الناقد والفيلسوف مع تاتيانا (الحقيقة والكيان) - الصفحة 14 - منتديات مسك الغلا

**ŢαŢμαŊα** · 07-15-21, 01:25 AM

المشاركة الأصلية كتبت بواسطة الدكتورة

* كم تكفي النية لاثبات الحقيقة عند تاتي
؟؟؟

بيكفيني مكانة ومنزلة الشخص عندي وملاحظاتي عليه
وشو بيقول احساسي الداخلي عنو
وعنا حديث صحيح عن الأرواح يلي بتتألف او يلي بتتنافر

* على أي أساس تحكم تاتي على شخصيات وتصنفها وفقا لطيب- شرير - مغرور - متواضع - مثقف - جاهل بشهادة تعليمية إلخ إلخ
؟؟؟

بحكم ع الأشخاص حسب افعالن وردود افعالن
وحسب المواقف يلي بيسقط فيه اقنعتهم قدامي
وبحكم بعد 3 مرات ,, اذا في المرات الثلاثه ظهرو نفس الصفه
معناتو آنو الوصف الاولي رح ينطبق عليه

وبدي خبرك سر دكتورتنا يلا قربي آذنك :-
كتر خير الله آنا عندي حاسه سادسه قوية كتير بتساعدني
وياسبحان الله اغلب الأوقات بيصيب توقعي واحساسي من اول مره

* من أجمل الألعاب اللي طرحتها تاتي من خلال لغز " ما هو الامنطقي في الصورة" زين يا الرائعة ما هو اللامنطقي عند تاتي عند مصادفتها لشخص ما
؟؟؟

تسلميلي حبيبتي كلك ذوق وآنتي الاروع
يلي بلاقيه غير منطقي مع شخص آول مره بتعرف عليه
آذا بيفوت بالخصوصيات
او اذا بيبلش ينتقد ويعطي نصايح وهو انجق شافني
او اذا حاول يتقرب مني وهو أصلا مابيعرفني ولا بيعرف كيفو طبعي او شخصيتي

* بين المنطقية واللامنطقية مساحة كيف تجدها تاتي
؟؟؟

بين المنطقية واللامنطقية مساحة بيحددها الآشخاص
وبيختلف وسع او ضيق هيدي المساحه من شخص للتاني
وحسب مبادئهم ومعتقداتهم في الحياة ورؤيتهم للبعض الامور

* اللامنطق مقبول في عُرف تاتي أم لا
؟؟؟

اللامنطق مع الشخص اللامنطقي وبموضوع لامنطقي بيكون مقبول عندي

تذكرت هنا مسرحية " مدرسة المشاغبين " عن المنطق

نكمل في الجاي

وهيدا اجوباتي عن تاني بارت من اسئلات دكتورتنا

**ŢαŢμαŊα** · 07-15-21, 02:21 AM

المشاركة الأصلية كتبت بواسطة الدكتورة

https://youtu.be/T4leIxsnQNI

تعرفي أيه عن المنطق يا تاتي طيب أنا وضعت الفيديو لكسر روتين الأسئلة،،، ولأتخذه مدخلا لأمر آخر ألا وهو حب تاتي السينمائي وحبها لعالم الفن

هههههههه دخيلك دكتورتنا ودخيل آختيارك والفيديو التحفه
والله ذكرني باحلى ذكريات للفن الجميل
تسلميلي انتي وكلامك الراقي
فعلا انا بعشق الفن وخاصتا السينما والطرب

،،،
* هل تاتي في اختياراتها الفنية متنوعة أم فقط تقف عند حد الأفلام
؟؟؟

آي آختياراتي متنوعه
حابه تابع البرامج المنوعه والمفيده , خاصتا الحضارية والعمارة والطبيعه
واحضر الأفلام واستمع للموسيقا والسيمفونيات والاغاني
وبتابع ماتشات البطولات العالميه متل المونديال
والعاب الولمبياد المنوعه كمان

* ما هي النوعية اللي تفضلها تاتي في الآتي بين الكلاسيك القديم أم الحديث وممكن 2:

آكتر شي بحب التنويع يعني من كل الفئات حابه اتابع أفلام ومسلسلات

الأفلام:

آكتر عنصر فني بستمتع فيه وحابه انوع بكل تصانيف الأفلام
(وعندي فقرة آفلامي المفضله) بمدونتي يلي آخترت آجمل وآقوى 50 فيلم بنظري
آكتر شي بعشق أفلام الآكشن والمغامرات والدراما

المسرحيات:

مني كتير من عشاق المسرحيات , خاصتا الجديده مابتابعهم بنوب

الأغاني:

كتير بعشق الموسيقا والطرب والاغاني يلي كلماتهم راقية والحانهم شجيه
آكتر شي غنيات جاره القمر ,, ملكة الإحساس ,, فنان العرب ,, والقيصر

المسلسلات:

بتابع المسلسلات بس بدرجه اقل من الأفلام
آكتر شي بحب المسلسلات الكورديه والعربيه والفارسيه

* أجمل فيلم شاهدته تاتي على الاطلاق؟؟ ولماذا استحق أن يكون الأول بجدارة
؟؟؟

طيب ياقمر بيصير آني انقي 3 أفلام ؟؟!!
لآنو متل ماقلت انا بعشق الأفلام وكتير صعب اختار فيلم 1 بين مئات الأفلام
يلا السكوت علامه الرضا

فيلمي المفضل
نمبر 1 / الفيلم الآمريكي العراب the godfatherبآجزائه الثلاثه / فئه المافيا
لآنها آنجح فيلم وآقربهم لواقع المافيا , والاروع من حيث القصه والحوار والتمثيل
وبيفرجي كيف الظروف القاسيه بيحول آنسان مسالم الى رئيس المافيا

نمبر 2 / الفيلم الاسباني ميراجDurante La Tormenta/ فئة الآكشن
فيلم بيحكي عن العوده بالزمن للوراء ,, وبطله بتعيش بحياه متوازيه لحياتها الحقيقيه
فيلم مذهل قمه التشويق والاثاره

نمبر 3 / الفيلم التركي لا آحد غيرك Sadece Sen / فئة الدراما والرومنس
فيلم بيحكي عن فتاة ضريرة وملاكم سابق وكلواحد منن بيدعم وبيساند الــ 2
من أروع الأفلام يلي فيها قوه المشاعر الانسانيه

وآيضا حابه آختار فيلم آنيميشن وهي الانمي المكسيكي الرائع جدا / كوكو COCO
انمي انساني عميق فيها دروس وعبر

* الأسوء على الاطلاق وليش
؟؟؟

فيلم الآفاتار ,, مابحب هيدي النوعيه من الأفلام

* أروع مسرحية / أسوأ / لماذا
؟؟؟

آروعهم / المسرحيه الجميله يلي انتي جبتيها ع الاستضافه
(مدرسه المشاغبين) كميه اللطافة والظرافة بين الكراكتيرات وحواراتن كتير روعه

* أروع مسلسل / أسوأ / لماذا
؟؟؟

وهون آسمحيلي غاليتي آنقي مسلسلين

المسلسل المكسيكي السوبر رائع / الطائر المجروح بجزئيه La Piloto
مسلسل من العيار الثقيل بيحكي عن حرب العصابات ومحاربة تجار المخدرات

المسلسل الكوردي الملحمي / كه رده لوول gardalul بالعربي (العاصفة) / بآجزائه لاثلاثه
مسلسل بيحكي عن المأسي والمصائب يلي عاشو فيه الاكراد
وبيحكي عن بسالة البيشمركه ودفاعهم عن العرض والأرض وتراب الوطن بالأرواحهم ودمائهم الطائرة

وآسوء مسلسل هو المسلسل التركي (سامحيني)
عدد حلقاتو بلالاف ,, مسلسل ضعيف بلا قصه ولا تمثيل ولا حوار
مكنت بتابعو بس مامتي كانت بتابعها وعمتي كمان

*صار وقت التريقة ممكن تتخيلين التروقية مع غير صوت فيروز

يلا نشوف الفطور الكردي أيش أطباقه الرئيسية يا تاتي

تكرمي عيونك دكتورتنا الجميله
وهيدي آحلى ترويقه كورديه لاحلى دكتوره بالدني
الف صحه وهنا ع قلبك

والمكونات الأساسيه هم :-
الخبز آو الصمون آو التوست
الاجبان والالبان والبيض
القشطه مع المربى
الدبس والراشي
الفواكه والخضروات
الشاي او الحليب او العصير
الشوربة او حمص بالطحين

**ŢαŢμαŊα** · 07-16-21, 02:12 AM

المشاركة الأصلية كتبت بواسطة الدكتورة

تعقيب واسئلة
* التعقيب: أسمحي لي لنختلف هنا،،، عمره الصانع ما تساوى مع المصنوع،،، ولا أتصور أن نتطابق مع ميموري الحاسب الآلي،،، الحاسب الآلي له سعة ذاكرة محددة بين رام وروم ،، نحن كبشر سعة عقولنا لا محدودة بعدين نحن نرتبط بمشاعر عاطفية كل اللي بالفكر يربطنا عاطفيا الآلة ما لها شعور عاطفي بضغطة زر ستفقد أي شعور،،، نحن لا نحذف نحن ندفع ثمن تجربتنا والمبلغ عمر والبضاعة المشتراه خبرة قد تفيدنا مع لذة ومتعة /قد تفيدنا مع ألم وجرح يعني التعلم ليس مجاني للأسف

نعم نتشابه مع الحاسب الآلي لا نتطابق
،،،

والتالي الأسئلة

آكيد عزيزتي ,, آنتي نقدك بناء وآختلافك ووجهه نظرك سليمه وموفقه
وآنا معك باغلب الاشيا يلي وضحتيهن لآني آنا بعرف انو عقلنا مابيتطابق مع هارد الكومبيوتر
بس آنا قلت انو مابيختلف ,, بما معنى انو نتشابه من حيث ضرورة حذف الأشياء الفائضه والتافهه

مش لانو عقلنا سعتو محدوده ومابيسع لهالفوائض
وانما برائي انو حرام نحجز space ات غاليه ونشغلهم بأشيا مابيسوو
وع قد مابيكون الـــ space ات كتيره ع نفس القد فينا نركز ع الضروريات والاولويات يلي منحطو بدماغنا

عقل البشر لا يختلف كثيرا عن ميموري وهارد الكومبيوتر
وضروري بين الأونه والأخرى أن نحذف منها الأختبارات والأشياء الفائضه والغير مفيده
ونضيف مكانهم تجارب جديده أكثر فائده ,, والا لن نستطيع أن نتطور ونتقدم !!

المشاركة الأصلية كتبت بواسطة الدكتورة

* مرحلة الطفولة: كيف ولدت لديكِ حب الحياة والتفاؤل
؟؟؟

آهلي (بيى الحبيب ومامتي الرائعه وآخواتي وآخواني) هم يلي جملو بنظري الحياة
وزرعو جواتي التفاؤل ومحبه الحياة وتحمل حلوها ومرها
(والله العظيم اديش مابحكي بضلني مقصره بحقهم وبحق كلشي عملوه وبيعملوه كرمالي
ربي يخليهم لالي ويعطيهم كل الصحه والسعاده) ويحمي ويسعد كل الاسر والعائلات

ويمكن لاني آساسا خلقانه وآنا متفائله
وجواتي طاقة إيجابية هائلة حابه اوزعها ع يلي حواليا
لآني بعرف انو نحنا كلنا ضيوف بهالدني ومن حقنا ان نعيش حياتنا برضا وقناعة وسعاده

* كيف يعيش الطفل طفولة حقيقة دون منغصات
؟؟؟

آذا كان الو والدان حريصان مسؤلان بمعنى الكلمه
بيخلوه انو يعيش مرحله طفولتو بمحبه وبساطه وبراءة
مندون ما ينكدو عليه او يضغطو عليه بحجه الحماية
لآنو تكوين شخصية الطفل بتبلش من عمر زغير
صحيح انو الطفل بدو رعاية وحماية ورقابة من الكبار
بس مش لدرجه انو يخنقوه او يطلعوه ضعيف الشخصيه

* من المسؤول عن حرمان الطفل من طفولته
؟؟؟

والله دكتورتنا سؤالك هيدا كتير قوي وهادف , والمسؤلين كتار :-

1- الاب والام
وقت يتعاملو مع طفل زغير وكأنو شخص بالغ وكبير
ويأنبوه ويوبخوه ع كل زغيره وكبيره وبدنياه يكون تحت امرهم عطول

2- الاخوات والاخوان الأكبر
وقت يعاملوه كـــ آنو ند ومنافس لهم وجايي يسرق محبه والديهم منهم

3- المدرسه
يلي بيجبر الطفل انو يكون شاطر مش كرمال بيستفيد من العلم
وانما كرمال يربح رضا المعلمين وبيفرضو عليه قيود
والمعلوم انو كل تقييد بيسرق جزء كبير من برائه وعفويه الطفل

4- المجتمع
يلي بيتعامل مع الأطفال محدودي الذكاء وكأنن ناقصين او متخلفيين
وبيمارسو عليهم ظاهرة التنمر

5- برامج التيليفزيون
يلي يأما بيشجعو ع العنف
وبيوعي الطفل بعمر كتير زغير ع الصراع الازلي بين البطل والشرير
وبالتالي كل الأطفال بدن يصيرو الابطال وهون يبلش التنافس بيناتن من هو البطل الحقيقي ؟؟

ويأما ع سذاجه
متل برامج معموله لطلاب المدارس ,, يلا بيعلمهم الحروف الانجليزيه
بوقت الطفل لازم يتعلم ع الحروف ويميزهم قبل مايفوت ع المدرسه

آو ع تسديق الخرافات او القوى الخارقه
متل أمكانية الطيران و القدرة على الاختفاء واشيا مش موجودين عند البشر

* ما هي أجمل ذكريات تاتي الطفلة
؟؟؟

كتر خير الله الي كتير ذكريات حلوه وزاهيه بطفولتي
من بين الآحلا وقت ضاع مني بسينتي كاتي
وكنت بعمر السنتين والنص ,, وطلعت من البيت ادور عليها
ودونت المغامره بآحد تراتيل مدونتي هون بعنوان (catty)
https://www.al2la.com/vb/2138533-post423.html

وكمان وقت كنت بزور بيت جدو يلي كانت بمدينه 2
وحكيت عنو بآحد تراتيلي بعنوان (بيت جدو)
https://www.al2la.com/vb/2239326-post567.html

* تاتي كانت طفلة هادية أو حركية مشاغبة
؟؟؟

ههههههه تؤبريني آنتي وسؤالك دكتورتنا
بشكل عام كنت طفله هاديه وعاقله ومطيعه جدا وبسمع كلام اهلي بالحرف
ومابسبب أي دوشه او ازعاج لحدا
بس مرات حسب المواقف كان بيتطلب مني اني أكون حذرة وقوية جدا

ومن زغري كنت (شبلة) محدا بيسترجي يقرب مني او من اخواتي واخواني
كنت بدافع عن حالي وعنن من الأطفال المزعجين والمشاغبين
وضخامة هيكلي وقامتي كانو بيساعدوني وبيبينوني اكبر من عمري بكتير

* موقف طفولي لا تنساه تاتي لليوم
؟؟؟

كنت بعمر 8 سنين ,, وقت رحنا لمصنع الشوكولا
ومن هديك الوقت لحد هلآ آخدت درس قوي مرح ابنساه
وهو انو مابنعمول شي مندون ماناخد رائي اهالينا
وحكيت عنو بآحد تراتيلي بعنوان (مصنع الشوكولا)
https://www.al2la.com/vb/2699266-post1347.html

* متى تعود تاتي طفلة اليوم
؟؟؟

وقت آزور حديقة الحيوانات برجع طفلة ,, لآني بعشق الحيوانات
ووقت ازور مدينه الملاهي وبجرب العب اغلب الألعاب
ووقت عيد ميلادي ,, اهلي بيعملولي حفلة عيد ميلاد وبيقدمولي هدايا
وبيهنوني قريباتي وصديقاتي

* حديثنا يا تاتي عن ألعاب كوردستان الشعبية
؟؟؟

الألعاب يلي بزماناتنا كانو الألعاب الكومبوتريه والدارجه بين اغلب الشعوب
بس اذا قصدك الألعاب الشعبيه الفلكوريه القديمه
عنا لعبة الغميضه يلي مشهوره عند الكل

وكمان لعبة بالكوردي اسمو ( خه ت خه تين) مابعرف شو اسمو بالعريي
بيرسمو مربعات ع الأرض وبيرقموه من 1 الى 7
وبيحطو حجر ع رقم واحد ,, ولازم المتسابق برجل واحد يحرك الحجر مربع مربع
واذا طلعت الحجر برات خط المربع ,, فــ ورقتا لازم يرجع لمربع يلي وراه

وكان في لعبة (كلاو كلاوين) يعني الطاقية
بيخبو ورده او خاتم بأحد الطاقيات والموجودين بالجلسه يتوزعو لمجموعتين
والمجموعه يلي مابيحرز اكبر عدد ,, لازم يقوم بدعوه أعضاء المجموعه الرابحه
ومتلا بيشترو حلويات او اكل بسيط والكل بيضحك وبيفرفش

* ما هو دور الأهل في دعم تاتي الطفولة وتاتي الصبا
؟؟؟

هما كانو ولازالو آكبر سند وداعم لتاتيانا الطفلة والصبية والشابة كمان
من زغري حسو آنو عندي حضور وكاريزما وطاقات كبيرة
ساعدوني تــ آطلعهم لبرا وآحاول آفيد حالي وغيري
آمنو بمواهبي ووفرولي كل الأجواء المساعده ع النجاح والتالق والابداع
يعني شهادتي فيهم مجروحه وليل نهار وبكل وقت بشكر الله
يلي عاطيني آسرة رائعه وداعمة ومتفهمه ومحبه متل اسرتي
آنا فخوره اني بتمنى لهالبيت وهيدي العائله العريقه والمتحضرة

* تقولين من العوامل المؤثرة بكِ إيجابيا: المنتدى ما الذي أضافة عالم المنتديات لشخصية تاتي الواقعية
؟؟؟

فعلا دكتورتنا بعد تسجيلي في المنتدى آكتشفت مواهب جديده فيى
1- القدرة على تحويل الأفكار الى مواضيع وحصريات ملموسه
2- القدرة على آعداد وتقديم وتنظيم الفعاليات والمسابقات
3- تعلم طريقة تنسيق وتصميم المواضيع

4- الهمتني ع الكتابة بلاحرى ع التدوين (وآنا عارفه حالي اني مش كاتبه)
بس بقدر اعبر عن افكاري وهواياتي بأبسط طريقه
5- عرفتني بشخصيات راقيه ورائعه (البعض منهم بمثابة الاخوات والاخوان)

6- قدرت من خلالها اني افيد غيري واستفيد من مواضيع الاخرين
7- علمتني طريقة التعامل الأنسب مع جميع أنواع النفسيات والطبائع
يلي بحياتي الحقيقية مابتعامل معن (بحكم انو شغلي محدد مع فئه محدده المهندسين والمقاولين والالمدراء )

* هل هناك مواقف أو أشخاص كانت لهم بصمات سلبية في نفس تاتي
؟؟؟

بحكم آني آنسانة آيجابية جدا لهيك مابخلي آي شي سلبي يآثر عليى
لا في حياتي الواقعيه ولا في المنتدى كمان
كتر خير الله آنا متل حائط صد فولاذي معوده ع الصعوبات والتحديات

لو نعم، كيف تغلبتي على تلك المصاعب
؟؟؟

تغلبت عليهم قبل مايوصلو لالي
بآيماني الكبير وثقتي القويه بحالي ,, بآستقلاليتي وآعتمادي ع نفسي
وقت الانسان بيقول آنو قوي ,, فـــ لازم يبرهن عن هيدي القوه
ويترجمها لآفعال وقرارات صائبة ومحاربات مستمره لكل مصادر المصاعب والمتاعب

وهيدول آجوباتي ع البارت الرابع من آسئلات دكتورتنا

**ŢαŢμαŊα** · 07-16-21, 02:48 AM

المشاركة الأصلية كتبت بواسطة الدكتورة

تاتي بين الأهل والصداقة
* كيف تعطي تاتي كل ذي حق حقة بين الأصدقاء والأهل
؟؟؟

بقسم وقتي بيناتن وبحاول اعمل بالانس بكل محاور حياتي
بس ع الأكيد الوقت الأكبر بقضيها مع آهلي

* هل تاتي اجتماعية بمعنى بسهولة ممكن تكون صداقات
؟؟؟

بحياتي نوعا ما آجتماعية ,, وبالمنتدى آجتماعية آكتر
وسواء بحياتي الواقعيه او المنتدى بقدر اتعامل بسهوله مع الناس
بس عطول بحط مسافة آمان وحريه وحدود معقول
تفاديا للصدامات والتدخلات والحساسيات

ومش كل يلي بنتعامل معو فينا نسميه صديق !!
في زملاء ... في رفقاء ... في مساعدين ... بس مش كلن أصدقاء

* كيف تكون الصداقة حقيقة
؟؟؟

حين تلاقي نفس الاهتمام ونفس الدعم ونفس الوفاء من الطرف التاني
حين يكون معك بالثراء والضراء ومايغيرو الزمن والمصالح
حيت يكون معك وشادد ضهرك وقت الاخرين يبرمو وشن وضهرن عنك
حين يختبر القدر ويمييز بين الصديق الحقيقي والمزيف والمنافق والآستغلالي

* كم صديقة حقيقة في حياة تاتي وفقا لمعايير الصداقة لديكِ
؟؟؟

بصراحه دكتورتنا ماعددتن ,, بس فيني خبرك آنو عددن كتار
كتر خير الله عندي صديقات حقيقيات من زمن الطفوله , الجامعة , الشغل
وبين قريباتي واخواتي الحقيقيات وبعض عضوات منتدانا كمان

* العائلة أم الصديقات المحيط المفضل لأغلب جماعات تاتي
؟؟؟

آكيد تنيناتن ضروريات ومفضلات عند تاتي
ومافينا نستغني عنن بنوب
متل السكر والملح ,, مافيك تاكل عطول شي حلو او شي مالح

وأنتِ من أجمل من عرفتهم في محيطي الاجتماعي

:montaser_72:

يخليكي لالي دكتورتنا الرائعه ولاهلك واحبابك
ومايحرمنا من ذوقك ولطفك وحكياتك الحلويين
وآنتي كمان من آجمل الجميلات قلبا وقالبا

**الدكتورة** · 07-16-21, 03:30 AM

صباااح الورد

تاتي فيها ميزة
تدلع اللي معاها دوم سواء ضيف أو صاحب دار

كرمها رااائع ومتنوع ،،،

كل ما بج يا تاتي جميل ورائع

واليوم يزداد الجمال جمالا حيث النقاش الراقي

والله ذي المواضيع أعدها أرث وكنز ثمين لمن أراد أن يتزود من عقليات ذات فكر ثقافي نير

**الدكتورة** · 07-16-21, 03:35 AM

تاتي
انهيت بالأمس قراءة كل مدونتكِ بتدقيق أكبر
ووضعتها تحت المجهر الفكري بصورة أوسع

وأنا مررت لتذكير الذهن لأني من الأساس من قراء المدونة ولكن لتنشيط الذهن ولغاية
ستتضج عند مناقشتكِ

،،،

أنا مقدرة جدا كونج مراقبة ومقدرة أيضا البارتين الباقين من الناقد،،

وصحيح هنا التركيز في
" الحقيقة والكيان"

لانشغالي قليلا في الأيام القادمة لهذا سيكون الثقل الكبير هنا والبارتين الجايين مجرد مرور خفيف
أبشرج

الشي المهم
هذه الثقافة من الجميل أن يستفاد منها ،،، وأتضحت لنا الكثير من الأمور الفكرية الجميلة،، والله مثقفة من العيار العميق الثقيل

والآن لنكمل

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج