آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | | | | | | من مسابقات تاتي أيقونة البلدان وقرأت في إجابة لكِ لجود الغالية أنكِ تتمنين زيارة العديد من الدول منها البرازيل البرازيل طالما سمعنا بخطورة بعض الدول وإنها مخيفة * هل تاتي من النوع المغامر ؟؟؟ فعلا آنا من النوع المغامر ومن صغري لحد هلآ مابخاف الا من خالقي آهلي ربوني ع الجسارة والشجاعة وبعتبر المغامرة ضرورية وهامة جدا لتوسيع آفاق الفرد ولتقويته وتنويره على اتخاذ القرارات الصحيحه ,, ولايجاد طرق النجاة بالاوقات الحرجه والا كيف منمسي حالنا آقوياء وآذكياء ؟؟ آذا ماآختبرنا حالنا وقت الصعاب !! وآنا نقيت البرازيل .... آقصى الغرب لآنو عدا عن معالمها الطبيعيه الخلابه بقلبها مكان بعشقو وهي (غابة الآمازون المطرية) يلي حبيت ازورها من وقت آعدادي لتقرير متكامل عنو وعن العجائب والروائع يلي موجودين فيه نقيت كوريا ... آقصى الشرق لاني بحب الهدوء والسكينه وجمالها الطبيعي الساحر يلي بيزيد قدرة الهامي وتأملي نقيت المغرب ... لآنها بلد حضاري بآمتياز وفيها من عطر وعبق الآندلس الحبيبة عدا عن جمالها الطبيعي متل مدينتي (آفران وشيفشاون) هو بلد آخواتي الغاليات يلي بعرفهم من 8 سنين (ندى ,, رجاء ,, نورس ,, شهرزاد ,, منارة) وصديقات غاليات كانو معي بمنتدايا الآول ورح بختار دوله القطر كرمال درتها وجوهرتها المشعشعه (دكتورتنا الرائعه) يلي حببتنا بهيدي الدوله الجميله وحابه زورها وكمان بتمنى آني زور المملكة السعودية ,, وبلدان صديقاتي وآخواتي العزيزات بهالمنتدى وآكيد نقيت آيطاليا ... لآنها عشق العمر بلد من الله بحبو هي بلد الفن والرسم والحضارة والجمال والموضه والرياضة وبلد العراقه والرومانسية وهم من آفضل بلدان أوروبا تعاملا مع الآكراد * ممكن تذهبين لدولة وأنتِ عارفة أن هناك أنواع من الخطورة ممكن تواجهج ؟؟؟ الخطر موجود بكل مكان وزمان ,, وحتى لو كنت كتير حريص مافيك كلمره تتفاداه آذا بيكونو معي آهلي ومعنا دليل سياحي وقتا يمكن اقبل بس آذا كنت متأكدة انو نحنا منلاقي خطورة كبيرة فـــ بلاها هالسفرة من الأساس لآني حتا لو ماخفت ع روحي ,, فــ آكيد لازم أخاف ع أرواح يلي موجودين معي ومااعرضهن للخطر في سبيل مغامرة يمكن تكون مميته او مهلكه وبشكل عام بقدر افوت ع مخاطر معلومه ويكون عندي علم مسبق فيها معي خريطه وسلاح وحدا يحمي ظهري بس ع مطرح مجهول وبشكل عمياني مرح فوت ابدا حتا لو معي جيش كامل * ما الذي يلفت تاتي لتصنف أي دولة تستحق الزيارة ؟؟؟ قبل كلشي ناحية الأمان والسكيوريتي والنظافة 2 شي لازم يكون بلد يقدم اكلات حلال للمسلمين وبيحترمو السياح 3 بلدان مشهوره بمعالمها الطبيعيه (غابات ,, جبال ,, بحار ,, حدائق) 4 بلدان مشهوره بحضاراتها وآثارها وتنوع ثقافاتها 5 البلدان يلي فيهم آطلال مهجورة عندي تجاهن آلفة وحنين غريب بتمنى اني اقدر ازورهن وقلل من هجرانن ,, ومن آشهرهم وآروعهم بنظري :- {نفق الحب في آوكرانيا ,,, كاتدرائيه فيلرس/بلجيكا ,,, بئر سينترا/برتغال ,,, معبد آنكور وات/كمبوديا ,,, حديقه الوحوش/ايطاليا ,,, قصر القرود/فرنسا ,,, وقلعه بوديام/آنجلترا} بس بشكل عام بحب ازور كل بلدان ومدن العالم , خصوصي الـــ 160 يلي ذكرتن بفقرة (روائع من الطبيعة) لي موجودة بمدونتي + الآطلال الــ 120 يلي ذكرتن بتقرير (آطلال ساحره من الجمال المهجور) تبع قسم السياحه * " ما عم فكر زورها" متى تخطر على بال تاتي تقولها ؟؟؟ هيدي العبارة already آنا قايلتها قبل كم سنة فعلا ماعم فكر ومابحب زور تركيا حتى لو آجت لعتبة بيتنا ليش ؟؟ لآني زرتا كتير وماضل مطرح منو ماشايفتها ولآنها بلد عنصري بأمتياز , خاصتا مع الشعب الكوردي بيستعملو كافة أنواع العنف والاذى بس يسمعوك تحكي كوردي رح يجيهم هيستيريا وبيزيد التعصب والوحشنه تبعن مع آنو نص المواطنين يلي عايشين بتركيا هن بلاساس من العرق الكوردي وعايشين بمدننا الكورديه بسلام * طيب أنا أفكر أجي كوردستان حقيقة لسبب أن قيثارة وتاتي تنتميان لها لو جيت ما أهم الأكلات اللي ستكون على طاولة الضيافة " أهم شي الضيافة" ؟؟؟ وااااو حبيبه قلبي آنتي بتنورينا بكوردستان ومنفرش طريقك بالورود ليش نحنا عنا كم دكتوره ؟؟ ياريت عنجد لو حولتي فكرتك لزيارة حقيقية منحط فوق الرأس والعين (آنتي وكل الحبايب يلي حابين ينورونا) ياميه اهلين وسهلين بتضوي وبتعطري ارض كوردستان وبخصوص الآكلات ... تكرمي عيونك الحلويين عزيزتي آنتي بس أأمري ونقي ع ذوقك رح بحضر لالك بأيدي ومن طبخي الاطباق يلي رح يعجبوكي من هيدي المائده الكورديه يلي برمضان دعوتك انتي وكل آعضاء منتدانا الأعزاء لالو
آفطار كوردي لعيون روادنا الغالين https://www.al2la.com/vb/t115196.html * ما هي أجمل أماكن بكوردستان ؟؟؟ كتر خير الله عنا كتير آماكن أثرية وطبيعية رائعه الجمال , وبذكر منن :- 1- مدينه (جافى لاند chavy land) السياحيه يعني بالعربي (عين المدينه) في مدينتي السليمانية وهي آكبر مدينه ترفيهيه بالعراق و2 اكبر بالشرق الآوسط وتقع على جبل ازمر وفيها كلشي مبهر 2- شلالي (احمد اوا في الحلبجه) و (كلي على بك في اربيل) 3- كهف الآلف باب في السليمانيه 4- جبال ووديان رواندوز الساحره (كأنها قسم من سويسرا) 5- مدينة عمادية التأريخية 6- النهر البنفسجي في رانيا والنهر الآزرق في ديرا لوك في الدهوك 7- آطلال مدرسة قوبهان الاثرية في الدهوك والكثير من الأماكن السياحية والترفيهية والمولات العملاقة * عادات الزواج وتقاليده لديكم كيف،،الأيام التحضيرية اللي تسبق الزواج من اختيار العروس، إلى عقد القران، إلى هل فيه حنة أم لا كل شي بالتفصيل المتتع كما عوديتنا يا الرائعة ؟؟؟ تكرمي عيونك دكتورتنا الجميله قبل مايتم طلب الايد من اهل العروس النساء (آهل العريس) بيعمولو زيارة لبيت العروسة وبيحكو بالذهب وترتيبات الخطوبة بعدين الرجال (اهل العريس) بيعملو زيارة لبيت العروسة وبيطلبو ايدها رسمي ويقولو العبارة المشهورة ( جايين نقطف وردة جميلة من بستانكم ) وآهل العروسة بيقولو : ونحنا منعطيكم وردتنا الجميلة ومبروك عليكم نحنا متأكدين أنكم تحطوها بعيونكم لآنها صارت بنتكم آنتو كمان وهديك الوقت آصغر فرد من آهل العريس (يمكن يكون خيو الزغير او ابن عمو) يقبل آيد آكبر فرد من آهل العروسه من الموجودين في الجلسه (يمكن يكون جدها او عمها الكبير او بيها) بعدين آهل العريس بيروحو مع العروسه واخت العروسه لآخذ الذهب وفساتين الخطوبه (متل ماوضحت بجوابي ع سؤال الغاليه جودي ,, نحنا ماعننا مهر ,, فقط الذهب) وعنا 3 حفلات رسمية لازم ينعملو لكل عروسة كوردية 1- حفلة الخطوبة // العروسة بتبلس فستان عرس (مابيكون لونو ابيض ولا اسود) بالعاده الوان رقيقه وناعمه متل (الوردي ,, الكريمي ,, السيلفر ,, البنفسجي الفاتح ,, الفوشيا ,, والاحمر) وبالعاده بينعمل افراح الخطوبة في بيت اهل العروسه ,, ومرات في القاعات الصغيرة وبيتقدم الذهب للعروس وآهل الآتنين بيقدمو هدايا ذهب للعروسه 2- حفل الحنة // بيتم قبل حفل الزفاف بشي آسبوع العروسين لازم يبلسو زي كوردي ,, والعروسه بالذات لازم تختار اللون الأحمر والطرحه يلي ع راسها كمان باللون الأحمر هيدي الحفلة بالعادة يكون في مكان مغلق وفقط للسيدات والبنات آهل العروسة والعريس وصديقات وقريبات واخوات العروس بيرقصو وبيغنو طوال الحفلة الاكسسوارات حفل الحنه بيتغلب عليها اللون الأحمر مع الغولد ومليان شموع وورد وعطور ونسخ ضغيرة من قرآن الكريم 3- حفل الزفاف // بيتم في القاعات الكبيرة او الحدائق المفتوحة والخاصة بالاعراس هون العروس ضروري تبلس فستان زفاف باللون الأبيض اما العريس فــ بيختار أي لون ع ذوقو (آكتر شي الأسود او النيللي ومرات الأبيض والسيلفر ) العروس قبل ماتطلع من الصالون ,, اهل العريس مع العريس بيدخلو الصالون والكل يبلش بالتهليل ,, العريس بيشوف العروسة وهيا بالفستان الأبيض متل الانجل ومشاعر الآندهاش والفرحه مسيطر عليه ,, يمكن يقول بينو وبين نفسو وآخيرا الحلم صارت حقيقه وبشكر الله ع هالملاك يلي عطاني اياه والعروسه واقفة قدامو خجلانة والطرحه مغطي وشا وخدودا يلي صايرين وردي فــ بيقوم برفع الطرحه ع راسها ويبوس جبينها ,, والعروسة منزلة عيونها مستحية وميته من الخجل (وهيدا آحرج لحظه بين العروسين قبل الزفاف ,, وماعنا عروسة مابتستحي ومابتخجل من هالوقت حتا الجريئات والقويات ويلي عندن كونترول عالي ع نفسياتهم ,, جو اللحظه بيفرض علهم الخجل الشديد) وبهيدي الحفلة الكل يقوم للدبكة الكوردية ومن ضمنن العروسين وبيتم تقديم الذهب الخطوبه + ذهب جديد تبريكا لدخول العروسين في مرحله جديده (لهيك بتشوفو ذهب كتير مقدمه لعروساتنا وبحفل الزفاف بالذات) ملاحظه // آخوان وآب وآعمام وآخوال العروسة مابيحضرو حفل الزفاف عننا وهيدي عادة وتقليد منمشي عليها من قديم الزمان وبعد ماتمشي العروسة وتسافر مع عريسها لشهر العسل آم وآخوات العروسة يبلشو بالبكي ويقولو (راحت شمعة بيتنا ونور عيوننا) ويدعولا بحياة سعيدة ومديدة لآنو منزلة ومكانة الابنة في الآسرة الكوردية كتير غالية وعالية بقلوب أهلها وقت تترك الاسرة وتتزوج بتترك وراها فراغ قاتل والكل بيشتاقولا وبيستفقدولا | | | | |
وبتمنى تعجبك آجاباتي ع البارت الثالث من آسئلاتك
يلي كانو كتير مميزين وغير شكل
|