|
تهاديت والماء جف نبعه، وضاع الراي على [خطوة تستنفذ الريح هقوتها وأنا حزني أكبر من قصيدة، ونغمة ناي ومن بدو حقوق المخاييل] شَدَّتها تجودت لكن ما معي علم في اللي جاي وتصبرت.. وإن خانت يدي ارتجافتها يقل المدى لو بان ضعفي، وزاد بكاي ولو إن [السيوف] تحد شلفاي سلتها أنا ما يجيب الوقت مثلي، ولا شرواي أفج السنين إن مدت الأرض فرصتها وأقد السماء وأشعل من بروقها ظلماي إذا لدت... عيون طوا [البين] رايتها إذا مال فرعك يا أتلع الجيد لك يمناي نهار .. يمده فضل دارك، وهيبتها تحلويت طلعك لو مرارته فوق شفاي وسرت فكرة لاحت [ظنونك] وظمتها وجيت أتوقى في خمايلك عن رمضاي وارد البرا.. وأصير القوم؛ خطوتها إلى قلت أحبك وش ورا ضحكة محياي؟ أسوق الديار ] لـ فرحتك، وابتسامتها على جرتك هذي دروبي، وذا مسراي مكاتيب [صوتي نجمة الصبح غايتها أرتب وراك أسماء الليالي وأعد أسماي وتضيع الأسامي من سنينك وشرهتها تعالي: "فداك اللي مضى والزمان الجاي" ودار .. وراك [ حقوق ماها] وغيمتها وش أسوي بـ روح عليها القدر جراي؟ إذا ما أحد - عقبك - يعوض خسارتها. - محمد السلطان |
تمر الشعور، وتسكن الصوت حين دْعاه وتستوحش دْروب أنتظاري؛ مشاويرك سطا بْـ صدري الكتمان ليل الشتا وأضناه وأنا "معظم أسراري" تدوّر سِتر بيرك ! يا ذنب الشعور اللي متى ما تتوب خْطاه تعثِّر له الذكرى على درب تكفيرك ! يمرّون غيرك فوق موق العيون أشباه ! فتنت الليالي، لين عافت عوض غيرك |
مرّ كنك ماتعرف إن المصافح بالكفوف واترك الخايف جيوب ثيابه تدفي كفوفه من كلت صبره ظنونه وامتلى حيره وخوف لاتحسب إنك تبدد لامسكت يديه خوفه والله إن البعد بيّن والطواري ما تطوف واحدٍ من وسع باله كل زلاتك، تطوفه يوم أحس بشي ماهو لازم عيوني تشوف الحقيقة غالبا فاللي أحس وما أشوفه |
على دفا صوتك يمّر الليل ، مرور الكرام والليل تطويه السوالف ، والسوالف لي قبل أزف لك ، كل المحبة والمودة والسلام أمّا بعد : أحبك ، وأمّا قبل أنسي قبل صدّي عن الفايت ووليّ الجاي كل الأهتمام ولآ لك ألا زلةً تدمح ، وعذرٍ ينّقبل بـ أيام وصلك عوضي عيني عن أيام الخصام وعلى جفاف الروح ، صبّي صبّ همّال الوبل أنتي غمامة حُب ، واللي خالقك منشي الغمام عليك شرهات الشجر لآ مات ، والورد أن ذبل أعلنت لك كل الغلا ، حملت لك كل الغرام خاويتك بـ كل الطرق ، راضيتك بـ شتى السُبل وإذا أمتلى صدري غزل ، ولآ أمتلى صدري ملام أنا النبيل اللي بـ حزنه نُبل ، و بـ فرحه نُبل " خليني أخبّي شعوري عنك في بعدك مدام : في قربك يصير أوضح مْن النار في راس الجبل " وكلمة أحبك ، تآج في بالي ، وفي صدري وسام متكوّنه من أربع أحرف ، مدري من أربع قُبل متعلّقه فـ حبالي الصوتيّه ، فـ كل الكلام تهدّ يدها من حبل ، وتشدّ في يدها حبل وعيونك اللي كنّ صف رموشها صفة إسهام لا سلهمت لي ، سلهمتها كنّها مسة نُبل بتنام ، وبتصحى ، وبإذن اللي عيونه ما تنام مثل ما حبّيتك قبل ، بحبّك أكثر من قبل |
إحساسك أبخص ولا تلحق عيونك ملام لا تصدّق اللي تشوف وصدّق اللي تحس أسمع مايمليه قلبك .. لو يطول الكلام قلبك دليلك من أول حرب لـ آخر نفس |
كثر ماعندي مزاجية وعندي ميوَل يوم أكذبّ نفسي أقدر على تصديقها كل يوم يمر في داخلي أربع فصوَل والحيّاه تطيقني بس أنا ما أطيقها تكبر الأحلام وأضحك وأنا أردد وأقوَل خالق الأحلامّ يقدر على تحقيقهاااا |
| الساعة الآن 08:33 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا