مقــهى البـوح الشـعري ..،، تفضل أرتشف قهوتك ...'

[عمـر]

لاواهني من صفق طرق الهواء ثوبه
في قمةٍ تتعب الندّر مراقيها
..
في علوّها ياجد الملتاع مطلوبه
و يظهر بها اللي عن الانظار مخفيها
..
يـلـفّ وتـلـفّ حـوله وحـشة ذنـوبه
كـنـه يـعدّ الجبال اللي حوالـيـهـا
ㅤ..
من كان له خـطوةٍ فاللّـوح مكتوبه
طال الزمان أو قصر لابد يمشيها!!

[بنادول]

مثل مايمر الطيف في سجة الساهين...
تمر اجمل احداث العمر دايما عجله...!

[جرحي دفين]

‏'
علّمتها . .
ماتنكسر لـ النهايات
تضحك
لو ان الحزن
باني لها صرح !
راحت ..
وفيها من دروسي :
علامات
في وجهها بسمة
و في قلبها جرح

[ريما عبدالله 20]

والله ان قلبي على شوفك شفوق
وانتظر مـــوعــد تلاقيــنا يحين .

[عمـر]

تـجرِي بنــا الأفـلاك و آمـالنا (طوال)
و تقْـصر مـع الأيـام مـن حِـين لاحـِين
.
نطْرد ورى الدنيا نبي.. سِـتْر الأحوال
للبيت حَـق و من نـصى البـيـت حَقَّين
.
مرّن ما نحْصِي كم عدد رُوس الأموال
و مـرّن لا والله... نـاخـذ الدَّين بالدَّين

[خفوق الروح]

.

لا تسأل الدار عمّن كان يسكنها
‏ الباب يُخبر أنّ القوم قدْ رحلوا

‏ ما أبلغ الصمت لمَا جئتُ أسأله
‏ صمتٌ يُعاتب من خانوه وارتحلوا

.

[سلطان الجبل]

انا منساك لو تنسى
وان طول علي بعد
عساك انتَ بخير
ولا ني ناسي ٍ حبك
ولا نيب جاهله ولا نيب جاهله
وذكرى صوتك وهمسك
في قلبي شايله. فقلبي شايله.

[عمـر]

دوافع . . . الوصل للعشّاق معروفه
أسرفت بالشوق وأخشى ذنب تبذيري

يا صوتك اللي عليه الروح . . ملهوفه
إن جابه الحظ له شكري و تقديري

انا فدى وجهك . . اللي كل ماشوفه
أقول للضيق . . روح دوّر على غيري

[سلطان الجبل]

https://pbs.twimg.com/media/EVNq1DrVAAIh50F.jpg

[مِيهاف]

قالوا دواء الهجر هجر مثله
‏جاز الذين نسوك بالنسيان.

[أمل.]

ذكرتك حبيبي والمسافة ضما وجروح
‏ولا فيه غير اللوم والحزن .. يبرالي

‏من العام وغصون المواصل بعيدة شوح
‏ومدري متى ارض الشوق تروى من ظلالي

‏ياليت الليالي مثل روحك .. خفيفة روح
‏ما كان ارحل لماضيك وارجع وانا خالي

‏تجهمت يا عامٍ مضى والعيون تبوح
‏عسى الدمع ما يمحي ملامحك عن بالي.

[سلطان الجبل]

https://adabworld.com/wp-content/uploads/2022/05/adabworld-poetry-quotes-4338-750x750.jpg

[أوديت]

،.

مشكلتك تحبني وتحب تعذيبي
في كل قفر بحنايا الصدر لك جره

لو ما شعر قلبك ب لهفة مكاتيبي
ليه اشقي القلب في نجواك واضره

في روحي امطرت يا قبلة تراحيبي
كل الغصون اليباس اليوم مخضره

موتني هيام خل الناس اليوم تدري بي
واحذر تغيب وتموتني من الحرة ..!!

[وجه المرايا]

في حياتي ياحياتي صبتني
ذا جزاي اليوم تتركني مصاب

[خفوق الروح]

.

والله ماتصغر الشرهه ولا تكبر
‏الا على قيمة الانسان في عينك .

.

[عمـر]

يا زمن بتكل و تمل ما تلحق مداي
كان هداتك بعيدة ترى شرحك سرا

ما بعد شكيت حتى على أعز اصدقاي
من كرامة خاطرٍ بالشكاوي ما سرا

تاركٍ حالي على الله وهو دامه معاي
و الله أني في سعادة و في ظلّ وذرا

[ريما عبدالله 20]

تراك في قلبي لو وين ما كنت
ممتلك شعوري و فكري وبالي

[أوتار الأمل]

:

قال حب : وَ قلت عفواً وش تقول ؟
قال حب ! وقلت لا يسمعك ، ٱحد

من ثلاث سنين ، ما عندي قبول
كل ما حبيت لي ( واحد ) جحد !

[ريما عبدالله 20]

ياناس مال الهوى دكتور
يعالج قلوب المحبيني..
حظي رماني على مغرور
مغرور وبالهجر كاويني..

[عمـر]

مرّه أتبع رغبتي ومرّه أعيف ميولي
مالقيت لهذه الفوضى سبب يشرحني

لا بديت أحل مشكلتي تضيع حلولي
كل مارتبت صوتي نبرتي تفضحني

قالوا إن حِدة مزاجي تجرح اللي حولي
والله إني قبلهم . . . أحسها تجرحني

[ريما عبدالله 20]

قال الطبيب لأهلي لما نظر حالي
هذا المريض مسكين صعبان على حالي

دقات قلبه تقول فارق حبيب غالي
ماله دواء عندي غير شوفة الغالي

[خفوق الروح]

.

ويَروقُ لِي صَمتي وقِلَّة أَحرُفي
‏بَعضُ النِّساءِ تَظنُّني مُتَكبِّرةْ

‏واللهِ حَاشَا أن أُغَرَّ لِلحظَةٍ
‏لَكِنَّ نَفسي لا تُحبُّ الثَّرثَرةْ!

.

[عمـر]

يوم طاوعت كبريائي وقسوتي وعنادي
صديت عنه ، والمحبه قدرها متواجد

يالنسيّم اللي تمر دياره .. وترتادي
بلغه شرهه خفوقي و السلام الواجد

[ريما عبدالله 20]

ليتك تشوف فرحتي يوم احاكيك
وليتك تشوف ضيقتي لافقدتك

[عمـر]

أنا عن اللي جاي ماعندي علوم
ومستقبلي ماا أعرفه الا بـ ذكره

واثق تمامًا بان كل شي مقسوم
مثل مااثق في حمد ربي وشكره

وفـ مطاول الآمال مانيب ملزوم
بـ اعيش يومي بس وأحب وأكره

لـ أحدٍ يهرّجنا فـ بكره من اليوم
حنا عيال اليوم .. يا عيال ، بكره

[ريما عبدالله 20]

كل مانويت ارجع لسربي واغادر
تلوي جناحيني رياح السوالف !

[خفوق الروح]

.

جاني مثل حلمٍ تمنيت شوفه
‏وجيته مثل غيمٍ تباريه الأمطار .

.

[حلم Lmح]

صدّقني إن الخيال الهادي الحالم
‏أفضل من الواقع الغرقان بـ همومه

‏في هذِه البقعة الضخمة من العالم
‏هُنالِك أشياء واجـد غـير مفهومة

[شاهد عيان]

..

علامك يالطيف الروح تجرح مهجة المشتاق

‏ترى قلب المولع نبت صيف ووصلك الساقي

[أوديت]

،.

إنكسر غصن الوصال وطار طيرى
راح عمرى بين روحه وبين جيه ..!!

[وجه المرايا]

مـرسـاله الـطيـف لا مـنه لفى عيني

يــطـمّن الــروح فــي لــحظه.. ويشقيها

ليت السعاده رهينة راحـت يــديـنـي

وأعــطـيـك وأعـطي البشر باقي أمانيها

[جرحي دفين]

فيك شـيء مـ لقيتـہ فـي آلخلايق
حس طآغي مع مشآعرك اï»ںرقيقہ

وكل مآ جيتك وآنــآ بآلحيـل ضآيق
تنفتـح نفسـي علـى . . آول دقيقـہ.

[أمل.]

بقى ذنب واحد من ذنوبي عجزت أنساه
بعد ما هداك الله يا قلبي على التوبه

لك الشوق يا ذنبٍ تركته لوجه الله
عسى سيئات الشوق ماهي بمحسوبه

[سلطان الجبل]

لا يَحمِلُ الحِقدَ مَن تَعلو بِهِ الرُتَبُ

وَلا يَنالُ العُلا مَن طَبعُهُ الغَضَبُ

[ريما عبدالله 20]

يارب أفتح على وجهي دروب الخير
ارزقني رضاك..وحقق كل أحلامي ..

[وجه المرايا]

عندي أمل بنلتقي يا حبيبة

صدفة بتجمعنا بليّا مواعيد

قلبي معك لا شك بياخذ نصيبة

لقيا برضى الخاطر عسى أيامنا عيد ..

[متأمل]

ً
ً

" صدقيني قلبي يحكي لك حقيقه
صدقيني ما ارى غيرك ملاك
ومن اجل وصلك بتخذ اية طريقة
ما ابالي لو طريقي لك هلاك "

ِ

[ريما عبدالله 20]

أحاول أبعد عن طريقك وأمرك ..
عيبي على فرقى البشر ما تعلمت

حتى ابتسامة خاطري لا تغرك
.. على كثر ما احتجتلك ما تكلمت

[أمل.]

اليوم خذ راحتك بس الوعد بكره
الارض تكشف خوافيها لدايجها

عن صدة الراضي وعن جية المُكره
تنبيك الايام لاحجت حجايجها

سريرة الآدمي تحت كنف ذِكره
نارٍ يكافح لجل صيته وهايجها

ياطيب هقواتك ولكن على فكره
فالغالب الناس عبّادة حوايجها..

[عمـر]

كلمه من العاقل تسرك وتنفعك
وكلمه من الجاهل تضيع دليلك

ومراقبة ربك عن الشر يمنعك
واهل العلوم الضايعه لا تجي لك

اجعل طموحك دوم للعلم يرفعك
واللي يحب الطيب خله زميلك

واعرف ترى ماقلت به رب يسمعك
ولافيه غيرالخير يبقى حصيلك

[خفوق الروح]

.

أحسب إن الغلا يمحى بكثر الشدّ و الترحال
‏و أثر لك في وسط صدري حنينٍ يلغي دروبي

.

[أمل.]

درب انتظاري لك "حياة"
من قال يتسمى صبر ؟

عشتك عمر بالذكريات
والعمر مره .. بالعمر

وشلون اقول النور مات
وطيفك على مدّ النظر !

[عمـر]

كنت مالي فالمحبه ولا اعطيها اهتمام
ومن يسولف عن دروب الغرام اشره عليه

مستريح البال من مسجدي يم الدوام
ماعرف الحب و نظامه ولا فكرّت فيه

لين حبيت و بعدها على الدنيا السلام
راح حالي حال من ضاع حقه من يديه

اتعزز بس لـ اقبل من الشرق الظلاام
ودّي بـ خاطر شمالي ونفسية سفيه

[ريما عبدالله 20]

كل المشاعر على دربك تودّيني
ولغيرك الصدر مَا رحّب ولا هّلا !:ah11:

[خفوق الروح]

.

لاسطى سكر شفاتّك على الفنجال
‏وشلون تظلم قهوتك وتقُول مُرّه ؟!

.

[عمـر]

ولا تامن الدنيا ليا ذقت الافراح
مهما صفت لك تبي تذوق المهانه

تلعب بنا الدنيا كما لعب مسباح
شطرٍ عليه العود.. ما أفصح لسانه

لا تفرح بطيحة عدوّك ليا طاح
تَحَمَّد الله.. حط نفسك مكانه

مو شرط تصبح كل الأوقات لَمَّاح
ترى التغابي من فنون الذهانه

[أمل.]

الجميله ماعطيتك غلاي ابغى مقابل
لو غيابك يزرع الموت ويزيد الرتابه

يكفي انك منتهى النبل يوم الوقت نابل
ويكفي انك تسكنين الصدر .. عطر و رحابه

كل مامريتي البال طاح الشعر وابل
وانبتت للعود ريشه على قوس الربابه

و كل مامريتي الاذن ترقص لك سنابل
وكل مامريتي العين تبكي لك سحابه

[ريما عبدالله 20]

بعض المشاعر مثل بعض الذكريات
على كثر ماهي قديمة " غالية " .

[خفوق الروح]

.

‏ما أجمل الدُنّيا إذا كُنّا معًا،
‏فالكونُ كلّ الكونِ لا يعنيني

.

[عمـر]

خلك ثقيل وخل كلآمك بمقيآس
مأكل من يسمع همومك ..[ فزع لك ..!

بعض البششر من حبهأإ تقول..[ لآبأسس
وبعض ألبششر من حقدهأإ .. [تبتسم لك

[خفوق الروح]

.

المواقف علمتني لا غدى بالك طويل
تكسب كبار النفوس وتبتسم لصغارها

.

[أوتار الأمل]

:

تجمل مع العالم و خلك حسين أخلاق
جميلك هو إللي لامن أقفيت يبقى لك

[جنون عآبثهة]

ما عرفت مْن الطريق ؛ إلَّا سـرابه
‏ليه أشوفك رغبةٍ في قلب سامِح؟!

‏وليه أشوف فـْ زحمة وْجيهٍ تشَابَه؟!
‏وجهك اللي يزعَل ، وعينه تْسامِح

‏من جعلَهم في سما عيني سحابة
‏تمطرك : شكل، وتلفَّات، وملامح !

[ريما عبدالله 20]

لگ في خفوق القلب مليون فزة
افز مع شوفگ وصوتگ وطرياگ

[عمـر]

إن مَ سَرقنآ آلسعـآدة من عيون آلضبآب
بنعيـش .. بين آلآسـىٰ و آلصـدّ و مكآبره

وإليآ إرتوىٰ آلقلب بـ آلشِكّه و بـ آلإرتيآب
موت آلعَتب .. و الله إنيّ خآبــره خآبــره

[خفوق الروح]

.

حتى لو الايام تشبه بعضها
‏تكرار الايام وانت بعافيه نعمة .

.

[عمـر]

الذكريات اللي تجيبك من اقصاك
صارت بعين اللي لمحها ، قصيده!

اي والله ان الحزن بيّن بمداك
لو تظهر حروف الحياه .. السعيده

لكن تجاوز كل حزنك وذكراك
واستمطر غيوم الحياة .. الجديدة

[خفوق الروح]

.

يا اجمل من الهقوات واكبر من الظن
‏قربك عن ازعاج العمر . . ركن هادي

.

[عمـر]

لآ غدآ فـ آلصدر ، ضيقآت وجروح وملآم
شرهـة آلغـآليـن .. و الله ، مـآنـي نـِدّهـآ !

آستلِذ آلبوح لآوحيت ، نوحك يَ آلحمَآم
ولاّ آنآ نفسي عن آلصمت كيف آلـ إدّهـآ ؟

[جنون عآبثهة]

الذكريات القديمه جرح ما يبرى
‏لا مرّت البال تسرقني سواريها .

[عمـر]

صدّك تغلين وإلاّ ظرف كـ العاده .!
وإلاّ هوى الغير مرّك واجْرفك صوبه

اذا مشاعِرْك يمّ الغير ،،،، منقاده
الله يهنيك بـ أخلاقه و بـ أسلوبه

[ريما عبدالله 20]

رحت أردد في وداعك كلمتين..
يا قليل الحظ .. ضيّعت العطا

[خفوق الروح]

.

أهوى نسانيس وصله يوم تلفيني
‏تمايل أغصان قلبي من مواريها .

.

[خفوق الروح]

.

كل ما ضاقت بك الدنيا تعال
‏تدري إن قلبي لجيّاتك وسيع

.

[خياآل]

حتى لو اخطيت في حقي
فـ أمان
وافهمك حيل لو تخون التعابير

بوح حالي

[عمـر]

تبقى حبيس الذاكرة والحنايا !
ماكنت واضح بس ماكنت مغمور

تكفيك عن كثر الوجيه : المرايا
وعن نار خذلانك يكفيك : ديجور

تحكي تحت جنحه قديم الحكايا
وتستاذن الظلمآ وتآخد يد النور

اوتيت سُؤلك ياحبيس الحنايا
استاذن الظلما وصافح يد النور !

وانفض غبارك مابقى بك بقايا
ماخلف هذا الصمت غير ارضه البور

سود الليالي عذر بيض النوايا
لاتعتذر حتى ولو قيل معذور

مديت للماضي يدينك عرايا
وتخطَّفتك يدين الأيام بالدور !

تصحى وامانيك القديمة سبايا !
ويصحى الزمان وساعد الحلم مبتور

تقاسموا جملة جروحك هدايا
خيبات وآمال وسهر ليل وشعور

[جرحي دفين]

‏لآ تنبش الجرح ي بيض ،،الآحلآم*
گف الموآدع مآ نسينآ ،،،،،، ونينه
لو إن حزن البارحه يذگر ،، العآم
مآ گآن ضآقت في عيوني ،،مدينه

[ريما عبدالله 20]

على صباح حبك أنا صبحت
يا خير الصباحيات و أجملها:31:

[خفوق الروح]

.

ما عبس وجه الزمان إلا لقيتك من وراه ,
‏ ضحكةٍ تطرد سراب الخوف وتغيث الطريق.

.

[خفوق الروح]

.

وغلاك كَنّه فالحنايا دهن عود
‏يْعتّقه طول الزمن ويتجدّد.

.

[خياآل]

تصور حالتي وانا يمرني مع الاسياب
كما مشي الغزال اللي تخطى داخل ******

خيال

[ريما عبدالله 20]

امطرت شوارع الرياض وقلبي
على صوت المطر يدعيلك

[خفوق الروح]

.

اضحكي دام هالليالي ،،، شتاء
‏والله ان ضحكة وجهكِ دافيّه.

.

[عمـر]

لك مدادي من سماي و فيك ظِلّي
كلّ ما شحّت على الأرض السحابه

كم توقّى في دقاق حْماك جِلّي
و كم بحثتك فالقصيد و فالكتابه

كنت أجيك من أوَّل الأيّام كِلّي
لين أكون أكبر سماء و أكثر رحابه

إن تبدّى لك نحيل الدّار .. طِلّي
طلةٍ .. تجْلَى عن النفس الكآبه

[خفوق الروح]

.

على النقى ماننحدر بالمحادير
‏نظراتنا صوب الجدي والمجرّه .

.

[أوتار الأمل]

:0741:

:

إن البيوت إذا البنات نزلتها
مثل السماء ... تزينت بنجومها

هن الحياة إذا الشرور تلاطمت
وإلى الفؤاد تسللت بهمومها

[ريما عبدالله 20]

تدري من اللي يستحق المحبه
الي يداري خاطرك وأنت ضايق .

[خفوق الروح]

.

‏له بسمةٍ لو يوزعها على العابرين
‏ماشفت وجهٍ حزين .. وعالمٍ ضايقة

.

[خفوق الروح]

.

اشوفَك بالدروب وفـ الملامـّح كل يوم تبيّن ،
‏وأحس إن الخطاوي كلها صوبِّـك ، تودينـي

.

[ريما عبدالله 20]

وجودك معي مصدر فرح ياشبيه الورْد
و بدونك تفاصيل الفرح مالها طاري

[سلطان الجبل]

على بركات الله فليدرك القصد
ويهناك يا عريس أن زفك السعد
إلى الدين والدنيا وبالعز والمنى
تسير وبالأفراح يدرؤك المجد

[ريما عبدالله 20]

يا مرحبا مليار باللي لفانا
ترحيب مايحصى ولا هوب معدود

باللي له التقدير يسبق غلانا
واللي احترامه عندنا ماله حدود

[سلطان الجبل]

https://www.eqrae.com/wp-content/uploads/2022/10/1-205.jpg

[ريما عبدالله 20]

جعل " المساء "
من حلا الحظ يعطيك !
تامر وتنهي .. وتسعى | الناس | / لرضاك !

جيتك يا " منى الروح "
. . . . ب الشوق امسيك !
لبى " فؤادك .. جعل المخاليق / تفداإاك "

[عمـر]

خذيتك من عيون اللي يبونك مرجلة وعناد
مثل ما ياخذ البحّار من جوف البحر دُره ..

[خفوق الروح]

.

على غيرك عمى عين وجفى قلب وثقيل لسان
‏و عليـك أنـت الخطـاوي تسبـق أوّلهـا تواليهـا

.

[وجه المرايا]

أحبك لو تجافيني
وعلى كل الخطى مسامح
أحبك يا نظر عيني
ورضاك ألزم
ولكني فقير الحظ
أنا لك أكثري تجريح
ترى حبك
بيشفعلك .. أحبك

[متأمل]

ً
ً

" ارفض المسافه والسور
والباب والحارس

آه انا الواقف ورى ظهر النهار
ينفض غبار ذكراه
ارفض يكون الانتظار بكره

ابسقي عطش قلبي اليابس
على شفاهي واقول احبك "


ِ

[ريما عبدالله 20]

يا وجهك الي عيّا عن بالي يغيب
يا اشتياقي اللي زاد عن حدّه

[خفوق الروح]

.

والله ما امل مشاهد عيونك وانا طبعي ملول
‏لعيونك اخذ من طواريق القصيد عيونها.


.

[ريما عبدالله 20]

تعال نسّمر الليل على ضوء القمر
وإن غاب القمر نسّهر على نورك

[خفوق الروح]

.

كل عام وانت كل عمري والايام
‏ياللي بقربك شفت كل امنياتي .

.

[سلطان الجبل]

https://c.top4top.io/p_2592vb9mn0.png (https://top4top.io/)

[عمـر]

نثرت القصيد العذب في عنقها المنتول
مثل ما نثرت الملح فـ عيون حِسّادي

على صوتها المبحوح و إقبالها المقبول
يغنّي لها الشادي على مفرع الوادي

[أمل.]

السهر صحبه قديمه والأرق شي ٍ اساسي
والقصايد كان ما زادت مواجعنا .. خساره

اشهد ان الليل لا يرحم ولا يعرف يواسي
ضيقة الظلما خطاه ونسمة البرد اعتذاره

[عمـر]

يملّ الطريق وتطرق النّود غصن البان
وتزود المسافة؛ كلّما زاد بك خوفي

عيون السحايب ماتوارى عن العطشان
تباين مثل وجهي، وتلويحة كفـوفي

مثل ما عرفت إن في هدبك الوفير أمان؟
أنا عارف إن اللي ورَا [أهدابك] حتوفي.

[أوديت]

،.

من يقول القلب مايعشق ويهوا
‏،، والله انه "ميت ٍ " قلبه غرام

‏بسّ بشعوره عجز ينطق ويقوا
‏،، لين صمته اكتسا وجه الكلام ..!
.

[خفوق الروح]

.


له بسمةٍ لو يوزعها على العابرين
‏ماشفت وجهٍ حزين .. وعالمٍ ضايقة.

.

[ريما عبدالله 20]

ياليتني لابغيت أكره قدرت أكره
ماكان قلبي إليا جيت أكرهك عيّا

[خفوق الروح]

.

كأني أنزع ضلع صدري من مقرّه
‏ يوم أقول الله يسهّل لك طريقك !

.