مقــهى البـوح الشـعري ..،، تفضل أرتشف قهوتك ...'

[أورلينا]

"أخافُ عليك من ألمٍ وحزنِ
‏فرِيحُ الهَمّ تكسِرُ كُلّ غُصْنِ

‏أعيذُك من دموع الحزنِ حُبًّا
‏لأِنّك قطعةٌ فيِ القلبِ منّي"

[متأمل]

ً
ً
تعالي من جسور الليل تعالي ضي
تعالي في هجير الشوق تعالي فيّ "

ِ

[أورلينا]

خل البشر تذكرك بالخير والطيب
السمعه الزينه رصيد و غنيمة

ان جيت تلقى المسهلا والتراحيب
و ان رحت تمدحك النفوس الكريمة

[سلمان الخالدي]

من فوق ظلع طويق وروس المراقيب
لقيت روحي والحيااة الكريمه

نبعد عن الضيقات ونبدا الموااجيب
ونصبر على كل الجروح الاليمه

هذي هي الدنيا عجاج ولواهيب
العمر يفنى واليالي مقيمه

سلمان

[سيف الحزن]

جيتك من الشوق اغرد اخر ابياتي
لعيونك اكتب جديد الشعر لعيونك
لو كان هالوقت ماهو ضمن حزاتي
جيتك اغرد قصيد الشوق بلحونك

[أورلينا]

بعض البشر تلقاه ضايـق عـشـانك
وبعض البشر ينساك في عـّز ضيقك

أخـذ النصيحه لا يـغـّرك زمانـك
في هـ الـزمـن لازم تميـّز صديـقـك

[سلمان الخالدي]

اجلس على التله وهذا مكانك
في بحر حبك لا تخلي غريقك

امنتك الله يوم امن امااانك
عجزت اقاوم في سحابك بريقك

سلمان

[سيف الحزن]

سقى الله ليال في خيالي تقول أحلام
‏تغيب و تجيب الذاكره ما مضى منها

[ريما عبدالله 20]

لو تجيني بالمساء واللّيل داكن
نور وجهك يقلب الظلمات ضيّ

[أورلينا]

تشابهت أوهام عيني مع الصدق
ودرب الرجا ماسرني فـ انعواجه

ياما وقفت أطالع النور من شرق
أقول صبح ويكتب الله انفراجه

أسرق من خيوط الرجا والأمل سرق
من يوم ودعتك ولي فيك حاجه

[متأمل]

ً
ً

" حبيبي الاصدق الاكذب
تعبت اوصل شواطي طبعك الاعذب "


ِ

[ريما عبدالله 20]

كن صُوتك غيـم والنبـره مـطـر"
وكن سمعي أرض ذابحها الضما

[أورلينا]

رحلت عن دارك وانا خاطري فيك
رحيـل حاكم دولته مستحلـه ،

حاولت اكابر وانسى ماضي لياليك
جتني طيوفك زادت الطين بلـه

سالت دموعي فوق خدي تناديـك
عقبك ترى دنياي صـارت مملـه

شف حالتي وشلون لا حل طاريك
شفني على طاريك دمعي اهلـه

[سيف الحزن]

ودي ارسلك رساله من الشوق
‏ و اقول انك على بالي واروح

[يلدز]

ماعاد بسأل وش بلا فلان وفلان
ومن صد والله لاتركه في مصدّه

الى متى يعني والاحساس ينهان؟
صبري قسم بالله واصل لحدّه

اللي يبي يجلس نحطه بالاعيان
بين الضلوع العوج محفوظ ودّه

واللي يبي يمشي بستين شيطان
وياجعل درب راح به مايرده

احيان بعض الصبر للنفس نقصان
من مايعدّك شي لا شي عدّه

[ريما عبدالله 20]

كثير اشياء بـ الخاطر ولا تنقال
عسى الكتمان ينسيني قساوتها .

[أورلينا]

يا كـثرك بـ قلبـي .. مع إنّـك واحـد
ويا قلّهم مهما إكـثرو قـدامي ..

اي والله أحبّـك و ماني جاحـد
و أشوفك أجمل حـلم بـين أحلامي

[سيف الحزن]

ياعين ما ودك تنسين حلمٍ
‏على درب الوجع طال ممشاه

[ريما عبدالله 20]

كل المشاعر ودها تطلب ارضاك
تعال قبل الصبح يبين ........نوره

[خفوق الروح]

.

الله يسامحني .. على بعض ، الظنون
‏كنت أحسب إنّك مرحلة وأثرك عمر

.

[أورلينا]

لاتهملين احلامي و تهمليني
والحب من كفّ السنين يتسرّب

خلّي المجرّب والطبيب ، اسأليني
يا كثر ماكنت الطبيب المجرّب

لو يعتريني منك ما يعتريني
لا زلت من طاري الغياب أتهرّب

وشلون خلّاك الهوى تملكيني
وانا المعنّز بالنسب والمعرّب

[غاليه]

ودك تحب انسان مايعرف الكذب
مشاعــره لا قالها ،،،، ما سـرقها

من قبل لا تسأل فؤاده عن الحب
تشوف ( احبك ) في عيونه نطقها

[أورلينا]

خليت دنيا الخلق لـ الخلق ، وايقنت
انك "وطن" واني من الوقت لاجي

ترى ما احب احتاج للناس بس انت
لي الشرف .. انك تكون "احتياجي"

[سيف الحزن]

احبه ولا ادري كيف اوصل له المرسول ؟
‏وحبل المواصل منقطع من قبل اعوام

[سلمان الخالدي]

العصر اشواااق وفي الصبح المغازي
هذا طبع الوقت فتان وجميييل

من شعاع الشمس والنور القزااازي
خاطر الزعلان مثل ظله نميييل

سلمان

[أورلينا]

ماعاد للقلب قدرة يبتلش من جديد
حاولت اقوية لكن للاسف .. ماقوا

يامكثر جروح قلبي ليت قلبي جديد
عشان ما اضمد جروحه وادور دوا

[سيف الحزن]

نورك طفى ماعاد لك عندنا ضيّ
‏حبٍ مضى ما اظن ينعاد كرّه .

[خفوق الروح]

.

على اول تفاصيل الهوى العفّ مع تاليه
‏سلامٍ يهبّه . . صادق" البـوح" ويـمدّه

.

[سيف الحزن]

اشتاق لك واجبر الشوق بالصمت
‏وعمر صمتي ماكان معناه نسيانك

[خفوق الروح]

.

كل شيء من حولي بكى .. إلاّ أنا
‏كنت الوحيدة اللي من الصدمة ضحكت!

.

[أورلينا]

الله يجعلني مع الناس محبوب
و يزيدني بقلوب ربعي محبه

الادمي لا صار بالناس مرغوب
هذا دليل انه كسب حب ربه

[متأمل]

ً
ً

ليت الذي حرك الأشواق يخبرها
ان المشوق ضمير مات حاضره

ليت الذي قدر الأحلام ينذرها
ان الحياة شعور تاه شاعرها


متأمل ..


ِ

[سيف الحزن]

ماباليد حيلة بس باليد قهوة
‏لاخابت الهقوى؟ تقهوى

[سلمان الخالدي]

اوقات يقرب ويصر البعد لي خطوه
وفرحة لقانا مثل الحسين مع رجوى

واوقات بعده صار مضمون له سطوه
يغيب فيه الحظ والاحلام والسلوى

سلمان

[سيف الحزن]

‏مايدري بعينٍ بكت له شوق
‏و بـروح تسـهـر له تتـذكـره

[ريما عبدالله 20]

أحبّـك و العمر مرة . . أحبّـك و السنين فصول
وإذا كان العمر يرجع . . بـ حبك و أرجع أختارك
ٰ
تشوف الأرض لو جنّه ملوها الناس عرض وطول
تركت الناس و الجنّه وراي . . و عشت في نارك !

[أورلينا]

نقدم على رقي المصاعب مانهيب
ونموت ما تاطى لنا الدنيا طرف

و نقصر خطاوينا عن الدرب المعيب
و بالماقف اللي يبهج الخاطر نقف

ونطيب لو عيّت ليالينا تطيب
فضل من اللي جمّل الحال ولطف

[ريما عبدالله 20]

صرت اشوفك في وجيه العابرين
صاحبـي كل الملامـح تشبهك ..

[أورلينا]

لاشفت برق الحسد بعيون حسّادي
تقوى عزومي وعين الحاسد أعميها

أثبت ثبات الزّمن هجري وميلادي
و تموت الأنذال ما ألدّ النظر فيها

[أوتار الأمل]

سنين..! أقول : الحظ وينه ؟ وانا وين ؟
كأني ، عن الفرحه من سنين / صايم

[يلدز]

لا تعاتبني ، تراي مْن الزمان اعاني
يارفيقٍ / جعل ربي مايغيّب شمسه

الظروف ، تخلي الانسان واحد ثاني
لين يوصل مرحله / ماعاد يعرف نفسه

[متأمل]

ً
ً

" ليتك معي نرحل سوى
نمسك خيوط المستحيل
نرحل ورى احلام مضت
ونهد بالصرخه جبال "


ِ

[ريما عبدالله 20]

اسمع رسول أشواق قلبي يناديك
ترقص اماني نشوتي لأجل اشوفك

[سيف الحزن]

خيالك بصدري فالوصل بين هات و ودّ
‏مثل ما ادري اني في خيالك وفي بالك

[أورلينا]

ضايقٍ صدري ولا ادري وين اروح
كل ما حاولت أسلا ما قويت

إن شكيت الهمّ تزداد الجروح
وإن كتمت الحزن من همّي بكيت

[ريما عبدالله 20]

لو الغلا يورث علي مر الاجيال
غلاك عقبي يورثونه أعيالي .

[أورلينا]

رحت يوم انك تبي الفرقا وقلبك سامح
و جيت يوم ان الليالي في عيوني زانت

مستعد أسامحك لكن قبل لا أسامح
تضمن أن نفوسنا ترجع مثل ما كانت

[ريما عبدالله 20]

ليت المشاعر تموت وتندفن فيني
ابرك من اللي تجيه ؛ وما يقدرها .

[متأمل]

ً
ً
" صدوق الود لعيونه نشيله
على كفي خفوقي له مقدم

اعرف الزين وعيوني تخيله
عسى عذب المى يعطف ويرحم "

ِ

[سلمان الخالدي]

ياجمال الحرف من خط القلام
وياجمال الي على اخوانه رحيم

ان حضر يبدا بمفاهيم السلام
وبالرسايل مجد الرب العلييم

للفتى خطوات علمه في الاماام
كبر الله في العشر ماهو سقيم

سلمان

[سيف الحزن]

ان بغيت القرب بتلقاني قريب
‏وان بغيت العكس محدٍ ينجبر..

[نغم ..}]

.


‏ان زعلنا من بعضنا .. مايخالف
‏قول أحبك حيل ويطيح الحطب ..

[أورلينا]

تزاحمت حول الظنون المعاذير
و فضلت عن كثر الكلام انعزالي

ما عاد اصدق سالفة سرك فبير
قطعت عن بير السوالف حبالي

[الْياسَمِينْ]

ياقلب هل لي من دليلٍ عابرٍ
يستلُّ بعض الوجد من أحزاني

وجدي على نبض يطوف بأضلعٍ
تهتّز من عبراتها وتعاني

[الْياسَمِينْ]

هي الاشواق تنبض في شغافي
و أغــدو مــن فصاحتـهـا قـوافـي
وما نبـض الحيـاة سـوى الوفـاء
فـكـن بالـجـود فـيـاض الضـفـافِ

[خفوق الروح]

.

‏من عرفتك يا ربيع العمر عايش بـ السليم
‏"ماسكٍ سكة غلاتك لا يمين ولا شمال"

.

[أورلينا]

ليه أترك الحلم وأذرف من وراه الدموع
وأحلام الإنسان توخذ غصب ما تنعطى

تشكّلي يا ظروف الدهر ومن أيّ نوع
بـ أجيك هادي ومتوازن و واثق خُطى

القلب ضدّ الكسر والراس ضدّ الخضوع
والمتن للشيل .. واليمنى لبذل العطا

[خفوق الروح]

.

أنعم من النسمه اللي ماتحرّك جريد
‏وألطف من الفيّه اللي تِبرد ظلالها

‏واطهر من الطفل لا صحّوه في صبح عيد
‏ واجمل من الذكريات اللي على حالها

‏وأنقى من الشايب وحبّه لـ شوف الحفيد
‏وأحن من شوق الام بـ غربة عيالها

.

[خفوق الروح]

.

تهوى لك الأفئده، مع أنها فالصدور
‏وينقال لك شيٍ عمره لغيرك ما يقال"

.

[ريما عبدالله 20]

لامن كسر خاطري شخص اغلييه ...
حتى المعاتب استحي من عتابه .

[خفوق الروح]

.

من ملك عتمة عيونك وابتسام الفجر فيها
‏ما بقى في الدنيا ناس ولا بقى أرضٍ يبيها

.

[أورلينا]

من جرب الخذلان ما يأمن بالناس
معذور لو شفت الحذر . . بـ عيونه

[ريما عبدالله 20]

علئ كف القدر نمشي ولا ندري عن المكتوب.,~

[سلمان]

طول التباعد بيننا يضرم النار
تعال خل ايديك تلمس يديني

خل الضروف تسير في حكم الاقدار
اكيد ماتندم ومقرك بعيني

[خفوق الروح]

.

انت اجمل ما رأت عيني ، و انا ؟
‏نادر اللي اشوفه بعيني جميل ..

.

[تيه ..!]

من أين أتيت ؟ وكيف أتيت ؟
وكيف عصفت بوجداني ؟
يا إحدى نعم الله علي ..
وغيمة حبٍ وحنانٍ ..
يا أغلى لؤلؤةٍ بيدي ..
آهٍ .. كم ربي أعطاني ..

[أوديت]

،.

وان ضاع عُمري بوجهك جعله بضيع
على الأقل ضاع في حاجة جميلة :ah11:

[خفوق الروح]

.

يا شينها لا طابت النفس من شي
‏ما عاد ودك فيه .... لو كان غالي

.

[خفوق الروح]

.

أشرقت منك ابتسامة على ثغر النهار
‏كن ما للشمس ضوح وسناك شروقها

.

[ريما عبدالله 20]

‏آشتآق لإحسآسگ وقلبگ وعينگ
‏وتشتآق لگ روح تبيگ وتبيهآ
‏
‏أسمع صدى صوتي إذا قلت وينگ
‏تدري المشآعر شوقهآ ممتليهآ

[خفوق الروح]

.

يارب سهّل لي دروب الخير في كلّ اتجاه
‏فوّضت لك يا خالقي دقّ الأمور .. وجلّها

:81:

[ريما عبدالله 20]

. ليت الكلام يدآوي الجرح ، والروح ،

كان القصيد اللي نقوله ،، نفعنـــا
-
إو ليتنا لا فضفض ، لسآننا،،،بــوح

يطيب ، جرح (ن) غافي ،،يمتحنــا

[خفوق الروح]

.

على اول تفاصيل الهوى العفّ مع تاليه
‏سلامٍ يهبّه . . صادق" البـوح" ويـمدّه

.

[ابووعبدالله]

فيني " بدو" ماتو ضما للمواصيل..
وجيههم من لاهب الشوق سمرا..!

[ريما عبدالله 20]

واغليه واحبه واداريه بسكات
ولا ودي ان الناس يدرون عنه

[خفوق الروح]

.

‏لك من القبول اللي ما قد مسّه التزييف
‏ما يجعلني أدري بإن الإحساس روحاني.

.

[ابووعبدالله]

تهز يدها كل ماهزها الفن
وتهتز كل الناس من هز يدها

لولا ماخافتها على الناس تنجن
ماتكتفي في هز يدها وحدها..!

[الْياسَمِينْ]

‏يحدني شوقي على شوفتك حد
‏وانا قليل الحظ عنك حداني
‏.
‏ليتك تحس بشوق من بيح السد !
‏وتذوق من سم السهر لو ثواني

[خفوق الروح]

.

‏ولا لي بالبشر غاية ولا لي بـ الثرى أوتاد
‏خفوقي حر واتبع ما يعز النفس وارضيها

.

[الْياسَمِينْ]

يجتمع قدام عينك حزنك وينثر ظلامه
والحياة مخلوق جامع من ضياء ومن ظلام
لو لمحت النور اصحى واحيا في خير وسلامه
والظلام أن حل وقته غمض عيونك ونام

[الْياسَمِينْ]

أيامنا اللي بالمشاعر طوينا
سكّة سفر ودروبها السمر أهداب !

[الْياسَمِينْ]

اشرب من الشاي وابقي
...... واكب نصه ونفسي فيه
أصبر على ما حكم ربي
..... لين الأمر ربنا يقضيه !

[ريما عبدالله 20]

لو تدري وش أسولف عنك عند الغريب
تمنيت إنك الغريب و تسمع سواليفي

[الْياسَمِينْ]

غايتي إنت وذهب عمري وسيلة
‏يا كثير بعين قلبي . . وامنياتي !
‏ٰٰ
‏في حياتي ما انت لي حاجة جميلة
‏انت كل حاجة جميلة في حياتي

[شاهد عيان]

..


لك يلتفت قلب ويماري عليك الضمير
‏
لو صاحب القلب ماله فالدروب التفات

[الْياسَمِينْ]

مترفة والحزن يرويها سنين
‏والليالي تحتويها بالشتات

‏كنها يوم اكبرت حسّت أنين
‏بين طيات الأماني والرفات

‏واحتوت اخر غصون الياسمين
‏وانكسر غصنه من الفرقا ومات

‏كل يوم يموت معها هالحنين
‏تكبر وتكبر معاها الامنيات

‏في مواعيد الفجر علمٍ يقين
‏ماتضيق الا ويعقبها حياااة

[خفوق الروح]

.

جيتك مثل جيةّ المخطين للتوبه
‏ماقاوم الكبرياء بنفسي خضوعي

‏كأني التايه اللي حارت دروبه
‏وكانك الديرة اللي لمت ربوعي

‏يا اصح غلطات قلبي واطهر ذنوبه
‏واوجاعي الشافيات وضحكة دموعي

.

[ريما عبدالله 20]

انت : سر العمر وما .. قلته لآحد
حافظك بين السوالف والشعور

[سلطان الجبل]

يا مرحبا ترحيبة الصبح للشمس
في لحظة كل المعاني غدت همس
والقلب غارق في بحر انس وسرور
العين عافت نومها من ضحى امس

[خياآل]

درات الحرب وسط اوكرانيا والصين
مستعدة ترى تايوان تجتاحه
بين زيلنسكي متبلش وبوتين
كل واحد ماندري وشهي ارباحه
مايثور سلاحة غير في الادنين
لعنت الله على من ورد سلاحه
من غدى حبحبه قفت به السكين
شلتحه واحد عجل تشلتاحه
قالوا القدر مايركب على ثنتين
قلت يركب على ثنتين بالراحة

[الْياسَمِينْ]

للسكوت اللي تكلّم
والكلام اللي سكت
للمعاني الغايمة
شوق وشتات
.
لحظة !
في ضفة الصبر قلب
أعياه اليتم
وأورده المواجع
.
وياسنين الشامتين
علميهم
بكره تدور الدواير !
والمشاعر ندم !

[ريما عبدالله 20]

اشوفك كل يوم وأروح
وأقول نظره تردَّ الرَّوح
أعيش فيها عشان بكرا
عشان ليلي الِّلي كله جروح
صحيح النَّظره ما تِكفي
من الآلام ما تِشفي

[تيه ..!]

تَبَسَّمَت خَجَلًا والعَينُ تَنظُرُهَا
تَوَسَّمَت مَلَكًا فِي هَيئَةِ البَشَرِ..

سُبحَانَ خَالِقهَا بالحُسن وَشَّحَها
مِن دُونِ رُؤيَتِها مَا قِيمةُ البَصَرِ..!

[سُلْوان]

"







أروح وأرجع على الصوره وأخايلها
وياما على تبسام راعيها ، تبسمنا .


ذآئقه :27:

[خفوق الروح]

.

انت وجهك في رفوُف الثواني
‏من وين ، ما وديت وجهي لقيته

.

[خياآل]

ان حكى غصبن عليهم يسكتون
وان سكت تسكت معه كل الرياض

[سلطان الجبل]

:81:
مد بساطك واملئي اكوابي
وانس العتاب فقد نسيت عتابي
عيناك يا بغداد منذ طفولتي
شمسان ناعمتان في اهدابي
لا تنكري وجهي فانت حبيبتي
بغداد جئتك كالسفينة متعبا
اخفي جراحاتي وراء ثيابي
بغداد عشت الحسن في الوانه
لكن حسنك لم يكن بحسابي
ماذا ساكتب عنك يا فيروزتي
هواك لا يكفيه الف كتاب
قبل اللقاء الحلو كنت حبيبتي
وحبيبتي تبقين بعد ذهابي
:81:

[ريما عبدالله 20]

كل همّي إنك تكون بخير
وانا اللي ماني بخير الا معك

[خفوق الروح]

أمانة لو عثى فيك الزمان وبعثرك مرّات
‏تعال وجرّب شعور الأمان بـ لمّة يديني .

.

[ريما عبدالله 20]

ابذكرك بالخير لو عني ابطيت
وماني بناسيك لو طالت الأيام