مشاهدة النسخة كاملة : مقــهى البـوح الشـعري ..،، تفضل أرتشف قهوتك ...'
يامعشم خاطري معك بكبار الشفوف
راحت الدنيا .. مراح السنين الخاليه
أحسب إن ما للهقاوي نصيب من الحسوف
لين ما لِحقت على الأولات .. التاليه
كان لي عندك معزه ولي منك معروف
سلّني مع سلوة أهل القلوب الساليه
ولا تكلمني على عزة النفس العيوف
والله إن نفسي مثل ما أنت غالي غاليه
ريما عبدالله 20
03-14-23, 04:11 AM
يارب والنفس بيدك وانت خالقها
محتاج عفوك وتوفيقك وإحسانك
.
يا كثر الاحلام لـٰكن ما يحقّقها
إلّا انت يا حي يا قيّوم سبحانك
خفوق الروح
03-14-23, 05:04 AM
.
تكلّمي .. صوتك يجيب العوافي
لا تسكتين الين تبرى المعاليق
قلبي على جال السواليف غافي
غافل عن همومه .. ولا وده يفيق
برد .. وكلامك ياصل الروح دافي
لحظة سعه في منتصف ليلة الضيق
سبحان من جابك وطن بالمنافي
ومن سخّرك لقليّل الحظ توفيق
.
ً
ً
" الشك من طبعك وباحساسك رقيقه
مقبولة عندي ولو هذا عطاك
روحي تنادي لك بصرخة غريقه
يا مغرقتها ليش عيني ما تراك "
ِ
جيت هارب من تعب روحي و صرخة ظني
من عطش حرّ السنين .. و قسوة معاملته
أنت غفوة راحة المُنهك! و ضحكة سنّي
مروي عروق الشعور اللي تحوم أسئلته
يا ظلال الروح .. وش خلّاك تزعل منّي؟
و انت عارفني! أحنّك من شقاي إن قلته
تدري إنك سيّد احبابي و تدري إني
من كثر ما ودّي أرضي خاطرك زعّلته !
خفوق الروح
03-15-23, 10:23 AM
.
يوم شفت ان المدى محدود وعيونك هويه
استخرت من المنافي عنك واخترتك بلادي
.
خفوق الروح
03-15-23, 05:43 PM
.
المكتفي فيك لو كثرو جماهيره
يشوف فيك الشعور اللي محد قدّه .
.
من كثر ما كنت اتمنى يرتبط معك المصير ؟
اما على شرفة قصر ولا تحت غصن الشجر
كنت اتمنى اقابلك حتي بـ مثواي الاخير
واعلمك معنى شعوري بالرضى عقب الضجر
من باب صون العهد والعشره وتأنيب الضمير
سلام تسليم المواجع والموادع والهجر
خفوق الروح
03-16-23, 07:45 PM
.
أحدٍ(ن) يقول إن ( الھوى ) فيه راحه
وأحدٍ(ن) يقول إن المحبه ،، بلا طـب
وان كـان تبغاهـا بـ صـدق وصراحـة
قليل منهو يفهم اصلا وش الحـب.؟!
.
يقبل الانسان ما جاه من كف الغيوب
الصبر دربن تشوف الفرج ف نهايته
والتشكي للعرب .. قلة إيمان وعيوب
والتعفف .. باب عزٍ ترفرف رايته
لا تخاف من الفقر والمصايب والخطوب
دام لك ربٍ تحت قدرته .. واعنايته
اطلب الله يغفر اللي عليك من الذنوب
واطلبه في كل ليله ويوم .. اهدايته
ريما عبدالله 20
03-18-23, 03:18 AM
صديت عنيۦ ۧ خوف من هرجة الناس
وصديت عنگ لـ أجل أراعي شعورگ
يا شعورن بالقلب براني بري
كني قلم بيد تلميذ مبتدي
ريما عبدالله 20
03-18-23, 03:47 AM
نثرت لك ورد الغرام وهويتك
وأيقـنت ما للعمر فرحه بلياك
كثرة الاعذار تقلل هيبتك
اصمد وللقرد يزعل من زعل
ريما عبدالله 20
03-18-23, 04:07 AM
مابي اقول الوقت ماخذك مني
انت الذي قفيت فجأة مع الوقت
خفوق الروح
03-18-23, 06:18 AM
.
راسي على عزه ونفسي . . عزيزه
وابعد عن اللي ينقص القدر والشان
وربي عطاني طبع ثابت . . وميزه
ما اطرد ورا المقفي ولو كان من كان
.
،.
فداك اغلى الطمّوح ومامضى يفداك
ولاحاجه تساوي ضحكتك . . عندي ..
.
-
عيفتني حبك وانا كنت هاويك
واغليك لكن طابت النفس منك
احنك من اللي يحسك واداريك
ولاصرت ماحنيتني كيف احنك ؟
بنسى اللي فرقنا ولاني بناسيك
وانت انس ولا اذكر على حسب ظنك
خليتني غصب على القلب اخليك
واقاطعك واجفاك واصد عنك
وهذا وانا قلبي للحين يغليك
لكن سمحت و طابت النفس منك
ريما عبدالله 20
03-19-23, 02:59 AM
تناثرت مني حروووف الهوى ذوق
يعانق احساسك وهو محتووويني ...
خفوق الروح
03-19-23, 09:19 AM
.
أغلى من الروح يارمشٍ من الله ظليل
وأكبر من الشعر ياوجهٍ عليك السلام .
.
يّوِسًسًـفُ
03-19-23, 03:20 PM
وش ذنبنا لاصار منطقنا فصيح
وقلوبنا ما كل من جـاها قَلَط
حنّا نحب الصّدق ونْقول الصحيح
والمشكله فالناس تفهمنا غلـط
"،
الْياسَمِينْ
03-19-23, 04:03 PM
معي أمسي، معي يومي، معي أحلامي لبكره !
معي جرحك من البارح عزفني وقطّع أوتاري
أهيم بوسط (ردهات المسا) وأنا أركل النظره
وتدحرج رياح الشوق و آسوق المدى ساري !
الْياسَمِينْ
03-19-23, 04:04 PM
علـى فكره.تغـلا. ماتغلا.مـا تغـيـر شــي
انا يكفيني انـي مشتريـك وعـارف شعـورك
انا جيت اسري الظلما ذخرتـك لليالـي ضـي
لقيت ان المسا يطلب غلاك ويشحـذك نـورك
على الوجهه اللي ماعلى خطها دوار
وعلى سيدها مافيه لفه وتحويله
مساري فكر ومجاهد وصوره وتذكار
وظلام بوادر طيفك، اول قناديله
ابهر ادلال الشوق و ابعد عن الانظار
واضيف خيالك واتحاشا مضاليله
شعوري وانا بين الحقيقه والاستنكار
شعور الفرح في موعد تم تإجيله
خفوق الروح
03-20-23, 05:07 AM
.
لو ما نطول التمر في روس النخيل
نموت ما ناكل من الطايح.......تمر..!
.
يّوِسًسًـفُ
03-20-23, 03:33 PM
تذكرت السنين اللي مضت في بادي الاعمار
جميل الذكريات اللي نموت ولا نسيناها.
على لحن الاماني نعزف الفرحة وحنا صغار
ونرسم ضحكة يبقى لها ذكرى وعشناها
سلام الله على ذيك الليالي والوله تذكار
كبرنا والمشاعر في عيون الحب شفناها
خفوق الروح
03-20-23, 05:52 PM
.
عسى الحاجة اللي دونها تنشف الأرياق
ما تجعلني أنصى واحدٍ يجهل الحاجة
.
-
في قلبي عتاب لكن للأسف ماحكيت
كيف اعاتب شخص بخطاه راضي .
ريما عبدالله 20
03-21-23, 02:31 AM
عطيتك غرام كنّه الدر والياقوت
وتجازي عطاي بصّده مالها داعي .
خفوق الروح
03-21-23, 09:35 AM
.
هو يحسب اني بفقده حيل لاغاب
وانا فقدت الحيل من زود ماأغليه
.
فـي مـبسمـك كـل السوالـف لهـا ذوق
وفي ضحكتك صوت الفرح جاء يغني
.
.
.
خفوق الروح
03-23-23, 07:24 AM
.
جعل غيمٍ يوسّع خاطرك مايزول
وجعل كل الليالي فيك متبـاركة.
.
الْياسَمِينْ
03-23-23, 07:33 AM
ليتك كل أيامنا رمضان
لتصبح القلوب نقيه بيضاء
ويسود التآلف والمحبة
،.
جعل عمرك مديد وجعلني مااعدمك
يااول فروض المحبه واعتباراتها ..!
ً
ً
انا اترجاك تنساني
وتنسى ذكريات الروح
ابي تنسى عنواني
وتنسى كل شي وتروح
^
كلماتي :MonTaseR_11:
ِ
وجه المرايا
03-27-23, 07:26 AM
مو كل من يضحك في وجه البشر حي
بعض البشر تضحك وبعيونها | الموت |
وموكل[ ساكت] ما على خاطره شي
ولا كل صرخات الحناجر لها صوت !!
وحيد وايامي سفر منفي احلام
ما فيه درب امرّ به ما دعاني
.
هذي مسافات التعب بين الاقدام
ذابت على نار السكات المعاني
.
اعوام تقفاها على حالها اعوام
يا حلوتي جرحي قديم واناني
خذني معك الإحساس في داخلي مات
تـنـهــيــه عـــــــذاب صـــــــار بــيــنـــك وبــيــنـــي
قــلــت انــــه الــوضــع لــــو طـــــال بـســكــات
حيـثـك تـعـرف الـلـي مـعــك صـــار فـيـنـي
،.
بهجة الرُوح في رشة مطر
ليت الحيَاة كلها مّطر وغيْم ..!!
يا نديمي لا تضايق ولا يلحقك خوف
هكذا دورات الايام تصلح و تخرب
وان بغيت تشوفني مثل ما ودك تشوف
انتعاشات الاماني و تفريج الكرب
حطني بينك وبين الليالي و الظروف
والله ان يطيب خاطرك وان تضحك طرب
أوتار الأمل
04-10-23, 12:01 AM
:0741:
ما دام حبّتنا ، قلوب الطيبين
ما نبغي قلوب الرخوم اتحبّنا
زهرة الثلج
04-10-23, 12:32 AM
واكتشفت انك انت...أميري..
يا أول شخص عرفتك...
...!
صاحبي ما بعد ونس الليال الا الدموع
معك ياخوف الاحاسيس من تغريبها
الغلا له عدة انواع .. وانت اشرّ نوع
جعل روحي همها منك ما يبطي بها
الله عطانا عقل يدرك وعين تشوف
نعرف خطايا البشر ونميّز أسبابها
بعض السوالف تغث النفس لكن تطوف
نغض عنها نظر .. ونقفل أبوابها
تقفي وجيهٍ كريهه ما عليها حسوف
نرتاح من شرّها .. لا طوّل غيابها
الشمس ما ضرّها بالكون طول الكسوف
لا بد تشرق علينا .. من ورا حجابها
خفوق الروح
04-12-23, 09:39 AM
.
لاتجي دايم حريصٍ على انّك تستشير
في أمورٍ مالها غير روحك مستشار
.
إن رضيت بشيء .. ما أرضى مخافه
ما أقبل أنصاف الرضا في كل أموري
و إن رفض قلبي وعاف الدرب عافه
ما أجيه بنص خطوة من عبوري
الوداعة و السماحة و اللطافة
هذي أصدق مازرعته خلف سوري
والسكوت إن حمل ضلوعي كلافه
بيض الله وجهه بغيبة حضوري
سيف الحزن
04-13-23, 03:39 AM
حظ منهو لا بغى شوفك يشوفك
أشهد ان الله عطاه ولا عطاني
خفوق الروح
04-14-23, 04:21 PM
.
.
لا تعذرب شخص من بعد المحبة
المحبه ثلث قيمتها : حشيمة ..
.
.
القصيد اليوم ، ماعاد يكتب من ضمير
البلا فالشعر / والا البلا من شاعره !
دورّو لـ/ اشعر قاضي ولـ/ الشعار امير
واحفظوه من النشب ، والدروب الواعره
في مجالات التواصل ، مع الوقت الاخير
صرت ماعاد اعرف / الشاعر مْن الشاعره
ً
ً
" دامه معي كل القرايب فانا حي
بالروح اضمه يوم قلبي ضنينه
يا صاحبي لا تنشد الروح عن شي
انا حبيبي نور كل المدينه "
ِ
خفوق الروح
04-22-23, 09:45 AM
ليت الزمن وقف على ذيك الايام ..
وماتت عقارب ساعته ما تقدم !
الْياسَمِينْ
04-22-23, 11:15 PM
أبتدت قصة حياتي والبداية في ديارك
صوب قلبك من عرفته ضمني وغير سكوني
يوم صرت اتبع سرابك وأختفى عني مسارك
أكتشفت أنه خيالك والسهر صافح جفوني
خفوق الروح
04-23-23, 04:26 AM
.
من ملك عتمة عيونك وابتسام الفجر فيها
ما بقى في الدنيا ناس ولا بقى أرضٍ يبيها
.
ً
ً
" إسقي كل ِ البحر من طلك عذوبه
وسرحي ضيك عليه
في المساء مر وشذى عطرك في ثوبه
وماسك الشمس بايديه
تلعب بشعرك هبوبه .. وش عليه
تضوي نجومك دروبه ... وما عليه "
ِ
سيف الحزن
04-23-23, 05:42 AM
مدام غاب الأمل واحلامنا ماتت
رح علم الليل لا ينطر سوالفنا.
شاهد عيان
04-23-23, 08:46 PM
..
ماهو غريب الطيب من منبع الطيب
وشلون نستغرب من الغيمه امطار
لنا على قولة سهالات منوال
ويمرّنا حشد الخطا ويتعدّى
الله خلقنا من وقار وسعة بال
حتّى مع اللي نكرمه ويتردّى .!
خفوق الروح
04-25-23, 10:26 AM
.
كل الصباحات تاخذني لنفس المصير
و أحبه أضعاف حب الفجر و البارحة.
.
الْياسَمِينْ
04-25-23, 07:59 PM
دواءٌ أنتَ في قلبي وداءُ
كلا الأمرينِ في قلبي سواءُ
خفوق الروح
04-26-23, 03:22 AM
.
على وجهك الراضي بدت لي الحياه تزين
لك الشكر من قلبي على وجهك الراضي
تفكر في وجهي ،، وأسمع اللي أقوله زين
حياةٍ بدونك ،، والله انها على الفاضي ..
.
طاغي النظرة
04-26-23, 03:37 AM
!
دايم تصبحني على صوت فيروز
ما تحب شيلات العرب و البداوه
ادري بها ماكل شيٍ لها يجوز
تبي موسيقى راقيه و بهداويه
ً
ً
" يا قليل الحظ لو رغبتني
كان أبخجل كل بدرٍ من ضياك "
ِ
يا ضميرٍ فيك من جاير الفرقا رسوم
و بينك و بين الشقى مابقا الا فاصله
دام ترهقك الطواري وتسهر كل يوم
لو تدوّر راحة البال ماهي حاصله
ادري انك صايرٍ ماش وعلومك علوم
و الحزن له مدّه يواصلك و تواصله
ومبطي من السجّه اللي تنسيك الهموم
و المزاج الزين و النومه المتواصله
خفوق الروح
04-27-23, 06:27 AM
.
مرّني لا تاه دربك مـن زحام الحياة
الغلا اللي رحت منه على حطة يدك..
.
سيف الحزن
04-27-23, 06:32 AM
تاخذني الذكرى لبعض المداهيل
و ازورها لو إني أصد عنها
عذري موادع ضيقةٍ هدت الحيل
كم لي سنة والقلب يدفع ثمنها
محبووبك
04-27-23, 09:59 AM
لو امدح الدنيا على طول الازمان
ما الحق جزاها يوم فيك جمعتني
اكثر من اللازم دموع وْعافيه واحلام
وشعور وْناسٍ وْزهرة شباب فْـ ليلةٍ وحده
انا ماصرت اخاف افقد، واذا ضاقوا علي مانام
انا الليّ مافقدته صرت " أتدرب " على فقده !
" انا الليلة نتاج الفقد، والتصديق، وآلاوهام
وجرحٍ في حياتي ما تخيْطه آسف وْ ورده "
،.
لك وسط عيني مكان ووسط قلبي رفوف
ولك بين حدب الضّلوع العوج درب وممر ..!
خفوق الروح
04-28-23, 08:38 AM
.
بالصدر له هيبه وحشمة ومقدار
وبين الضلوع العوج يبقى مـقـرّه
.
خفوق الروح
04-28-23, 07:36 PM
.
انت بعيوني مثل أوول ضنا
في حياة انسان من عمره عقيم
.
كلام العيون اصدق من اعذار ليت وعلّ
وانا شايف عيونك واشوف الحكي كلّه
ً
يابو مرحبا واهلين لاجيت يمّك هل
ترى مامعي دربٍ سوى دربك ادّله
ً
لازاد الجفا من بيننا والمواصل قل
وش اقسى على قلبي من البعد والقلّه؟
ً
عليك الخطاوي جافيه والدروب تزل
وهذي والله الزله ، اذا قالوا الزلّه
سيف الحزن
04-29-23, 05:46 AM
ما أشره عليك إن كان خيبت ظني
أشره على قلبٍ فتح للهوى باب .
خفوق الروح
04-29-23, 06:57 AM
.
جيتك مثل جيةّ المخطين للتوبه
ماقاوم الكبرياء بنفسي خضوعي
كاني التايه اللي حارت دروبه
وكانك الديرة اللي لمت ربوعي
يا اصح غلطات قلبي واطهر ذنوبه
واوجاعي الشافيات وضحكة دموعي
.
وجه المرايا
04-29-23, 11:00 AM
واللي دخل بعض الجبال أكيد قلبه يرتهب
يسمع صدى صوت الذياب اللي من الجوع تعوي
سلامٍ على دار الغلا و أهلها الغالين
على بيتها المعمور واشموعها الحية
الوسم
المكان اللي ليا جيناه . . . حصلنا الجفيّا
جعلنا نعتاض فيه البعد والصحرا الخليّه
خفوق الروح
04-30-23, 09:29 PM
.
انت في عيني مثل نجد العذية
في عيون اللي حموها بالرهايف
.
كان المسا عاري وكان الضيا ثوب
وما كنت احْرم الليل من نور شمسي
عشان احقق ( حاجة بنفس يعقوب )
دايم .. ارد الحاجة اللي بـ نفسي
ظنو ان الصمت في وجهي رضى
ما درو بالصمت في وجهي جدال
نظرتي اوسع من حدود الفضى
والسكوت ابعد من حدود الخيال
شف على كثر الكلام اللي مضى
ما عطيت مدوّر الزله مجال
من نوى صدي فـ انا جمرة غضى
ومن نوى وصلي فـ انا ماءٍ زلال
سيف الحزن
05-01-23, 01:04 AM
مثل المطر لا جيتنـي، جاني الخير
أترك جميع الخلق وافرح بشوفك ".
خفوق الروح
05-01-23, 09:36 AM
.
.
يحبك الغيم وانسام الشتاء والهبوب
وتحبك الارض يا اطهر من مشى فوقها
.
سيف الحزن
05-01-23, 03:13 PM
يـغنيني الله .. عن اللي مـغتني عـنّي ..
وعن منّة الناس والتهميش والحاجة
خفوق الروح
05-01-23, 09:41 PM
.
أغلى من الروح يارمشٍ من الله ظليل
وأكبر من الشعر ياوجهٍ عليك السلام .
.
مابين حب الجواب ، وبين كره السؤال
القلب لو ضاع . . ما ينزل عليه الوحي
ٰ
يا مقربك لو " أنادي " بس كلمة : تعال
أثقل على خاطري من حاجة المستحي !
سيف الحزن
05-02-23, 05:08 AM
احبك كثر ماعشت الشعور اللي عجزت أنساه
كثر ماعافت عيوني وجود الناس بحضورك .
اعرف ان الظروف احيان حلوه ومرّه
ظرف يكسر عزوم وظرف يعطيك دافع
لا تحسب المضرّه ماوراها مسرّه
بعض الاضرار لا راحت تعود منافع
سيف الحزن
05-03-23, 04:18 PM
هات مثلي ، من عطى قلبك امان
هات كثري من على اطباعك صبر
خفوق الروح
05-03-23, 07:54 PM
.
على سبيل الحزن خلّ الحزن ساهي
مدام وجهك جميل وخلقته حكمه
ٰ
تبسم وجعل يفدا ؛ وجهك الراهي !
وجيه تغتاض لامن "شافت البسمه" .
.
سيف الحزن
05-04-23, 05:38 PM
في غيابك ، ماني إلّا غصن في رجوى سحابه
ما فقدت إلّا السحاب وما أنتظرت إلاّ هطوله !!
سلمان الخالدي
05-05-23, 01:19 PM
حنا ان بدينا نبتدي بالنواااميس
هذا نوده والشخص الاخر رفيقي
هذا من اهلنا مبعدين المراميس
مهوب منهم قاطعين الطريقي
سلمان
سيف الحزن
05-05-23, 05:42 PM
هات غيم السوالف وإنهمر لي مطر
وإنت تدري لغيرك كل سمعي جفاف
سلمان الخالدي
05-06-23, 08:56 AM
مابغيت اكتب سطر واطمر سطر
والشعر والبحر على جالك ضفاف
يوم اشوفك تبتدي حاله خطر
وارجع بسرعه على شكل اللتفاااف
سلمان
سيف الحزن
05-07-23, 12:09 AM
كل مره ظل وجهك يزاحم
القهوة والاغاني وتفكيري..
سيف الحزن
05-07-23, 12:10 AM
أبي نسيانك لكن والله مانسيت
كيف ابنسى من كان يعنيلي عمر
اشياء واجد تضايقني وانا راضي
على رغم قوتي اسكت ولا اتكلم
.
ترى اكثر إنسان مايحكي عن الماضي
هو اكثر إنسان من ماضيّه يتألم
سيف الحزن
05-07-23, 10:52 PM
المواصل يبهج الصدر والفرقا ضياع
والليالي بالمقادير تخلف من هقى
خفوق الروح
05-08-23, 06:25 PM
.
أبد ما كنتي بـ عيّني هوى نفس و ملذة طيش
أنا اللي شفتك بـ عيّن الستر و أميّمة عيالي
:67:
سيف الحزن
05-08-23, 11:58 PM
محبتك ماهي ذكريات وعمري محدود
" احبك .. من عرفتك الى ماله نهايه "
خفوق الروح
05-09-23, 06:48 PM
.
لك بصدري بيوت من الحنان معموره
ضيّق الله صدرٍ ما يرهي لك من حنانه.
.
سيف الحزن
05-10-23, 06:15 AM
لا تخلي الوقت كله يمر بدونك
لا تعوّد قلبي على شي مايبيه
vBulletin® , Copyright ©2000-2024,