| |||||||
| :: قرار هام :: |
10380Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
06-06-22, 04:03 PM
| #523 | |||||||||||||
 
| 
مساء الخير يا أصدقائي الجميلين والله لي فتره عنكم وعن مدوناتكم وحشتوني والله اتعلمون يارفاق ؟ أكيد ما تعلمون ! كيف تعلمون وأنا اصلاً باقي ما علمتكم  طيب تكلم وقول ..وش عندك ؟ هدّي يابيبي هدّي … راح اتحلطم و اقول اش عندي  تحذير : ننصح اصحاب المزاجات الرايقه بعدم المواصله في القراءه حرصاً منا على سلامة روقانهم و عدم العبث بأمزجتهم | |||||||||||||
 |
|
06-06-22, 04:10 PM
| #524 | |||||||||||||
|
الصراحه متضايق من شغله وابي افضفض شوي هنا قبل فتره كانت اموري تمام التمام .. حلووو؟ حلووو  الين اتخذت قرار مهم في حياتي حلووو؟ لااااا مش حلوووو  هذا القرار عفسني عفس  وشهو ذا القرار ؟ قررت يا جماعة الخير اني أصبح مليونيراً  اااخ بس …يقلك دايم الي يطالع فوق تنكسر رقبته لحد يغلطني ياناس .. هذي مجرد فضفضه .. خلوني اخذ راحتي كيف جت الفكره ؟ واش صارلك ؟ هدّي يابيبي هدّي … جايك في الكلام لا تستعجل  | |||||||||||||
| |
|
06-06-22, 04:54 PM
| #525 | |||||||||||||
|
نجمه تقول هو يوم خربان من بدايته هات / شكل المعلومة ذي المرة نكدية المزاج هه ههههههه حي الله الاخت نجمه .. ايوالله نكديه ومافيها تفؤل ولا شي  ومسك تقول بنسوي سجل حضور و غياب ... زي حق الموظفين .. كان الله بالعون ههههههههه يا هلا بمسك وغلا اعتقد يبغالنا كذا عشان نبطل غياب .. امين يارب طيب فين وصلنا ؟ ايوه … وصلنا عند ..كيف جتني فكرة اني اصبح مليونير واش صارلي؟ الله .. من بعض الأفكار .. عنوانها براق وجميل .. ولكن تنفيذها صعب قبل سنوات يا حلوين كنت أكتب مقالات اسبوعية في صحيفه الكترونية وكتبت مقال بعنوان ( كيف تصبح مليونيراً) ومن ضمن المراجع الي استقيت منها المقال كتاب ( أغنى رجل في بابل) وبعض المقالات والكتب حول هذا الموضوع انا تحمست جداً جداً .. ورسمت الخطه .. وبدأت بكل قوه ودون تردد وانطلقت في عالم المشاريع … على اساس اني ابدأ مشروعي من هنا وراح تنهلّ علي الأموال من هنا ولم أعمل حساب العوائق والصعوبات والنكبات المحتمله انا بس بديت وعينك ما تشوف الا النور ياني تمردغت مردغه يا جماعه  ياني تمردغت مردغه .. وخسرت خساير وكل ما قلت زانت .. ترجع تخرب وكل ماقلت هانت … جد علم جديد واخرتها قبل مس اش صار معك قبل امس ؟ هدّي يا بيبي هدّي ….جايك في الكلام لا تستعجل | |||||||||||||
| |
|
06-06-22, 05:07 PM
| #526 | |||||||||||||
|
اخرتها قبل امس .. صاحب العماره الي مستاجر فيها المحل يوم اعطيته ايجاره …قالي والله ياخي الاجارات ارتفعت دبل انا عارف وش قصده بذي الجمله … لذلك قاطعته على طووول وما خليته يكمل مقدمته المشؤمه هذي لأني عارف وش بيكون نهايتها .. راح يقول بزود عليكم الايجار المهم …الحمد لله اقتنع من كلامي وهون .. بعد ما رفع ضغطي  بعدين قال ..اش رأيك .. تبغى تطلع من المحل ؟ الصراحه زعلت … وقلت لا ما بطلع ..وأرجوك لا يجي يوم اشوفك ترفض تجديد العقد أو ترفع الإيجار قال خلاص خلاص بكيفك ههههه تدرون ..! هو يبغى يزود الإيجار .. ويبغى يطلعني .. وفنفس الوقت مستحي مني … حسيت ان مشاعره مختلطة الصراحه .. وبيني وبينكم الاسعار هـ اليومين يسيل لها لعاب كل صاحب عقار  اممم اعتقد ان الوضع يبغاله رشوه ..  كل اسبوع نرسله بوكيه ورد هديه .. يمكن قلبه يحن علينا هدّي يابيبي هدّي … اعرف ان الرشوه حرام … كانت مجرد دعابه فقط  ياخلي جده مع الهدد انقلبت فوق تحت | |||||||||||||
| |
|
06-06-22, 05:15 PM
| #527 | |||||||||||||
|
المصيبه يا جماعة الخير انوا الآن في جده الي يترك شقته او محله .. فييين راح يلاقي بديل ؟؟ الهدد الي حاصل سبب لنا ازمه فضيعه في السكن والمحلات وارتفاع كبير جداً في اسعار الإيجارات تخيلوا الشقه الي كان ايجارها بـ 20 الف في السنه وصلت لـ 30 ثم 40 .. تزايد في الاسعار بشكل كبير وغير معقول والله ولكننا لن نيأس وسوف نستمر .. ونصمد امام هذه الامواج العاتيه إلى أن نصل لهدفنا المنشود ونصبح من أصحاب الملايين <<< ما زال صامل الأخ تذكرت ايام كنت ادرس أول ثانوي وتحديداً الظهر عند باب المدرسه اش صار عند باب المدرسه ؟؟ هدّي يابيبي هدّي .. راح اقلك اش صار (( حسيت اني زي المشاهير الغثيثين الي ماسكين على جمله بايخه والعالم كارهتها وهم متمسكين فيها ويكرروها هههههه) تكفون يا حبايبي خلوني اليوم على راحتي لحد ينتقدني في شي  | |||||||||||||
| |
|
06-06-22, 05:23 PM
| #528 | |||||||||||||
|
كنت خارج بعد عناء يوم دراسي طويل ولقيت شباب حارتنا وكان عددهم خمسه شباب يتضاربون مع شباب من حاره ثانيه وكان عددهم فوق الـ 40 شاب هل اترك اصدقائي ينضربون ؟ مستحيل … اروح انضرب معاهم افضل ( مسوي اني أوقف مع اخوياني وكذا  )هيااااا قابل ياحلووو دخلت معهم وانضرب الين عضيت الأرض وبعد ما فكو بيننا المدرسين والطلاب رجعت لهم وانا بالقوه اشوف الي قدامي من كثر ما ضربوني  وأخذت اهدد هم .. واني راح اخذ حقي منهم واحد واحد <<< كذااااب  مسكني واحد قال روح روح واحمد ربك انك باقي تمشي على رجولك وتتكلم حلوا يكون عند الانسان عزيمه وطموح لكن في حدود المعقول واخيرا يابيبي … تعرف تسوي سكيب ؟؟ هيا سوي سكيب للسالفه كلها وكنك ما قريت شي لأخوك رايق لأنها مجرد حلطمه و فضفضه بس .. انقالت لحظة انفجار للمشاعر اتفقنا ؟؟ احبكم والله | |||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
