|
يا مضيعً ظني ما بين اليمكن و بين الاكيد قلبك احس إني اعرفه كثر ما اني اجهله ما غبت عن بالي قريب و لا تناسيتك بعيد وجهك إذا ما كان قدامي قعدت اتخيله فيني امل فيني فشل فيني وعد فيني وعيد فيني الم فيني فرح فيني جفا فيني وله تجاهك أحساسي غريب أرباك لو بيّن بليد مملي شغف و أوهام و جروح و شُرود و اسئلة يشبه شعور الشاعر اللي معتزل نظم القصيد اذا طرا له بيت شعر فغفله و لا كمله بين البصيره والبصر رؤيه عقل رغبه وريد بين الاماني والصبر دعوة خشوع و بسمله |
من معطيات التجارب وإختصار الكلام أنجح عقول الخلايق فـ الزمان أربعة من فضّل الصمت لازادت هروج الأنام ومن ينثر الطيب لاشاف العرب تجمعه ومن شاف زلّة رفيقه في طريقه وشام و من بر في والدينـه برّه بينفعه |
إنبلج حلم .. وراء " سود الليالي " ما تتقى ماردعه من الطموح إلا التفاصيل الحزينه تحت ذعذاع النسيم و غصن حلم و نوح ورقى كنت أظن .. ان الفتى ما ينفتن في غير ( دينه ) لو خذيت الحلم بـ إيده في رجاء ياجعل يسقى كان ماشفت " الحزن يضحك " على تايه سنينه لقني درب المهالك .. و أصبح أسعد من تلقى الحزن ! .. ما ياخذ النفس الجزوعة بالسكينه من بعد ماقلت أرحب .. و أرتحل ما قال تبقى ليتني .. مديت له ( يمناي ) في رجوى يمينه لو دريت : ان " المحبه " ذنبي إللي ما ينقى ! ما سعيت أغفره لو أحسد سجوده من جبينه لو قلبي عاش عمره دون حزن .. و دون فرقی ما نقشت آخر طواريقه على " مجلس سكينه من لدن رحمة طموحي مانحنى من خد طرقی و إنحنى راسي على تكرم ( مدينه لـ أجل عينه ) صدري اللي .. من مخابيط المنايا ما توقى صار من سلهامة عيون المها .. أشجع رهينه كل شخص ما لمح عينه هو الشخص المشقى فرض عين إنك تعيش إليا ربيت في أرض عينه |
خذاك الصدّ يا وجهٍ عليه من الغيوم وشاح مراويحك دروبٍ ما قدرت أقطَع حراويها بعد جفّ المقام؛ وصارت يدين الكلام شْحاح قصرت الخطوة اللّي عن دروب العيب حامِيْها خذيت من السّماء مسعى مرام وما قدرت أرتاح جزاي إنْ المساعي؟ ما تقدر قلب راعِيْها وقدرت أخذ من عيون الزمان الممحلة مفتاح وعجزت أفجّ بيبان الوصل.. عن بكرة أبِيْها تمرّك ذكريات العام نوقٍ شدّها المسراح وأمرِّك ليلةٍ تتعب رجولي من مسارِيْها غريبٍ ما لمَح وَجْهك وجيه وطبْعِه اللمَّاح خذى كفّ القصايد لين سلَّم لك نواصِيْها ركض والأرض ترتابه وقدامه؟ ظمأ، ورياح يشوفك وجهةٍ "ماطالها لكن يبارِيْها.." تحادى من دهاليز السنين وقام، قام، وطاح عسى ما شرّ يا عينٍ تموت السالفة فيْها؟ على بالي سنا بدوٍ تشوف الصّبح للمرواح وعلى عيني طيوفٍ تنتظر صوتك يناديْها قديمي والله إنّي ما هقيتك ضيقه، وتنزاح وأنا حتى الرّحاب اللي بعد ضيقتك مابيها. |
ياعنيده ، للعناد اضرار ، وانتي ياعنيده آكثر الي ماجهل باسي ولا قوة عنادي بادليني بالشعور الي كتب نص القصيده وتابعي بوح العيون وراقبي منطق فوادي بالتفاهم نقدر نحدد لنا رحله سعيده في نطاق المدن ولا في تظاريس البوادي مستعد افتح لك بصدر الغلا صفحه جديده وامسح الماضي وسجل لك فدا واقول عادي الحياه اللي طوته اليالها ماتستعيده والزمن ماشاف تاييدي ولا شاف انتقادي شفني اصنع لي فرح وقاوم ظروف شديده وآهزم الاحزان بالتقوى ودستور المهادي عام اودع لي صديق وعام اكفن لي فقيده ويوم اعدي راس رجم ويوم احدر بطن وادي اسرقي من جعبت الايام لي فرصه وحيده طرق عن خشم الظروف وطرق عن خشم المبادي الهوى مايعترف في قوم ولا في بديده يطرح الرجال حب الغيد فـ يدين الاعادي من سببه كليب عدا جيشه حدود الحديده واقتحم قصر الملوك وخضب احداد الهنادي الوصل ماعاد من ذوده على الواقع شريده وانتي اغلا ماملكه واهم من شربي وزادي اكسري باس العناد الي براسك ياعنيده وآطرقي باب الوصال وقفلي باب التمادي |
اللهم يا شاهدًا غير غائب، ويا قريبًا غير بعيد، ويا غالبًا غير مغلوب، اجعل لنا من أمرنا فرجًا ومخرجًا، وارزقنا من حيث لا نحتسب اللهم بلغنا رمضان مجبورين، مطمئنين، هادين ،مهتدين |
| الساعة الآن 07:31 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا