|
* اللهم انّي بك ( كل شيء ) وبدونك ( لا شيء ) . |
صباح الخير ..: * من الإرشيف .. تعبت من الحزن : ليته ألا ليت الحزن يصغر واجي بسمة طفل توّه تورّد خدّه وازهر تبلل والسحاب امطر وفي حضن امه الادفى غفى : لكن غفى بكّير ولكنّه صحى أبكر رمى للشمس سِنْ وغدى لون الصباح اصفر عتيم ..! . |
* ايضا : من الإرشيف.. البارحه والنوم عاف العين يا رب ويش اللي يؤرقها بالله لو تسمح يبو قلبين عيوني الثنتين فارقها * عتيم ..! |
* * لغز ..! عدّيت لي فكره وجمله مفيده فيها من الهاجس ثلاثين جنّي صارت عروس ولبسوها قصيده من مارد شكوكي ليا حد ظني لو كان باقي دور نشر وجريده لقيت كل الشعر ماخوذ منّي !! عتيم ..! . |
* * اعتذر .. لدخولي المتقطع والفارغ مؤخراً .. لذا .. والله ما عندي جديد .. ولا قديم ما غير حفنه من جروح ومن ورق باقي على خبر الضيا ليلٍ عتيم ! الشعر يسهر بِي : وانا مملي ارق ! ........................................ ........................................ محتاج طلعة بَرْ والله العظيم .. محتاجها مثل النجاه من الغرق ! * عتيم ..! |
* من الارشيف .. من خارج النص مدري خارج الفكره كُن شاعرٍ تاقف الدهشه على بابه كن شاعرٍ غارت العذّال .. من ذكره شاعر مغاير شعور احساس وكتابه قبل يتمادى بصدقه يخدعك مَكْره تغرق مع اوّل تلفّاته ... من اهدابه يحب "يمكن" ولكن ما هو بيكره يصنع لعين اليباس .. غيوم صبّابه . ومِن ضجّةْ الصمت كان البوح يحتكره لو يُومِي بريشته .... تُومِي له احبابه يهدي لهم يومه.. وقبل امسه .. وبكره مومن .... بأن الشفق والشمس جلبابه تبي الصراحه .. ترى ما الشاعر بمُكْرَه يكون شمعه ....... إلين يذوب بثيابه عتيم ..! . |
| الساعة الآن 09:53 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا