الناقد والفيلسوف الحلقه 2 مع ŢαŢμαŊα( انثى اسثنائيه ) - الصفحة 19 - منتديات مسك الغلا

**ŢαŢμαŊα** · 08-26-21, 02:24 PM

المشاركة الأصلية كتبت بواسطة الدكتورة

الأهمال والنسيان

* الأهمال يقتل الحب لتقولي= يشبه السم
طيب
الاهمال في العالم العاطفي، لماذا
؟؟؟

الآهمال العاطفي يمكن يجي من الرتابة وروتين الحياة
او انشغال احد الطرفين بالعمل او شغل بيدو وقت طويل
ويمكن يجي لآنو احد الآطراف مكان صادق بحبو للطرف التاني
وكان مجرد نزوة او اعجاب ,, وبعد فترة قصيرة بيختفي سحر الغرام وعوامل الجذب
لهيك بيقل الآهتمام تدريجيا

* من الأكثر احتياجا للاهتمام الرجل أم المرأة
؟؟؟

تنيناتن بيحتاجو للآهتمام
بس آحتياج المرأة أقوى وآعمق بسبب تكوينها العاطفي
وحاجتها الدائمة للاحتواء والتدليل

* الاهمال عدو الحب،،، فماذا تكون الخيانة
؟؟؟

الخيانة هو مرض دخيل بيدمر أي مجال يفوت فيه
سواء كان خيانة الأمانة والعمل
خيانة الوطن والتراب
خيانة الآصدقاء والاقارب
وخيانة الحب بتكون آخطرهم ع الشخص
لانو بينسف كل التضحيات يلي قدمو الشخص الوفي للخاين
وبيزعزع ثقتو بحالو وبيفوتو بدوامة طويلة من الكأبة وجلد الذات

* الاهمال له أسباب قد تكون متعلقة بالشخص المُهمل،، بمعنى الآخر أهمله لأسباب به ما هي تلك الأسباب
؟؟؟

متل ماوضحت في جوابي القبل السابق
يمكن يكون الشخص كثير الانشغال وعندو عمل يتطلب وقت طويل
او يمكن يكون الشخص معجب بشخصية البنت او شكلها يعني ماوصلت لمرحلة العشق
في بداية حبه ومحاولته لجذب الحبيبة , آكيد بدو يخصصلا وقت طويل
ويغرقها ببحور من الشعر والغزل كرمال تنجح المهمه ويقدر يضمن حبها وتعلقها به
وفي افضل الحالات ترتبط به وتكون زوجتو

ولكن بعد نيل المراد , الشخص المهمل آكيد رح بيرجع لطبيعتو
وكيف كان بيقضي أوقات ايامو العاديه قبل الارتباط رح يرجع لنفس الموال
(رجعت ريمة لعادتها القديمه)

* والأهمال قد يكون عيب في شخصية المهمل " بمعنى صفة " لا تعود لعيب شخصي في الطرف الذي أهمله،، بل به هو شخصيا،، فما مسبباته
؟؟؟

آصبتي دكتورتنا الرائعه , فعلا هيدي صفة وع الاغلب ماخضو بالطرف التاني
اما مسبباته , فــ رح بجاوبك وع سبيل الذكر وليس الحصر :-
1- آنشغاله بألتزامات أخرى , متل العمل والاهل والاصحاب
2- اختلاف ستايل حياته عن حياة حبيبته
3- يمكن يكون طبيعتو بلاساس شخص بارد ومابيهتم

4- يمكن كان مجرد اعجاب وماعندو تمسك او ارتباط روحاني قوي

* ما علاج الاهمال
؟؟؟

برائي الكتير متواضع علاج الإهمال هو الإهمال نفسه !!
وهيدي الطريقة جابت نتائج رائعه مع اشخاص طبعو نفس الفلسفه
لآنو الانسان متل الورد بيحتاج للماء بالحد المقبول والمعقول
اذا كانت كمية الماء قليل واوقات السقي بيعيده ... رح يذبلو الورود
واذا كانت الكمية كثيرة وأوقات السقي قريبة جدا ... فـــ رح يغرق ويختنق
والآنسان ذات الشي

على الطرف الثاني يقع النسيان
* هل الذي يحب حب حقيقي ينسى من يحبه
؟؟؟

هون تذكرت أحد أقوال الكاتب المبدع محمود درويش
الحب الآول لا يموت بل بأتي الحب الحقيقي ليدفنه حيا

ومثل ماقالو آنو : الحب الحقيقي لا ينتهي إلا بموت صاحبه

لهيك برائي آنو يلي بيعشق بصدق مرح يقدر ينسى لا حبيبو ولا حبو
ولا حتى قلبو يلي بينبض بآسم شخص أخر وهيدا مأساة ومعاناة الحب الضائع
لآنك لما بتحب بكل جوارحك لا اراديا في آجزاء منك يروح لعند الحبيب
وفي المقابل أجزاء منك يسقطو جنسيتك وينتسبو للحبيب

ووقت الفراق والانفصال ... الانسان بيخسر كلا الجزئين
وبيضل يعاني لحد ما يسترد الأجزاء الراحلين عنو
ويسترد ملكية باقي الأجزاء

لهيك دكتورتنا : انا مابدي العشق ابدا ومابتمنى اني اتورط فيه
لآنو اغلب العاشقين الصادقين مابيجمعن القدر !!
حتى لو جمعهم القدر , بعد الزواج رح يتحول الحب الى شيء اخر !!

* النسيان قد يكون لحب من طرف واحد،، هل من حق الأطراف اختيار المحبة،،، حسب تقييم موضوعي
؟؟؟

معك حق غاليتي , نسيان الحب يلي من طرف 1 بيكون اسهل وانبل
وبخصوص اختيار المحبه ,, هيدي كتير صعبة
لآنو الحب لما يصيبك مابيستأذن حدا
مابتعرف بأي زمان او مكان ,, ومع أي شخص بيعلقك ,, ولآي سبب بيعلقك فيه
الحب لا سلطان عليه وهو شي مسير

بس يلي هو مخير وفي آيدنا , انو نحطلو حد مناسب
ونحط في بالنا انو نسبة الفشل كتير وارده
كرمال مانعاني وقت الفراق

* لننظر بمنظار الشخص المحب،، كيف تكون نظرة الأناني العاشق
؟؟؟

أغلب العشاق الصادقون بيكونو انانيين
ع قد تعلقن ومحبتن للحبيب
والبعض منهم عندو حب تملك بنسبة خفيفة
لآنو فلسفاتهم ومبادئهم انو الحبيب لازم يعطيهم كل الأولوية
ويفضلهم ع باقي الناس ,, ويكونو حدهم بأغلب الأوقات والظروف
مابيراعو خصوصية الشخص وانشغالاته والتزاماته

هيدا آجاباتي ع آسئلات البارت الرابع عشر من آسئلات دكتورتنا الغاليه

**ŢαŢμαŊα** · 08-27-21, 01:28 AM

المشاركة الأصلية كتبت بواسطة الدكتورة

https://www.al2la.com/vb/2044783-post276.html

لنأخذ هنا من باب العاطفة
" التقليب في أوراق الماضي"
* كيف يقلب المحب الذي عانى من النسيان أوجاعه
؟؟؟

والله دكتورتنا هون مابنصح أي محب انو يقلب بدفاتر الماضي
لآنو آغلب ذكرياتو مؤلمة ومريرة وبيفتحو جروح قديمه
فمابالك بشخص مانسي وبعدو بيعاني

* لنفرض بعد أن ذهب كل منهما في طريق،، وجاء اليوم اللي يقلب ذاك الناسي أوراقه،، ليكتشف أنه أضاع حب كان ممكن أن يغير حياته،،، لماذا لا يشعر الشخص أحيانا بتلك العاطفة إلا بعد أن تضيع الفرصة
؟؟؟

لآنو طالما الشخص والشيء موجودين قدامو
فــ هو بيتعود عليه وبينسى احتمالية فقدانو في أي ثانيه
ومابيتعامل معن بنفس لهفته الأولى لآنو بنظرو صارو مضمونين وبالجيب
وبس يفقدهم يلا بيحس بقدر وقيمه ودور الحبيب الضائع في حياته

https://www.al2la.com/vb/2055433-post295.html

* يترجم البعض مشاعره بعد أن يفقد العاطفة،، وكأنه فجأة استعاد البصيرة،، تمر حالات كهذه،، اللي دائما يستوقفني ما الذي حال وقت تضارب المشاعر الترجمة الصحيحة لها
؟؟؟

دكتورتنا كلامك وتحليلك صحيح 100%
الانسان العادي (قصدي يلي ماعندو حبيب/حبيبه) بيمرق عليه أوقات
بيكون مشاعرو في تضارب دائم وبيخل توازنو وثباتو
فــ مابالك بلانسان العاشق وهو مشاعره متقدة !!

https://www.al2la.com/vb/2075561-post330.html

عندنا مثل يا تاتي يقول " ما تعرف قديري إلا إذا جاورت غيري" بمعنى ستعي مكانتي عندما تجرب بشر آخريين وبعقد مقارنة بسيطة سيتضح الفارق لصاحب المثل طبعا
،،،

آكيد غاليتي كلامك والمثل واقعيين وصائبين

هل عدم تقديرنا لما بين أيدينا يساهم في ضياعه
؟؟؟

نعم دكتورتنا يساهم بضياعه
وأيضا كثرة الاهتمام الزائد من الحد كمان بيساهم بضياعه
لهيك خير الأمور دائما اوسطها
ومرات الشيء او الشغلة او الشخص بيكون عابر ومنو متسمك بالتاني
لهيك بأقرب فرصه وبعد اول اختلاف وشجار رح يهجرو بدون أي حجج مقنعه

* طيب
الاسترجاع صعب أم سهل
؟؟؟

آكيد الاسترجاع هو صعب وصعب جدا
آسترجاع الحق
آسترجاع الشخص
آسترجاع مشاعرنا وشقفه من قلبنا وروحنا وفكرنا يلي اخدو معو
وهولى الاسترجاعات بدن كيان متماسك قوي جدا صامد وصبور كمان

* هل يحتاج الشخص لعقد مقارنات كي يعي أهمية وصدق عاطفته
؟؟؟

يمكن يحتاج لبعض المقارنات
خاصتا وقت وجود الاختلافات والتغييرات الكبيرة يلي طرء على شخصيته وطبيعته
والفرق بين حياته في البدايه وهو عازب , وحياته وهو مرتبط او عاشق

https://www.al2la.com/vb/2196895-post512.html

من تلك المرأة اللي يقول عندها الرجل فعلا هذه عن 1000 امرأة
؟؟؟

هي آمرأة آستثنائية خارقة ومرح يتكرر في حياة الرجل الا مره 1
مرأة بتكون لالو الزوجه ,, والام ,, والبنت ,, والاخت بذات الوقت
مرأة تكون الوطن للرجل ومعها فقط يحس بالسكينة والأمان

* هل معنى ذلك كانت تلك المرأة الحب الحقيقي
؟؟؟

بكل تأكيد هيا الحب الأول والأخير والاصدق وهو الحب الحقيقي

* هل يوجد فرق بين الحب الأول والحب الحقيقي
؟؟؟

طبعا في فرق بيناتهم
بالعاده يكون الحب الأول اعجاب او استلطاف او ارتياح
وبمرور الوقت يتأكد الانسان انو كان حب سطحي وعابر
خاصتا اذا كان في عمر صغير وحب مبني ع الشكل

اما الحب الحقيقي فــ هو حب يجعل صاحبو آن يقدم التضحيات كبيرة بكامل رضاه
يتقبل الطرف الاخر بسلبياته قبل ايجابياته
حب يجعلك أن تكون طفلا وشابا وشيخا في نفس الوقت
وتقوم بتصرفات غريبة وشبه جنونيه بعيده كل البعد عن طبع الشخص

هيدا آجاباتي ع آسئلات البارت الخامس عشر من آسئلات دكتورتنا الغاليه

**ŢαŢμαŊα** · 08-27-21, 04:38 PM

المشاركة الأصلية كتبت بواسطة الدكتورة

لاااا يا تاتي
هنا بدنا نوئف شوي

الكلام فيه محاور من خلال اجابتج
،،،

مابيصير توقفي دكتورتنا الغاليه ,, رح بجيبلك كنابايه تقعدي عليه
وياميه آهلين فيكي وبحوارات الراقيه

طيب

الحب
مراتب
ما أعلى مرتبة ومرحلة ممكن يصل لها المحب
؟؟؟

برائي آكبر مراتب الحب وآقدسهم هو الحب الآلهي (حب التصوف)
وبعدو حب الوالدين والاخوان والزوج والاطفال (حب رابط الدم)
وبعدو حب الوطن (حب الآرض والعرض)
وبعدو حب الآصدقاء الأوفياء والعمل (حب الآخلاص والكيان)

آما آعلى درجات ومراتب الحب المرتبط بالجنس الاخر (العشق او الغرام)
هو التضحية من آجل الحبيب (وياريت يكون في حبيب بيستاهل التضحيه !!)
ومن غرائب القدر انو مرات يكون نوع هالتضحيه بأنك تتخلى عن حبك
خاصتا اذا عرفت وتأكدت أنو الله مش كاتب قسمتكن سوا

لهيك من النبل بأنك تعتقه وتتركو يلاقي نصيب اخر مقسوم من الله
وأنا بعرف هيدا أصعب أنواع التضحيات وكأنو الطرفين هون بينتحرو بارادتهم
والقصه مش هيك ابدا , وكلواحد بدو سنين طويله لحتى يقدر يدفن حبو الضائع

*اتفق يا تاتي الحب عمره ما استأذن،، لو كان الحب يستأذن والمشاعر تأتي وفق تحكم معين،، لما سلبيت قلوب مشاعرها وفرطت بها مباغت نعم حتى وأن اتى تدريجي احتلاله مباغت،،

لهيك دكتورتنا الغاليه ,, انا من كل قلبي مابتمنى اني اوقع بالحب ابدا
ولا بتمنى اني اجربو (الا اذا ربنا اذن وكان مع زوجي المستقبلي)
لانو بيسلب الاراده وبيكون الشخص دائما ضعيف ومتوتر وبيجبرو ع تقديم التنازلات
والعيش تحت ضغط وستريس مستمر , والعيش كرمال إرضاء وإبقاء الطرف الاخر
والله اعلم هيدا الطرف الاخر مين بيكون بلاخر ؟؟ وهل بيستاهل كل هالتضحيات ؟؟

هيدا غير اني متل ماوضحت قبل ,, اني انسانه عمليه وطموحه جدا
وبيهمني في الحياه النجاح وتحقيق الأهداف , والارتباط دائما بيقف عائق بطريقي
وانا بدي شي يزيد من قوتي وقدرتي اكتر واكتر , مش يضعفني ويشتت تركيزي ويسرق راحتي وعافيتي
لهيك كنسلت هيدي الخاصيه فيا (الحب) بارادتي وقناعتي

لربما اختلف مع شخص غير موقع هنا ليس دائما خاصة في إطار بيئة محددة ممكن يكون الشخص مقبول جدا لدى العائلتين ،،، ويكون مرحب به جا
،،،

طبعا غاليتي القبول بيكون بدايه الطريق
والأفضل انو يكونو عائلتي الشخصين ع درايه بالموضوع
ع القليل يكون في مفاتحه والتعارف بنية التقارب

طيب
طالما الحب لا يستأذن ويدق أبواب القلب،،، هل الاختيار يجب أن يقنن ويهذب قبل الانطلاق لمراحل جدا متقدمة في الحب عندها العودة شبه مستحيلة،، بمعنى أن يعي الشخص من هو الذي دخل لقلب دون استئذان
؟؟؟

مزبوط عزيزتي ,, هون لازم يكون الانسان واعي جدا لحالو
صحيح الوقوع في الحب مش بلارادة البشر
ولكن تطور الحب والاستمرار فيه هو باراده البشر

يعني بعد مرحله (السكر وسحر الحب الخداع) لما بيوعى الشخص لحالو
ويعرف انو الطرف التاني مش مناسب لالو , لهيك هون لازم ياخد قرار حاسم وقوي
وأن يضع حد ويعتبر كأنو كان مرحله اعجاب وارتياح وخلص وقتو

لآنو تعليق الطرف التاني معك وأنتا بتعرف تماما انو معندكن مستقبل سوا
بيكون جريمه في حق نفسك وحق الطرف التاني
اتركو من البدايه والله رح بيعوض تنيناتكم بقسمات أفضل وأبرك

* تقول تاتي الحب في بدايته بامبي " الحياة الوردية" وبعدين تفوت في الحيط لأنك كنت اعمى بصيرة المفروض مش بصر،، واتفق أن المحب عيناه تختلف عن باقي العيون فتض الطرف عن العيوب،، لكن مسألة تفوت في الحيط يعني الحب كان اختياره خطأ من الأول،، هل معنى ذلك لا يوجد من يستحق الحب فعلا هنا اختلف وبشدة،، لا بد من وجود شخصيات رائعة كل الحياة قائمة على آدم وحواء فمن المستحيل لا يوجد شخصيات رائعة
؟؟؟

آكيد دكتورتنا الغاليه في شخصيات رائعه جدا في حياتنا
بس مش كل شخص رائع وراقي نقدر نتقبلهم كـــ زوج بس لانهم اشخاص رائعين
لانو الرفقه والتعارف والتعامل شيء ,, والزواج والمضي بمرحله شراكة طول العمر شي مختلف تماما

ولحتى اوضحلك اكتر , رح بجيبلك مثال
في شب راقي ومثقف بيتقدم لبنت راقية ومثقفه بيجمعهم بعض الأشياء
متل طريقه التفكير واسلب الكلام والهوايات
ولكن بيفصلهم أشياء اكثر واكبر , متل الطبائع العكسية , تخلف الزوج , تكاسل المرأة
وصفات صعبة يتواجدو سوا متل مرأة غيورة ورجل كثير المجاملات مع الطرف التاني
او مرأة مسرفة ورجل بخيل , او مرأة قوية ورجل متسلط

وهون الحب يلي بيعمي البشر , بيجي من باب الخداع وبيقلل الاختلافات بنظر الاتنين
وكل طرف منهم بيمني النفس انو بعد الزواج بيقدر يغيير طبع التاني يلي مابيحبو
وهيهات هيهات الطباع والصفات مرح يتغييرو بنوب

وبرجع وبأكد أنو مش كل الرائعين والراقيين بيستحقو أقتحام حياتنا
ومشاركتنا رحلة العمر وانجاب أطفال مننا ,, اذا كانو طبائعهم وصفاتهم وشخصياتهم بعيده عنا
آما الأشخاص المتوافقين جدا والتكافئين سواء فكريا وعلميا اجتماعيا ومن جانب الطبع والشخصيات
آكيد بيستاهلو الفرصه ويمكن يرتبطو سوا ويكونو اسعد زوجين

* تقولين نهايته القفص الذهبي،، تاتي الحب يجب أن تكون نهايته هذا القفص،، ولو أدى لنهاية غيرها بيكون اسمه لعب / تسلي / خداع غش أي مسمى إلا أنه يكون حب،،
وللأسف يا تاتي لأن مش كل حب نهايته ذاك القفص ،، ينال المحب العذاب وهنا يفوت في الحيط مش لأنه اختار غلط لأ،، لأن ظرف ما حال دون نيل الطريق الصح
؟؟؟

بوافقك الرائي تماما دكتورتنا واكيد انا معك
وفعلا العلاقات يلي مابيكون قصدن شريف وع القليل مابيوصلو لمرحله مفاتحه طلب الخطبه
بيكونو تسلاية وتضييع الوقت , واجمل سنين العمر بوش بلاش

بس برائي حتا لو العلاقات جديه وكانو بنية الزواج
اذا انكشف بعض الخبايا وعرفو الطرفين انن مابيقدرو يستمرو ويتوجو حبن بالزواج
هون من الواجب ومن النبل انن ينهو علاقاتهم بالمعروف حتى بعد الزواج مايكون حياتهم جحيم

وكــ مثال / بعرف صبيه قمه الرقي والجمال ارتبطت مع شخص ظاهريا كلشي فيه كان منيح
وبعد الزواج ظهر انو شخص شكاك ,, ماخلاها تكمل دراستها وحولتها فقط لخدامه لطلباتو ومربية لطفلين
يعني هون لو كان الحب مابيوصل للقفص الذهبي كان ارحم للبنت ؟؟
بتوافقيني الرائي دكتورتنا ولا لاء ؟؟ وهلآ عرفتي شو كنت بقصد بكلامي ؟؟

* اختلاف الشخصيات بعد الزواج

لربما تكلمت كثير عن ذي الموضوع ،، لذا باختصار المفروض فترة عقد القرآن اللي تسبق الزواج الرسمي يعيش الشخصين مرحلة حقيقة ،، مش خداع وأن شخصيته غير ما سيكون عليه
ما رأيك
؟؟؟

فعلا دكتورتنا هيدا أنجح حل
بس المشكلة انو الطرفين تنيناتهم رح يقومو بالتمثيل
(آنا قلت الطرفين لحى مايتهموني بالعنصريه والتحييز لطرف النساء)
ومش كل 2 يقومو بالتمثيل ,, بس الأغلبية نعم
يمكن هدفهم آنهم يحلو ويجملو حالهم بنظر الطرف التاني
ومابيكون هدفهم الحقيقي الخداع

ومع هيدا في اشخاص بيخدعون وهم ممثلين بارعين
وللأسف بيوقع اقنعاتهم بعد الزواج , لهيك انا قلت الطرف التاني يفوت بالحيط
وكل يوم يندب حظو ويسأل حالو : هيدا مش ذات الشخص يلي حبيتو بلاول ؟؟

* الشي المهم أليس من المفروض قيام الحياة الأولى " الخمس سنوات اللي تسمى مرحلة التعارف" على الصبر ليصل 2 لمرحلة الانسجام وتخطي صعوبة المرحلة الأولى،،
؟؟؟

خمس سنوات دكتورتنا ؟؟؟!!!!
لشو هيدول بينطرو سنه ؟؟ لحتى ينطرو 5 سنين ؟؟
طبعا رائيك صائب جدا وفي مصلحه الفرد والاسر والمجتمع
بس للأسف أغلب العائلات مابيطبقوهم ,, وبيحاولو أن يتممو الزواج بأسرع وقت
متحججين بالكلام (خير البر عاجله)

واذا طرف من الاتنين كشف طبع صعب في التاني او اختلاف التفكير
دغري اهاليه رح يخبروه طمني ابوكي او امك كان طبعو اصعب من هيك
بس بعد الزواج اتغيير واتحسن ,, وانتي لازم تصبري
وللشب كمان بيقولو ذات الشي ... اتحمل زوجتك الطفله وربيها ع ايديك رح تطلع ست البنات

* ما هي حلول أنقاذ الزواج بعد القفص الذهبي حتى يفوت على مرج وبساتين ورد مو بيفوت بالحيط،، بين ابن عمي وبنت عمي تصبح العلاقة أجمل
؟؟؟

هيدي ببعض الحلول :-
1- الطرفين يلتجأو للغة الحوار بدل من الصريخ والجدال
2- كل شخص منهم فعليا يحترم الاخر ويتعامل معو بالمعروف
3- كل طرف يراعي اختلاف طبيعه ورغبات الطرف التاني ومايقلل من قيمتو او يستهزء بيه
4- كل طرف لازم يعطي مساحة شخصية للاخر كرمال يقدر يتنفس ويجمع شتاتو وقت المشاكل
5- اذا الطرفين استنفذو جميع المحاولات , وللأسف ماتوفقو سوا

فـــ هون حتى ربنا حلل لهم الطلاق والانفصال بالمعروف
وهيدي الخطوة لازم يكون قبل انجاب الأطفال , كرمال مايدمرو حياة أرواح صغيرة وبريئة
في صراعات الكبار وحرب الجبابرة يلي مابيتوقف ابدا
وكل طرف منهم بيشوه صورة الطرف التاني بنظر أولاده
وبينقلو لالهم عقد وامراض نفسية ,, وكره وحقد تجاه الطرف المقابل
ووقت يكبرو هالاطفال الضحايا , بيكون حياتهم متوتره مع ازواجهم ومع أطفالهم ايضا

نروح للغيرة

آجاباتي ع آسئلات البارت السادس عشر من آسئلات دكتورتنا الغاليه

**ŢαŢμαŊα** · 08-27-21, 09:52 PM

المشاركة الأصلية كتبت بواسطة الدكتورة

الغيرة
،،،

تنقسم
لغيرة محمودة والثانية مذمومة

متى تكون الغيرة بمحلها " غيرة محمودة"
؟؟؟

وقت يكون بمثابة آستشعار الطرف الاخر انو هو غالي ومهم لالك
وانتا متمسك فيه ومرح تتخلى عنو كرمال أي حدا

* متى تكون مذمومة" مثل البركان اللي وصفتيه"
؟؟؟

وقت الغيرة تتحول الى هاجس او هوس
وبيتحول لمرض نفسي او حب التملك
وقتا بيتعب الشخص الغييار وبالمقابل بيخنق حبيبو او حبيبتو

* متى ترتبط الغيرة بموضوع الثقة
؟؟؟

عندما يتحول الغيرة الى حالة مرضية , وبيختل ثبات وتوازن صاحبه
فــ هون يتسلل الشك الى حياة الزوجين او الحبيبين
وبيحول حياتن الى سلسلة محاكمات والطرف التاني لازم يبرر ويبرهن برائتو

وخلينا ناخذ محاور ترتبط بالحب وبالغيرة
،،،

اتفضلي غاليتي

المشاركة الأصلية كتبت بواسطة الدكتورة

https://www.al2la.com/vb/2205214-post528.htm
المشاعر والحب

* البعض في عالم المحبة يأخذ حياة الآخر وروحه ،، طيب تاتي كيف يستعيد الشخص روحه المسلوبة
؟؟؟

دكتورتنا هيدي رحله مريره وقاسيه بدو صبر وطوله البال واراده قويه
بتبلش بالصحوة من الصدمه , ثم تقبل انو هيدا امر خارج عن ارادتك ولازم تتقبلها
ومن ثم تجميع أشلاء وبناء الذات من جديد

وبالنهاية لازم تتقبل الوضع وترضخ للآمر الواقع
سواء هيدا الشخص تركك بارادتو او بسبب الظروف او القدر فرقكم
فــ بكل الحالات انتا لازم تطلعو من دماغك ومن قلبك لآنو صار من الماضي
بيكفي الأوقات والعمر يلي راحو معو , بلاحرى انسرقو منك
لهيك لازم تحط حد لمعاناتك وتنهيها , وتبلش الحياة من اول وجديد
والحياة مرح تتوقف على شخص 1 او ع تجربة حب ,, ودائما نتفائل بالقادم

* عند الرحيل يبكي الشخص ذاته أم يبكي من رحل
؟؟؟

يبكي ذاتو أذا الشخص التاني هو يلي تركو بارادتو
ويبكي ذاتو وحبيبو كمان اذا بسبب الظروف او القدر تم تفريقهم

https://www.al2la.com/vb/2235075-post562.html

* لم يكن العقاب من جنس العمل ،، وقع تحت وطأة العبث " هنا كنت أقول لو لم يؤدي الحب للقفص الذهبي كانت نتيجته أن احد الطرفين كان عابث بلا شك،، لو كانت كل الظروف مهيأة"
؟؟؟

ع فكره دكتورتنا هيدي من آروع الصور والاقوال يلي نقيتا وبعدني بتذكرها
الكلام كتير مؤثر وعميق ,, والصورة مطابقة جدا وبتعبر عن الكلام
والاروع انو الحصان موجود فيه وهو بيمثل قمه الألم والاسى بطريقه وقوفو وتطليعتو
بلاحرى كلام مؤثر وصورة مذهلة

منرجع بقا لسؤالك :-
كلامك مزبوط وفعلا بهيدي الحالة بيكون احد الطرفين بيتسلى
او يمكن بيستغل الطرف التاني ماديا وجسديا او ينتقم منو

* كيف يتجنب الشخص عقاب قدر لم يستأذنه
؟؟؟

أي هون هو مابيستاهل العقاب لانو هو كمان ضحيه ومغدور
لهيك مابيستحق عقوبة القدر
وكرمال شوي يخفف عن نفسو , لازم يدعي بكل خير وسعادة للطرف التاني
بنية التوفيق والسعادة في حياته

https://www.al2la.com/vb/2241105-post569.html

في عالم العاطفة
* كيف نعالج العبث من خلال منظمة ضع نفسك مكانه
؟؟؟

أذا رجعنا وحكمنا ضميرنا وبالفعل حطيتا حالنا محل الطرف التاني
خاصتا انو رب العالمين عم يشوفنا ويعرف نوايانا
وقتا مابتصور انو حدا بيقدر يخدع او يخون او يأذي الطرف التاني

* متى تكون العاطفة المأساة الكبرى في حياة صاحبها
؟؟؟

عندما يضحي بأغلى الأشياء والاشخاص في حياته
في سبيل إرضاء حبيبو , ويقدم كل مجهوداتو وطاقاتو كرمال نفس الشخص
وبيكون متل الشمعه يلي بتحرق حالا كرمال الاخرين

وكــ مثال / صبية او شب بيحاربو اهاليهم يلي مش راضيين ع زواجهم
وبيتخلو عنهم ,, وبعد الزواج يكتشف كل طرف انو التاني اكيد مرح يقدر يعبي
الفراغ القاتل تبع الاه ودورو يلي (بسبب هالزواج) خسروهم

ومن ميله تانيه الشخص الاخر مرح يقدر حجم هالتضحيات , وبيضل يعابر الطرف الخاسر
انو اذا كان في خير مكان ترك اهلو , ويلي مافي خير لاهلو مرح يطلع منو خير لحدا

او مرات الصبية بسبب زوجها تترك دراستها او عملها
فـــ هون رح تفقد أهم العناصر قوتا في كيانها
لهيك الأشخاص الوحيدين يلي بيستحقو التضحيه هم الاهل فقط !!

https://www.al2la.com/vb/2275583-post654.html

أرى هنا تشبيه رائع لمأساة الحب الذي لم يبلغ مرامه،، كيف ترى تاتي لوحة التشبيه هنا
؟؟؟

تسلميلي عزيزتي
انبسطتت او التشبيه نالت اعجابك
ورائي انا كمان كتير عجبتني لهيك حطيتا وبالفعل عم يوصف لوعة الحب بدقه وروعه

آجاباتي ع آسئلات البارت الــــ 17 من آسئلات دكتورتنا الغاليه

**ŢαŢμαŊα** · 08-28-21, 03:14 PM

المشاركة الأصلية كتبت بواسطة الدكتورة

محور
الغيرة / الأنانية
الآن

https://www.al2la.com/vb/2010916-post243.html

* الغيرة
في كل عالم هناك غيرة محمودة كما قلت وعكسها المذمومة
سواء الرجل على المرأة أو العكس
سواء الرجل من الرجل في اطار التنافس
أو

غيرة المرأة من المرأة

هل المرأة وفق القصة السابقة بالفعل أحيانا تكون عدوة المرأة
؟؟؟

وفق القصه وفي الحياة الحقيقة كمان / نعم
للأسف آول عدوة للمرأة هي امرأة أخرى
لكون العاطفه هو المحرك الأساسي للنساء فهن يحبن بقوة ويكرهن بقوة
يناصرن بقوه ويعادين بقوه ,, يعني في افراط في المشاعر ولدى اغلب النساء
ودائما هالعداوات والمحاربات يدور كرمال ومن اجل الرجل والعكس صحيح

وهون بهيدي القصه الحقيقية
كل النسوة رح يتحدن ضد المرأة الشريفه ويغتالوها
كرمال يضمنو رضا ازواجهن وكرمال مابيطيقو يشوفو يلي اشرف وافضل منهم

* تميز احداهن لماذا يمثل مأساة ومنطلق غيره كالتي قتلت من باب بطولة
؟؟؟

للأسف آغلب الناس مش بس النساء بيحاربو الأفضل والاجدر
لآنهم بيحملو آيديولوجيا انو : الآفضل دائما هو الآخطر !!
فـــ مابالك ببعض الاشخاص يلي محولين حياتن الى حلبات القتال والمنافسة
ومابيطيقو شخص يكون أفضل او انجح منهم ؟؟!!

مع انو نجاح شخص مابيضر الاخرين ولكل مجتهد نصيب
بس بيضل في اشخاص حاقدين وبس بيتمنو الخير لنفسهم وشايفين حالن افضل من الكل
هيدول هم المجموعه يلي عايشين ع المنافسه والمحاربه
ولو بيطلع بأيدن القتل مرح بقصرو ... وهون بقصد القتل المعنوي او اغتيال الشخص الافصل
ومحاولة ايذائو ومحاربتو والنيل منو بشتى الطرق
متناسيين انو اذا ربنا بينصر شخص محدا بيقدر ينتزع منو هالانتصار

* العدالة لا تعني الساوة ،، هل يصدق هذا الكلام يا تاتي
؟؟؟

آكيد دكتورتنا هالكلام صادق ومنطقي جدا
ومابيعني انو العدالة هو مساواة الرجل والمرآة في تأدية نفس المهام بنفس الدرجه
وانما بيعني انو انو المرأة عندا دور هام ومهام محدده اذا نجحت فيها
لازم تتساوى مع الرجل يلي بيقوم بمهام أخرى وكمان يتوفق فيها
فـــ المرأة تبرع أكثر في المجالات يلي فيها تواصل او محادثة
والرجل يبرع آكثر في مجالات المحاسبة واعمال يلي بدن قوة جسديه

تعالي نروح في تأطير علاقة المرأة مع لرجل :
https://www.al2la.com/vb/2003097-post228.html

صحيح الإنسان بشكل عام من ذكر أو انثى يصنع قيمته ،، وهو وحده كامل ككيان لا يزيده أحد،،
لكن هناك دافع في الحياة
* متى يكون الرجل قوة دافعه للمرأة
؟؟؟

آذا كان داعما لها ,, يسندها بكل قرارارتها
مؤمنا بمواهبها ويتفهم أحتياجاتا ,, ويغض النظر عن سلبياتها
ويزيد من قوة زوجته ويكون السبب في نجاحاتها وسعادتها
و ذا كان رجلا لها لا عليها

* متى تكون المرأة قوة دافعة للرجل
؟؟؟

بأغلب الأوقات تكون المرأة هي قوة دفع للرجل
لآنها بتعرف انو كل شخص بيحتاج للدعم
(عكس الرجل يلي بينكر أهمية الدعم وبيعتبر حالو هو قد كل الصعوبات )
لهيك هيا بتحس انو تقديم الدعم للرجل هي من واجبها

* متى يكون الرجل أو المرأة عامل تثبيط
؟؟؟

عندما ينعدم الاحترام والتفاهم والانسجام بين الزوجين
وكلواحد منهم بيعمل كل جهدو لتثبيط التاني
لحتى يبين انو هو الطرف الأفضل والاقوى
وهيدا مش صحيح ابدا ,,, والطرفين هون خاسران

https://www.al2la.com/vb/2151458-post439.html

تاتي تحدثتي عن قضية حقيقة لا أنكر
،،
* العلم لماذا أحيانا بعض الرجال يصر أن المرأة لا تكمل تعليمها،، ما العيب في امرأة متعلمة ونحن في عالم الثقافة والشهادات
؟؟؟

لآنو هيدا هو طبيعة وتفكير آدم ألاذلي (حتى لو انكرو ذلك)
فـــ هم دائما يريدون السيطرة على المرآه واخضاعها له
لكي لاتفكر أن تكون ندا للرجال

ولذلك ترى اغلب الرجال يخشون ويتحاشون المرأة المثقفة والمطلعة على الحياة
وخاصتا المرأه المستقله و القوية يعتبروهن خطيرات جدا
صحيح يمكن أن يعجبو بشخصيتها او قوتها ,, ولكن لموضوع الزواج مرح يقربو عليهم

للأمانه هم مابدهم وحده فاهمه الحياه ,, تجي تتناقش معهم
وانما بدهم وحدة تقول : سمعا وطاعه ويعطيك العافيه وبس

* هل تعتبر أنانية في سلب المرأة حق العلم
؟؟؟

آكيد هيدا أكبر أنانية من الرجل تجاه المرأة
وآكبر تضحية من المرأة أن تقدمو لزوجها
وهيا بذلك تتنازل عن نص كيانها وتفقد نص قوتها

بالنسبة للعمل شوفي تاتي ،،
وجهة نظري: العلم مهم جدا وجدا وجدا ،، أرى العلم والشهادة شيء ضروري وأولوية ما عندي شك
،،،

مزبوط دكتورتنا وانا معك

لكن العمل خليني أوضح وجهة نظري لأني عايشة في مجتمع به هذا الطلب
لو كان الرجل في نيته زوجته ما تعمل ،، بالنسبة لي ما عندي مشكلة في وجهة نظره لو وضحها للناس اللي بيتقدم لهم من البداية ،، وتترك حرية الاختيار للبنت ،، طالما كان العقد شريعة المتعاقدين هي حرة لكن ما يوضح هذا الشرط من البداية هنا الخطأ الجسيم اللي ممكن ينهي علاقتهم وينتهي الأمر بالطلاق،،

لذا الكثير من البنات تضع شرط اكمال التعليم والعمل في عقدها ،، وهناك من يوافق وفجأة بالذات لعملها يتراجع،، ومن وجهة نظري ما يحق له هي كانت واضحة أرفض من يفاجأ الطرف الآخر
،،،

بوافقك الرائي دكتورتنا فعلا العقد شريعه المتعاقدين
وانا معك اذا الصبية هيا وافقت ع عدم اكمال التعليم او الشغل
بعدبن مابيكون عندا الحجه لآنها وافقت فب البداية

بس مرات من كتر الفرحه والحماس
مابيكون عندن المجال يتناقشو هالامر في البداية
وبعد إتمام الزواج ,, ينصدمو الاتنين الزوج اذا المرأة طلبت تشتغل
والزوجه تنصدم من عدم موافقه الزوج

والمصيبة الكبيرة انو الزوج بلاول يوافق ,, وبعدين تمنع زوجتو من اكمال تعليمها
وهون طبعا عائلات الزوجين رح ينصحو البنت بأطاعة الزوج وترضى بالواقع

بالنسبة للشهادة هي أداة فكرية وسيلة مواجهة ظروف و و و
فماذا ترى تاتي
؟؟؟

متل ماقلتي غاليتي
الشهاده هي فعلا أداة فكرية + وسيلة مواجهة + تقوية كيان + مصدر رزق
وسلاح فكري قوى يعين الشخص على مواجهه صعوبات وعوائق الحياة
ويعينهم ع تقبل كل الظروف والاحتمالات

بالنسبة للعمل اراه اتفاق بينهم ،، ولكن يجب توضيحه قبل عقد القران،، ما رؤية تاتي هنا
؟؟؟

رؤيتي متل رؤيتك دكتورتنا
وفعلا هيدا اهم موضوع + بجانب موضوع الانجاب
لازم يتفقو عليه من البداية ويحطو كل النقاط على الحروف

وهناك من يرى ان أعمل أو لا شي يعود لتقديري الذاتي دون أن يشترط\ أحد عليّ ،، طالما هو حق أنا مع وكما قلت بشرط تكون هذه الأمور واضحة قبل الزواج
،،،

بكل تأكيد هيدي الحقيقة
والانسان بلا تعليم وبلا عمل
بيكون متل الطائر يلي بيحاول الطيران وهو فاقد جناحاتو الاتنين

آجاباتي ع آسئلات البارت الــــ 18 من آسئلات دكتورتنا الغاليه

**ŢαŢμαŊα** · 09-03-21, 03:04 PM

المشاركة الأصلية كتبت بواسطة الدكتورة

معيار تاتي
أن السعادة= هي قوتها المعنوية
يختلف هذا المعيار من شخص لآخر
منهم من يرى السعادة في المال
منهم في العاطفة
منهم في العائلة
وغيرها
،،،

آنا كمان دكتورتنا عائلتي بتمثل قوتي ومصدر سعادتي
السعادة = القوة المعنوية = العائلة

القوة
* الضعف مضاد للقوة ،، نكون أقوياء ولكن هناك من نضعف أمامهم
من هم يا تاتي
؟؟؟

آكيد هم العائله ... وبالمرتبة الآولى الوالدين
ومن ثم الاخوات والاخوان
وبعدو الأطفال والزوج

* القوة بالفكر لا العضل ،، كيف تفعل هنا
؟؟؟

لآنو آغلب الآحيان نجاح الفكر بتصنع آنجازات آعظم وآبقى من نجاح العضل
وبعض المرات يلي بيلتجئو للعضل مابيكون عندن فكر قوي بيقدرو يعبرو عنو
آو يقنعو الأطراف التانيه فيه , لهيك بيكتفو بالقوة العضليه

* البقاء للأقوى،، حسب شريعة الانصاف لا الغاب ،، من هم الأقوى
؟؟؟

من باب الآنصاف ,,, الآقوياء هم مجموعات رح بذكر منهم :-
1- آصحاب القلوب النقية والارواح الصافيه يلي بيقيو ع نقائهم وصفائهم
رغم مانالوه من ظلم الناس والقدر
2- الطيبين يلي بيتمنو الخير للكل , لانهم رحمات الله المزروعة في الأرض
ومابيلتفتو لبعض الاقاويل العاطله يلي (بيربط الطيبة بالغباء والسذاجة)
3- أصحاب المباديء العظيمة ونبلاء الخلق يلي بيتعاملو دائما برقيهم مع الكل لآنهم قدوة للجميع
4- آصحاب الأفكار النيرة والآهداف العظيمة يلي بيفيدو الاخرين بخبراتهم
5- المعتمدون على انفسهم والمجتهدون جدا في أعمالهم والمتسامحون مع الاخرين

المشاركة الأصلية كتبت بواسطة الدكتورة

القوة والسعادة
،،،

ومحاور من عند تاتي
،،،

https://www.al2la.com/vb/2080958-post344.html

* الطفولة كيف نجدد احساسها بين فترة وفترة
؟؟؟

بالرجوع لـــ ورا وتذكر محطات جميله من طفولتنا
بالتمتع بالاشياء يلي احتفظنا فيه من الطفوله
بالاهتمام واللعب مع الأطفال يلي موجودين حوالينا
(سواء كان ولادنا ,, او ولاد اخواتنا واخواننا ,, او اقاربنا )
وبلاحتفاظ بالنقاء والتفاؤل الكبيرين يلي موجودين عند الطفل
والفرح والابتسامة الدائمين يلي من خلالهم
بيكون مقبل على حياة مليئة بالمحطات المنوعه والغير متوقعه

* كيف يعيش الإنسان مشاعر الطفولة واحساسها بمراحل عمره المختلفة
؟؟؟

لآزم يكون كل حدا متيقن بأنو جواتو طفل حي مرح يكبر
طولما هو عايش هيدا الطفل بيعيش معو
وهو بيساعدو بأصعب الأوقات وأشدهم حالكا
بالعوده للطفولة يلي بيكون التفاؤل والبرائه في قمتها وبيعرف انو لكل مشكله حل
وعطول بعد العسر يسرا

ونعيش مشاعر الطفوله بمراحل عمرنا المختلفه
متل ماقلت في جوابي السابق ... بلاهتمام بلاطفال يلي حوالينا
وعدم الخجل من رجوعنا لزمن الولدنة والتمتع ببعض الأشياء يلي بتعني كتير للأطفال
بوقت بيكون مضحك للكبار / وهون رح بذكر مثال

المرجوحه من طفولتي ولهلا هلآ بعشقها ,, الحيوانات ذات الشي
ووقت أشوفهم لا اراديا بركض صوبهم (خاصتا الحيوانات الاليفه)
والمراجيح كمان بيمثلولي فرحه طفوليه خالدة

https://www.al2la.com/vb/2274585-post652.html
* كيف نحقق سعادتنا من خلال الرفقة
؟؟؟

بعض الآصدقاء المقربين بيكونو مثل الاخوات والاخوان الحقيقيين
ومرات مرايا للشخص بيفرجيه أشيا مخباية عنو
وبعض المرات وطن صغير مزروع بالقلب
بيكونو معك بالسراء والضراء , بيدعموك بالقوة
مابتخجل منهم اذا خبرتهم عن اغلاطك ومشاكلك
وآكيد يلي بيمتلكون هيدول المزايا بيعطونا سعادة معنويه كبيرة وطاقة دعم قوية
وبيربحو الطرفين السعادة والقوة سوا

وهون الاهم (المتحابون في الله) الطرفين رح يكسبو ثواب الدنيا والاخرة
وبيكونو أصحاب في الدارين

* كيف تختار تاتي الأصحاب
؟؟؟

الآصحاب هما يلي بيختاروني بلآول
لآنو مطارح ومقامات ودور الأصدقاء واهميتهم مابيحددو الشخص نفسو
وانما هيدول الأصدقاء بيحددو مواقعهم بقلب وبفكر الشخص الآول
ومع أيام بيبرهنو عن صدق محبتهم وأهتمامهم بالشخص الأول
لحتى يزرعو مكان ثابت بقلوب الشخص

https://www.al2la.com/vb/2363587-post804.html

*الانتقام لماذا يلجأ إليه البعض ويرغب به
؟؟؟

يمكن يكون هالانتقام جزء من طبيعتهم وشخصيتهم
ويمكن نوع الخيانة او الضرر يلي قام بيه الطرف التاني بيجبرهم ع المبادرة بالمثل
وهم بيتحججو بهيدي الايه الكريمه (العين بالعين والسن بالسن والبادي آظلم)

مع أني مقتنعه تماما بالرائي يلي جايي في فقرة (هل تعلم)
يعني في الحالتين المسامحه بيكون أقوى وأعظم للشخص نفسو
وهيدا مابيدل ابدا ع انو ضعيف ومابيقدر يبادر بالمثل ويرد لاصاع صاعين
وانما بيدل ع سمو روحو واتزانو ونضجو ونبل اخلاقو,
وهو متأكد بأنو القصه او الشخص مابيستاهلو ابدا
أنك تخربط مودك وتحرق اعصابك كرمالو ,, وتصحي خلايا شريرة (كانو نائمين دائما)
في سبيل أن تردلو الضربة ضربتين !!

* التسامح علامة وشيم الكبار متى يعجز الإنسان عن التسامح
؟؟؟

آذا كانت الضرر أو الشر مرتبطه بـــ :-
- لاسامح الله جريمة الشرف او الافتراء ع شرف شخص بريء
- النيل من كرامة الشخص وتشويه صورتو قدام الاخرين
- أذا كانت خيانة الوطن

https://www.al2la.com/vb/2507872-post1054.html

البعض يجد سعادته من خلال " سيلفي" من خلال وسائل التواصل و و
ما هو منظور تاتي لهذا النوع من السعادة
؟؟؟

بصراحه دكتورتنا آنا في البداية كنت بستغرب من ادمان الناس ع السلفي
بس مع مرور الوقت بعترف انها صارت ظاهرة وحقيقة في يومنا هيدا
وبنهايه انا مقتنعه انو كل حدا بيحقللو أنو يفرح ويعبر عن فرحو , شو مكانت الطريقه
بشرط مابيكون في اذية او تعدي على حدود وحريات الاخرين

وبذات الوقت بستنكر السيلفيات يلي بيعدة كل البعد عن القيم الإنسانية
متل السيلفي مع الميت او مع حدا فقير والتاني بيتصدق عليه
وكمان السيلفيات الهالكة والقاتلة يلي بيجيبو الهلاك لصاحبو
متل اخد السيلفي ع قمة الجبل او سطوح المنازل
او اخذ السيلفي مع الحيوانات المتوحشه والسامة

https://www.al2la.com/vb/2475671-post996.html

سعادة الرجل = احترام
المرأة= اهتمام

هل معنى ذلك أن الرجل لا يحتاج اهتمام،، والمرأة قد تستغني عن الاحترام مقابل الاهتمام
؟؟؟

آكيد دكتورتنا تنيناتهم محتاجين للآحترام والاهتمام
بس يمكن يختلف المقدار حسب الجنسين وحسب الأشخاص كمان
بالعادة الرجال لآنهم مابيهتمو بالجانب العاطفي ,, فهم بيميلو للجانب العملي اكتر
وبصراحه اكتر : اصدار الأوامر ومحاولة تحريك وتمليك الاخرين
لهيك بالمقام الأول هم بيهمهم عبارة سمعا وطاعه ... والاحترام بيلبي هالطلب

اما النساء , فدائما الجانب العاطفي والاجتماعي بيكون في المقام الأول
لهيك مرادهن بيكون الاهتمام كرمال تشبع احتياجاتها الروحية والعاطفية
ولآنها بتعرف وضامنة انو الرجل ع الاغلب بيحترمها وبيقدرها
لهيك هيا محتاجه ع الدوتم للاهتمام والاحتواء

آجاباتي ع آسئلات البارت الــــ 19 من آسئلات دكتورتنا الغاليه

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج