تكاليف الحب صعبة، لا يتحملها إلا ذوو المروءة والوفاء.
أمّي - الله يحفظها- كانت دايما بتقولي: (يامحمد اللي تحبّهُ أفعى ؛ يتلَفَّع بيها)، يعني: لو حبّتك أفعى (ثعبان)، مش تفرّط في حبها بالساهل، بل تتلفع بيها، يعني تحطّها على رقبتها مثل الشال أو العمامة..

والمَثل دا اللى عارف ندرة الحب، وقلة وفاء الناس في هذا الزمان، وتلاعبهم بالمشاعر والقلوب .. هيقدر يفهمه كويس ويحس بيه

الناس بتشوف اللي هي عايزة تشوفه.. وده مش معناه إنه الحقيقة أو أنه الصح.

"غاضبٌ أنا حد التشظي...

غاضبٌ من كل شيء ومن لاشيء.. من أحبتي قبل أعدائي.

غاضب من المجهول، والمعلوم .. من شكوكي ويقيني.
من خوفي واطمئناني.
من الماضي ومن الحاضر...

من التقاة ومن العصاة.
غاضب ممن وافقني وممن عارضني

غاضب من يأسي ومن أملي

غاضب من رجائي كيف تمسّح بأعتاب العابثين.. ومن كبريائي كيف أقصى المخلصين.."

تؤلمني الحياة بضربات صغيرة ، بخطوط صغيرة بشكل متقطع
/
- فرناندو بيسوا

"فإن كنت هذه اللحظة قريب كما أشتهي أن تكون، فستعلم جيداً أنك في منتصف صدري تحاول أن تنقذني من أن أنطفئ..."

طول الوقت بنخسر معارك، وناس، وفلوس، وعمر، ومواقف، فنتخيّل إننا فاشلين، وما نصلُحش للحياة، وده ممكن يكون صحيح بالمناسبة في مرحلة من المراحل.. لكنه مش حكم نهائي غير قابل للنقض، لأننا بنتعلم مع الوقت -غصب عننا- حاجات كتير، وبنكبر، وبنفهم الدنيا ماشية ازّاي، وبنملك حكمة خاصة بينا، وعلى مقاسنا.

فحتى الخسارة، بطريقة أو بأخرى، بتتحول لربح على المدى الطويل.

ومش كل خسارة، لازم نكون إحنا السبب فيها، لأن الثابت إن الحياة مليانة فعلا ناس زبالة، بتستغلنا وتستغل حياءنا وأدبنا وأخلاقنا، عشان توصل لأغراض دنيئة، وتحقق مكاسب على قفانا، ومش معنى انتصارهم إنهم على حق أبدا، ولا معنى سيادتهم وتمتعهم بكل شيء وإفلاتهم من العقاب لحد دلوقتي، إن ربنا موفّقهم، وإننا على باطل...


الزبالة هيفضلوا زبالة، والنضاف هيفضلوا نضاف، والكدب والخيانة والغش والمراوغة وقلة الأصل، هيفضلوا نواقص وعيوب قاتلة، مهما أصحابهم قبّوا على وش الدنيا، ودانت ليهم الدنيا. ولحسن الحظ، إن الحكاية مش دنيا بس، فيه جولة تانية، وساحة تانية للعدالة، هتترد فيها كل المظالم، مهما كانت قوة وجبروت الآخذين والناهبين.

ما دام لسّه فينا نَفَس، هنكمّل، وهنقف على رجلينا مهما وقعنا، ونحاول نوصل، ونتخطّى العقبات، لأن إرادة الحياة جوانا أقوى من إرادة الموت، ربنا خلقنا كده، وهو عالم بضعفنا وباللي بيجرى لنا في كونه، وهو لا يضيع أجر المحسنين.

تَعافي ..