com/up/uploads/images/domain-c177e8cbc9.jpg
http://www.al2la.com/up/uploads/images/domain-5465ebbe46.jpg
،
http://www.al2la.com/up/uploads/images/domain-c1e53b1194.jpg
http://www.al2la.com/up/uploads/images/domain-3c9e99eeae.jpg


بيض بالجبنه الشيدر و الزيتون <- يعني انجاز خخ :crosscrusher:
المهم ، علي بالعافيه :MonTaseR_213:

[آلنـور]

يَاذَا النوم اللي مزاعلني من امس :4:

قمت اهوجس ،
و على اطول افتح النوت ف الجوال و ابدا اكتب ،،
فجأة القى نفسي اكتب كم بيت شعر ، على اني مو شاعره و لا افهم كثير بالوزن و القوافي
بس لسى احفظ من دروسك شيء .. اتذكر كيف كنت تعلمني اكتب شعر
يمكن انت ما تتذكر بس انا مسجلتها عندي ف دفتر صغير ،، و مدري اذا شققته و الا باقي عندي
و يمكن انا مابي اصير شاعره عشان كذا ما اطبق كثير < - الله و اكبر ي عابرة سبيل خخخ
استحي لا انزل أبياتي لاني احسها خربوطية :x38:
ممكن يجي يوم انزلها مدري عن مزاجي :MonTaseR_94:
لو ما انام الحين بكتب معلقه خخخ

ادعوا لي انام و ابطل هواجيس:MonTaseR_38:

[آلنـور]

ننام و نصحى و نمارس حياتنا بكل اريحيه ،
فهل لنا ان نشكر الكريم على هذه النعمه ،
الحمدلله على كل شيء

صباحكم فرح :نبض:

[آلنـور]

http://www.al2la.com/up/uploads/images/domain-65ce350327.png


أجمل هدية من أجمل انسانه
" امبراطورة البحر "
:رحيق:

[آلنـور]

صباح الأمل ،،
،، صباح السعادة
صباح الروح الحلوة ،،

صباحكم ، راحة بال :نبض:

[آلنـور]

جيعانه و مدري وش اكل :56b889:
و كتفي يعورني و مدري وش اسوي له :19: ،،
مو كتفي كتفي ،، بين الكتف و الرقبه يعني اذا التفت يسار يعورني <- تشكي على دكتور خخخخ
بس الحمدلله ف الدوام ما التفت يسار ،، لان ما وراي الا جدار
كل التفاتاتي يمين :210:

الله يعين بس

[آلنـور]

و انا اقلب ف الصور لقيت صورة ،، صراحة مدري ليه صورتها ،،
بس اول كنت امشي في البيت و الكاميرا معي ،، الحين خفت الحاله كثير ،،
الحين بس يقولوا لي قومي صوري مدري وش يجيني :MonTaseR_187:
ابي ارجع زي اول مدري كيف <- يبيلك قرصة اذن :MonTaseR_142:

المهم نرجع لموضوعنا ،، لقيت الصوره و كتبت عليها كلام و جلست اخربط عليها ،،
و بعض التصاميم كثير عليها موضوع مستقل خخخ
عشان كذا بوريكم اياها هنا :blush-anim-cl:

http://www.al2la.com/up/uploads/images/domain-d3f4602d5e.jpg

:سكر:

[آلنـور]

صباحكم " نوره " :نبض:
<- نرجسيه خخ :سكر:

إهداء خاص لي ،، و الله يخليني لنفسي :MonTaseR_207:




https://www.************/watch?v=zEXQ1d_Tkwc

* ياليتني داله اشوى لي
لكن غدت روحي مجبورة
ياليتني عايش لحالي
و اضرب تحيه و مشكورة


:DsC00581:

[آلنـور]

صباحكم " راحه "
بدون مناقر و لا هواش :outhg!:


اذا تعكر المزاج بداية اليوم عندي ،، انسى يتعدل :(
هذي من العيوب اللي ما تعدلت فيني :MonTaseR_210:

مشكلتنا انا و بنتي ، انها عنيدة و انا اعند منها ،، يعني ما في مجال وحدة تتنازل
مفروض انا الام و الكبيرة العاقله ،، بس تستفزني تخليني اعاندها ،،

يوم افكر في اللي صار احس ماله داعي ،،
كل يوم اقول بكره نتعدل انا و ياها ،،

اللي شاغل بالي فترة المراهقه وش بسوي فيها ،، اخاف اقتلها خخخ
<- انتي بس روقي شوي

الحمدلله بس ،،

[آلنـور]

الله يحفظ بنتك يارب ... طنشيها لان اذا عاندتيها رح تسوي نفس الاسلوب وتحسبه تنافس .. علم النفس للاطفال صدقيني ^_^

و الله يحفظك :نبض:
احاول ما اعاندها بس فجأه انقهر منها و اصير بزر و اتهاوش معها
بس للعلم خفينا انا وياها معاند و هواش خخ

يسعدك ربي " مطر الفجر "
:رحيق:

[آلنـور]

لكل من يهديني السعادة ودي و اهتمامي ،،
و لكل من يهديني التعاسة شكري و امتناني ،،
:MonTaseR_11:

حافظ على من يهديك السعادة تنعم ،،
و تغاضى عن من يهديك التعاسه تسلم ،،


:MonTaseR_11:

الصباح لا يكتمل الا بوجود " الفرح " بجانبك ،
صباحكم حُب ، فرح ، سعادة :نبض:

[آلنـور]

http://www.al2la.com/up/uploads/images/domain-c52eb075eb.png


نحتاج دائماً إلى تلك الرسائل السرية ،
نرسلها و نعلم انها لن تصل ، لكن تهوّن علينا الوجع ،،
و الأجمل من ذلك نسيانها مجرد ارسلها ،،

و لكن ظهورها لنا فجأة دون سابق إنذار يعيد لنا الألم ب فرحة
فرحة تجاوز ذاك الألم و الوجع وقتها ،،

الحمدلله على كل حال :نبض:

[آلنـور]

ليه الزمن ما يوقف عند لحظة نبيها
.. و ليه الوجع يتملكني لاذكرناهم
ايام عشناها و فرحنا و ضحكنا فيها
ايام لا طرت لي نحت من سواياهم
الله على الذكرى ،،،، الله عليها
و الله على ايام عشتها و اتهناهم
:نبض:

<- لحد يشره عليها ف عالم آخر خخخ



و الله ان السنين اللي راحت من اجمل سنيني ،، ودي اصيح :(
جالسه اتفرج ف الصور القديمه بين ٢٠٠٨ و ٢٠١٢ ،، والله قلبي عورني :30:
مدري وش خلاني افتح الهارديسك القديم ،، و انا اعرف اني ما اتحمل الذكرى القديمه
على ان ظروفي ف هالفتره كانت صعبه مرره و نفسيتي شينه
كنت هشّه و ما كنت بالصلابه اللي انا فيها
لكن ما انكر انها كانت اجمل ايامي ، و عارفه انها لا يمكن تعود ،،
بس مؤمنه ان الجاي جميل ،، و بعد كم سنه راح ابكي على هالايام اللي انا فيها

لو خيروني بين ايامي الحين و ارجع ورا ،، ب ارجع ورا و ابقى كم سنه هناك
بس ارجع و ارتب شوي بعض الامور

تذكرون ايام البلاك بيري ؟! .. ما كانت حلوه بالله ،، رووعه يوم نغير التوبيكات و الصور
و نغير الحاله ،، شيء فله وربي
تتوقعون لو رجعت اشتري بلاك بيري انا و مجموعه معي بتتوقعون بنستانس زي زمان
و الا ايام راحت و ما ترجع و لا ترجع حلاوتها ،،

شفت صور و شفت تصاميم عندي بكيت على ايامها <- منفسه اليوم خخ
بعدين بعرض لكم التصاميم هنا و الا اسوي انزلها ف قسم التصاميم
:بكى:

تعبت
:بكى:

<- شويتين و تروّق خخخ

[آلنـور]

ما اكتب شعر بس دايم المشاعر تستفزني و اكتب كم بيت لا يطلع عليه شعر ابدااااا :MonTaseR_94:


http://www.al2la.com/up/uploads/images/domain-2763937e12.jpg

هذي كتبتها ف اخوي يوم تزوج :blushing:
الله يرزقه و يسعده قولو آمييين :نبض:

[آلنـور]

width=510 height=180

نسيت اسأل صحيح تموت ..!!

..


الله على سالم سيّار ،، عجيب :نبض:

كنت اسوي فلاشات ،، كنت فنانه <- اعجبت بنفسها خخخ
الحين ما افكر ارجع اصمم فلاشات ،، بس ممكن ارجع للفوتوشوب ،،

[آلنـور]

،
،

صباحك خير
يَ وجه الخير

صباحك ورد
يَ أجمل ورد

صباحك نور
يَ قلب النور

:نبض:

[آلنـور]

http://www.al2la.com/up/uploads/images/domain-10e4a29bbf.jpg


هذي اللي قلبت علي المواجع امس ،،
وجه فقر لازم انكد على نفسي خخخ
استانست معها و عشت بها احلى ايامي ،،
يالله هذي الحياة
و على قناعه إن ايامي الجايه احلى بس احب اقلّب الذكريات و اعيشها ،،

بس كل يوم راح اطلع لكم شيء منه :نبض:
الا اللي ما ينعرض طبعاً :dance9bh:

يعني بسولف عليكم عن الماضي و ذكرياته ،،
صديقاتي دايم يضحكون علي اذا قلت " بسولف عليكم " :Kq600697:
تقولونها زيي و الا بس انا لحالي <- الحمدلله محد زيك خخخ

على طاري السوالف هاكم ،،،




https://www.************/watch?v=gEtVf9mydsk


سولفوا تكفون لا عاد تسكتون
قبل لا أهوجس وياتيني بلاي

السكات يزود طعوني طعون
وتنكسر لا جا على راسي عصاي

سولفوا لو ما بغيتوا اتسولفون
قبل لا اقعد في الحزن رايح وجاي

واضحكوا لو بالعماله تضحكون
وجاملوني لو يضايقكم حكاي

لي وليف راح جعله ما يهون
هو دواي وداي أو داي ودواي

راح لكن طيف زوله في العيون
مرة قدامي ومرة وراي

وإن سكتوا جا وهو طيفه يمون
رحت أهوجس له وأبين له ولاي

مكسب عيوني من الفرقا مزون
تمطر لطاريه والبرق أصدقاي

كل ما طروه لو هم يمزحون
احرموني من غداي ومن عشاي

أدري إنه ما تناسى الود كون
تسمع إذنه في قفاي اللسن عداي

وكانهم قالوا نسيته يكذبون
وإلا أنا فيه أمتلك نظرة وراي

كان حبه لي على خبري مصون
والله ان كني بقدري وبغلاي

ذي بقايا الحب وأطلال الجنون
والله أعلم في ضميره وش بقاي

غير طيعوني ولا لا تسكتون
ولا والله إن أسمعكم بكاي


" ابن فطيس " <- مجرم هالانسان :30:

[آلنـور]

http://www.al2la.com/up/uploads/images/domain-a2d96566e5.jpg
Friday, March 11, 2011 at 6:31 PM



من المحادثات الهبله بيني و بين اختي خخخ
كنا نتكلم عن الجو الحلو و البرد ،،
و نتحسر عن الاجواء حولنا و احنا قاعدين ف البيت خخ
على فكره اللي بتصير عصفور انا و هي صادتني خخ :v:


ايام جميله :نبض:
#بلاكبيري ،،

[آلنـور]

http://www.al2la.com/up/uploads/images/domain-bcc76efacb.jpg

[آلنـور]

صباح
الروايات السعيدة

صباح
الطفله الفريدة

صباح
الامآل الجديدة

صباح جميل بشوفتك يَ " عزيزة "


حيا الله بنتي العزيزة
:نبض:


و صباحك خير

[آلنـور]

ادور لضيقي من فجوج الفيافي فج ،،
اداوي معه عله من الضيق مخراجي







https://www.************/watch?v=P6ho5Fwr4pU

[آلنـور]

ابدأ يومك بـ إبتسامه " فرح "
و تذكر إن السعادة لا تأتي من فراغ ،،

فقط اصنعها لنفسك و استمتع ،،

صباحكم ، سعادة :نبض:

[آلنـور]

اذا كم شخص يصرحون لك
ان ضحكتك سعاده
ابتسامتك تجيب التفاؤل ..

هالكلمتين " ترد الروح "
حتى لو هموم الدنيا فوق راسك ،،

انا انسانه متفائله رغم كل شيء ،،
صادقه بكل شيء
و كل ما كنت صادق مع نفسك
يبان على ظاهرك

صح اجامل ، بس مو على حساب نفسي ،،
مو على حساب راحتي


لكن هُناك الجانب السيء ،،
على قول " الزين ما يكمل " <- ي شيخه خخ














بس خلاص شكلي بخربها خخخ
:فطسه:

[آلنـور]

http://www.al2la.com/up/uploads/images/domain-6ba4a50771.jpg








http://www.alsh3r.com/cdn/media/poems/46001.mp3

سالم سيّار

[آلنـور]

نحيا من جديد ، و نبني الذكريات من جديد ،،

صبح جديد ، امل جديد ، احساس جديد

كل شيء ف حياتنا لازم نجدده :نبض:

صباحكم روح جديده خاليه من الاحزان

صباحكم قلب ينبض ب السعادة

اقتدوا به :سكر: :نبض:

[آلنـور]

http://www.al2la.com/up/uploads/images/domain-64b95d51f2.png

ياخي تحسسوني بمدري وشو خخ <- خليك ف حالك خخ
هلا بصديقي الثاني خخخ

صرحو لي ، علموني انكم بتجون :MonTaseR_196: <- خخ
علموني اقهويكم
ما علينا سامحتكم هالمره :blushing:

،،

معليش ع الفصله ،، ادري انهم يتصفحون المنتدى و سجلو ف المنتدى و هم في ملفي ،،
عشان كذا يطلع اني دعيت احد ،،
يرفهون عني شوي خخ

[آلنـور]

لا أخاف الموت ي أُمي
اخاف أن أفقدك و أتوه بعدك

اخاف وجعاً
اخاف ألماً
اخاف هماً

من بعدك

[آلنـور]

فيه تحدي بيني و بين نفسي ،،
لو نجحت فيه علمتكم ، و لو فشلت علمتكم خخ

<- طيب تكلمي من البدايه ،،


خلوني مركزه :MonTaseR_115:

[آلنـور]

عزيزه : عجلي علينا بالتحدي

:outhg!:

اصبري لا تخربين تركيزي

<- :65:

[آلنـور]

http://www.al2la.com/up/uploads/images/domain-c89743258b.png

http://www.al2la.com/up/uploads/images/domain-680c5b4a29.jpg


:28:

للاسف محاولاتي كلها فاشله
جوالي الايفون فور كسرته بنتي كسر عنييييف ،،
و فيه صور كنت ناويه انزلها ف موضوع خاص ،،
عن اجمل رحله ف حياتي ،،

رحلتي الى الجمال ،،

رحلتي الى الله ،،

الى اجمل بقاع الارض ،،

كانت اجمل ايامي

تقريباً مدتها اسبوع

اسبوع عن سنين عمري كلها



بشوف اذا عندي شوي صور و احكيكم عنها

[آلنـور]

يالله تعالوا معي اتذكر اجمل ايامي ،، اطهرها و اشرفها ،،
دعيت ربي ، توسلت له ، تذللت له ،،


رحلة الحج عام ١٤٣٥ :نبض:




http://www.al2la.com/up/uploads/images/domain-d4b534c30e.png

مُسَافِرُونَ إِلَى اللهِ نَبْتَغِي أَجْرًا عَظِيمًا، فَضْلًا كَبِيرًا، يَارَبِّ سَهْل :نبض:




*صحينا فجر الثامن ذي الحجه ،، كان فيه ارتباك ،، فرحه ،، شوي خوف ،،
من الربكه ما ودك احد يكلمك ،،، كنت ادعي من كل قلبي الله يتممها لي ،،

كانت هذي السنه اول سنه مرضت فيها ،، لذا السبب كنت خايفه اني ما اقدر اكمل
بس الحمدلله ،، شكرته الف مره بكيته اني حجيت بسلام ،، صح اني كنت ادوخ عليهم :x30: بس ربي هونها



،


http://www.al2la.com/up/uploads/images/domain-e1c40a827c.png

نتكبد مشقة الحج ابتغاء مرضاة الله ، و هم من اجلنا لهم العناء و المشقه و الأجر بإذن الله :نبض:





* كان اكثر شيء يرقق قلبي منظر عمال النظافه ،،
يعني احنا بالنسبه لهم مرتاحين ،،
جايين و تاركين اهاليهم و عيالهم عشان يخدمون ضيوف الله ،،
الله يكتب اجرهم :نبض:


،


http://www.al2la.com/up/uploads/images/domain-4e7cc54378.png

* فطورنا يوم عرفه ،،
كان من اصعب الايام علي ،، من قو الحر كنت ما اقدر اوقف على رجولي ،، لان الحر يأثر علي ،،
و كان جداً صعب صعب ،، كنت اكابر و ادعي بكل قوتي ،، مابي يروح علي اليوم بدون ما ادعي ،،
دعوات كثيره دعيتها ما نسيت منها شيء ،،
و من الاشياء اللي طلبتها و تحققت ،، ان ربي يقويني ،، يزدني صلابه و راحه بنفس الوقت
و عطاني ربي اللي تمنيته ،،
و غيره كثييير كثيرر

فيه موقف حلو في يوم عرفه ارسلت لي وحده من زميلاتي كاتبه في الرساله
" ادعي لأختي تتزوج و خلي امك و خواتك يدعون لها "

و البنت الحين متزوجه و حامل :نبض:

و ربي فتح لي ابواب ما كنت اتخيل انها بتنفتح لي

ذاك اليوم من قو الحر ،، اخوي كان يجيب لنا ايسكريم ،، بس الايسكريم يجينا و نشربه خخخ


،


http://www.al2la.com/up/uploads/images/domain-8eca7bc3b2.png

اللهم ارحم موتانا و موتى المسلمين ، اللهم اشفي مرضانا و مرضى المسلمين ، اللهم متعنا بالصحه و العافية يا ارحم الراحمين // الحمدلله بردنا ربي بالمطر :نبض:




* يالله ،، يالله ،، ما احلاها من ايام :نبض:
هذا كان يوم العيد ،، يا كبر فرحتنا ذاك اليوم :نبض:
متخيلين يوم فضيل و مطر ،، قد ايش ربي يحبنا ،،
<- شوي و تصيح خخخ


،

http://www.al2la.com/up/uploads/images/domain-9d7213e6cf.png


سبحانك ربي ما ارحمك ، ما شكرناك حق شكرك و ما عبدناك حق عبادتك ، الحمدلله الحمدلله الحمدلله حتى ترضى و الحمدلله بعد الرضى ، الحمدلله اللي كتب لنا الحج هالسنه :نبض:


طواف الوداع ،،، كان من اسهل ما يكون ،،
على كثر الحكاوي اللي اسمعها ،، و كيف صعب و كيف زحمه ،، كان جداً خفيف
اخر شي من الفرحه صورنا سلفي :x30: انا و خواتي و اخواني ،، الصوره تجيب السعاده
بس للاسف راحت مع الجوال اللي مات :(

اللي يتفرج فينا ذاك اليوم ،، يقول ذولا مجانين خخخ ،،
فرحتنا وحده ،، بنطير من الفرحه ،،

الله يكتب لكم الحج ،، و يكتبها لي مرره ثانيه ،، ابي اعيش نفس الاحساس و الراحه
سبحان الله كل هم كان كبير عندي ،، صار و لا شيء ،، :نبض:


* الصور من الانستقرام ،، اللي قد شاف الصور ،، بيعرفني هناك :smoke1:
و هذا اللي لقيته :( ،،

[آلنـور]

صباحكم رايق ، مثل روقاني و اكثر ،،
صباحكم حُب ، مثل حبي لأمي و اكثر ،،
صباحكم روعه ، مثل روعة وجودي و اكثر ،،
صباحكم جمال ، مثل جمال ارواحكم و اكثر ،،



الا جنوني ما اصبحكم فيه :MonTaseR_49:
ودي ارقص ف هالصبح :MonTaseR_171:


https://www.************/watch?v=rjUl0lbeKqk


شغلتها بجوالي لان الصوت اعلى <- ي جوك ي شيخه :112:

[آلنـور]

صباحكم ضحكة بنات صغار :نبض:


احلى شي منظر البنات الصغار و هم داخلين المدرسه ،،
و الاحلى لما وحده تشوف صديقتها عند الباب ،، ملامح الفرح ف وجوهم عجيبه
كنها من زمان ما شافتها ،، ي حلوهم :نبض:

ما اضحك من قلب الا على سوالف بنتي
اضحك على اسلوبها و تفكيرها ،،

قبل شوي و احنا رايحين المدرسه شافت بسه
و تجلس تقول ميااو مياااو و شكلها البسه التفت عليها ،،

شوي الا تضحك و تقول خدعتها خخخ
يعني هي سوت نفسها بسه و خدعت البسه خخ

تجنن :نبض:

[آلنـور]

صارت خطيرة ، (http://www.al2la.com/vb/t66947.html)

:نبض:

[آلنـور]

مساكم سعاده و رضا ،

عندي وحده من زميلاتي ، احب اسولف معها ،،
يشدني دايم تفكيرها و اصرارها ، و احب اكون مثلها ،،
و كلهم ف الدوام عارفين هالانسانه شهادتي فيها مجروحه ،،

انسانه و الله عجيبه ،،

اول مره شفتها قبل يمكن اربع سنوات يمكن او خمس ،،
تقابلنا ف اجتماع و اعجبت فيها و ف تفكيرها و طريقة كلامها ،،

دارت الايام و اتقابلنا في مكان واحد ، تقربت منها و تعرفت عليها اكثر
و اعجبني انها ارتاحت لي و صارت تسولف لي عن اشياء ما تقولها لأحد ،،

مرت بظروف عجيبه ، و تعلمت منها كيف قدرة الله فوق كل شي
لو اراد لك الله شيء محد يرده ، محد يوقف بطريقك ،،

اليوم كان موضوعنا عن التطبيقات ف الجوال : سناب شات ، انستقرام و فيسبوك و غيره
قلت لها ليه ما عندك من هالبرامج ؟ قالت انها ما تحبها و تشوفها مضيعه للوقت ،،
و انها تحب تتقابل مع الناس وجه لوجه ، مو بهالبرامج ،، و ان بنتها نفس الشيء
قالت لها هي تشوفك و تبي تصير زيك <- اذا انا ودي اصير زيها كيف بنتها ،،
و ان هذي البرامج دخلت في خصوصيات الناس بشكل كبير ،،

و قلت لها اني عادي عندي هالبرامج ،، بس ما يمنع نتواصل مع الناس اللي نحبهم عن طريقها
و ان انا عندي خواتي و اخواني و خالاتي و بناتهم و صديقاتي <- ما خليتي احد خخخ

و ف الانستقرام احب اتابع مصورين و مصورات ، اشوف جديدهم و اتعلم منهم ،،
و اهلي بس ،،
و ما انشر الا اللي ابي الناس يشوفونه ، زي هنا انزل صور انا ابيكم تشوفونها
بس حاجه مابي احد يشوفها و لا يدري عنها ما انزلها ،،


المهم ارجع لصديقتي اللي اعزها و احترمها ،،
تكيت قدامها <- حطت يدينها تحت دقنها خخ
و قلت طيب علميني وقت فراغك وش تسويين
قالت لي شوي الا اشياء ما رضت تقولها لان فيه بنات جالسين معنا ،،
و اتوقع انها بتقولي لو كنا لحالنا ،،


على فكره احب الاحساس ، اللي احد يثق فيني و يقولي اشياء خاصه عنه
حتى لو ما سألت ،، احس وجهي يقول فضفضو لي خخخ

و انا ما ارتاح الا الين اسولف هنا :نبض:
خلاص اسكت لاني احس بديت اخبص :23:

[آلنـور]

اؤمن بتوارد الخواطر :نبض:

http://www.al2la.com/up/uploads/images/domain-4534380897.jpg

هذي الرساله من البنت اللي حكيتكم عنها ،،
بعد ما كتبت عنها هالكلام فتحت جوالي و لقيت منها هالرساله

:نبض:

[آلنـور]

لما اكون فاضيه رايقه تطري على بالي اشياء ،،
اجلس احوس بقوقل و ادورها الين القاها ،،

جا ببالي مدونه سويتها لي ، كنت ابي اصير بلوقر بس ما ناسبني الوضع ،،
بوريكم اياها ، و بحط لكم افضل شي قريته فيها
ياخي احبني مدري ليه خخخ :x30:



https://alnoorsa.wordpress.com/


كان لي ماضي سعيد ..


كان ياما كان .. في قديم الزمان ..

ذاك الزمان القديم .. كانت الحكايات أجمل ..

كان الفرح .. ذا مذاق خاص .. كـ فرحة طفله بقطعة حلوى ..

كانت الاوقات السعيده ابطأ .. أمتع ..

ك ن ت , ك ا ن

تكرار الكاف .. كفيل بأن يُنسينا حسرتنا ..

و النون : نهايه صامته للزمان القديم ..

Sep
21


:نبض:

[آلنـور]

https://www.************/watch?v=zbwQ451cYMk

:نبض:

[آلنـور]

الصباح اجمل بأن نفكر في المجهول ،،

عيش حياتك راضي ، يزيدك الله رضى

:نبض:

[آلنـور]

وحده من بنات خواتي تقريباً عمرها سنتين و نص ،،
العام يوم جو عندنا البنت مررره جامده ،، ما عندها حركات البنات الصغار ،،
مهما احاول معها تطالع فيني باستغراب كنها تشره علي خخخ
عاد انا ما يناسبني كذا احب شقاوة البنات الصغار ،،
<- يوم تشوفهم تنقلب شخص ثاني
اصير لهم اراقوز خخخ

المهم عشاني احب ارقصهم ، وحده من البنيات تمشي على جوي اللي بنت اختي الثانيه
و الثانيه جامده معي <- ما يناسبها كذا خخخ
قلت ي انا يا انتي خخخ ،، و بكل الطرق احاول ارقصها البنت ماش جامده
و لو تحركت ،، كنها رجل آلي ،، و انا وياها الين ضبطت الرقصه خخخخ
الحين امها ترسل لنا مقطع كل البزارين اللي عندهم جالسين الا هي تناقز خخخ
ما سويت فيها خير خخخ
بس عليها رقصه عجيبه ،، تناقز على جنب خخ
ي حبي لها


:نبض:


و بنتها الثانيه اللي هي اخت الرقاصه خخ
يا ربي فيها ثقل و نظرة عين تقتل ،،
دايم اقولها بنتك هذي شاعره ،،
تقولي امها ليه ،، اقولها مدري بس وجهها يقول كذا

:نبض:

[آلنـور]

،

في كل يوم يزداد كرهك لي ،
و يزداد تعلقي ب الماضي الجميل :نبض:
لا ارتجي السعادة معك
لكنك ارتجي سعادتك ،،

[آلنـور]

http://www.al2la.com/up/uploads/images/domain-8b9b4dee90.gif

هديتي من هاله صباح
يسعد قلبك يَ جميله :نبض:

[آلنـور]

صباح الذكريات الجميله ، التي لا توجع ،،
:نبض:



صباحكم أمل
بأن القادم أجمل ، افضل ، انقى ،،
:نبض:






موضوع مآنسينآ ولو تنآسينآ ..! (http://www.al2la.com/vb/t66711-3.html#post1028348)
ذكرني ب اغنيه محمد عبدة ،، " ما نسينا الود لو حنا بعيد "

:نبض:




قولوا لأهل ذيك المرابع والدِّيار
مانسينا الودِّ لو حنَّـا بعيـد

ليلنا الذكرى وإذا حلَّ النَّهـار
نقلب الصفحه ونبدأ من جديد

الهوى في القلب باني له عَمـار
مايهدَّه عاذِل الحُـب العَنيـد

نِعشق التَّلويع من لون السَّمار
وإن تغيَّر موعِده وأصبح وعيد

بدرِ ليل الصَّيف بيَّن وإستـدار
وليلِ نجدٍ بالحـلاوه يستزيـد

:نبض:

[آلنـور]

نمت بعد الظهر <- مصبّحه خخ
صحاني ريحة الاكل خخ .. قلت اكيد اهلي مسووين غدا يهبل ،،
امي الله يخليها لي طباخه .. و محد فينا طالع عليها :MonTaseR_49:
و الله ياني تخيلت مع الريحه شيء جوعني زيادة ..

اول ما دخلت المطبخ و افتّح القدور ،، <- انصدمت :ai:
لقيتهم مسويين مرق و رز .. الله يديم النعمه اكثر شي اكرهه المرق :x37:
رحت سويت لي ساندوتش و بلعته بالعافيه علي <- طيب اطبخي خخ

المهم بقولكم سالفه من سوالف بنتي اللي تضحك..
و انا توني صاحيه اتثاوب و لا حطيت يدي على فمي ،،
جتني تركض و تحط يدها ،،
قالت ي ماما عشان ما يدخل الشيطان :MonTaseR_115: ،، قلت خليه يدخل <- بدا المعاند خخ
قالت عشان كذا تهاوشيني يدخل الشيطان يوسوس لك خخخ


ضحكتني
:MonTaseR_215:

[آلنـور]

صباحكم دعوة طفلة صغيرة
تدعي لنفسها بالخير ،،

:نبض:

[آلنـور]

http://www.al2la.com/up/uploads/images/domain-1be022f82a.jpg

من احب و اقرب تصاميمي لي :نبض:
و ف جوالي دايم ، و اذا غيرت الجوال اخذه معي :x38:

دقته خربت من كثر من انقله من جوال لجوال :14:
كان اوضح من كذا و اجمل من كذا
:نبض:

[آلنـور]

https://www.************/watch?v=x-cX0EySBDM

من يبادلك المحبه ، للمفارق لا تلزه ،،

[آلنـور]

http://www.al2la.com/up/uploads/images/domain-eb5887e5d9.png

شايفين جمال التصميم ،، حطيته خلفيه للجوال و طلع جداً جميل <- تمدح نفسها :x30:
من زمان ما صممت شي ارضى عنه نوعاً ما ،، الصوره حبيتها مرره و جلست افكر فيها
سمعت اغنية " مافيه احد " ،، طرت علي الفكره على طول ،، و ف الدوام جالسه اتمسك بالفكره بخيالي
الين ارجع البيت ،، رجعت البيت على طول طبقتها و انبسطت فيهاااا
الفوتوشوب حاجه عجيبه ،، غير انه برنامج بطل ،، يسمع كلامك و فضفضتك :نبض:
ارتحت راحه عجيبه بعد ما خلصت التصميم <- بتتشقق من الفرحه خخخ

[آلنـور]

صباح ضحكة البنت الصغيرة ،،
تسولف لصديقتها الطويلة ،،
عن ذيك القصة الحلوة الجميلة ،،
ف اخر الطابور ،،
و شافتهم ابله جميلة
انهرتهم و سكتو
و همست غادة
تكمل القصة
:نبض:

<- لحد يشره خخخ

،،



منظر البنات في الطوابير يهبل ، تمنيت ارجع في الابتدائي
و اغني " سارعي للمجد و العليا "
و اشترك ف الاذاعه الصباحيه و اقول " هل تعلم "

تدرون ان لسى يسوون هالاشياء ،، <- واقفه و تتفرج ف المنظر
كنت انتظر الابله تعطيني اوراق قالت انتظري الين يطلعون البنات لفصولهم ،
قلت ماعندي مشكله انتظرك :Dl3:

الشيء اللي يضحكني دايم ، كل ما يشوفوني ف المدرسه يحسبوني جايه عشان اختي الصغيرة
و انا زي الهبله اصحح لهم و اقول بنتي خخخ

ي حلوهم بس ،،

[آلنـور]

:MonTaseR_195:

مافيني سوالف ،، بس جيت اكنس المدونه خخخ

[آلنـور]

صباحكم بعيد عن الاوجاع ، بعيد عن كل ما يكدر خواطركم ،،
و الله ي ان بعض الناس ودي اشيل اللي فيهم و احطه فيني ،،
لا قام يقول التفاصيل اللي تصير معه ، ما اقدر ارد ،، لاني اعرف لو تكلمت ببكي
و ما هو وقت دموع و بكا ، راحت سنين طويله و لازم نتحمل اللي صار
راحت اكثر من ١٥ سنه و ما سوينا شيء الحين نبكي ..!!

اللي حز ف خاطري يوم قال هذا ابتلاء ،، على ايش ربي يبتلي طفل
يمكن ابتلاء لأهله ،،

بس انا اللي جلست اردده ف نفسي ،،
ان هذا مو ابتلاء اكثر منه منع الله عنك شي ممكن يكون يضرك
رددتها بنفسي و مابغيت ابكي
الله لا يجعلني افقدهم

مدري احسني دخلتكم ف جو حزين على هالصبح ،،
معليش بكره اجيب لكم سوالف زانه <- تذكرت مقطع ضحكت عليه من قلبي خخخ


احكيكم حكايه حلوه بعد هالحزن ،،
امس انا و وحده من البنات نسولف ، هي جديده معنا بس حضرت انا وياها اجتماع
و جلسنا نتكلم مين هذي و مين هذي ،،
و كل ما جابت لي اسم وحده اعرفها قلت هذي " احبها " هذي " اعشقها "
قالت انتي ما خليتي احد الا حبيتيه خخخ
قلت وش اسوي اذا احب كل الناس خخخ
و انا عارفه ان اللي احبهم يحبوني
يالله ما عندي الا هالسالفه ،،

استرو ما واجهتم
http://www.al2la.com/up/uploads/images/domain-5829f6ac90.gif

[آلنـور]

ودي اسولف بس بنفس الوقت ما ودي ،،
بسألكم القلب يمين و الا يسار خخخخ ،، اعرف انه يسار بس ليه يعورني من اليمين ؟!
و احس تنفسي يعورني :x142: <- الو اسعاف تعالو اخذوها خخخخ


مافيني الا العافيه :نبض:

بس اسمعو معي ،، " معبره "

https://www.************/watch?v=Hdlay2m1734

[آلنـور]

صباحكم رضا بما كتب الله لنا ،،
صباحكم امل ان القادم اجمل ،،


امس كان فيه جلسة مصارحة بيني و بين " غدو "
بنتي مرررره كتومه ،، بشكل ما تتخيلونه ، و ممكن انها تكذب و لا تصرح عن اللي بنفسها
و هالشيء يقلقني ، دايم احاول اقولها وش يصير معي في الدوام
عشان هي تحكيني عن اللي يصير لها ف المدرسه ، تحكيني اي شيء بنفسها ،،

بس امس قالت ماما بقولك شي بس لا تزعلين ،،
المهم تجلس تقول اللي ف نفسها و ف عينها دمعة ،
تكلمنا و ضحنا لبعض بعض الامور اللي ما تنقال هنا :v:
بس اللي حزني و خفت اموت و اخليها ،، كل ما مدحتها و بينت لها غلاها عندي
تبكي و تقول يا ماما خلاص لا تقولين كذا
اعرف ان الله رحوم فيها اكثر مني و من اي شخص ،
بس الفراق صعب فما بالك بالموت ،
الفراق ممكن تشوف الشخص بعد فتره حتى لو كانت طويله ممكن تعرف اخباره
لكن الموت ، ما تشوفه خلاص
مدري شفيني صرت اطري الموت كثير بيني و بين نفسي
اقولكم شي يضحك ،، امس قبل لا انام تشهدت
كنت مره مجهده و تعبانه ، صار اي مجهود يتعبني
و لما جيت انام حسيت بتعب اليوم كله ،،
ترا انا ما احب اقول لأحد اني تعبانه ، دايم قدامهم انا القويه اللي ما يهدني شيء خخخ
بس اعرف ان اهلي عارفين اني دجه خخ
دايم الشخص يحب يبين قوته و يخفي ضعفه شيء طبيعي
و هنا احب اتكلم ،، لاني اعرف بيجي يوم ينحذف كل شيء
و يمكن عشان ما احد يعرفني معرفه شخصيه ماخده راحتي

شطحت صح !!
كنت اتكلم ف بنتي و فضفضتها لي خخ و فجأه صرت اخبص

المهم ما علينا ،، الحياة حلوه و لازم نعيشها بالطول و بالعرض
لكن بشيء معقول و شيء يرضي الله :نبض:

تذكرت سالفه خخخخخخ
المهم بعدين احكيكم لو جات فرصه


<- احسها جالسه بين احفادها و تسولف عليهم خخخ

[آلنـور]

http://store2.up-00.com/2016-02/145465091777521.jpg


صباحكم راحة بعيد عن القلق اللي انا فيه ،،
بكره عند " غدو " اختبار موهبه ،، و الله ي اني شايله هم اكثر منها
ادعو لها :نبض:
مدة الاختبار ٣ ساعات و نص ،، و اقول ياربي كيف بتجلس بمكانها ثلاث ساعات خخخ
غير انه طريقة الاختبار جديدة عليها ،، و كل ما ندربها عليه تقول اعرف اعرف ،، <- كل شي تعرفه خخ
المدرسه دربتهم بس ادربها للتأكيد
يقولون انه نفس طريقه اختبار القياس ،، و انا ما عمري اختبرت قياس ،،:ai:
يارب سهلها ،،
متحمسه اشوف النتيجه من اليوم <- طيب ما اختبرت خخ

نتيجة الاختبار تحدد ايش تاخذ و وين يحطونها ،،
من النتايج انهم يسرعون لها مرحله ،، يعني تدرس رابع و على طول تنتقل سادس ،، و هي الحين ثالث
و هذا اللي ودي فيه ،، لان مشاءالله اطفال هالزمن يستوعبون بسرعه
و يحسون اللي يدرسون الحين تافه بالنسبه لعقليتهم ،،
و من ناحيه ثانيه تتخرج و هي صغيره و تنفتح لها مجالات اكبر ف الحياة
و الجزء الاهم اني انا ارتاح خخخخ

الله يعدي بكره على خير <- قلبي يدق بقوه خخخ

[آلنـور]

ودي انام و مافيني نوم ، و ودي اسوي شيء و مدري وشو ،،
كل الاشياء اللي تقلقني تجمعت علي ، كل الاشياء اللي اخاف منها لازم اواجهها ،،
اكره شعور القلق و الخوف ،، كل صبح رايقه الا هالصباح ،، اعوذ بالله من الشيطان
:(

[آلنـور]

يوم عن يوم اتعجب من قدرة الله ف انفسنا و حياتنا ، كيف يسيرها و احنا نشوف
كيف دعواتنا لأنفسنا في ساعة فضيله ، لها اثر كبير على حياتنا ،

الحمدلله على كل شيء
:نبض:

[آلنـور]

الحمدلله دائماً و ابداً ،،
اليوم اختبرت " غدو " ،، حبيبتي خضها بطنها ع الصبح ،،
بس الحمدلله تقول الاختبار سهل ،
و متحمسه لنتيجة الاختبار
:نبض:

[آلنـور]

جميلة هي الحياة ، و الاجمل أن تعرف موقعك فيها جيداً ،،
لا تتوقع منهم ان يبادلونك نفس الشعور ،، و لا تتوقع اهتمام مالم تقدمه لغيرك ،،
لم تحفظ روحي كما حفظت روحك و لم ابوح ،،
لم ابوح ب اي تفاصيل ،، سواءً كانت مفرحة ام سيئه ،،
حفظتك و لم تحفظني ،، في اي فرصه تسنح لك ،، تخبرهم ..!!
تجرحني و لم اجرحك في نفسك و في ذاتك ،،
نعتني بأسوء العبارات ،، التي اخجل من قولها لك ،،
انت من بدأ بالهجران ، و انت من بدأ بالنكران
و لم ارى منك ما يدفعني إليك كما ف السابق ،،
لم ارى منك ما يرقق قلبي لك ،،
فقدان الثقه يهدم كل شيء
هدم ما بنيته لو كان حلمٌ او خيال
لكن حق لك ان تعلم ،،
اني سامحت
لا احمل لك الضغينة و الكره
فقط اخافك ،،
سامحت ،
لاني اخاف على نفسي و اخاف عليك
اخاف ان نكون عقوبه لبعضنا ف يوم لا ينفعنا الا اعمالنا
اعلم انني لا انتظر منك شيئاً




رساله ابعثها ، سواء وصلت ام لم تصل ،،

[آلنـور]

يجيني احساس احياناً
مابي اسأل عن احد و لا ابي احد يسأل عني :ai:
ليه مدري خخ

[آلنـور]

اهلاً smart love ،

نورت و لو ان كلامك ما عجبني ،،
اذا فيه ناس تتضايق منهم بالمقابل فيه ناس تتمنى وجودك حتى لو بين فتره و فتره ،،
فقدنا تواجدك و ابداعك و اعمالك الحلوه ،،
احنا هنا بس نستفيد من بعض و نتغاضى عن اللي يضايقنا او يزعجنا ،
هالمنتدى ما هو الا متنفس لنا من ضغوط حياتنا ،،
بعدين من قالك وجودك زي عدمه !! ،، شيل هالافكار من راسك
صدقني ما في احد قدم للمنتدى شيء رائع و صار وجوده زي عدمه
وفيه شي ف المنتدى اسمه قائمه التجاهل ،، اللي ما تبي تشوفه حطه فيها :x37:


بقولك شي ،،
الحين سو لك قائمه بالناس اللي تبيهم هنا و الناس اللي ما تبيهم ،، وشوف مين اكثر ،،
و الاكثر يحدد لك الرجوع او لا ،، <- ي خوفي اللي ما تبيهم اكثر خخ

ع العموم ، كلام بصدري و التقييم ما يكفي اكتبه لك ،،
الله يستر عليك و يسعدك وين ما كنت ،،

[آلنـور]

احيان من كثر الخمول لازم اسمع شيء زي كذا خخخ




https://www.************/watch?v=jDVa4FbC9QU

ي وجدي و بري حالي ،،

[آلنـور]

سرى ليلي اهوجس ..!!


https://www.************/watch?v=KViMnZGaD4o

الحب غبه ورى غبه ورى غبه
فقدت فيها ثلاث ارباع تفكيري ..!

[آلنـور]

:MonTaseR_115:


لما انهلك ف الدوام ،، نظام جديد و اني امسك مكان غيري
غير اني اتقمص دور المهندس و المطور و الاستاذ و كل شيء
اشرح لهذي و اصلح جهاز هذي ،،
ارجع البيت مهلوكه و اطيح ف فراشي بدون وعي و احس ان راسي ينتفخ و يرجع ينفش
و احس اني نايمه على غيمه و ماني حاسه بجمسي و فوق كذا احلام مدري وش تبي خخخ

و الصدمه اني اقوم من النوم و انا ميته جووع و ادور شي اكله و ما القى <- تاخذ وضعية حياة الفهد خخ
مالي الا hellofood .. طلبت منه و انتظر اكلي :298:
و اخترت اسرع مطعم يوصل طلبات خخخ عشان شوي و اتوحش :13:


<- للحين فيها تناحه :بكى:

:crying:

[آلنـور]

صباحكم ناس تحطها ع الجرح يبرى ،،
صباحكم ناس تحبك بصدق و تخاف عليك ،،
صباحكم ناس ما تقدر تستغنى عنهم و لا يقدرون يستغنون عنك ،،

يَ ربي لو اعد اللي احبهم ما راح اخلص خخخ ،، وش اسوي اذا قلبي خَضر و ما يكره خخ
و هذا الشيء اللي يخليني اروّق لو تضايقت من شيء ، ليه ازعل و في ناس بهالدنيا
ربي رزقني فيهم عشان انا احس اني لسى بخير

اول هالناس طبعاً امي و خواتي ابوي و اخواني :نبض:
خالاتي اعشقهم عشق مو طبيعي ،، :نبض:
صديقاتي : ملكه ، نوره ، مشاعل :نبض:
و غيرهم كثير عرفتني فيهم الحياة
بس ذولا احس هم انا و انا هم ،، طبعهم من طبعي و لا انكر عليهم شيء


هذا انا لا تكدرت تذكرت اللي احبهم ، و اقول اذا ربي اخذ مني شيء ذولا باقين لي
الله لا يحرمني حسهم و شوفتهم :نبض:


https://www.************/watch?v=t6zV68k3lt0

[آلنـور]

http://store1.up-00.com/2016-02/145516526496311.png


صباحكم فضفضة تالي الليل ،، يجي هالصبح يمحيها ،،
انا ما عندي الا النوت افضفض له خخخ
الحمدلله اللذي يحيينا من جديد بدون ضيقٍ و لا كدر ،،

تعلمت من الايام الماضيه ان الاحداث السيئه يوم عن يوم تزول و تختفي ،،
لكن الاهم لا نهول الامور وقتها حتى لا تصبح ندبه بداخلنا ،،

ي رب بكثر ما انا مرتاحه و معلقه قلبي بالله
تريّح كل شخص مر من هنا ، كل شخص مر بحياتي ، كل شخص يذكرني بخير او شر
تريّحهم من هموم و ان كبرت ،، مصيرها تصغر ،،

الله يريح قلوبكم ،،:نبض:

[آلنـور]

من كثر ما انا تعبانه لو داسو لي على طرف بكيت ،،
لحد يكلمني لاني بحط حرتي فيه ،،

اليوم تعبنا كلنا ف الدوام ، و انا لا زاد عندي الحماس اتجنن و لا اجلس بمكان واحد ،،
لدرجه في عميله جات تقول لوحده من البنات هذي وين مكتبها بالضبط كل شوي اشوفها بمكان
قلت كان قلتي لها هذي جنية الفرع عشان تهج خخخ
من مكتب لمكتب احزن على هذي و أساعدها ارجع للثانيه و احزن عليها و أساعدها
و انا محد يحزن علي :(

لكن احتسبت يومي هذا لوجه الله ، و كل ما ابتغينا الأجر من العمل اللي نسويه يرضينا ربي

و متوجهين الى الطائف :نبض:
الله يسهل دربنا و نوصل بالسلامه

[آلنـور]

يٓ صباح البرد و الجو العليل ،،
يٓ صباح عيوني اللي ما تشوف غيرك :نبض:


الاجواء الجميلة و البرد يلطف المزاج
صبح الطائف غير ، و صبحي بوجودهم غير
يالله لا تخليني منهم :نبض:

[آلنـور]

احداث تصير تخلي حروفك شحيحه ،
تحاول تكتب ما تقدر
تحاول تعبر تخونك الحروف ،،

نلتزم الصمت
و لا يكف القلب عن الدعاء


الله يشفيها و يخليها لنا

[آلنـور]

http://store1.up-00.com/2016-02/145535894060111.png

[آلنـور]

:m9:


هاه زان الوضع و الا للحين تتغلى ي مسك الغلا ،،

[آلنـور]

ينفتح لي من الذكرى باب ،،
و الباب ورآه كثيييرة أبواب ،،

باب : اضحك معه ،،

باب : ابكي معه ،،

باب : افرح معه ،،

باب : احزن معه ،،

باب : اعاتبه ،،

باب : أزعل عليه ،،

باب : أراضيه ،،

باب : اشكي عليه ،،

باب : يشكي مني عليه ،،


و كل ما ينقفل باب ، ينفتح لي ورآه باب ،،
و يضيع عمري و انا ادور باب اهرب معه ،،


.....


هالمره تركت النوت و جيت هنا ،، ان شاءالله ما يخذلني المنتدى و ما يسمع لي :g:

[آلنـور]

http://d.top4top.net/p_43r3p41.gif

هاله ،، احد قالك قبل انك من اللطافه تخجلين الواحد ،،
يسعد لي قلبك و روحك الحلوه ،،
صار توقيعي احلى
:نبض:

[آلنـور]

صباحكم جميل ،
و ارواحكم عن الحزن تميل ،،


دايم اثق ب رأي الاطفال ،،
صادقين ،، و العيون اللي يشوفونك فيها صادقه
امس غدو قالت رايها فيني ،، و انا ادري ان رايها دايم على حسب الحاله اللي هي فيها خخخ

قالت ي ماما ، انتي عصبيه بس حنونه و ذكيه ،،

يعجبني تقول رايها فيني ،،
و ما يعجبني اهملها ،، على اني اهملها كثير و اعصب منها ،،
مفروض انها كل ما تكبر انا اقرب منها ،،
الله يصلحها و يبعد عنها كل شر ،،

و دايم دعوتي لها " الله يجعلها قانعه باللي يكتبه ربي لها ، و لا يعاقبها بذنوبي "

[آلنـور]

انتهى الكلام ،،
و لازال الكبرياء يفتك بك ،،
يطوّح بك يمنةً و يسرى ،،
الا تعلم ان الله خلقنا و كتب لنا اقدارنا ،،
الا تعلم ان عند الله تجتمع الخصوم ،،
و لا اريدك ان تكون خصماً لي ،،
يكفيني من الذنوب
ما سيفتك بي ،،
ما سأتعذب من اجله ،،
لكن املي بالله كبير
بأن يرحمني

و اكون ممن يقول لهم
" ادْخُلُوهَا بِسَلامٍ ذَلِكَ يَوْمُ الْخُلُودِ "


:نبض:

[آلنـور]

اوقات من كثر ماني منفسه ،،
احط جوالي ع الصامت و ما ارد ع اللي يدقون ،، احس اني اتضايق لو رديت :MonTaseR_127:
و احطني بعد ع الصامت ،، :MonTaseR_159:
و ما اقدر اسوي اي مجهود بدني او ذهني

ابي اختفي فتره من الزمن و ارجع :MonTaseR_25:

[آلنـور]

http://a.top4top.net/p_47fxld1.jpg

" بعيداً عن صخب أحزاني "




من تصاميمي القديمه اللي احبها حيييل :نبض:
اتذكر الايام يوم صممته ساعه ب ساعه يوم ب يوم ،،
صممته عام ٢٠٠٦ ،، العام اللذي تغيّر فيه مسار حياتي ،،
سبحان الله ،، من يتأمل في حياته و يشوف قدرة الله في تقليب مجريات حياتنا ،،
يؤمن بأن لن يصيبنا الا ما كتب الله لنا :نبض:

[آلنـور]

http://e.top4top.net/p_48b6la0.png


:نبض:

[آلنـور]

داخله جو عنيييييف :MonTaseR_155:


<- اصصص :nosweat:

[آلنـور]

جوي امس العنيف خربه علي المنتدى :26:
حتى اليوم من بدري ما ضبط ،، انا خلاص بشتكيكم خخ
و مزاعلتكم و بسافر و أخليكم ،،


،،

انا و الطايف حكاية عشق لن تنتهي ،، ما تمشي سيارة للطائف الا انا فيها ،،
:0741:

[آلنـور]

http://d.top4top.net/p_49x8dn0.png


اول تغريدتين ف التويتر قبل ستة سنين ،،،
ي إلهي كم انا مُغبرة ،،
بس الجميل اني بديته يوم جمعة و اليوم جمعة :نبض:

[آلنـور]

الغياب أمر صعب
لكن الاعتياد عليه سهل ،،
لا تجعلو "غيابكم" شيء نعتاد عليه ،،

،

صباحكم رجوع ، صباحكم فرحة لقاء
:نبض:

[آلنـور]

اخاف ان اتحدث عنك و يُفهم كلامي بطريقه عكسيه ،،

قطعت كل السُبل امامنا ،، و بنيت حاجز يصعب كسره
و كأنني لا اريد ان تربطني معك سوى الذكريات السيئه ،،
لا اعلم لِما اصبحت بهذه القسوة ، لِما قلبي لا يلين ،،
تساؤلات لا اجد لها اجابه ..!!

:m9:

[آلنـور]

http://c.top4top.net/p_516mti0.png


رسائل الحُب اللطيفة ،، "بلسم القلب"

[آلنـور]

http://e.top4top.net/p_52mw6w0.png


:نبض:

[آلنـور]

من كثر ما يومي ملخبط قررت اكتب جدول ارتب فيه يومي ،،
مابين شغلي ع اللابتوب و التزاماتي برا ،،
بديت من امس و انجزت شيء لا بأس به ،، و اليوم دور تنظيف الغرفه :6:
لازم انجز اليوم عشان ما اكسل بكره و اكمل ع الجدول ،،

الجدول بديت كتابته و تطبيقه هالاسبوع ، و لو ما التزمت فيه انسى اكمل :MonTaseR_127:

الله يقويني :نبض:

[آلنـور]

انا من الناس اللي ما اقدر افكر او اخطط الا الين اكتب ،،
طلعت دفتري و دورت قلمي ما لقيت الا لون احمر ،،
ما احب اكتب بالقلم الاحمر بس اضطريت ،، :MonTaseR_159:

مدام نفذت خطة اليوم ،، كتبت خطة بكره ،،
جتني فتره مررره كسلت فيها و تضايقت من نفسي ،، حسيت اني ما اسوي شيء بحياتي
حسيت يومي يروح بدون ما استفيد شيء ،، و لازم ارجع شوي شوي ،،
لاني لو برجع بعنف ،، راح ارجع للكسل من جديد ،،


بكره بتخلص من هم حملوني اياه ناس ،، لان لساني مفلوت و ما اعرف اسكت
اللي بقلبي على لساني ،، و احسب الناس زيي ما تتدخل ف غيرها الا لما تستأذن ،،
فيه ناس تدخل فيك عرض بشكل يضايقك ،،


الحمدلله ،،

[آلنـور]

ولا اعلم هل هناك احدا مثلي وبهذه الصفات اللتي تمثلني ؟
هل هناك احد يرفض ان يكون اجتماعيا
رغم انه بامكانه ذلك ان اراد ؟
هل يوجد احد بهذا الطبع الصعب والغريب في نظر الاخرين !
لاباس اعتقد انني حققت تقدما لا باس به هنا فما رايكم انتم ؟


اهلاً مطر الفجر ،،

ايووه في ناس ترفض انها تكون اجتماعية لسبب ما ،، و تختلف الأسباب
و ناس ودها تصير اجتماعية بس ما تقدر ، و ناس اجتماعية بس للاسف انها ليست أهل له
و ناس اجتماعية و تحبينها و ناس تنفرين منها ،، و ناس و ناس ،،

الناس يختلفون ، لكن الأهم انتي كيف تتصرفين معهم ، انتي كيف تواجهين ردود افعالهم ، تصرفاتهم


طبعك لا هو صعب و لا غريب ،،
الجمال اللي بداخلك اظهريه للناس ، خليهم هم يجونك يقربون منك
و لا راح يقرب منك وقتها الا اللي فيه منك و يشبهه لك
و ان قرب منك غيره بسهوله تقدرين تتفادينه مدام تملكين عقل واعي

و انا ما اعرفك قبل ، بس انا شفتك ف المنتدى ب أسلوبك و طريقتك اللي انتي الآن عليها
و انتي من الناس اللي تشدني افكارهم ، طريقة ردودهم ، اسلوبهم


الله يحفظك :نبض:

[آلنـور]

:111:


أُغنية ، و حالة عشق ،،
توجع القلب و تهد حيله

صورة ، و ذكرى سعيدة ،،
تقتحم الخيال و تغتاله ،،

و نرجع نعيش الواقع بكل تقصيره ،،


،،

شيئين لو بطلتها يكون احسن :nosweat:
اسمع شعر ، و اصمم بالفوتوشوب ،،
تخربط تفكيري
:MonTaseR_204:



:كش كش: ي انا
:MonTaseR_52:

<- :الحلا ذبحني:

[آلنـور]

عندما تجتاحني حالة " الصمت "
تتبعثر الحروف داخلي ،، تريد الانفلات ،،
و احاول كبحها و منعها من الخروج ،،

تعاند و تخرج كـ حبات اللؤلؤ
و يتساقط الحرف ،،
حرف بعد حرف ،،
الى أن تشح الحروف
يبحّ صوتها
و تعجز عن اكمال بوحها ،،
















* حرفي لأجلك إزداد جمالاً :نبض:

[آلنـور]

http://b.top4top.net/p_56khts1.jpg

تتوقعون ب كم يوم بقضي عليهم ،، و الا ممكن تسرقهم مني غدو ؟
تجيني حالة نفسيه اروح السوبرماركت و اشيل اشكال و الوان من الحلويات
حتى لو ما اشتهي اكلهم ،، بس كذا تحسسني بالسعاده ،،
و الحين محتاره ابدأ بمين خخخ

لكن بما اني احب التويكس اكثر شيء ببدا فيه و الله يرحمه خخ
لحد يقول عطيني <- بزره خخ

[آلنـور]

قالوا لك الحُب كذبه ،، قل لهم تكذبون
....................... الحُب موجود بس إنه يُدار بـ خِداع



https://www.************/watch?v=CkSsohNX3H8

[آلنـور]

ذلك الروتين المزعج ،
اصبح جزء لا يتجزأ من حياتنا
اعتدنا عليه
و اعتدنا السير في ممراته
حتى لو أغمضت عيني سأصل

[آلنـور]

ينتقدونك
يبينون لك سلبياتك
و ينسون ان هناك ايجابيات تستحق الثناء ،،

مهما حاولت توضيح سوء الفهم ، يواجهونك بإصرار ،،
و لا يمكنك الا الصمت امامهم ، لانه مناقشتهم ستدخلك في دائرة الخطر ،

تكتفي بقول " و هو كذلك "

و نترك الايام تثبت لهم العكس ،،

:81:

[آلنـور]

صباحكم توفيق ،
صباحكم امل أن ما عند الله اجمل ،،

يكتب الله اقدارنا ، ويسيرنا كيف يشاء ،، كيف يريد ،، و لا اعتراض ..!






* جزء من النص مفقود*

<- كتبت سالفه و مسحتها :8:

[آلنـور]

الوجع ،

............................. أن تكون مَنفي من الحُب

.................................................. مَنفي إلى اللا شيء اللا شيء ،