|
فمان الله يانجد العذّيه والوعد بعدين متى بعدين مدري بس خليني على ماني مصير الوقت ينصف طيبينه والأمور تزين وبرجع لك ليا زانت معي كان الله أحياني فمان الله يـ القلب الحنون ويـ الجناب الزين كثر ماحبكم يسكن معاليقي وشرياني فمان الله يا زعجّول ذودٍ تاصل الخمسين طفافيح البكار اللي عليها وسم جداني بديت أخاف من فرقا تجي وتشتت الغالين وأخاف أضيع من ظلم الزمن وأفارق إيّاني تعيش بحسرتك لا صارت احلامك مع الماضين مضت والذكريات تردها الك وانت متفاني آه يا صدري لا تهزك عبرة تر قل لها يومين وانا ادري فيك تجحد عبرتك كله علشاني لو ان القصد حاجة وقت والا ظرف والا دين يهونها علي ويسدها الطارف من اخواني ولكن المصيبة جرحي اللي له ثمان سنين يعيش بداخلي غصبٍ علي ويموت في لساني آلا ليت الضمير الحي ياخذ من دموع العين ضريبة للخطاء اللي قد حصل من شخصي الثاتي |
لا أقبل الليل يا ربي عليك أعتمادي وحشته وش يعديها ونفسي عليله كنت أعيشه حياه وصرت أشوفه جهادي بين عل وعساه ، وبين مالي وسيله ! عنك كيف أتنازل وأنت مثل المبادي من تنازل عن المبدا .. حياته ذليله لو طيوفك تمارس قمعي وأضطهادي العذاب الحقيقي : صدتك يا جميله ليت لي صبر عن فقدك مثيل المهادي كان عدا غيابك .. " وأعتزلتك بـ ليله " |
جليس وحولي الدنيا دمار ولا عليّه باس انا مستمتع بحزني .. لو انه زود الجييّه اعيش مع الحزن متعه عجزت اعيشها مع الناس ولا صرت ارجي أيامي .. تجيب أيام ورديه كتبت من الشعر لجلك ولكنك عديم احساس وانا عن حيلي اكتب لك .. قصايد لا نهائيه انا اذكر حزني التافه .. وانا اذكر ضيقة الأنفاس وانا اذكر دمعة عيوني .. وانا اذكر رجفت ايديه بعدك الوقت غيرني وصرت اجلس مع الجلاس بعد ما كنت في عزله .. وفي حالة رماديه وبعد ما كانت الذكرى لها معنى بوسط الراس تراها من بعد فقدك .. تمرّ اليوم عاديه ! وبعد ما كنت ازرع لك واجيك وفي يديني فاس ؟ ترا ارضك من بعد فقدك تموت ولا هي بـ حيه تغير كل شي فيني .. وبدلت الأمل بـ اليأس وكل اشيائك الي تهم ؟ ماهي ذات أهميه |
الحلم؟ مروري على القمة ضمن خطة المشوار و الحلم الحقيقي يبتدي من ورى القمة الزمن؟ الزمن ماهوب لا خيّر ولا بـ سنافي جعل ربي منه يكفينا حدوث البلوى الحب؟ جفى الغايبين الي ليا عاهدوا ما جاو هو اللي يخلي سيرة الحب مكروهه المراجل؟ تبغى المراجل صبيٍّ كل ما قال طال ماهوب رقمٍ ليا من ضرب عوّد صفر الحزن ؟ انا فضى صدري من الحزن مليان و أونس بجوفي مثل خلج العزيبي الي ولدهن خمه الذيب سرحان من بينهن وأظلم عليه المغيبي ملهاب عدوه فالوطا كنه حصان يبجد مراحين البدو مايهيبي من ما تعرض له من الجوع هلكان غورن عيونه مثل حب الزبيبي متغانمٍ جرون صغيرٍ بضلعان ابطى عليه وقام يقنب قنيبي على رجاجيل ما ينساهم انسان نوم العيون مسججين الغريبي من روع فرقاهم لذلحين وجعان وارجي من الله عز وجل اطيبي يمرني شيٍ يغيب بالاذهان الله ياجعله مايمر الصحيبي يعني لوني مألتهي بعض الاحيان والله العظيم ان تفرط يدي جيبي |
سبحان من يُقلب في القلوب مكانة الأشخاص فيسقط غالي ويرفع آخر كان عادياً هي المواقف تصنع الفرق تتغير أحوال القلوب وتتغير مكانة أشخاص نحن لانرتبهم هي أفعالهم فشكرا لمن بقوا على " العهد " كما عرفناهم أول مرة كـ أول " شعور " ودهشة شكرا لمن كانو معنا لم يغيبهم إنشغال ولا تغيرهم ظروف يبادرون بكل مايسعدنا ويقرأون حتى صمتنا ويقفون بجانبنا دون أن نطلب ويدعموننا حبا واهتماما و لا تزيدهم المواقف وكثرة الإختلاف إلا حباً وتمسكاً وقرباً ممتنون لوجودهم وممتنون لمن خذلونا حتى نعلم قيمة هؤلاء الأشخاص وصدق محبتهم و أنهم هم الباقون للنهاية في حين أن غيرهم يحكم وجودهم المصلحه |
| الساعة الآن 04:45 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا