حكــاية قصيــرة ❥ [الأرشيف] - الصفحة 8 - منتديات مسك الغلا

آلنـور

05-01-17, 10:19 PM

اليوم فجأه و انا في الدوام ارسلت لي غاده : ماما افصليني من المدرسه :MonTaseR_166:
قلت ي ربي وش صار يمكن الابله هاوشتها ،،
المهم رجعت البيت قلت هاه ليه تبين تفصلين من المدرسه وش صار
و طلعت متهاوشه مع صديقتها ،، تقول قالت خذو الواني و طلعت من الفصل
يوم رجعت لقتنا ندور الالوان في شنطتها و تضاربنا ،، خلاص ي ماما افصليني
تقولي ما تقدر ترجع المدرسه و تجلس جنبها خخخ

و قبل شوي اشترت بساكيت قالت بعطيهم كلهم الا هي خخخ

عاد بدت النصايح مني خخ

آلنـور

05-03-17, 04:28 PM

كل فترة قلبي ينبض ب صديقة جديدة
الصديقات ارواح تتآلف مع روحك ..
نعمة من نِعم الله العظيمة ..

آلنـور

05-04-17, 07:01 AM

الحب
شعور لا يُكتب
احساس لا يوصف
حروف لا يفهمها الا من عايش الحب

الحب
أمل ، فرح ، و سعادة

الحب
حياة قلوب
ابتسامة شفاة
و ضحكة عيون

الحب
جنه ، و نعيم لا ينضب

صباحكم حُب

آلنـور

07-04-17, 08:18 PM

الله انا سعيدة

:MonTaseR_21:

آلنـور

07-04-17, 09:20 PM

الحمدلله ..
اول شي اشكر اللورد يحيا .. الشكر الكثير
انه رجع لنا الحياة .. رجع لنا مسك الغلا ..
ما يدري قد ايش كانت الحياة مي حلوة بدون مسك الغلا
قد ايش كانت ممله ..
كنّا نشوف بعض .. بس كنّا كأننا اغراب بدون المسك ..
المسك لي قوة .. لي حياة .. ما تتخيلون قد ايش ..
قبل امس قررت اقاطع المنتديات .. طفشت من التنقل بين المنتديات
و لا في منتدى دخل القلب زي المسك ..
صحيح قابلت ناس حلوه .. و حبيتهم ..
بس المسك احبه و احب اللي فيه

:نبض:

آلنـور

07-05-17, 12:58 AM

يااااه ما اجملك يالمسك ،، :نبض: ،،
يالله ضعفت من دونك و انكسر قلبي :30:
انت لي حياة ،، و قوة ،، و الامل الكبير ..

الله يخليك لنا دوووم :نبض:

آلنـور

07-05-17, 01:20 AM

زمااان كنت ما احب ستايل المنتدى و الوانه تنرفزني ،، و قد طلبت يتغير ،،
لكن الان فز قلبي مع تصميمه و الوانه ،،، و قد ايش هو مميز و ما لقيت احد يشبه :x38:

الشيء الثاني ، اسمي اول كان بالانقليزي alnoor ,, و طلبت يتغير و تغير
و لما جيت ارجعه لـ alnoor .. ما رضى اللورد لان سياسة المنتدى ما تقبل ،،
و كتبت الاسم بالعربي ،، النور ..
و لما اسجل في منتديات ثانيه ،، اكتب اسمي بالحروف الانقليزيه و يصير ما يعجبني
و ارجعه للنور بالعربي ،، زي ما هو في المسك :x38:

كنت كل شي كان في المسك ابي اقلده ..
بس ما لقيت زي المسك :نبض:

شكلي بهلوس طول الليل خخخخ و احلم فيه بعد :x38:

آلنـور

07-05-17, 02:02 AM

اقولكم سر <- بدينا بالاسرار خخخ
انفتحت نفسي للفوتوشوب ،،
و نفسيتي صارت احسن ،،

زي ما قالت درة ،، كسبت اجر فينا ياللورد <- تحس انها تنطنط في المنتدى خخ

آلنـور

07-05-17, 02:36 AM

و انا عند وعدي يا درة ..
و هذي هديتي لك بمناسبة العودة :نبض:

https://b.top4top.net/p_550k4x5f1.jpg

آلنـور

07-05-17, 03:42 AM

تتوقعون بننام الليله ! :x38:

آلنـور

07-05-17, 05:39 AM

اعود .. و يعود من يقرأني دوماً ..
اعود لمن احببت .. و تعود لي الحياة ..
احببت وفائك .. لونك و شكلك ..
احببت كل شيء فيك.. و لازلت ..

في الزمن القديم ..
كنت لي حياة .. و لازلت
كنت لي جنة .. و لازلت
كنت كل شيء .. و لازلت

هنا فقط .. تتنفس الروح .. بصدق :نبض:

آلنـور

07-06-17, 12:36 AM

انعشوا المسك ،، بجمالكم ،،
عيدوا فيه الحياة ،، هو يحبنا زي ما نحبه :نبض:

شاركوني هنا

http://www.al2la.com/vb/t84608.html

:نبض:

آلنـور

07-06-17, 03:15 AM

جمالنا ما هو الا امتداد لجمال قلوبكم ،،
لازلت اعي و اتيقن ، انه كلما كبرنا ، كبر العقل و رق القلب ..
يكبر لـ نُميّز ، يَرق لـ نُحب

كل ما حدث ، ما هي الا محطات نأخذ منها الحَسن و نتجنب السيء ،،
اشكر الله ، على كل عقبة مرت في طريقي ،،
على كل نعمة انعم الله بها عليّ ،،

بفضل الله ، اصبحت افضل ،
اصبحت اقوى و إن مر الضعف بنا
ماهي الا فترات و يغيب كل شيء يكدر خواطرنا

احبك يالله :نبض:
و احب كل شي مررت به :نبض:
و احب حياتي :نبض:
و احبني :نبض::x38:

آلنـور

07-06-17, 03:20 PM

مساكم ورد ..

دايم كنت احس بالفخر لما ابحث بقوقل عن منتدى و يطلع لي مسك الغلا اول واحد
و الحين كل شوي ابحث و لا القاه الاول ..
حلمت اليوم اني ابحث بقوقل و لقيت المسك اول واحد
مرره انبسطت انه رجع زي ما كان :MonTaseR_95:

آلنـور

07-07-17, 01:48 AM

تعال نحكي وش سوى الزمن فينا ..
تعال نشكي لبعض .. و نواسي بعض ..
و نضحك سوى .. على كل شيء صار و مضى

آلنـور

07-07-17, 02:41 AM

ما زال في قلبي بقايا أُمنية ..

آلنـور

07-07-17, 02:48 AM

روزا انا اللي قيمتك :MonTaseR_14:

آلنـور

07-07-17, 05:28 PM

ما اقدر اكون إلا معك

آلنـور

07-08-17, 05:09 AM

اجهز لغاده هديه بس ما توقعت تاخذ مني هالمجهود ،،
ابي اطبع صورها كلها من يومها نونو الين الحين عمرها ١٠ سنوات <- و تقول ليه تعبت خخخخ
لي خمس ساعات وصلت لعمر ٣ سنوات ،، يوووه باقي لي سبع سنوات ،،

يالله ،، الله يقدرني و اكمل الهديه ،، بسويها لها مفاجأه بمناسبه اكملها لعامها العاشر :x38:

برجع اكمل فرز الصور :s:

آلنـور

07-08-17, 06:32 AM

في تلك الصور .. آراك و لا يرونك ..
تظهر في الصور .. في الذكريات .. في اللحظات السعيدة ..

هناك اختبئت .. و دسست قطعة الحلوى في جيبك ..
و في الزاوية الآخرى .. كان العطر الثمين هدية العيد لك ..

كل الزاويا .. تفوح بعبق عطرك ..
صدى صوتك لازال يسكنها ..
و لازلت احتفظ .. بتلك الصورة الجميلة

في غرفتي البيضاء ..
حافظت على نقائك .. و نقائي ..
هناك .. لا احد يستطيع الدخول ..و لا احد يتجرأ
فقط انت من لك الحق .. أن تستعمرها ..
و تستولي على ارجائها ..

* هي الصور من تجعل القلب يهذي :MonTaseR_103:

آلنـور

07-10-17, 02:15 AM

اقولكم سر ،،
انا جالسه اراقب المتواجدين ،، و اللي تواجدو ف المنتدى ..
و كل اسم جديد يدخل ،، فجأة بدون شعور اقول " الله " .. :16:

يازينكم بس :نبض:

آلنـور

07-12-17, 04:51 AM

https://c.top4top.net/p_557xa2u91.png

كلامك ي جميلة يسعدني ،، و رايك دايم انتظره و اعتز فيه ،،
هنا في هذا المكان تعودت اكون على طبيعتي و اقول احساسي بكل اريحيه ،

بالرغم اني في بداياتي في الموقع كنت رسميه شوي و احاسب على كلامي ،،
لكن مع الوقت تعودت على المكان و اصحابه ،
و من طبعي اذا تعودت على احد ، اكون جداً عفويه معهم ،

اسيره انتي من الاشخاص اللي وجودهم جداً مهم عندي ،، :نبض:

،،

آلنـور

07-12-17, 05:12 AM

https://pbs.twimg.com/profile_images/2723632763/6f7331e0402738c0f353917c00e98931_400x400.jpeg

فقدانك لي ، هزيمة ،
هزيمة يفرح بها المغلوب ، و يحزن المنتصر ،

آلنـور

07-12-17, 05:18 AM

ارسم لنفسك دائماً طريق للعودة ، إذا رغبت ان تعود دون خسائر ، :MonTaseR_38:

آلنـور

07-13-17, 03:15 AM

فجأه القى صوره من تصويري ،، احبها و احب جوها و احسها لازم تدخل الفوتوشوب
عشان اكتب عليها كلام و اسوي لها شوية تأثيرات .. و يوقف مخي في الاخير و يقول انها خلصت
و انا احس ما سويت لها تأثيرات كثير بس لازم اطيع مخي :DsC00581:

شوفوها :نبض:

http://www.m5zn.com/newuploads/2017/07/13/jpg//m5zn_615a8ff59a42327.jpg

" ليت القلوب اللي نبيها أمطرت ، حُب "

الصوره بس لقطرات المطر ، و انا اضفت عليها طيور :34:

* تصويري و كلماتي :DsC00581:

آلنـور

07-13-17, 03:36 AM

https://68.media.tumblr.com/e71cc2fbb3b7215a5a2395d7e05f3763/tumblr_oqqiz4nldf1w7g53oo1_400.jpg (https://68.media.tumblr.com/e71cc2fbb3b7215a5a2395d7e05f3763/tumblr_oqqiz4nldf1w7g53oo1_400.jpg)

عندما تهرب من شيء ، لتقع في شيء اكبر و اعظم ،
إعلم انك لن تستطع النجاة إلا بعجزه ،،

لكن عندما تهرب إلى الله ،،
تهرب إلى النجاة ،،

إعلم إنك نفذت بجلدك ، و نجوت ،

آلنـور

07-13-17, 08:18 PM

فاشل جداً في البحث عني ..
بقدر براعتي في الإختباء ..

اعلم متى يمكنني الظهور ..
و اعلم متى اتوارى عن الأنظار

:x38:

آلنـور

07-15-17, 03:07 AM

http://www.m5zn.com/newuploads/2017/07/15/png//m5zn_4e525d5eaca541a.png

الله يسعدكم كثر سعادتي ف هالمكان و اكثر :نبض:

آلنـور

07-15-17, 03:26 AM

http://www.m5zn.com/newuploads/2017/07/15/jpg//m5zn_dcd18e998154ba3.jpg

الحلا كله ب نوره
القمر نوّر ب نوره
الكل يدوّر الحلا من نوره
يالأم الحنونه
يا شيخة البنات يا نوره
أحبك يالأم الحنونة

،،،

غدو كاتبه فيني شعر :نبض:

آلنـور

07-15-17, 04:16 AM

شيء طبيعي شعوري بالتوتر ..
الانسان دايم يتوتر من اي شيء جديد يسويه ،،

على الرغم من ان هذا الشيء ،، اتوقع راح يكون فتره جميلة
و إن شاءالله تكون زي ما توقعت :MonTaseR_43:

آلنـور

07-15-17, 05:40 AM

كف عن هذا
ف لم يعد يجدي نفعاً

و صوتك لم يعد مسموع كما في السابق
و نظراتك لن تؤثر

آلنـور

07-15-17, 05:49 AM

قد جربتوا مرة تتكلمون .. مع اشياء غير مألوفه ..
مثلاً .. جوالك ، الريموت ، اممم قلمك ، دفترك !!

مع انه ممكن تحسونه هَبل .. بس وناسه خخخ

او مع يدك .. عينك .. شعرك ...او حتى قلبك ....!!
على اني عااااقله كثييير .. بس فيني حركات هباله :DsC00581:

الهباله اللي فيني ما تظهر الا لناس معينه ..
و اكثر ناس تكره سماجتي هم خواتي خخخ
اول شي ينقهرون مني بعدين يدخلون في جو السماجه :DsC00581:

امممم .. لازم انام و انا مافيني نوم .. وراي سفر بكره
و لازم اصحى اكمل شنطتي :69: ... كل شوي افكر وش ناقصني
حتى عزبة القهوة اخذتها :DsC00581:

ايووووه <- نامي :69:

آلنـور

07-15-17, 03:26 PM

http://www.m5zn.com/newuploads/2017/07/15/jpg//m5zn_782901385039d0c.jpg (http://www.m5zn.com/out.php?code=16686683)

هذا في جدة درجة الحرارة ٤١ .. كيف الرياض:MonTaseR_63:
اكتشفت ان توقيتي سيء <- بدري :ai:

يالله الله يعدي هالايام على خير

آلنـور

07-16-17, 06:44 PM

في اشياء كثييير ما كنت افهمها ..
الحين كل ما اشوفها قدامي ابدا استرجع الذكريات
و اتذكر جمالها ..
ما اعرف ليه اشوف حياتي قسمين ..
الين ٢٠١٢ كانت حياة و من بعد ٢٠١٢ حياة ثانية مختلفة تماماً
لما ينتهي القسم الثاني بموت <- عليك افكار خخخ

بس شفت شي و تذكرت شي :Chulo:

آلنـور

07-16-17, 07:59 PM

http://www.m5zn.com/newuploads/2017/07/16/jpg//m5zn_ba2799812706a2e.jpg (http://www.m5zn.com/out.php?code=16687472)

لا تتوقف الحياة عندما يبتعد البعض
فالبعض لنا حياة .. و المبتعدون نجاة

أنا هُنا .. أتنفس .. القلب ينبض .. عيني ترا ..
اذناي تسمع .. كل شيء كما هو ..
لذا لا داعي للحزن عند ابتعادهم ..
لا داعي للبكاء .. لا داعي للوم ..
فقط ...

استمتع بالحياة القادمة .. ب " فرح "

:cupidarrow:

آلنـور

07-16-17, 08:01 PM

هدوء .. ورقة و قلم ..
فرصة لن تتكرر إلا أن يشاء الله :نبض:

آلنـور

07-17-17, 05:08 AM

http://www.m5zn.com/newuploads/2017/07/17/jpg//m5zn_c6aa890573ad521.jpg

صباح الامنيات المحققة ..
صباح كل شي جميل ،،

انا حالياً جالسة احاول اتغلب على طبعي الخجول ،،
صح الخجل جميل ، لكنه بعض الاوقات يردك عن لحظات جميلة ممكن تعيشها بعفويه اكثر ،،

المهم ما علينا ،، انا احبني بكل اطباعي ،، على انه في بعضها يبيلها تعديل و جالسه اشتغل عليها ،،

،،

فرصتي الآن كبيره في التفكير في كل شي ، بتركيز عالي ،
هدوء تام ، اجواء محفزة و سعيدة

جالسه افكر في الشغل : كيف ارجع بعد اجازة طويلة جداً ،، رجوعي لازم يكون مميز
بقدر تميّز هذي الاجازه ، بقدر تميزي :سكر:.. بقدر تميّز صحباتي ،،
مشتاقه لهم اكثر من الشغل ،،

افكر في غادة : كيف ممكن نعدل سلوكنا مع بعض ،
كيف البي لها طلباتها بدون ما تأثر على قناعاتي ، بدون ما تأثر على نفسيتها ،،
اكثر طلب تطلبه مني في هذي الفتره ، تبي قناة في اليوتيوب ،،
دايم اقولها انا راح اسوي لك بس ابي تقدمين محتوى مميز ،، فكري و قولي لي ،،
اذا شفته مميز ،، راح اسوي لك قناة ،، للحين ما عندها شي مميز ، اتحمس و اسوي لها رغم اني ٩٠٪ معارضه ،،
لكن هالزمن يجبرنا نسايرهم على اساس ما تسويها من وراي ،،
و لا ابي اسوي القناه و يكون المحتوى سخيف ،،

و ثاني شي : ابي محتوى ما يعتمد على الصوت او شكلها ،، <- تعجيز صح خخخ
المهم طلعت لها فكره و ابي فكرتين ثانيه ،، عشان تختار بينهم ،،

تدرون اني عندي اليوم اختبار و المفروض بدل ماني جالسه ع اللابتوب ،، اكون اذاكر
بس مدري كل ما افكر اذاكر احس الماده سهله و ان شاءالله اجيب الدرجه الكامله <- هذا و انتي ما ذاكرتي خخخ
المدربه تقول اعلى درجة صارت هي ٣٨ من ٤٠ ،، و انا قررت اجيب الاربعين كامله :نبض:
شويتين و امسك المادة اراجعها <- من الثقه تقول اراجع مو اذاكر ،،

اممم فجأه مخي ،، مافيه و لا كلمه و لا سالفه اقولها ،، و اجلس اتنح في الكيبورد خخخ

آلنـور

07-17-17, 05:27 AM

http://www.m5zn.com/newuploads/2017/07/17/png//m5zn_be58ce316958f77.png

خجوله او حياويه ،، يمكن انا بمفهومي البسيط ،، اشوفهم واحد او قريبين من بعض ،،
لكن انت صححت لي معلومه لازم انتبه لها ،، هل هو خجل او حياء ،،

اتمنى ما يكون نقص في الثقه ، لاننا مهما ادعينا الثقه بالنفس ، ممكن تكون عندنا ثغره احنا مو منتبهين لها ،،
و يمكن احتاج لعلاج فعلاً ،،

ممتنه لك ، و ممتنه للجميع هنا ،،
اللي حببني في هالمكان ،، اني استفيد منه و منكم كثيير
:MonTaseR_11:

آلنـور

07-19-17, 01:50 AM

http://www.m5zn.com/newuploads/2017/07/18/jpg//m5zn_9591078a84bb6a4.jpg (http://www.m5zn.com/out.php?code=16689046)

١٩ / ٧ / ٢٠١٧

الحياة جميلة ..
بقدر جمال أرواحنا ..

نتجمل .. و نزداد جمالاً ..
و تزداد الحياة جمال ..

:نبض:

آلنـور

07-21-17, 03:08 AM

صباحكم رضا :نبض: ،،
اسبوع جداً جميل ،،
كل محفزات السعادة اجتمعت فيه ،،
سواليف مالها حد <- هذا اهم شي خخخ

ايوه ما قلت لكم على الاختبار كم جبت فيه :dddas:
جبت ٣٧ من ٤٠ :MonTaseR_168:
كنت ابي الاربعين بس زين جات على كذا ،، و اتوقع انا اعلى وحده في المجموعه :112:
الماده انا جدا احبها و احب مواضيعها ،، عشان كذا كنت اقول حرام ما اجيب الدرجه كامله ،،
اللي لخبطني ان الاسئله تتكرر بس بطرق مختلفه :MonTaseR_56: ،، يتعمدون يتوهونك
و ما اقولكم التوتر اللي جاني كيف ،، قلبي صار ينبض بقوه و يديني ترجف خخخخ

بس اقول الحمدلله على كل شي ،،

آلنـور

07-22-17, 10:44 PM

عندما تكون وحيداً
ليس بالضروره ان تكون تعيساً ، او حزيناً ،،

انما هي فرصة ،،
للتغيير ، و اتخاذ القرارات المعلقة ،،
فكّر دائماً بإيجابية ،،
اقلب الطاولة على ظرفك ،،

:MonTaseR_207:

آلنـور

07-22-17, 10:56 PM

http://www.m5zn.com/newuploads/2017/07/22/jpg//m5zn_025fc83780171fe.jpg

المحبة ارض و الفرقا آراضي ،،
و الزمن كله ترا لا غبت ماضي
و الله اني ما اشوف الا عيونك ،،
ان رحلت او طول مراضي

فيه كلمات تحركك ،، مو من المطرب ،،
لااا من شاعرها ،،
بدر بن عبدالمحسن ، من الشعراء اللي احساسهم جدا رقيق يوصل للقلب بسرعه :نبض:

ويكند كان جداً مختلف ،، كثر ما اقول مختلف ترا ما تتخيلون قد ايش :نبض:
الحمدلله ،، ترتبت الافكار في راسي بنسبه كبيرة ،،

عندي كلام كثييييير بس الجوع مو مخليني اكتب :دموع الورد:
بس اراقب الساعه و انتظر متى يجي العشا :(

اخيرا جا :MonTaseR_207:

آلنـور

07-24-17, 02:12 AM

انا شيفاك .. بس حساني متلخبطه اوي :9:

الوقت متلخبط و النوم متلخبط ..
متخيلين اني اني توني صاحيه و انا عندي الصباح دورة
بس الحمدلله اخر يوم ..

صديقتي الجميلة قد ايش فرحانه فيك .. :نبض:

آلنـور

08-11-17, 10:17 AM

صباحكم ورد ..
صباحكم جمال ، كجمال ارواحكم ..

:110:

آلنـور

08-19-17, 08:18 PM

نقدر نقول انه اسبوع بس و كل شي يرجع عندي طبيعي ؟!
ما اعرف ..!!

بس اللي اعرفه ان الايام اللي راحت ،، راحت بسرعه من كثر الشغل اللي فيها ،،
اجازه و دورات ،، و كركبة الدوام ،، و اخر شي المعرض اللي بنسويه :35:

يالله على كثر ماني متحمسه الا اني متوترررره :MonTaseR_95:
كل شي سويناه يهبل ،، بذلنا جهد كبير انا و المديرة و ان شاءالله ينجح معرضنا ،،

اتحمس كثييير للاشياء هذي ،، حركات و تزييين و تصميم و فن ،،

بس من جد من جد فاقدتكم :MonTaseR_95:
يالله هانت ان شاءالله ترجع ايامي طبيعيه بدون قروشه :نبض:

آلنـور

08-24-17, 11:13 PM

http://www.al2la.com/vb/images/al2la%20Smiles/MonTaseR_15.gif

يالله اسيره دورك :MonTaseR_82:

،،

أهلا و سهلاً فيكم ،، منورين <- انتي اللي منوره و الله خخخ <- الثقه :MonTaseR_149:

شيء جميل يكون عندك هدف ،، و الاجمل انك تثابر لحد ما توصل له و تحققه ،،
دايم فكروا ب إيجابية ،، لان التفكير الايجابي يدفعك للأمام ،، و يحمسك ،،
و لا تلتفت للناس اللي تحبطك و تكسّر مجاديفك ،،

الحلم جميل ، و الاجمل تحقيقه ،،
و الحياة جميلة ، و الاجمل نعيشها صح ، نعيشها بحلوها و بمرها ،،
المُر نتعلم منه ، و الحلو ،، يدفعنا للامام ،

آلنـور

08-26-17, 10:55 PM

:outhg!:

قد ايش صعب القرار الجماعي ،،

و انا ارفع الرايه ،، و اشعل الاضواء الخضراء ،،
اول شي عشان اريح راسي .. و ثاني شيء اني مسالمه :blushing:

على الرغم انهم يشوفوني عنيدة و متمسكه برايي .. لكن انا اول من يتنازل ..

بسس كذا :26:

آلنـور

08-27-17, 04:50 PM

بس اشوفك ..
يمتلي صدري حروف
عاجزة و ما تشوف ..

تنعمي لحظة لقاك ..
هو صحيح حرفي جفاك ..!

آلنـور

08-27-17, 11:39 PM

اخيراً خلصت :MonTaseR_145:

ما اعرف اسوي عروض بوربونت ،، يعني اطقطق ع البرنامج .. لكن مو بشكل احترافي ابد ،،
و صادف اني صورت صور و لازم اسوي لها عرض و تورطت فيها ،، :MonTaseR_145:

خبصت خبصت ،، الين طلعت بنتيجه لا بأس بها ،، <- كأنه شغل بزارين خخ
جهازي ماك و الاجهزه اللي راح يعرض عليها وندوز ... يعني لكم ان تتخيلو الحوسه اللي انا فيها
يعني اصمم العرض و ارسله على جوالي اتفرج فيها لانه يطلع ملخبط مو زي ما رتبت
ارجع ارتبه من جديد و نفس الموال طول الليل الين خلصت :dddas:

المهم يحمدون ربهم اني عندهم اسوي لهم كل هذا خخخ احد لاقي وحده زيي <- الثقه زايده خخخ

آلنـور

08-28-17, 01:06 AM

احب انام في الصاله عند التلفزيون و الانوار شغاله ،، :x38:
لكن امي دايم تهاوشني :MonTaseR_56:

آلنـور

08-28-17, 05:15 PM

اسعد دايم بخدمة الناس .. و تزيد سعادتي لما انجز لهم شي و يفرحون فيه
موقف صار لي ما اتوقع اني انساه .. سعيت ف موضوع اخت لنا من تونس زائرة في السعودية لتنجز عمل و تروح
كنت مهتمه في موضوعها جداً .. على ان درجة الخطورة عالية جدا
من كثر ما اني مهتمه ان موضوعها ينتهي الا اني مهتمه جدا لسلامتي و سلامة من حولي
و ربي ان شاءالله بيكون معنا مدامنا سعينا لانجاز طلب الزائره
بكرة اخر يوم دوام و لازم ينتهي موضوعها لانها مضطرة ترجع لبلدها

دمعتها ف عينها .. دعواتها لي .. كلامها ما انساه طول عمري

:نبض:

آلنـور

08-29-17, 12:46 AM

حملت لعبة لودو ستار ،، قلبت راسي و جابت لي الدوخه ،، قمت حذفتها
من يوم لعبتها و انا احس بدوار و عدم توازن ،، مدري هو من كثر التركيز فيها

بس اهم شي اني حذفتها :69:

آلنـور

08-29-17, 08:04 AM

صباح اليقين بأن القادم أجمل ..

اليوم آخر دوام الحمدلله .. الله يعديه على خير .. :DsC00581:

آلنـور

08-29-17, 06:09 PM

يخيل لي ان في مجرى الدم براكين تشتعل و تتفجر ..

آلنـور

08-29-17, 09:41 PM

بدأت تخمد هذه البراكين ،،
و بدأت استعيد قواي رويداً رويداً

انا بطله :MonTaseR_186:

آلنـور

09-01-17, 12:28 AM

و حلمٌ نعيشه بين الامس و الحاضر ،،
يداعب جفني بين الحين و الآخر ،،

سأدنوا منه ،، الآن ام باكر :in_love:

آلنـور

09-01-17, 06:26 AM

صباحكم عيد ..
و صباح العالمين اعياد :نبض:

آلنـور

09-01-17, 12:04 PM

ايه عيد ..
و انتا بعيد .. يا عنيد :25:

..

يبيلي الحنها خخخ

آلنـور

09-01-17, 01:22 PM

اوقات مخي يفصل بطريقة عجيبة :MonTaseR_99:
اجلس اتفرج فيني و احمد ربي على العافيه خخخ

:g:

آلنـور

09-01-17, 01:23 PM

http://www.al2la.com/vb/images/al2la%20Smiles/MonTaseR_15.gif

محد يزاحمني على المرجيحة :MonTaseR_173:
اسيره تعالي دورك :(

آلنـور

09-02-17, 12:44 PM

http://www.m5zn.com/newuploads/2017/09/02/jpg//m5zn_d15fe7885c026fe.jpg

احيان تطيح عيني على اشياء تشبه لك ،،
يسرح خيالي ،، و امنع التفكير ،،

امنعه لا يتمادى ،، امنعه لا يتأمل ،،
امنعه لأن الامل في حضرته ميت ،،

امنعه و اعيش الحياة ، ب أمل نسيانه ،،

آلنـور

09-04-17, 10:24 AM

http://www.m5zn.com/newuploads/2017/09/04/jpg//m5zn_f1adbfce92fb2ec.jpg (http://www.m5zn.com/out.php?code=16716645)

يجينا الصبح يحمل معه كل سعادة و خير ..
و احنا نختار و نلون صباحنا كيف نبيه يصير ..

و انا ابي صباحي رايق و هادي ،، يشبه لي كثيييرر ..

و صباحكم اروق و اهدا :نبض:

آلنـور

09-05-17, 05:18 PM

http://almraah.net/imgcache2/706971.gif

تمرني اشياء
تشبه لك ..
هي لك ..!
و الا انا
من كثر شوقي ..
أحن لك ..
و اتخيلك ..

عادي تستغرب ..
و عادي تضحك ..

و الا تجي نضحك سوى
على هالحال ..

آلنـور

09-06-17, 07:49 AM

صباحكم انتعاش ..
يالله المداومين .. يصحصحون و على دواماتكم :112:
و اللي لسى ف اجازتهم .. مساكين ما تعبتو من لخبطة النظام ..

ادعو لكم بالعودة الى دواماتكم سريعاً <- و الله من القهر خخخ

ع العموم انا مبسوطه :نبض:

آلنـور

09-06-17, 11:45 PM

المساحات شاسعة ..
و الصدر ضيق ..
و الكفوف الحانية .. اخذلتنا ..!

آلنـور

09-16-17, 10:39 AM

جمال الصباح .. بأنك ما تشيل هم بكرة و تجعله عبء عليك
جمال الصباح في رسم الاهداف و العمل على تحقيقها ..

عيش صباحك على انه بداية يوم جميل .. بداية حلم جميل

احب الصباح و اروق فيه .. رغم كل شي ممكن يكدر
انا سعيدة و احب اكون سعيدة ..و احب كل اللي حولي سعداء ...

نشر ثقافة السعادة على كل من حولك امر جميل .. و الاجمل يكون طبع فيك

امممم ابي اشتري جوال هدية لوحده قريبه مني
و محتاره بين الايفون و الجالكسي .. و عجزت و انا اجس نبضها وش تحب
لدرجه اني شوي و اقولها ابي اجيب لك هديه خخخخ
نفسي اجيب لها جالكسي اس ٨ بلس .. و من اليوم رايحه جايه عليه
اشتريه ما اشتريه ..! بس في شي داخلي يقول اشتريه لها .. :x150:

وحشتني المدونه و وحشتني سواليفي وحشة شوفتي اكثر خخخ

يوم عن يوم احبني اكثر :MonTaseR_207:

آلنـور

09-19-17, 07:19 AM

صباحكم خير .. صباحكم امل ..

الحياة مستمرة مدام الله اراد لنا ذلك ..
و احنا نراقب تطورنا و تقدم العمر ..

بنتي صارت سنه خامس و الابله الزمتهم انهم يتحجبون ..
و هي تتحلطم عندي و تقول انها صغيرة ..
قلت لها لا ي ماما انتي بنت كبيرة تفهمين و لازم تتحجبين الحين ..

و احنا رايحين للمدرسة جلست اتأملها و يمر في بالي عمرها كله ..
من يوم كانت في الروضه .. غدو درست من عمرها ٣ سنوات ..

ما اخفيكم اني بكيت و انا اتذكر .. الصور تتكرر في بالي ورا بعض و بالترتيب

سبحان الله الزمن يمشي و احنا و الله مو حاسين ..

الحين احاول اعاملها كأنها بنت كبيرة .. على انها في عيني طفله ..
الله يخليها لي و لا يحرمني منها :نبض:

آلنـور

09-22-17, 12:43 AM

ايقنت ان حبسك داخل الذاكرة .. افضل من الحديث عنك بصمت ..
و ايقنت أن لا شيء يبعدك .. حتى و إن حاولت الاوهام نسيانك ..

لكن لازال الامل يرافقني .. يربت على كتفي.. يهمس لي " اكملي طريقك "

آلنـور

09-22-17, 12:05 PM

صباحكم خيرر ..

حركة تنرفزني في السناب .. لما احد من اهلي يرسلي سناب احد
و انا اتوقع انه واحد مشهور و اجي اضيفه اشوف وش عنده :MonTaseR_157:
فجأه هذا الشخص يرجع يضيفني و اكتشف انه من اصحابهم
لا شعورياً حظر على طول خخخخ

مابي احد يضيفني ما اعرفه .. عادي انا اضيف و اتفرج:x38:

بس :MonTaseR_112:

آلنـور

09-22-17, 02:30 PM

١٤٣٩

سنه جديدة
سنة بدايتها جميلة .. مختلفة ..
تفائل .. ابدأ سنتك بحب .. شوق لتحقيق الاهداف ..

اجذب الاشياء الجميلة لك .. عيشها و حققها ..

آلنـور

09-23-17, 12:05 PM

http://www.m5zn.com/newuploads/2017/09/23/png//m5zn_572dc9e839b8704.png

اشكرك على نظرتك ،، اللي اتوقع اني ما وصلت للعظمة في تعاملي و تربيتي ،،
كل ما اطالع في امي و تصرفاتها معنا و وكيف تبدينا على نفسها ،، امي العظيمه مو انا " الله لا يحرمني منها ،،

و بالنسبة للحجاب يوم تتذكره و يوم تنساه ،، و انا ما اشد عليها عشان ما تكرهه ،،
و الله يعيني ع التربيه ،،

آلنـور

09-23-17, 03:55 PM

http://www.al2la.com/vb/t85626.html

:سكر:

آلنـور

09-25-17, 07:56 AM

صباحكم منعش ..
الظاهر محد كثري يتنكد ف الصباح الا انه يعاند الظروف خخخ
عندي انسانه الله يصلحها بس :cupidarrow:

ع العموم انسو كل شي و ابدو بداية سعيدة ..
و لا تنسون تشوفون تصميمي الجديد .. تراني معجبه فيه :Chulo:

http://www.al2la.com/vb/t85663.html

آلنـور

09-25-17, 11:25 PM

اليوم عاقبت غاده عشان غابت ،،
طبعاً اشيل منها الجوال ،، و كنت اتغاضى لما تفتح اليوتيوب ف التلفزيون ،،
و اليوم من القهر رحت حذفت تطبيقات التلفزيون ،، اللي يقهر زياده انها تقولي انا اقدر ارجعها بس مابي خخخ
قلت رجعيها و شوفي وش يجيك <- باين القهر خخخ

و يوم كلمتني الابله و تسألني ليه بنتك غايبه ،، قلت لها تبين الصدق و الا اكذب عليك ،،
قالت اكيد تتدلع ،، قلت ايوه دلع ،، :m9:

قلت شوفي ترا مابي اكتب لها ورقة غياب <- انفجعت الابله خخ قالت كذا تضريني ،،
قلت خلاص بكتبها لك و اعطيك و هي لا تدري لاني مهددتها اقول ماراح اكتب لك ورقة غياب ،،
قالت يعني عادي انزله للمرشده <- بدون تأنيب ضمير قلت عادي خخخ

و انتهى مسلسل اليوم و ننتظر بكره :MonTaseR_147:

آلنـور

09-26-17, 12:10 AM

http://img11.hostingpics.net/pics/293471126425721887384248169964488826199523789916n. jpg

أعلم إن الطريق بلا نهاية .. و سلكته ..
و تتجاهل انت هذي النهاية .. و تسايرني ..
هل بتنا نسير بلا عقول .. أم إننا نهوى الفضول ..!
لا ادري .. يا انت ..
لا ادري يا سيدي ..
فقد بت أجهل .. من أكون و لمن أكون ..
و كيف أكون إن مِلنا .. و مال القلب في ذهول ..

تحية .. لذاك القلب الساهي ..

آلنـور

09-26-17, 06:58 PM

اخسس موقف ممكن يصير لي .. لما اتعنى لمشوار بعيد
و لما اوصل اكتشف اني ناسيه المحفظه في البيت :MonTaseR_187:
بصيييح من القهر :(

اجي المحل و اقولهم ما عندكم رقم حساب احول له :x30:
و فرحانه اني جايه ع الموعد و ماراح يأخروني زي كل مره :bnat30:

آلنـور

09-26-17, 08:18 PM

و الله ي امي بتهاوشني الين اقول بس على هالحركه ..
لا و بعد اقولها ما سويت شي و عيو يستقبلوني و قالو قفلنا :6:

الحين و انا راجعه البيت بشتري لها اشياء عشان ارضيها .. بس الهوشه فيني فيني ..

ابي علاج للتناحه و الفهاوة ؟
:MonTaseR_145:

آلنـور

09-26-17, 09:51 PM

ما قدرت اكذب على امي :x147:

آلنـور

09-27-17, 10:25 PM

عندما تقترب تتضح الرؤيا ..
اعتذر لمن اسأت فهمه .. بسبب عقليتي المتحجرة ..
فبعض الافكار لا تتقبلها بعض العقول ..
و بعض العقول تفكر بشكل صحيح و البعض الاخر يسئ الظن ..

و لا ادري اي العقول ينتمي عقلي ..
و لكن ما اعلمه انه يفكر اكثر مما ينبغي ..
يحلل و ممكن أن يخطيء او يصيب ..

و لازال يفكر .. و اتمنى انه لا يفكر :19:

آلنـور

09-28-17, 08:01 AM

ما اتوقع احد عنده الحرب اللي عندي ..
ما ابغى انتصر لمجرد الانتصار و فرد العضلات ..
لكن ابي الوضع يتحسن .. ابيها تنضبط اكثر ..

و ممكن الدلع الزايد و تلبية الطلبات دائم .. اعتقدت ب انها الامره الناهيه ..

بس تدرون .. على قد ما تزعلني و تنرفزني ما عمري دعيت عليها ف لحظة غضب ..
ما اقول الا الله يصلحك و يهديك

صباحكم اجمل من صباحي.. اللي اتمناه يكون جميل ..

آلنـور

09-28-17, 05:08 PM

صح تنكدت الصباح ..
و داومت و انا احاول انسى اللي صار و اكون طبيعية قد ما اقدر
و خلص اليوم .. و انتهت زحمته على خير ..

و الاجمل من ذا كله جاني خبررر جميل كل يوم كنت انتظره
من وحدة جميله احبها مرررره :نبض:
إن تقيمنا هذا الشهر مرتفع في رضا العميل ..

ما تدرون قد ايش كنت مهتمه لهذا الشي و انه يرتفع لانه الشهر اللي راح كان نازل
لاني بكل بساطه ما كنت مداومه <- ي عيني ع الثقه خخخ

دايماً حدد اهدافك و اسعى لتحقيقها راح تنجز بكل تأكيد بإذن الله

الحمدلله :نبض:

آلنـور

09-28-17, 11:23 PM

https://www.************/watch?v=s0Rfsty7TtM

كسرت لك شيء ما تقدر على جبره ..!

آلنـور

09-28-17, 11:32 PM

اليوم مزاجي صور و فوتوشوب و شيلات <- مزاج عالي :MonTaseR_57:
عاد نشوف وش نطلع فيه

على فكره جالسه اسمع شيلات منشد صوته زي عبادي الجوهر :MonTaseR_157:

https://www.************/watch?v=p-bXIZ2-faQ

صح .. !

آلنـور

09-29-17, 01:38 AM

http://www.m5zn.com/newuploads/2017/09/28/jpg//m5zn_3acb2b941b248a4.jpg

اجازه و سهر ،، و الفوتوشوب و ماجد المهندس :MonTaseR_31:

* تصويري + كلماتي :blush-anim-cl:

آلنـور

09-29-17, 10:52 AM

صباحكم ورد .. و زهور و انفاس العبير ..
اسيره قيمتك بس بالغلط ما كملت كلامي :MonTaseR_85:

كنت بقول لك قبل لا تنشرين السعادة حولك .. عززيها بنفسك اول ..
حتى يكون مخزون السعادة عندك فل و تنشرينه بكل حب ..

يسعد لي قلبك و روحك الجميلة :نبض:

آلنـور

09-29-17, 08:05 PM

عندي كمية صور عجيبه :MonTaseR_94:
هاردسكين ملياااااااااانه ،، ما اعرف ليه ما نزلتها او ما صورتها ،،
يعني صور حلوه بس قديمه ،،
بسوي تحدي مع نفسي ،، اني انزل كل الصور <- اتوقع ماراح تفوزين لذلك خليك هاجده خخخ

:56b889:

آلنـور

09-30-17, 03:02 AM

https://st-takla.org/Pix/People-General/www-St-Takla-org___Boy-Emptiness-01.jpg

يقول بخير ..!
و انا ادري من تفارقنا
تعب ينسى تفاصيلي

آلنـور

09-30-17, 04:58 PM

حلمت حلم غريب ..

حلمت اني اكل كيندر بوينو و مستمتعه فيه ..
و انا في الحقيقه انا ما احبه :MonTaseR_26:

آلنـور

10-01-17, 08:00 AM

صباحكم سعادة ..
يوم جميل و متحمسه لأشياء كثير .. و راح تكون جميلة بالتأكيد ..
طبعاً ما احكيكم عن النكد اللي صار ف الاخير ركبت راسها وغابت ..
اول شي كانت تقولي بطني يعورني .. قلت طيب قومي وقفي بشوف بطنك يعورك و الا لا ..
يوم وقفت قلت لها لا ما يعورك .. هذي مو وقفت وحدة بطنها يعورها و ضحكت خخ
بالاخير غابت ب اتفاق اني ما اكتب لها ورقه غياب :MonTaseR_147:
كل ما تكبر تصير اصعب :56b889: .. و انا في جهاد صباحي يومي

بس اداوم انسى كل شي و لازم انسى كل شي