حكــاية قصيــرة ❥

[آلنـور]

النوم لا يأتي ، عند حضور التفكير ،،
ضدان لا يلتقيان ،، <- نفسي يوم اصالحهم خخخ


ابي اليوم ينتهي و بكره ينتهي و اخذ اجازه طوووويله ،، ثلاث أسابيع أقضيها بين اهلي :نبض: و حبايبي
بس اللي يقهرني ف الناس اللي حولي ،، ما يتذكرون اشغالهم الا اخر ايام الدوام
نوره حولي حطي شيلي سوي لدرجه اني فكرت استقيل اليوم خخخ

يالله عدي هاليومين على خير ،،

هالاجازه من بداية رمضان و انا وصديقتي نتعازم عليها ،،
مره تقول اخذيها و انا ماابيها و مره ابيها و هي تبيها
اخر شيء احتجتها مرره لاني ابي اجلس مع خالاتي و لا ابي اخليهم بضيقتهم :30:
و يومين و انا اشاور نفسي كيف افاتح البنت ف الموضوع ،،
اخر شي جيتها قلت بقولك شي بس مستحيه منك ،، ابي اخذ إجازتك <- مساكين هم و الاجازات :30:
قالت حتى انا مستحيه منك يوم قلت ابيها و ف الاخير ما عاد ابيها
بس و اخذت الاجازه و انتظرها ب فارغ الصبر الله يعطيني من خيرها و يكفيني شرها
اليوم لازم اخلص بعض الأشغال و اجهز شنطتي عشان يوم الخميس اكون فاضيه <- نشووف:outhg!:


و النوم عيّا يجيني و بطني يعورني :6ت7:
مدري وش هالنفسيه

[آلنـور]

نفسي اكتب ، بس مدري وش اكتب ،،
من الفرحه ان اليوم اخر يوم اداومه و بعده اجازه طويله ما ودي اناااام :outhg!:
للحين فيه شيء مفقود داخلي ،، احس ان صدري فاضي مافيه قلب :6ت7:

<- كيف تحسين بالفرحه ما فيك قلب :outhg!:


قلبي راح ،،


ما تحسون اني صرت كئيبه ؟!

:65:

[آلنـور]

يوماً ما حزنت لفراقي ، و هو فراق دُنيا ،،

و اليوم فارقتنا ، بلا عودة
و اللقيا في جنة الخلد ي أماه

اربط على قلبي و قلوب احبتي
فإننا الضعفاء بدونك يالله
اقوياء بك ، كن معنا

لم يكف قلبي عن الاشتياق
و لا دموعي عن الانهمار
و لا لساني عن الدعاء

يارب ارزقها الفردوس الأعلى من الجنه :نبض:

[آلنـور]

ما اتخيل ارجع لبيتها و ما اشوفها ،، يجي العيد و ما تكون بيننا ،،
تكبيرات العيد مرتبطه فيها ،، عيونها فرحتنا ، ريحة الحنا في يدينها عطرنا ،،
يا رب ارحمها

[آلنـور]

أعد الدقايق ، و أعد الساعات
و الوقت قهرني يمشي بشويش :MonTaseR_121:

[آلنـور]

الحمدلله ،، ان اليوم عدى على خير ،،
على اني ما خليت احد الا عصبت عليه و خربتهم معهم ،،
استغفر الله ما عاد اطيق احد ،، و الحمدلله ان عندي اجازه ارتاح شوي

حتى المديره اللي استحي منهم و احترمها و اعزها ،، عصبت عليها :(
اخر الدوام رحت اسلم عليهم وحده و حده و استسمح منهم ،،
وحده شكلها ما تبي تسامحني بس مجاملة قالت اسامحك خخخ

و المديره الله يسعدها دنيا و آخره ،،
انسانه راقيه بكل ما تعنيه الكلمه من معنى ،، ذوق ذوق :نبض:
قلت لها سامحيني ،، قالت عادي مسامحتك و مقدره وضعك ،، و قالت لي ريحي و انبسطي ف الاجازه ،،
وجهها بشوش و قلبها ابيض ،،
احب الناس هذي ،، اللي تقدم الخير و ما تدور مقابل و لا شكر من الناس ،،
لازم اشتري لها هديه بس مدري وش اشتري ،،


على طاري الهدايا ،،
المراسله اللي عندنا ،، من يوم عرفت ان جوالها ابو كشاف ،، و تتكلم مع البنات و تقول انها تبي تشتري جوال ،،
حزنتني ،، قلت انا بشتري لها جوال ،،
و الله ما تتخيلون فرحتها بالجوال ،، كيف تسلم علي بحراره و عيونها فيها الدمع ،،
قلت لها انتي مرره كويسه ، و انا احبك :نبض:


حلو لما تهدي شخص ،، هديه يحتاجها و مو قادر يجيبها ،،
شعور الفرح بعيونهم ما يوصف ،،



كل عمل خير سويته ف رمضان هذا ،، نويته هديه لأمي نوره الله يرحمها ،،
و عساها تفرح بالهدايا اللي قدمتها لها ،،
ابي يوم يوصلها اني سويت لها شيء ف الدنيا ،، تفرح ،،
و الله اشتقت لها ، و لعيونها اللي ماراح انساها طول عمري
الله يجمعني فيها ف جنات النعيم ،،
:نبض:

[آلنـور]

http://www.m5zn.com/newuploads/2016/07/01/png//m5zn_80fc0c95e84b9f8.png


هلابك ي حلوه ،،
و اللهم امين :نبض: ،، و يبارك ف عمرك ي رب ،،
ان شاءالله اكون احسن ،، و دامكم حولي انا اكيده بصير احسن و احسن :نبض:

[آلنـور]

http://www.m5zn.com/newuploads/2016/07/02/png//m5zn_b783d75d47efa56.png

[آلنـور]

http://www.m5zn.com/newuploads/2016/06/24/jpg//7ee0d9a6bb8f1ea.jpg



هديه رائعه ، مُلهمه ،،
و من الضروري توثيقها هُنا ،،
شكراً ي مجهول

[آلنـور]

الاجواء من حولي ما تساعدني على الكتابه و الفضفضه ،،
صجه و لجه و حوسه و اوضاع مدري كيف ،،
نحاول ننسى و نستانس لكن فيه شيء يردنا ،،
ف عيونهم الحزن يكسر قلبي ،،
يا رب اجبر كسر قلوبهم ،،


و الله كل ما افكر اكتب سالفه و أمسك الجوال ، احس الحروف تهرب مني
على يقين ان القادم اجمل ، لكن نحتاج الصبر و التوكل على الله ،،
لي فتره طويله ما كتبت شي يونّس ،، لكن امهلوني كم شهر <- بشويش يالمهمه خخ


تتوقعون هالعيد كيف بيكون ؟!
كيف بيكون و قلبي مو معنا ؟!
كيف بيكون و احنا فاقدين بركة البيت ؟!

يارب صبرنا :30:

[آلنـور]

http://www.m5zn.com/newuploads/2016/07/01/jpg//m5zn_ef651336e312599.jpg

[آلنـور]

لكل من قيّم و دعا ،،
جزاكم الله خير و الله يسعدكم ،،
انا واثقه ان الايام الجايه اجمل بس نحتاج شوية صبر

[آلنـور]

http://upload.7hob.com/Photo/7hob.com1368661336566.jpg


و يغط قلبي في حزنٌ عميق ،
هل من فرح ينتشلني ،،

[آلنـور]

عيناها كانت الفرح ،
بُتر الفرح ، و اصبحت يتيم

[آلنـور]

http://c.top4top.net/p_187chnj0.jpeg



اجمل الهدايا ، هديه وصلتني رمضان اللي فات
من انسانه عزيزه جداً على قلبي ،
من الناس اللي قلوبهم بيضاء يحسسونك ان الحياة لسى فيها خير
لسى فيه ناس طيبه تحبك و تتمنى لك الخير
صديقتي الحبيبه نوره :نبض:

[آلنـور]

لا تعلم ، و لا اعلم ..
جميعنا تهنا و أضعنا الطريق ،،

[آلنـور]

سبحان الله مافي احد مرتاح و راضي عن حياته ميه بالميه
هذي مو عاجبها تطنيش زوجها لها ، و هذي مو عاجبها اهتمامه ،، :MonTaseR_115:

حتى انا في فتره من الفترات ما كنت راضيه عن حياتي ، و كنت طفشانه و اتملل من وضعي ،،
الين اقتنعت و آمنت ، ان كل شيء مكتوب لي ،، رضيت و الا ما رضيت راح يصير ،،
ليه ازعل نفسي و اكتئب ، و ف الاخير المكتوب راح اشوفه ،،
حبيت حياتي زي ما هي ، رضيت و زادني الله رضا ، زادني ايمان بالقدر ،، زادني تفاؤل
الحمدلله على كل شي :نبض:

[آلنـور]

اللي نايم و اللي طالع و اللي مداوم <- كل ما تتذكر الدوام يجيها غثيان :x147:
الحمدلله اني ف اجازه مدة اسبوعين :MonTaseR_65:

و انا جالسه لحالي :69:
ما عندي الا بنت اختي الصغيره كل ما اناديها تهرب مني :g:

يا شين البيت الكبير بدون ناسه ،،
كان نفسي اروح معهم بس الله ما كتب الحمدلله ،،
سويت فطوري و جلست ف الصاله لحالي <- توك تفطرين:MonTaseR_166:
اشين شيء ف الاجازات لخبطة النوم ،، لا نهارك نهار و لا ليلك ليل ،،

يالله انتظر احد يجي يسليني و يسولف معي ،، :DsC00581:

[آلنـور]

دايماً الاشياء اللي ودي فيها و أتمناها ،،
كل ما احاول افكر فيها ابعدها من بالي على طول ،،
ليه ما ادري:MonTaseR_159:

[آلنـور]

نايمه للظهر و الحين كبس علي النوم و جالسه اقاومه
عشان انام زي الناس ف الليل ،،
اشتقت اقوم الصباح و اروّق :nosweat:

[آلنـور]

من نِعْم الله علينا ،،
إن اللي ف القلب ف القلب ،، ما يعلم فيه إلا الله :MonTaseR_82:
كل ما أتأمل في هالموضوع احس براحه عجيبه ،،


احبني :سكر:

[آلنـور]

شفتو النوم اللي كنت اقاومه ..!!

مدري وين راح :(

[آلنـور]

^

تعوذت من الشيطان ، ي عزف ، و نمت :35:

[آلنـور]

قبل سنتين ، كان عيدي جداً سقيم ،، ما طلعت من البيت و لا عايدت احد
كان الكل مستغرب ، ليه نوره ما جات ، كل سنه تطلع ف العيد و ما تخلي و لا بيت
صح ماني اجتماعيه و خجوله :سكر: ، بس احب اطلع للناس و اجتمع فيهم ،،
اللي ما خلاني أمارس حياتي طبيعي اني مرضت ذيك السنه ،،

من 2003 و انا احس بهذي الأعراض بس على خفيف ،، و كنت اقول عادي مافيني شيء و لا عمري كشفت ،،
الين 2014 كانت الطيحه قويه ، ما قدرت أعيش طبيعي ،،
من الاشياء اللي تضحك كنا نجلس نتقهوى و انا كل شوي يطيح من يدي الفنجان و أكب القهوه
كانت امي تهاوشتي تقول وصختينا خخ و انا ما كنت احس بنفسي :ai:

الشيء اللي ما أنساه ذاك الدكتور ، غبي ،، المشكله انه سعودي ،،
طريقته في اخبار المريض بمرضه غلط في غلط ،، للحظة حسسني ان اللي فيني سرطان ، الله يبعده عنكم و عن احبابكم
و لما قالي المرض ، قالي تعرفين هالمرض ، قلت لا اسمع فيه بس ، قال اول شيء روحي اقري عنه و تعالي ..
و انا على كلامه رحت قريت و انفجعت من اللي قريته ، و قمت اهوجس و اوسوس ،،
رجعت له قلت قريت عن المرض ، الحين وش خطت العلاج ،، قال و لا شيء ،، ماراح اعطيك اي علاج
الا لما تجيك نكسه ثانيه اعطيك علاج ،، قلت يعني انا اجلس كذا ، يقولي عادي ،،

اللي خلاني ادخل على هذا الدكتور ،، الزحمه اللي كانت في المستشفى ،، على الدكتور اللي كنت ابيه
و طحت ف ذا الخبل مع احترامي ،،
رجعت أعيش حياتي و أداوم و انا بحالتي هذي محتاره لأي دكتور اروح ،،
رحت للدكتورين سعوديين مع احترامي للسعوديين ، لا يفقهون شيئاً و لا عندهم احساس الأطباء
واحد كانت الكشفيه عنده ب 1000 <- قلت اذا بدخل عليه و اطلع طيبه دفعت الالف خخخ
و الثاني كااااشخ على آخر شيء ، و يسأل اسئله مالها داعي <- انا ف حال و انت ف حال :ai:
سحبت عليهم هالثلاثه

بعد شهر و نص من المعاناة ، انذكر لي دكتور مصري ،، و رحت له ،،
و من اول ما شاف الإشاعات حقتي ،، عرف حالتي و عرف وش يعطيني علاج ،، و الحمدلله بعد ما اخذ العلاج
بفضل الله صرت احسن الحمدلله ،،

اول ما بديت كورسات العلاج ، كنت اخذ إبر ، كل اسبوع ادق إبرة ،، <- اكره الإبر
الابرة زادت حالتي النفسية سوء ،، :MonTaseR_56:
بعدها بكم شهر ، طلبت من الدكتور يبدل لي الإبر بشيء ثاني ،،
قال في حبوب ، بس قبلها لازم نسوي لك تخطيط للقلب و تحليل دم ،، سويتها
الموقف اللي يضحك و ما نسيته ،، يوم سويت تحليل الدم ، بعدها بيوم جاني اتصال من المستشفى
يقولون نتيجة تحليل الدم بتتأخر لاننا بنرسلها فرنسا ،، وقت مارديت كنت نايمه ،، يوم صحيت حسبته حلم
رجعت اتصل على المستشفى اتأكد خخخ و طلع الخبر صحيح ،،

و بعد ما تأكدنا من التحليل و تخطيط القلب طلعت الحبوب مناسبه لي ،،
بس لازم اول حبه اخذها في المستشفى و اكون تحت المراقبه سته ساعات ،،:ai: ،، لكن الشغله اللي فيني ما خلتني اجلس لهم ،،
هربت من الممرضه ،، و طلعت تدورني خخ ،، و اليوم الثاني دقت علي تهاوشني لي رحت و ماكملت المراقبه خخخ

المهم عدت الايام ، و صرت احسن من اول و تحسنت حالتي :0741: ، الحمدلله ،،



اللي طرى هالسالفه ، اللي اقرأه ف التويتر ، و كيف الناس تسوي تجمعات ، و لا اتوقع اني بجتمع معهم بيوم
لاني احس اني غير ، اخاف اروح لهم و اشوف شيء يخوفني

اللي يعرفني يعرف اني مصابه بهذا المرض ،
و اللي ما يعرفني معرفه شخصيه او من بعيد لبعيد ما يعرف و لا ابيه يعرف ،،
لان أعراض هذا المرض تختلف من شخص لآخر ،،
و الحمدلله انا ما زادني الا قوة :نبض:

بس رجعت لي طاقة السوالف و ابي اسولف عليكم :سكر:

[آلنـور]

http://a.top4top.net/p_1938qov0.jpeg


حرف شامخ بفضل الله ، اني احسن و متفائله و راضيه باللي كاتبه الله لي
من كثر ما انا راضيه ماني حاسه اني مصابه بهذا المرض ،
الحمدلله بصحه جيدة و معنويات عاليه ،، شكراً الله يسعدك


،،


اسيرة حرف ،، انتي و الله اللي تهبلين و سوالفك تهبل ،،
بعد ما هربت منها ذيك المره حفظتني خخخ و صرت احسن علاقتي معها عشان تمشيني بسرعه
الله يسعدك و لا يحرمني من روحك الحلوه ،،

[آلنـور]

بنت خالتي من اليوم تكلم اخوها ف الواتساب تطلب منه شيء و مو راضي يطيعها
قمت اخذت منها الجوال و سويت نفسي بنت خالتي ، الين خليته يطيعها خخخخ
يوم بدا يسأل اسئله ما اعرف اجاوب عليها قلت لها قومي اخذي جوالك و تأدبي معه يطيعك :cupidarrow:
البنت و اخوها اصغر مني بكثييييييير و امون عليهم :MonTaseR_25:


بس وناسه انك تنتحل شخصية احد ثاني خخخخ

:Chulo:

[آلنـور]

جلستنا الصباحية ، ب عبق الماضي ،،
خواتي و بنات خالتي كل وحده تتذكر الأغاني القديمه اللي كانوا يسمعونها
قالوا يالله دورك وش اغنيتك زمان ،،
اول ما جا على بالي ، أغنية زمان يوم أدورها بالقوة القاها ،، الحين ابحث ف اليوتيوب القاها على طول
ل محمد عبده "سوالف الشوق" ،، يالله لها ذكريات عنيفه معي ،،
لها سالفه و حكايه و و و سقى الله ذيك الايام ،،
و كنت اسمع لنوال الكويتيه "الا بزعل" و "كل الحكايه اشتقت لك"
كل أغاني نوال احبها و صوتها شجي ،، و من أغانيها القريبه "مستحيل أنساك"
مرره جميله ، و تهيض الذكرى الجميله
و كنت احب " في يوم و ليلة " ل وردة

كان مزاجي غير ،

صح ما عاد اسمع أغاني زي اول بس احيان تهيضنا ذكرى و نرجع نسمع اغنيتها

<- فكينا من سالفة الأغاني و قومي نامي :9:

[آلنـور]

و يسعدك ربي ي "نقطه" ، وجودك فرح

،،



جبت لكم كلمات "مستحيل أنساك" ، ما ابي اسمعها رحت اقرا كلماتها :سكر:
تدق ف القلب :30:

مستحيل أنساك



على كثر الهموم اللي تجيني من هنا وهناك
حبيبي كل همي يهون يوم ألقاك قدامي
من أول ما نظر عيني يعانق بارق محيّاك
بشوفك تحتفل حتى الجروح وتسكن آلامي
كأني في زمن غير الزمن لمّا أكون وياك
وكنّ العمر يبدا في لقاك وتشرق أيامي
أحبك كل شي فيني يحبك يعشقك يهواك
ولا أحد بالهوى مثلي متيّم وهايم هيامي
عيوني مهجتي وروحي فؤادي منزلك وحماك
حياتي كلها لأجلك غرام وعشق متنامي
بروحي والعمر أشري هناك وبسمتك ورضاك
أموت ولا احتمل دمعة تجرح خدّك السامي
أنا صحراء الجفاف اللي تمنّت في ظماها ماك
حرام انك مطر عمري وأنا في دنيتك ظامي
يجوز انسى معك نفسي ولكن مستحيل أنساك
لحبك خافقي يمشي قبل لا تمشي أقدامي
ولكن لو حصل شي لروحي وفرقت دنياك
ومت وما قدرت اني معك أحقق أحلامي
دخيلك بس سامحني ولا تبكي علي عيناك
وكثّر من دعا الرحمة وهذا منك اكرامي

دخيلك بس سامحني ولا تبكي علي عيناك
وكثّر من دعا الرحمة وهذا منك اكرامي




كلمات : احمد بن ظاهر

[آلنـور]

ليه اليوم جاني النوم بدري :dunno:
بس انا اعرف لا حاولت أمسكه طار :(

[آلنـور]

المفروض اني انام بدري عشان اصحى بدري ،،
ان شاءالله بكره نرجع بيتنا ، نرجع نرتب وقتنا ، نومنا ،، كل شي يرجع لوضعه الطبيعي
و الله اشتقت للبيت ، لكنبتي :سكر: للابتوبي ،،
اشتقت لكل شي الا الدوام : ( ،،
احس بطني يعورني لا تذكرت الدوام ،،:9:
باقي اسبوع و أداوم :MonTaseR_159:
بداوم تقريباً شهرين و تجي اجازة الحج :MonTaseR_59:
<- مسكينه خخخ
يالله الحمدلله راحت حياتنا ف الدوامات <- ليه وش تبين ،،
تدرون من الهدوء اللي عندي صجني صوت المكيف خخ

يالله بحاول انام وراي بكره عمره :سكر:

[آلنـور]

دايم اذا كنت لحالي تجيني افكار مأساوية ،،
الحين لازم اخر واحد ينام يطفي انوار البيت و المكيفات و يرجع كل شيء مكانه ،،
و اليوم بما اني لحالي خواتي نامو قبلي و بنات خالتي راحو بيتهم ، انا اللي قمت بهذي المهمه
و انا رايحه جايه ،، تخيلتني طحت ف الخزان :دموع الورد:
يعني لو طحت فيه هالوقت الناس كلها نايمه و ما عندي احد و ما اعرف أسبح اكيد بموت :(

:x37:


<- هذي اللي تبي تنام:x37:

[آلنـور]

اذا دخلت الفوتوشوب تجيني حاله ما اقدر اطلع منها بسرعه :MonTaseR_155:
ما اعرف ايش هي ، بس تخليني هاجده شوي <- مخدر خخخ
ما راح اطلع من هالحاله الا اذا نمت و صحيت ، او يجي احد يستهبل على راسي الين يطلعها خخخ
<- مخ مدري كيف مركب :MonTaseR_89:

[آلنـور]

اقول لكم شيء
مستغربه شكل المنتدى ،، لي فتره ما ادخل الا عن طريق الجوال بحكم ان اللابتوب مو عندي
الحين اشوف الصفحه مررره كبيره :MonTaseR_173:

الفتره اللي راحت عجيبه ، الله لا يعيد الحزن اللي فيها ، و لا يحرمني اهلي و ناسي ،،
:نبض:

[آلنـور]

اعترف ان عندي حاله نفسيه من بعض الاشياء و بعض التصرفات ،،
ما اعرف ليه انا اسوي كذا ،،
انا عاجبتني نفسي ،، بس اذا دققت عليها احس فيها شيء غريب خخخ
و احسن اني ما ادقق على نفسي عشان ما اغير حالاتها النفسيه :g:

[آلنـور]

مزاجي فوتوشوب
و مزاج بنتي تخرب علي
:MonTaseR_127:

[آلنـور]

مُصره اكمل التصميم ،، على انه من البدايه باين انه جداً بسيط ،،
لكن عاجبني ،، خلوه يكمل و اوريكم
:MonTaseR_5:

[آلنـور]

و خلصته تعالو هنا :x38:


http://www.al2la.com/vb/t73842.html

[آلنـور]

مدري ما عاد تضايقني و الا تعودت على هذا الشعور ، و الا انا مبسوطه كذا ،،
و اللي اعرفه اني اعيش في حالة هدوء عجيب ، بالرغم من الضجيج اللي بداخلي :MonTaseR_38:
و الله احس بقربعه داخلي خخخ <- شعوري مدري وش يبي :MonTaseR_26:

بما ان هالشعور معي و ملازمني من كم يوم ، جبت الهارديسكات القديمه <- :21:
عشان اوريني شغلي خخ ،،

يالله بروح اتفرج فيه ، و اذا لقيت شيء يستاهل انزله جبته لكم ،،

[آلنـور]

لوف ستوري ، الدبلوماسي حالياً ،،
تذكر اول ما شفت اسمك قلت تذكرني بتصميم صممته زمان <- اكيد ما تذكر
بس انا اذكر


هذا هو


http://www.m5zn.com/newuploads/2016/07/21/jpg//m5zn_43ded08015fe6d8.jpg

[آلنـور]

اممم كذا مرتاحه ،
رأس مالي ف هالحياة " خيالي الواسع "
احب اتخيل شيء و أعيشه ، ما يتعبني هالشعور ، بالعكس يخليني احب نفسي اكثر



رحت سويت نيو لوك على حسب خيالي خخ
مقتنعه فيه و راضيه ، بس كل العاده ادخل البيت و الكل ما يعجبه
و راح تجيني هوشه كبيره من امي :(

مو لازم الكل يعجبه خيالي :DsC00581:

[آلنـور]

امسيت من وصل المواليـف مـزّاح ..
وأصبحت من فرقى المواليف مفجوع ..!!

البارحه في غبّـة الوصـل سبّـاح ..
واليوم من عرش المواصيل مخلـوع ..!!

يا صاحبي صرح الهوى والوفى طاح ..
والقلب كنّه من عراويـه مقشـوع ..!!


بن فطيس المري


،،

تعجبني هالقصيده ،،
و يعجبني فيها استخدامه لكلمات ما هي شاعريه لكنها أدت الغرض بشكل عجيب ،،

مخلوع ، مقشوع <- يعني لو بقولك اكتب قصيده فيها هالكلمات ،،
هل بتجيبها صح زي ما جابها بن فطيس ،،
يمكن فيها ناس تكتب كذا بس ما اعرفهم <- معرفتي بالشعر بسيطه :dddas:


https://www.************/watch?v=DvndKyo8FKk




بليت في من دونـه سيـوف ورمـاح ..
وغدا علي وصله مثل حبّـة الكـوع ..!!

له منّي ان سرّه على الناس ما باح ..
ولي منّه ان الصد غصب بلا طـوع ..!!



،

ابدع من قلب :نبض:

[آلنـور]

https://silviakusada.files.wordpress.com/2013/08/egoless.jpg




لا تعلم ، اني منبع الجنون ،،

و لا احد يعلم ،،

لا تعلم ، اني ارق مما يكون ،،

و لا احد يعلم ،،

لا تعلم ، اخاف ، اخاف

و لا احد يعلم ،،

لك و لهم الظاهر ،،
و انا لي الخافي ،،

اخفي ،


الخوف ،


الشوق ،

الوجع ،

و الحُب ،

و لا يعلمون ..!!

[آلنـور]

http://cdn.mensagenscomamor.com/resize/400x225/content/images/int/melhores_musicas_amor_historia.jpg





نبضات قلبي ، موسيقى نادرة
لا يعزفها إلا " أنت "

[آلنـور]

http://www.m5zn.com/newuploads/2016/07/24/png//m5zn_02d7d55f1ba9694.png

ملاحظه رائعه ، لا بأس من المحاوله ،،

[آلنـور]

http://cdn.mensagenscomamor.com/resize/400x225/content/images/int/melhores_musicas_amor_historia.jpg





نبضات قلبي ، لحن نادر
لا يعزفه إلا " أنت "

[آلنـور]

http://4.bp.blogspot.com/-RiZTYdNVKUc/TbOoYw3zptI/AAAAAAAABF8/MlSV-kgwN_4/s1600/162796_457550152923_259772907923_5530253_2368020_n .jpg


أجمل امنياتي
بالخيال أعتليها :نبض:

[آلنـور]

في هذا الصباح ، احاول بكل ما اؤتيت من قوة ،، " اني اروّق "
بالرغم ان كل شي حولي يقولي لا تروقين :298:
بدايةً من بنتي و زنّها ،، ما تسكت ما تسكت بسم الله عليها :MonTaseR_38:
اجاوبها و ترجع تعيد السؤال ،، وقتها ودي اصيح ب اعلى صوتي
خلاص ي ماما روقيني :بكى:


لكن ،،

انا وحده جداً عنيده ، و مُصره اروّق ،،
و الحين رايقه <- عادي لو تكذب على نفسها خخخ


هاه اقولكم : صباحكم خير ! <- تشاورين بعد خخخ




صباحكم خير و امل و فرح و كل شيء جميل ف الحياة
:سكر: :نبض:

[آلنـور]

من طبعي ما آخذ كلام الناس حجه و دليل ،،
لازم أواجهه و اشوف بعيني ، حتى احكم ،،

لذلك احتكاكي بالناس قليل ،

[آلنـور]

مدينه عشقي،
يسكنها شخصان
"حاكم" ظالم
عاث فيها فساداً

و "جندي" مظلوم
ظل يقاتل في سبيل الخلاص ،،
من ظلم حكمهم
إلى أن قُمع و سجن
و لا فرار من ذلك


:MonTaseR_103:

[آلنـور]

احس الويكند خلص بسرعه
ياربي في اشياء كنت بسويها و ما سويتها ،،

:MonTaseR_143:

[آلنـور]

مع المسابقه جفّت السوالف :MonTaseR_85:

[آلنـور]

قروبي العزيز ،، عشان ادّهر في التصاميم ، ادّهر يعني اصمم بسرعه خخخ
لازم اسمع شيله حماسيه تخلي مخي يرج :dance9bh:

https://www.************/watch?v=DugSmWglhS0


انام و اصحى و ارجع طبيعي :MonTaseR_94: <- خخخ

اهني المطران على الحماس و الهياط خخخ

[آلنـور]

اللي يستغرب مودي ، اقوله هذا سر المهنه ،،
لولا مودي الغريب و المتقلب في كل وقت ما كنت " النور "
املك طاقه هائله ، لكنها للاسف مهما احاول اجمعها احسها مُهدره نوعاً ما ،،
احاول اجمع طاقتي و اوجهها توجيه سليم لكن للحين انا و ياها ف جهاد :MonTaseR_184:
اللي يخربها علي التسويف و التأجيل ، كل يوم اقول بكره ، بكره ،، و اخاف تضيع علي الفرص

تدرون اني ابي اخذ اجازه من نفسي عشان افكر فيها ،، متى بس ،،
:MonTaseR_95:

[آلنـور]

http://b.top4top.net/p_215mxvf0.jpeg



بعض الأمنيات " أمل" يُشعرك بأن الحياة لازالت بخير ،،

[آلنـور]

ان تعلم بـ دِنو اجلك ،،
اقسي على نفسك ممن هم حولك ،،
على عكس الموت فجأه ،

[آلنـور]

فكره ف بالي ، و جالسه أدرسها من جميع النواحي ،،
هل تضبط و الا ما تضبط ، لاني مابي أغامر فيها و أتورط ،،
الله يسهل ،،

[آلنـور]

http://f.tqn.com/y/japanese/1/W/M/3/5/89753337.jpg


ي صباحي غنّ للغالي " احبه "

[آلنـور]

الصباح طاقة ايجابيه إن لم تستفيد منها ضاع يومك ،،
الصباح يمتلي خير و حب و حياة ،، جنة يومك اللي تبتغيها يومياً
و قليل اللي يوصل لجنة الصباح ،،

ف الصباح اتذكر كل شيء جميل مر بحياتي ، و أتغاضى عن السيء ،،
و يزيدني قوة و اصرار ، يزيدني حب للاشياء اللي حولي <- الا الدوام خخخخ


لا و الله ، الجد الجد إن الدوام صار من الاشياء السيئه اللي أتغاضى عنها ،
و ادور فيه شيء يسعدني ،، و ما القى الا زميلاتي الله يسعدهم


حبو صباحكم يحبكم ،، :نبض:

[آلنـور]

8:01 am


مدري ليه احط المنبه ثمانيه و دقيقه :eh_s(10):
و المهم من ذا كله اني أصح قبل يدق المنبه خخ

[آلنـور]

في صدري يجتمع كل الكلام و ما أنطقه ،،
يمكن خوف ، تردد ، او اني اشوف ماله فايده أظهره ،،
فتره من حياتي جميله و عدت ، ماني ندمانة عليها و لا متحسفه على كل دقيقه فيها ،
صح ودي اعيشها مره ثانيه و اقدر اعيشها بس !
بس هذي تخبي ورآها اشياء كثيره ، و أكررها بس ، بس ،، ف الاخير اقول بس ما اقدر ،

و هالشعور ، عمري ما زعلت منه ، مبسوطه فيه ، هو اللي يخليني فجأة ابتسم ،،
هو صار جزء مني ، ما اقدر أخليه و لا راح يخليني ، وفي زي ما انا وافيه ،،

<- لحالها و تهوجس خخخخ

و احس الكتابه تخليني ارتاح ،،

[آلنـور]

https://c1.staticflickr.com/1/212/470153894_0a666d2aea.jpg

توقفت الحياة عند اعتاب قلبك ،
و لم يعد قلبي قادراً على استقبال احد ،

[آلنـور]

https://www.************/watch?v=a9uJu0S4npE

[آلنـور]

فجأه تغيرت حالتي النفسيه :x147:
و هالحاله تتطلب مني اجيب الهارديسك و اتفرج ف الذكرى القديمه ،،
بس المشكله مافيني حيل اقوم من مكاني و اروح اجيبه ،، :MonTaseR_103:

:MonTaseR_69:

[آلنـور]

مشكله لما تشوفهم على خطأ و ما تقدر تنصحهم ، و لا تقولهم اللي ف بالك ،،
لاني اعرف انهم ما راح يتقبلون مني النصيحه ، لأسباب كثيره ،،
نتمنى لهم الخير ، حتى لو ما يتمنون لنا الخير ،،

الحياة قصيره و صارت مخيفه ،،
ما يطمنا فيها الا قربنا من الله ،،
و الا اي شيء ثاني لا ،،

دعوتي لهم دايم : الله يصلح حالكم ، و ينور بصيرتكم ،،

[آلنـور]

ما اعرف اذا كنّا مزعجين لبعض و الا لا ..!
بس اللي اعرفه ،، أن الامور راح تعدي بسلام ،، و إن كل شيء ف حياتي مريح
و حتى لو كان فيه شيء مزعج ، انا أخليه مريح غصب عن كل شيء

الطبع اللي كان فيني اللي هو "ما احب ازعج احد حتى لو على حساب نفسي"
قدرت أتغلب عليه نوعاً ما ، و ان ما تغلبت عليك ، ب اقدر أتغلب عليه ،،
نفسي أولاً و من بعدي الطوفان ، يمكن هذي القاعدة خلتني اهدى شوي ، خلتني راكده اكثر ،،


في الدورة اللي أخذناها امس ، كانت عن ادارة التغيير
شدني تعليق وحده من البنات ،،
تقول الواحد اذا كبر ف العمر عقله يكبر و قلبه يصغر ..!
الكل خالفها و صحح لها بمعنى أصح ،، ان القلب ما يصغر ، بس من كبر العقل قدر يتحكم فيه

و انا اشوف قلبي كل ما اكبر يتضخم و يكبر معي ، و يكثرون الناس فيه و احمد ربي عليهم ،،
صح اني مو اجتماعيه و خجوله ، بس الصداقات عندي كثير ، و غالب هالصداقات من خارج العائله ،،
من عائلتي ما صادقت الا خواتي :نبض:

نحمد ربنا على نعمة الحُب ، و الناس اللي تحبك تبقى معك طول عمرك حتى لو فرقتكم المسافات ،،
و تزيد مخزون السعاده عندك ، مخزون الامل و التفاؤل ،،

سعيدة في هذا الصباح و اتمنى لكم ضعف سعادتي :نبض:
صباحكم سعاده

[آلنـور]

أجمل الصباحات بِ رفقة أغلى البشر "أمي" :نبض:

[آلنـور]

https://www.************/watch?v=Y1DPtqmGDpg



هذي ثلاث سنين راحت بلياك
حبك يزيد وشوق قلبي يناديك

[آلنـور]

لما الطبيب يكون عنده خبره عاليه و إلمام كبير و ذا معرفه واسعه " بالعامية شاطر "
و يزيد إقبال الناس عليه لسمعته الزينه ،،
بدل ما يحتسب عمله لوجه الله و انه يساعد مرضى كثير على الشفاء
اصبح اكثر جشعاً ، الكشف عنده صار ب 800 ريال ، عشان التأمين ادفع 250
تخيلو شهرياً انا لازم ادفع الكشفيه بس عشان يكتب لي وصفه بالحبوب !!
طبعاً بكل بساطه رحت لدكتور ثاني ،، ماني محتاجه ادفع له و انا صحتي بيد الله مو عنده


كل يوم يطلع لنا اشياء عجيبه في الحياة
الله يعين عليها

[آلنـور]

قد ايش كلمة " الحمدلله "
تزيل هم كبير من صدري ،، تريحني بشكل عجيب :نبض:

[آلنـور]

http://www.albrens.com/vb/uploaded/29751_1259790637.jpg

صدقني ما تدري ، و لا هم يدرون ،،

[آلنـور]

مساكم حُب ،



من تمارين " ادارة التغيير" ،،
ريحو يدينكم و مدوها على قدام و شبكو اصابعكم في بعض ،،

شوفو الابهام ،، اي واحد فوق ، اليمين و الا اليسار ..!
طيب ريحوها مرره ثانيه
و مدوها و شبكو اصابعكم في بعض ،،
بس هالمره ،، اذا كان الابهام اليمين فوق ،، حطو اليسار فوق ،،
و شوفو مدى تقبلكم للتغيير ،،
هذا يعبر عن مدى مقاومتكم للتغيير ، و تدريب بسيط يساعدكم على التغيير في حياتك ..

كل شيء يبدأ صغير و يكبر ، مرنوا انفسكم دائماً ع الايجابيه و التغيير ،،

هذا و الله اعلم :سكر:

[آلنـور]

رغم الاختلاف الشاسع ، في كل شيء ،،
ابقى انا كما انا ، و يبقى هو جُرح غائر في اعماقي ،،
و إن صَح القول : يبقى هو كما هو ،،

لا تعلمون إننا اجتمعنا لسبب ، و تفرقنا لسبب آخر ، كان اكبر من تحمليّ ،،
اعتذر عن قسوتي ، فلم استطع التنصل منها :30:

و اعتذر من برودي ، لم يعد هُنا ما يرق له القلب
سوى " كلمه " اهرب منها ، حتى في خيالي ،،

لكن حق لك ان تعلم ، انني لازلت ابتسم لـ ذكرى جميله ، كلمه حانيه ،،
لله در الايام الجميله :نبض:

[آلنـور]

https://www.************/watch?v=BzCxG4FbUfc



عسى ربي يبيحك كان ما حنيت
انا غرقان و تفكر ... تغرقني

[آلنـور]

دائم ، الاختيار بين امرين ، صعب و محيّر ،،
شيء ابيه و اشوف نفسي فيه من زمان ،،
و شيء هم يشوفونه فيني ،،

هل امشي معهم و الا معي ؟!

[آلنـور]

http://a.top4top.net/p_239dvpa1.png

http://b.top4top.net/p_239jmw82.png




يسعدكم ، و شكراً على رفع المعنويات و التشجيع ،،
انا معكم اشوف اني امشي دايم مع نفسي دائماً في الامور الشخصيه ،،
اول شي اريح نفسي بعدين اريح اللي حولي ،،

لكن لما يتعلق الامر ، بخصوص العمل ،،
اني أُخيّر بين مكانين ،، وظيفه ابيها من زمان و مافيه فرصه الحين اني انحط فيها ،،
و وظيفه متخوفه منها ، و فيه فرصه اكون في هالمكان ،،
لكن لما اوافق على الخيار الثاني و انا عارفه اني راح انجز فيه ،، راح يكون من صالحي ،،
ما اخفيكم اني اليوم كتبت السلبيات و الايجابيه عشان ارد عليهم بكره ،،
و كتبت كم وظيفه مسكت من يوم توظفت ،، للامانه احس بفخر و انجاز و لازم يكمل هالشعور معي
و طبع التحدي فيني يخليني اقبل باللي اخاف منه عشان اكسر حاجز الخوف ،،


صار عندي ٦٠٪ ايوه ، و ٤٠٪ لا
انا من الحين الين بكره بـ اكرر " لا حول و لا قوة الا بالله "
و اكثر من الاستغفار ،، عشان الله ينور بصيرتي ،، و بكره اعطيهم الرد النهائي ،،


تعرفون : ما احب احتار في شيء ،، الشيء اللي احتار فيه ،، احاول ارد او اتصرف بسرعه عشان ما اطول محتاوه :سكر:

[آلنـور]

http://b.top4top.net/p_241wq7h1.png

http://d.top4top.net/p_241to7e1.png


دعواتكم تسعدني ،، و حافز لي و رب الكون ،،
فعلاً انا راح انجز في المكان اللي احبه ،،
الله يسهل الامور ، و الله يسعدكم دنيا و آخره ،،

[آلنـور]

http://f.top4top.net/p_241r06d1.gif

الامبراطورة ،، قد قالو لك انك سعاده ؟!
يختي لو فيه منك اثنين :نبض:

شدتني تصاميمك في تواقيع بعض الاعضاء و كنت اشك انك انتي مصممتها ،،
سألت برنسيسه و اكدتلي ،، و ما اخبي عليك ،، اني جاني فضول اشوف كل التصاميم ،،
رحت مدونتك و لقيت اسمي معهم ،، و استحيت اني ما شفته الا متأخر :(
عجبني و انا اهاوش خخخ

ي حلوك بس :نبض:

[آلنـور]

كنت شخص ،
و صرت شخص ثاني ،

شخص يقدر يعيش بدون شخص يشبه له ،

[آلنـور]

نفسي مفتوحه اني اسوي موضوع :cupidarrow:
الموضوع ف بالي من زمان و اشتغل عليه ،، لكن كانت النفسيه ما تقدر تنزله :wild:
بتقهوى و اكل الكوكيز اللي داسته عن بنتي و متهاوشه انا وياها عليه خخخ

و بعدين اكمل شغل على موضوعي :cupidarrow:

[آلنـور]

بعض الاشخاص " بلسم " للاوجاع ،،
و بعض الاشخاص ،، يزيدون الوجع وجع ،،

تقرّب من الناس اللي تخفف اوجاعك ، و تغاضى عن اللي يزيدها ،،

[آلنـور]

http://e.top4top.net/p_2416b8q1.gif

نفسي اكون رومنسيه و انا اصمم خخ
هذا مودي وقت التصميم :MonTaseR_224:



https://www.************/watch?v=Wpm_jYAItAM

[آلنـور]

http://c.top4top.net/p_242omft1.png

انا اسفه اني صدمتك خخخ ،،
اسمع كذا اذا بصمم بسرعه ،، :سكر:

[آلنـور]

http://www.al2la.com/vb/t75723.html


موضوع كان حبيس الملفات لشهور عديده ،،
و يوم كملته و خلصت منه ،، جاني الشيطان قالي انتي تعبانه لا تنزلينه اليوم :x23:
صدقته اني تعبانه و قفلت الصفحه و قلت بكره اكمله ،،

شاورت نفسي قالت لي لو ما نزلتيه الحين ما راح ينزل :23:
نهرت الشيطان و نزلته :cupidarrow:

[آلنـور]

صباحكم امل ، :رحيق:
كل شيء في الحياة جميل ، لكن لازم تنظر من الزاويه المناسبه ،،
كثير نمر بظروف سيئه ، و تأثر علينا و على نفسياتنا ،
بس لا تخلونها تنزلكم تحت ، ارفعوا انفسكم ، عشان تحبونها ،،


:MonTaseR_212:

[آلنـور]

تعودت على قطرة العيون ، و اليوم اكتشفت انها خلصت :(
و ما يمديني اجيب غيرها الا بعد الدوام :6ت7:

جربت نوعين قطرة لجفاف العين ،،
لو عندكم اقتراحات قولو لي ناويه اجربها كلها خخخ

[آلنـور]

طفشانه من رجلي و احط حرتي ب إي شي :105:
و اول المستفيدين من حرتي هي بنتي :لا بالله: ،،
عليها زن مو طبيعي ، يفجر الراس ،، و غصب عني اعصب :MonTaseR_113:
انا دلعتها و عطيتها كل شي تبيه و شكلها من النوع اللي يتبطر على النعمه و لازم اخليها تهدي شوي ،،
قلت لها نامي الحين و بكره فيه قوانين جديده <- اخس ي وزيرة الخارجيه خخخ
ادعو لي الله ينصرني عليها خخخ

فيني نوم و مابي انام ،، احس فرحانه ان بكره بداية العشر و يوم خميس ،، :MonTaseR_11:،،

[آلنـور]

https://www.************/watch?v=oFxxu-oXxi0


ماسكه معي ،، شعر حمد السعيد :MonTaseR_221:

[آلنـور]

بعض كتاباتي أُحلل سرقتها ، لانها لم تعد تعنيني ،،:DsC00581:

[آلنـور]

دريت اني اسم عابر خطر مره على بالك ،،


https://www.************/watch?v=-SWuZrQ1vYA

[آلنـور]

اليوم الوطنيه زايده حبتين :سكر:


https://www.************/watch?v=jHUkN8eS-j8

[آلنـور]

تعرفون شيطاني اللي حكيتكم عنه !
ياهو كسلااااااان ،، اليوم الـ*** يوسوس لي :56b889:
عندي مشوار مهم جداً جداً ،، و هو ابن اللذينا يقولي انتي تعبانه لا تروحين :MonTaseR_145:
كل ما اقوله لا انا بروح قالي ي بنت الحلال انتي تعبانه روحي انسدحي ف البيت بس <- لاقيها خخخ
بس عاندته ،، قلت حتى لو تعبانه رايحه رايحه ان شاءالله ،،
و رحت :SnipeR103:

و نفس الشيء عندي يوم السبت مشوار و الحين جالس بمخي :200:
بنشوف مين يفوز :64:

[آلنـور]

http://www.al2la.com/vb/t75369.html


مطر الفجر
عزف
حُسام

اشكر وجودكم الجميل ، نزل الموضوع للصفحه الثانيه و استحيت ارفعه :سكر:
قلت اشكركم هنا ،، شكراً من القلب

[آلنـور]

توقعت انه عادي و بقدر اسويه زي كل الناس ،،
لكن ما عرفت ،، و مو لازم اعرف اذا ما يفيدني بشي ،،
يمكن هالشيء يزيدني تناقض ،، بس عادي يعجبني التناقض ،،
تدرون اكثر وحده معجبه فيها انا هي "انا" <- نرجسيه خخ

الوحيده اللي اتمناها تصير احسن مني و تحب نفسها اكثر مني هي بنتي :سكر: <- هنا تبدأ العنصريه خخخ

اتمنى لكم كل خير ،،

[آلنـور]

http://d.top4top.net/p_245n54b1.png


اهلاً الموعود ،، ما فهمت الوصيه " البريك رزميه " :23:
و حياك ب اي وقت ،

[آلنـور]

هذي ثالث مررره اجي هنا بكتب كلام ،
و اكتبه و امسح ،، ليه مدري ..!
مدري يمكن الكلام مو وقته الحين ،، او مفروض ما ينكتب ،،
لكن هو بصدري ،، ما تعبني لكن مدري <- كل شيء مدري خخخ

المهم اني بخير :نبض:

[آلنـور]

1:57

ما فيني نوم ، بس لازم انام لان وراي كرف بكره ،،
صح الشغله متعبه و خلتني أشك ان عندي مشكله في رجولي بس الحمدلله طلعت سليمه :g:
لكن حبيت هالمكان ، اشوف نفسي فيه ، و ابدع فيه ،،
حتى مديرتنا الكبيره لما شافتني انبهرت من شغلي و نشاطي ، كانت ماخذه فكره غلط و صححت لها
و ما كنت قاصدة اصحح لها ،، بس هي شافت بعينها ،،
و سبحان الله متى ما كنت صادق مع نفسك و مع اللي حولك ربي ما يضيع لك تعب ،،

اليوم مدري شفيني ، احسني حبيت نفسي بزياده :MonTaseR_65:
نبض قلبي اليوم مختلف ، ما اعرف ليه بس كذا احس ،،
و احس بعد ان ودي اسولف و ما اسكت خخخ
بس ما عندي سوالف :سكر:

عشر ذي الحجه إحساسها حلو ، :نبض:
و اتذكر يوم حجيت 1435 يالله قد ايش كانت مريحه و حلوه ،،
ما كان فيه حر و لا زحمه ،، دعيت ربي ب كل اللي اتمناه ،،
دعيت لنفسي كثير ، دعيت لحبايب قلبي :نبض:
و الله اتمنى ربي يكتب لكم حجه للي ما حج ،، :نبض:
كل ما جا مجال تذكرنا حجتنا ،، سوينا كذا و سوينا كذا ،، يالله قد ايش ايام حلوه ،،
نفسي احج مره ثانيه :نبض:

2:10

[آلنـور]

كنت خايفه و زادني اخوي خوف :MonTaseR_56:

[آلنـور]

اليوم مزاجي اشياء قديمه ، رحت ادور ف النت عن الصور القديمه اللي اذكرها و الذكريات ،،
تذكرت شي و نفسي اجيبها ،،
تذكرون المجله اللي اسمها تسالي فيها العاب و كلمات متقاطعه ،، :dddas:
كنت احب الكلمات المتقاطعه :نبض: ،، نفسي نلعبها سوى هنا بس مدري كيف ،، لو لقيت طريقه لعبناها ،،
ترا مو هذي اللعبه اللي بلعبكم هي ،،

بس اشتهيت العبها :الحلا ذبحني:

[آلنـور]

يشرفني و يزيدني فخر و رضا ،، انك تنظر لي هالنظره ،، انك تشوفني بهالصوره
و اللي يشوفني بصوره تناسبه و تناسب أهواءه ،، ماني مستعده اصحح له ،،
يكفيني ان فيه رب شايف و عارف ، و هو اللي بيحاسبنا و هو اللي يعفو و يغفر ،،


الحمدلله الحين و بكره و ف كل وقت ،،

:DsC00581::نبض:

[آلنـور]

صباحكم جميل ،

اصعب شي أنك تكتب و انت منسدح و تسرح شوي و يطيح الجوال على وجهك خخ:MonTaseR_141:
راح كل الكلام الحلو اللي بكتبه خخخخ


المهم على طاري المهم ،،

يوم كانت بنتي صغيره يعني بعمر اربع سنين خمس ،،
كنت احكيها حكاية قبل النوم ،، و ف نص الحكايه اقول المهم و أكملها
كانت تفطس ضحك اذا قلت المهم خخخ و ليومكم هذا ما اعرف ليه تضحك :Kq600697:

بس كانت تعجبني ضحكتها و اكثر من المهم عشان تضحك زياده خخخ


و صباحكم ضحكه حلوه :MonTaseR_207: