اعترف اني اسلك بطريقة مكشوفة
وأعطي منعويات وتعزيز رغم أني أنسفها بردود ومشاركات
لكن شغلة الروايات والقصص أبد ماعرفت
دخلت من الرابط حاولت ضغطت ع مخي المتنح..
ابد مافي فايده اعرف قلمي زلابة
مـ راح يجمل برد مثل الخلق
اعترف أني أتابع نصوص أدبية لكن فيها
فكرة وعاطفة
قصائد وع فكرة أنا من أشوف الشاعر يكتب قصائد بلا روح مبنية ع خيال وخنبقة أبطل أتابعه..
الشغلة مبدأ
ماعلينا ودي لو تتكرر ليلة المعازيم وأكون معزومة
عاد الكحة لاعبة بصوتي وهدوئي
الجميل بكورونا ان محد يقرب منك ويغثك

الأمنيات سلوة الخيال
وخيبات الواقع...
ولنقل أن النوم لفى والعقل غادر
وإذا غاب العقل أخاف أشطح..
وأنا علاقتي بذاتي رائعة
فـ حفاظاً ع ماسلف نتوكل ننام
وأتمنى لكم ليلة رايقة..

أكرهُ التعقيد والحذر والانتظار
شغلات لاتغير من الواقع شيء
مجرد أفعال يتسم أصحابها بـ الحذر
وكثرة الظنون..
التلقائية مريحة أقلها أنت مع نفسك ماشي صح..
بعيداً عن تفسيرات الأخرين..
بمعنى اللي براسي بيصير..
عاد صح خطأ مهوب شغلي
ولازلت أعاني من الوعي المفرط
يـ بخت اللي ماغير يعيشون أيامهم بلا أفكار.. ولا وعي..
يوم حافل وأنا للحين ماطلعت من الغرفة

العمر غفوه طويله و النعَم ما تدوم
واَحوال الانسان ما تبقى على حالها
.
الايام تمضي مضي البرق بين الغيوم
وش يمهل اعمارنا لا حانت آجالها
.
يالله بـ قـلبٍ سليم بـ يوم مافيه نوم
في ساعةٍ يغفل الجاهل عن اهوالها
.
للنفس حاجات لو يبقى من العمر يوم
" يموت الانسان يطردها ولا .. نالها

أمل أنسانة متناقضة وبشدة
لا تملك حكمة ولا فن أدارة ولا ذائقة
ولا عندي سالفة..
لاتتوقع عزيزي/تي المتابع
ان نظرتك دائماً صائبة عن الاخرين
خصوصاً المزاجيين بشر بلشو بحالهم تبيهم يتفرغون لنظرتك..
ذي عينك مو عيني وظنك ولايعنيني أبداً
أن أكون جيدة سيئة منيلة بستين نيلة
وسبب تواجدي هنا الفراغ..
بنات جيلي سارحات بها المقاهي والمولات والشاليهات..
أنا ماانتمي لـ ها الأفكار..
ليس لحكمتي أبداً والله
إنما أنا وحدة نفسية تتعب من الزحام والازعاج..
فـ لذلك أنا هنا..
وأنا غير مسئولة عما أكتب
مجرد ثرثرة وذائقة تجي أحيان وتغيب أحيان..
نبذة تعريفية مبسطة لكنها واقعية
اللي أنا واثقة منه هو أنا منعشاق أبو نورة
غيره يخضع للمزاج

تابعت خبر وليد التميمي
الله يشفيه جدا محزن خبر مرضه
التساؤلات هل للقاح علاقة بـ إصابته
المشكلة قرر يقضي الباقي من حياته في المستشفى الين تحين وفاته "والعلم عند الله" مصاب بـ ارق مميت..
مؤلم أن يتحدد مصير الباقي من أيامك