مضحك لما تكون اكثر انسان يثرثر عن الحب ..
واكثر انسان فاقده .! ��

أكتب ؛ لأنّ لا حياة لي
ولأنني الأكثر وحدة !

من أدعوه هذه الليلة للسهر معي ؟
هناك مقعد فارغ في الظّلام، لا أحد يقبل به
إن شعرت أنك تشبهني،
تعرف أين أنا !

أكثر ما يُخيفني هو أنا،
أخاف أن لا أعرف ماذا سأفعل،
أخاف مما أفعله الآن ،
أخاف مما سأفعله غداً ..

وكأن الخوف هو الشعور الوحيد الطاغي هناك
بين أضلعي .
قيدتني مخاوفي كثيرا
كبلتني ،
اعاقت تقدمي دائما ..

بعد الخذلان والإنكسارات العديدة ..
أصبح من المرعب تماما الكشف عن ما بقي من قلبي .
عندما تدرك ضآلة الجزء الحي فيه ..
يتضاعف الخوف من السماح له بتعريض نفسه للمخاطر ..

للأسف أصبحت أقتات من خوفي
وأحيا به ..

كيف نقدر نحب بدون خوف وبدون قلق وبدون شعور بالذنب
وبدون هواجس وافكار تودينا مره يمين ومره شمال ؟
كيف نقدر نتطمن ؟
اكثر شي افتقده بالحياة هو الطمأنينة
اني احب شخص واقدر اثق فيه
اني اقدر انام واتطمن انو مافي طعنه راح تجي
اني اقدر احب نفسي وانا عايشه هالحب
احب واشعر ان هالحب يطهرني ويرفعني ويكملني
ومايخليني انظر لنفسي بصوره سيئة !

مشاعر متداخله ومرعبه ومؤلمه .،
لما تحس بالذنب ناحية نفسك وناحية ربك
وناحية الأشخاص اللي تحبهم ..
توصل لمرحلة تتمنى بس تبعد عن كل شي
تبعد عشان تقدر ترجع تلم نفسك وقلبك وروحك
اللي تحسها تبعثرت بكل مكان ..

اشتقت احس اني املك نفسي ..
اشتقت احس ان مشاعري ملكي وجسدي ملكي
وقراراتي ملكي ووقتي ملكي ..
ما اضطر اشاركهم مع احد ، الا لما اكون متأكده فعلا انه يستحق ..

من زمان ما عملت شي خالص لنفسي ..
شي يخلي روحي تزهر وترجع تتفتح من جديد ..
اهملت نفسي كثير .، واهدرت مشاعر ووقت ووحب لأشخاص
ظلموني بالأخير وماعرفوا اش كثر قلبي يحبهم ..

احس مو عدل تحب وما تنحب
مو عدل تكون صادق ويكذبوك ..
مو عدل تفكر فيهم وهم ناسينك ..
مو عدل تتألم لحالك وتعالج جروحك لحالك
وتحتاجهم بس هم ما يحتاجونك ..!
مو عدل يخلونك تكره قلبك بس لأنه يحبهم ..
صح ما نقدر نجبر احد يحبنا ، لكن تحز والله بالخاطر ..

افنيت قلبي على اشخاص ما قدروه ..
والحين مو قادره اعالج الخراب اللي فيه
صار هالدمار شي فوق طاقتي ..
كل اللي اقدر اسويه ، اني اضل اتأمله كل ليلة وابكي
ابكي عليه وعلى نفسي وعلى كل الاشخاص اللي تأذو بسببه ..

كل يوم تزيد وحدتي
كل يوم تزيد تصرفاتي برود
وكل يوم يتحول داخلي لشي ظاهره حجر
لكن باطنه حريق ..
كل يوم اصير اخاف من بكرا اكثر
مو بس اخاف ،

مرعوبه ..

‏"أمضيتُ حياتي ألهث من التعب
‏التَعب من كل مكان
‏من العائلة
‏والرفاق
‏والحب
‏ألهثُ بحثًا عن مكانٍ أستقر فيه
‏دون خوفٍ أو قلق"