هَل أنا سيىء
لِكي يُصيبنيِ كل هذا الأسى بِصدري ؟.
لتخدشني الوحدة عند كل مَغيب ؟
لتعبث بروحي التنهيدآت ؟
ليثقل لساني اللعين ويُكبل بالصمت ؟!

سئمت ..

هالأيام صعبه حيل للأسف ، صح فترة العيد كانت حلوة لكن الحين كل شي رجع لحاله القديم ..
ماعدا دموعي اللي صارت تنزل بكثرة وعلى اي شي ..
دموعي اللي كانت تخليني اعاني عشان اقدر ابكي وافرغ .. الحين ما اقدر حتى اتحكم فيها .!
اعترف اني صايره حساسه ، هرمونات الحمل والوحم والغثيان والتعب النفسي كلها تجمعت علي هالفتره ..
زائداً طبعا مسؤوليات البيت والأطفال والزوج اللي ما نسمع منه شي غير الشتايم ..
حتى اللي بيوم قالوا انهم يهتموا لأمرنا ، صار واضح ان نسياننا كان سهل عليهم .،
ومعهم حق الحياة ما توقف على احد ، اش دعوة راح توقف علي يعني .!

في الوقت اللي نتمنى ان الحياة تتحسن ، نلقاها تتعقد اكثر ما اعرف ليه .
اتمنى لو فيه كتف اقدر ابكي عليه . ومضحكة هالأمنية لأن كل الكتوف تتخلى وتبعد لما نحتاجها .،
اتمنى لو امي تهتم لأمري واقدر اكلمها بأي وقت واشكي لها همي .!
واتمنى لو ابوي قريب عشان بس اتقوى بشوفته وقربه .
اتمنى لو اخواني مو ملتهين بحياتهم ويفكروا يسألوا علي لو مرة ..
اتمنى لو عندي صديقات اقدر اطلع معهم واضحك وانسى حزني شوي ..

اتمنى لو هالوحدة تنتهي
لأني أحس انها راح تنهيني قريب ..

- يموت الإنسان من قلة الحُب ؟
لا ؟
طيب ليه كل يوم اعيش شي يشبه الموت ؟!

عُدنا والعود أحمدُ ..