الناقد والفيلسوف الحلقه 2 مع ŢαŢμαŊα( انثى اسثنائيه ) - الصفحة 18 - منتديات مسك الغلا

**ŢαŢμαŊα** · 08-18-21, 06:21 PM

المشاركة الأصلية كتبت بواسطة الدكتورة

https://www.al2la.com/vb/2890350-post2783.html

امتلاك روح المبادرة

* ها تاتي من النوع المبادر عادة
؟؟؟

نعم ع الاغلب آنا يلي ببادر اذا كان المجال والمطرح معروف ومألوف لالي
بس اذا كان مجال او مطرح بعيد وغريب مني ,, وقتا بنطر المبادرة من حدا

* ما الذي يجعل شخص ما يتردد في الحديث مع أحدهم ولديه الرغبة في معرفته
؟؟؟

يمكن يكون شديد الخجل
ويمكن يكون ناطر الطرف التاني يبادر
ويمكن لآنو خايف الطرف التاني يفهمو غلط ويعتبر رغبتو في التعارف كــ نوع من الآعجاب
وهيدا كتير وارد في العلاقات يلي بيجمع كلا الجنسين

* كيف نربي شخص على صفات المبادرة
؟؟؟

لازم نجيب لالو آمثلة حياتية موجودة لحتى يقتنع بمزايا وايجابيات المبادر , متل
المعلم ,, القائد ,, صاحب الحضور الطاغي ,, صاحب الشخصية المؤثرة
هيدول آشخاص كتير بارزين وناجحين كمان وهم مبادرين بالدرجة الآولى

https://www.al2la.com/vb/2890265-post2782.html

من مي وجبران

إلى غادة وكنفاني

هناك رسائل حقيقة تبادلها كنفاني مع غادة السمان،، عشق غادة وبشدة،، واعترف لها أنها حب حياته الذي لم يحظى به ،، بطل مناضل كسب الكثير من الصولات والجولات،، وخسر في نزال العشق،،

بعد موته نشرت غادة رسائل كنفاني لها،، مما عرض السمان للكثير من الانتقاد من محبي كنفاني خاصة وأن زوجته وابنائه على قيد الحياة،،

ما هو تقيمك لذلك
؟؟؟

بصراحه موقف كتير محرج بالنسبة لغادة ولمرت وولاد غسان كمان
بخصوص غادة لآنها شاعرة مشهورة جدا وعندا محبين كتار ونفس الشي لغسان وآكتر كمان
وبخصوص عيلة غسان ,, زوجتو سيدة راقية جدا ويمكن عرفت انو هيا مش الوحيده
بحياة زوجها , ويمكن يكون غسان اعترفلا قبل مايتم آستشهادو

ومتل ماهو معلوم للناس انو في حضور ودور قوي للنساء في حياة أغلب الادباء والشعراء
من العصور القديمة ولحد الان ,, والأكثرية منهم مااكتمل قصة عشقهم
يعني already زوجات هيدول الشعراء والادباء بيعرفو انو في حياة ازوجاهم نساء اخريات
بس يمكن الحرج الكبير انو ينفضح هيدا السر قدام العالم وقدام ولاد غسان كمان
شيء مابيتقبل بسهولة وبدو وقت لحتى الناس وهم كمان ينسوه

https://www.al2la.com/vb/2885351-post2753.html

خط جرينتش يجعلك تحتفل بيوم ميلادك مرتين
شرط سافر من اليابان إلى هاواي

وهيدا بدو طيارة هيليكوبتر شخصية او بساط علاء الدين السحري
برافو دكتورتنا عنجد فكره الاحتفال بالميلاد مرتين فكرة كتير رائعه ومبتكرة

طيب

تاتي
* هل تمنيتي الزمن يعود للأمس؟؟؟ متى ؟؟؟ ولماذا
؟؟؟

لا والله غاليتي لآني من النوع يلي بعيش اللحظه بلحظتو
آكتر شي حابة أعيش واستمتع بحاظري وواقعي
وبتطلع بشوق وتفاؤل الى المستقبل
لهيك مابتمنى ابدا انو الوقت ترجع لـ ورا

*هل تاتي من عشاق السحر الغربي أم الشرقي" مناظر طبيعية"
؟؟؟

الاتنين بيسحروني وبيلهموني وبعشقهم كتير
وآكتر شي بعشق سحر اليابان من الشرق
ومن الغرب غابات آمازون والبرازيل
وبيناتهم آغلب البلدان والمدن العربية والآوروبية ... وسحر القلب هو آيطاليا

* لو قدر لتاتي أن تعبر خط جرينتش إلى أين ستكون الوجهه +1
أو
-1
؟؟؟

بتمنى آني زور آيطاليا ,, ويلي مأخر زيارتي لالها لحد هلآ
آنو آنا حابة آسافر عائليا انا وكل افراد عيلتي لعدة مدن إيطالية متل
(فينيسيا ,, روما ,, ميلانو ,, نابولي ) وازور عدة مناطق حضارية قديمة
وبصعوبة يتسائب انو نلاقي مجال عطلة يناسب الكل ,, بحكم اخواني أطباء
واختي الكبيرة ولادا بالمدارس ,, لهلآ ماصار النا الفرصه انو كلياتنا نجتمع سوا بموعد رحلة
بس مامتي وبيى واختي الزغيرة وانا عنا المجال اكتر منهم

https://www.al2la.com/vb/2885376-post2754.html

يقال في أمثال الحكمة الدارجة
خذ من يحبك لا من تحبه
تؤيدين هذا القول
؟؟؟

آكيد آنا بؤيد الحكمة لانها في مصلحة البنت بالدرجة آولى
ويحفظلا ماي وشها في حال اذا وقعت المشاكل بينها وبين زوجها
في الحالة الأولى
اذا هيا ارتبطت بشخص هيا بتحبو اكتر من حب زوجها لالها
بهيدي الحالة بتحط نفسها تحت ستريس قوي الو بداية ومالو نهاية
ولازم تقدم تنازلات كبيرة وتعمول كل جهدا في سبيل إرضاء شخص حبو آقل من حبها

مقارنتا بالحالة الثانيه /
اذا الرجل حب المرأة اكثر ,, فــ المعادلة بتنقلب وبيصير الرجل بيعمول كلشي
لآرضاء حبيبتو او زوجتو وبيضحي كرمالها مندون مايعايرها لانو هو العاشق وهي المعشوقه
وهيدي الحالة آنسب وافضل للمرأة لانها الطرف يلي بدها اهتمام واحتواء اكتر
وبوجود جدار حماية وينبوع عاطفي يشبع احتياجاتها وشخص بيحطها بعيونو
شو بدها آكتر من هيك ؟؟
وهيدا بيؤيد كلامي وفلسفتي يلي عطول بقول انو لازم الواقعية والعقلانية تسيطر ع العاطفه

و آذا بيكون القصة بأيدي وبآختياري
آنا بتمنى انو يكون القبول والاعجاب والتفاهم والانسجام من الطرفين
بس بفضل انو محبة الرجل يكون اقوى للمرأة
فــ هيا النصف الآجمل والالطف وبيحقلها تتغنج وتدلل

* القول سهل والتطبيق صعب عند القول السابق،، ماذا ترى تاتي
؟؟؟

فعلا صعبة ,, خاصتا للنساء يلي العاطفة عندن اقوى من الجانب العقلاني
بس بمرور الوقت رح يتعودو ,, لآنو آحيانا البديل يكون آنجح وآفضل من الرئيسي
ودائما الخيرة في مااختاره الله لنا وللآخرين

السعادة تكمن من وجهة نظري في المبادلة لا ترجيح كفة على أخرى
،،،

وهيدا رائي آنا كمان ياست الحسن
بس بفضل انو درجة حب الرجل يكون اقوى واكثر من درجة المرأة

للمحبة بشكل عام
* كم تستغرق محبة المواقف في عالم تاتي
؟؟؟

حسب نوع الموقف ودرجة قرب وبعد الشخص يلي بيجمعك معو الموقف
لآنو مرات في شخص قريب منك وalready رح تنطر منو انو يكون معك بالمواقف ويساندك
لهيك محبتك الو موجود بلاساس بس يمكن يزيد ويقوى مع الوقت

ولكن الأقوى انو شخص بعيد عنك انو مالو صلة ربط فيك
يبرهن في المواقف انك تعنيلو كتير وغالي ومهم عندو ,, او ع القليل انو بيتمنالك الخير
هون بيكون درجة المحبة كتير عالية لانها اجت بصورة غير متوقعه ومع اشخاص مش متوقعين
لهيك سدق العملاق (محمود درويش) فعلا المواقف رح يبرهنلك منو يحبك عنجد

وهيدا آجاباتي ع البارت التاسع من آسئلات دكتورتنا الغالية

**ŢαŢμαŊα** · 08-19-21, 12:30 AM

المشاركة الأصلية كتبت بواسطة الدكتورة

قد تكون معارفنا جزء من فلسفتنا
لا يوجد إنسان لا يملك فلسفة لكن تميز فلاسفة الفكر بصياغتها على شكل معارف وأقول فأصبحت المدارس الفلسفية وأصبحوا معلميها وروادها بدءا من الأغريق والهنود
حتى المسلمين
إلى الغرب الأوروبي والأمريكي

***

تعقيب كتير دقيق وواقعي
يسلمو ايديكي دكتورتنا الرائعه

* ما الفرق بين الفلسفة ومنهاج الحياة
؟؟؟

برائي آنو الفلسفة بتكون فكر ذاتي منتمي لشخص 1
اما منهج الحياة فـــ بيكون دروس وعبر مستخلصه من فكر الفلاسفة + قصص وخبرات القدامى
يتم تحويلهم لمناهج مدرسية لحتى يستفيدو منهم آكبر عدد
من طالبي العلم والمعرفة ومن عشاق الفلسفة

*من هم الفلاسفة اللي تحب تقرأ لهم تاتي
؟؟؟

طب قولي مين من الفلاسفة مابتحبي تقريلن ؟؟
لآني بقرا لاغلب فلاسفة العصور القديمة والوسطى والجداد
العرب ,, الغرب ,, الآكراد ,, الهنود ,,الاسيويين ,, الافريقيين واللاتينين
وآذا بدي آذكر البعض منهم ,, رح بكون ظلمت البعض الاخر

* سقراط/ أفلاطون/ آرسطو

من كان الأكثر واقعية بنظرته للحياة
؟؟؟

بتصور آنو آرسطو كان آكثرهم واقعية بنظرته للحياة
وسقراط بآقواله المأثورة ومدى ملائمتها مع زمننا الحالي كان آكثرهم عبقرية

*يقول سقراط: تكلم حتى استطيع أن آراك،،، منهاج ورؤية كيف تقيمها تاتي كمعيار من معايير التعامل مع البشر
؟؟؟

هو آصاب عين الواقع
لآنو آسلوب الحديث بيبين جزء كبير جدا من شخصية وطبيعة وفكر الشخص
حتى آسلوب تعاملو وحواراتو مع الاخرين
لآنو في آشخاص يمكن شكلن او اناقتن او لغة جسدن الهادئة يكونو مخبايين وراه شخصيات
ضعيفة او نرجسية او شريرة .... والعكس صحيح
ويمكن الشخص يطلع مهندم ومرتب ويكون كمان صاحب فكر نير وشخصية جميله
بالمختصر كل الاحتمالات واردة وموجودة في الحياة
وسقراط لما قال : تكلم حتى اراك ... كرمال يمييز بيناتهم

* اختلفت الفلسفة الإسلامية عن أنواع الفلسفات الأخرى ،، وإن انطلقت من الفلسفة الأغريقية ،، لماذا تتصورين هذا الاختلاف
؟؟؟

بتصور لآنو الفلسفة الإسلامية مصدرها هي الدين الإسلامي بالدرجة الأولى
من ثم القرآن الكريم والاحاديث النبوية الشريفه بالدرجه الثانية
وهني علوم شرعية دينية مرتبطين بنفس البشر

اما الفلسفات الآغريقية مصدرهن العلوم الحياتية المرتبطين بجسد البشر
والمجسمات يلي حواليهم , وأيضا علم النباتات والادوية
مثل علوم الطب والهندسة والكيمياء والاعشاب

* من هو فيلسوف هذا العصر
؟؟؟

يمكن يكون شخص كتير عادي من عامة الشعب ومش مشهور ابدا
يكون كتير واعي وشخص فاهم الحياة مزبوط وحاسس بمعاناة شعبو
يحاول بواسطه تجاربو او افكارو انو يخدم مجتمعو

* هل تعتبر تاتي نفسها فيلسوفة،،، طيب ما هي معايير الشخص اللي يصح نطلق عليه هذا اللفظ
؟؟؟

لاء غاليتي مابعتبر حالي فيلسوفة
بس عندي فلسفاتي الخاصه يلي البعض منها بستعملهن كــ منهج في حياتي

آما بنظري آهم معايير الفيلسوف انو
يحول فكر نير الى علم او درس او منهج يستفيد به الاخرون
ومايكون مثل الفلاسفة يلي بيحكو عن علم اللاهوت ومجالات بعيدة كل البعد عن واقع الانسان

المشاركة الأصلية كتبت بواسطة الدكتورة

https://www.al2la.com/vb/1863495-post6.html

* فلسفة حياة فعلا
كيف يكون الآخريين معاول هدم أمام طموحات وآمال الغير
؟؟؟

لآنو ببساطه مش كل البشر بيتمنو الخير للآخرين
في اشخاص انانيين او مؤذيين او ناشرين الكأبة
لهيك بيعملو كل جهدن لحتى يحبطو الآخرين ويطفوو شمعة آحلامهم

*كيف نزرع الأمل في حياة يلئس
؟؟؟

الكلمة الطيبة صدقة ودواء لقلوب والنفوس المتعبة
الابتسامة في وجه الاخرين صدقة ومرسال توصيل الفرح للاخرين
ونزرع الامل لدى الاخريننحثهم على التفاؤل ونذكرهم بقول ربنا سبحانه وتعالى
آذا أراد شيئا قال له كن فيكون

https://www.al2la.com/vb/1876434-post39.html

والله اثار ابتسامتي
ومن قال إنك هدية يا أخي

الله يديم عليكي الانبساط والابتسامه غاليتي

طيب خليني أكون منصفة وجدية،، على فكرة أنا انتمي للمدرسة الواقعية

لو كان رجل خلوق ومثل تلك الفتاة يكون هدية كما هي هدية له تماما،، أو رزق من باب الطيبون للطيبات،،،

بوافقك الرائي تماما دكتورتنا

* بعض القواعد لا تنطبق فقد نجد امرأة رائعة ورزقت بعكسها،، وممكن رجل رائع وينعكس،، هل معنى ذلك أن العدالة تنتفي،، كيف نفسر هذا الأمر
؟؟؟

هو موضوع الزواج من الأساس عبارة عن قسمة ونصيب
آشخاص ربنا جامع قدرهم سوا ,, حتى لو اختلفو في الشكل والطبع والفكر
وآشخص يمكن يكونو متوافقين ومتقاربين شكليا وفكريا وطبعيا ,, ويمكن يكون بيناتهم عشق قوي
بس اذا ربنا ماكاتبلن قسمة سوا ,, لو شو ماعملو مرح يقدرو يجتمعو تحت سقف 1

ومن ميله 2 النصيب بيعمل المعجزات ,, مرات بيعمي البصر وبيشل التفكير
ومرات بيخدع الناس وبيجمل طرف بنظر الطرف الاخر
وبالنهايه للناس في مايعشقون مذاهب !!

* ما هو أكثر صفة تزعج المرأة في الرجل " تاتي أكثر صفة مش لازم السيل الحين"
؟؟؟

تكرمي عزيزتي ,, لعيونك رح بذكر صفه 1 بس
وهو صفة الخيانة يلي آكتر شي بيكون من نصيب الزوج
وبآحسن الحالات بيتحول هالخيانة لتعدد الزوجات ,, وهيدا بيؤرق وبيدايق الزوجه الأولى
يعني هيا في الحالتين خسرانه سواء بوجود زوجه ثانيه او عشيقه
ماهني رح يشاركوها في زوجها ,, ومن ميله 2 رح ياخدو نصيب ولادها كمان

* من وجهة نظرك ما هي أكثر صفة يكرهها الرجل في المرأة " عارفة مفيش بس عادي يعني نجيب وحده لو نتسلفها "

؟؟؟

هههههه دخيلك ودخيل ثقتك الكبيرة فينا ياقمر
هلآ آستلفت وحده وهيا صفه النق والنكد

بين العنصرية الشرقية والنسوية الطارئة على نساء الشرق نقضين مدمرين،، ما الحل
؟؟؟

الحل هو ان نفتح لغة حوار صريحه مع الرجل
ونبني حياتنا الزوجية ع أساس الصدق والمحاورة والمشاورة وعدم إخفاء الحقائق

https://www.al2la.com/vb/1906653-post95.html

بين الأسود والكلاب

* الأسود مفترسة والكلاب وفية مع أن بها أنواع متوحشة،، لكن هنا كرمز للشجاعة واتفق،،
هل يكفي القائد المحنك ليقود جيش ناجح لا يتصف بالفكر،، فقط عليه الطاعة وتنفيذ الأوامر
؟؟؟

آي دكتورتنا برائي نعم بيكفي القائد المحنك
لآنو الفكر والتخطيطات من عمل وواجب القائد
اما باقي الجنود فـــ واجبهم الطاعة والانجاز ,,
ولكن لا ضير في المشاورة مع القائد آذا كان عندهم أفكار او حلول اكثر نفعا

* أكثر السلطات الفاشلة هي المتسلطة البيروقراطية،، لماذا لم تنفع بها حنكة القائد الأسد
؟؟؟

لآنو حاشية الملك او القائد فاسدين وكاذبين
ولا يوصلون احتجاجات الشعب والجنود الى السلطات العليا
ولآن آراده الشعب هي المنتصرة لذلك يسقط هذه الحكومات البيروقراطية في الدول المتقدمة
ويضلو يحكمون في الدول النامية والشرق الاوسطية

* ايهما مطلوب أكثر الشجاعة أم الوفاء
؟؟؟

آثنيناتهم مطلوبين مع بعض
لانهما صفتين لا يتجزأن

* العصا والجزرة،، سياسة متبعة في العلاقات الدولية ويستخدم من قبل الدول القوية تجاة الدول الأضعف أو قائد متسلط تجاه شعبه ملخصها أن هناك بغل أعزكم الله،، تتدلى أمامه جزره ومن خلفه العصا فالجزرة مبدأ ثواب،، والعصا عقاب،، طبعا البغل يسير نحو الجزرة لينال المكافأة،، وفي نفس الوقت يبعد عن العصل لأنها عقاب،، والجزرة تكون سلف مالي،، تكون صفقة ،، تكون خفض ضرائب أما العصا تكون اشاره لاستخدام القوة العسكرية،، أين موقعنا اليوم من سياسة " العصا والجزرة"
؟؟؟

كلامك وتحليلك مزبوط 100%
وذكرني بقول ونستون تشيرشل
"الحاكم الظالم أشبه بالراكب على ظهر نمر يقوده بالضرب، لا يستطيع أن يترجل منه أبداً وإلا افترسه"

* بونوبارت كان يخشى القطط فلو علم العدو سر الفوبيا لديه للكان جيش القطط حاضرا،، كيف يكون القائد حكيم ولا يظهر نقاط ضعفه
؟؟؟

بأن يحسن أختيار أصدقاءه وقاداته ومساعديه
وأن لا يشارك اسراره مع احد غير اهل بيته
وسبحان الله غير (نابوليون بونابارت) في قادة وحكام جبابرة
عندهم نقاط ضعف مضحكة وغريبه

وهيدا آجاباتي ع البارت العاشر من آسئلات دكتورتنا الغالية
يلي طغت عليه الجانب الفلسفي والسياسي

**ŢαŢμαŊα** · 08-19-21, 01:15 AM

المشاركة الأصلية كتبت بواسطة الدكتورة

https://www.al2la.com/vb/1906655-post96.html

من علم الحياة

لفتني فقد الإحساس
* هل يولد إنسان متبلد الإحساس،، ما الذي يفقد الإنسان أهمية الإحساس والمشاعر لديه
؟؟؟

مافي آنسان يولد وهو بليد الآحساس
يمكن انو الظروف يلي مرق بيه حولو لشخص متبلد
ويمكن الأشخاص يلي حواليه كمان يكونو السبب

https://www.al2la.com/vb/1908032-post97.html

يقال يا تاتي " جنة من غير ناس ما تنداس" كناية أن المكان الفارغ من البشر لا يجذب حتى وإن كان مثل جنة الدنيا طبعا
* كيف تكون الحياة المنعزلة
؟؟؟

دكتورتنا المقصد من القول : ليس عزلة دائمة
وانما عزلة مؤقته حتى يرجع الانسان الى نفسه ويعيش بعض الأوقات بمفرده
وهيدا شيء ضروري وبيحتاجو كل فرد

* متى تتحرر تاتي من قيود العزلة الإنفرادية
؟؟؟

آنا متحررة من هذه القيود
ولا اسميها قيود وانما رحلة لعودة الانسان الى نفسه

https://www.al2la.com/vb/1924648-post117.html

يخليها كسماء ثامنة أكيد

طيب
الغضب
* كيف نفعل مبدأ الوسطية في الغضب
؟؟؟

بآن نقلل من آسباب الغضب ونتجنبها قدر الامكان

* إيضا قد تتصف المرأة بالغضب ،، كيف على الرجل أن يعامل تلك المرأة الغاضبة
؟؟؟

آيضا بمعرفة أسباب غضبها ,, ومحاولة ارضائها في الوقت نفسه
قبل ان يكبر الغضب ويتحول الى بركان

* الغضب مكطتسب أم وراثي
؟؟؟

برائي الغضب مكتسب ولكن العصبية وراثي

* متى تثور وتغضب تاتي
؟؟؟

بصراحه نادرا مااغضب ونادرا جدا آثور
عندما يتجاوز احد حدوده معي او يتطاول على اهلي واحبائي

كيف تهدأ تاتي
؟؟؟

والله أحسج ما شاء الله عليج هااادية ورااايقة

آصبتي دكتورتنا ,, كتر خير الله آنا عطول رايقة

https://www.al2la.com/vb/1925578-post119.html

أما مظهر القصوة بدل القسوة ماشي يا راعي البوستر بس عشان ملكة الذوق بنعديها

هههههه تسلميلي يا ست الحسن آنتي

طيب تاتي
* هل يبرر الزيف وتصنع القسوة قلة ثقة بالنفس
؟؟؟

طبعا هيدا مابيبرر قلة الثقة بالنفس وبلاخرين كمان

*وهنا نحتاج لمبدأ الوسطية فكيف نفعله
؟؟؟

برائي هيدول القصص بدن تدريبات مستمرة
وعزم وإرادة قوية كرمال نوصل للوسطية يلي هو المطلوب

https://www.al2la.com/vb/1925581-post120.html

بين الأولويات والبدائل:
* متى نصل لمرحلة الإدراك أن البديل أفضل من الأولوية
؟؟؟

مثل مابيقولو الصديق ينعرف بالمواقف
وهون ذات الشي ,, نقدر نوصل للهيدي المرحله بعد اختبار الاتنين في عدة مواقف
واذا كانو الاستنتاجات متقاربة معناتو رح يتوضح مين بيناتهم هو الافضل

* متى تستحق أولوياتنا اعادة جدولة وصياغة
؟؟؟

بعد مايخيب توقعاتنا ,, وبعد مانفشل للوصول لنتائج مرضية
وقتا لازم نعيد حساباتنا ونرتب جدوله الأهم والمهم والبديل

https://www.al2la.com/vb/1933364-post137.html
الأسلوب
صحيح كثير من الكلام نتقبله من شخص وما نتقبله من آخر لأن الأسلوب اختلف
* ما هي الأساليب التي يجب أن تسود في التعامل
؟؟؟

بالبداية لازم يكون في احترام كامل وتقبل لاختلافات الاخرين
ومن ثم محاورة ومخاطبة الطرف الثاني برقي ولطف
وبعيدا عن أسلوب التعالي او فرض الآراء عليه

* خاصية ترفضها تاتي في أسلوب الشخص
؟؟؟

الانانية وفرض الرائي ع الاخر

*الشخص أسلوب صحيحة هذه الجملة أم تحتاج لإعادة صياغة
؟؟؟

آكيد عبارة صحيحة ومنطقية جدا
وفعلا الانسان هو أسلوب ,, بيقدر يوصل اقوى الأفكار للاخرين
وبيقدر يقدم انتقاد إيجابي بطريقة راقية ومقبوله
لآنو اسلوبو رزين وراقي

وهيدا آجاباتي ع البارت الحادي عشر من آسئلات دكتورتنا الغالية

**ŢαŢμαŊα** · 08-19-21, 02:21 AM

المشاركة الأصلية كتبت بواسطة الدكتورة

طيب يا تاتي خلينا نبسط المعادلة ونخليها
أنا قلبي عاقل

***

مزبوط كلامك دكتورتنا وآنا موفقه

بين العقل والقلب
حددت تاتي أن العقل الأقوى لديها،،،
* المرأة تكوينها عاطفي،، فتغلب العاطفة على أمورها ،، كيف ترد تاتي هنا
؟؟؟

متل ماوضحت بجوابي ع محور آخي الفيلسوف
لآني زارعة كونترول قوي بقلبي هم بلاحرى ادمغة اصطناعية
كرمال اسيطر ع مشاعري وعاطفتي قدر المستطاع
ومااخلي أي حدا يستغلني او يستغل طيبتي ورقة مشاعري

* من تحبهم تاتي من عائلة / أصدقاء يخضعون لمبدأ العاطفة أم العقلانية بصورة أكبر
؟؟؟

آغلبهم يخضعون للمبدأ العقلاني
لذلك اجد دائما تقارب وتوافق فكري بيني وبينهم

* هل فعلا في حالة العاطفة العقل والقلب يتساوون
؟؟؟

لاء ... بهيدي الحالة القلب هو السلطان
والعقل مع انو مابيعجبو كتير شغلات ,, بس بيفضل السكوت والتعامي
كرمال مايخرب ع القلب الأجواء العاطفية ولارومانسية

*كيف يفعل كنترول العقل على القلب في المواقف يا تاتي
؟؟؟

متل مابيعمل جهاز الإنذار وقت يطلع دخان او يحترق شي ع الطباخ
لازم من وجود الكونترول وخصوصي ع القلب
كرمال مايحترق ومابيختنق من كترة الحب واستغلال الحب
وضروري العقل يواعيه كرمال يضل محافظ ع التوازن

* في الحالات العامة الصراع بين القلب والعقل من يحسم الموضوع
؟؟؟

آذا بدك الحقيقة لازم يكون في توافق بيناتهم والحسم يكون للاثنين
بس لصعوبه حصول ذلك ,, اغلب المرات يكون الحسم للعقل
لآنو بالنهايه هيدا لمنفعه ومصلحه الشخص

المشاركة الأصلية كتبت بواسطة الدكتورة

https://www.al2la.com/vb/1938482-post148.html

في الأمور العامة
ممتاز هذا الأمر وضع خطة ذات أهداف قصيرة- متوسطة - طويلة المدى ممتاز

لكن خلينا نعود للقلب والعقل

* هل عادة العاطفة تستأذن الشخص،، طالما كانت خارج نطاق السيطرة ،، فكيف سينهي الموضوع إذا هو لم يبدأة كإرادة
؟؟؟

كلامك مزبوط دكتورتنا
ولآنو العاطفة مابيستاذن حدا وخارج أراده الشخص
لهيك ع القليل لازم تعمول كونترول قوي عليه
مثل الحفرة يلي بيكون قدامنا ومابنشوفها ونوقع فيها
بس لما بنطلع منها ,, من المهزله ان نوقع فيها مره 2

* النهايات الإجبارية مأساوية في عالم العاطفة لن أطيل مجنون ليلى أبرز الأمثلة كيف تقيمين هذه التجربة
؟؟؟

معك حق غاليتي ,, حتى بالروايات الكوردية والملاحم الحقيقية
آشهر الابطال كانت نهاياتهم مأساوية وحزينه , متل
(مه م وزين) و (شيرين وفرهاد) و (شه م ووليد)

يمكن لآنو بزمانهم كانو هيدول الزواجات من سابع المستحيلات
لوجود التارات والآنتقامات بين القبائل العربية والكوردية كمان
بس بزماننا هيدا خفت هالعوائق ومعو أيضا خفت درجة العشق وبهت لونو

* يقول قباني " لو كنت اعلم خاتمتي ما كنت بدأت" متى تكون النهايات غامضة
؟؟؟

والله دكتورتنا آغلب النهايات بتكون غامضه
خاصتا اذا كانو الأشخاص غامضين ومخبايين كتير اسرار عن بعضن

https://www.al2la.com/vb/1942781-post153.html

* هل هذا ما يقال عنه في نظريات السياسة والعلاقات الدولية " انتصار العقلانية على العاطفة"
؟؟؟

مزبوط هيك عم يسموها
مع انو تسميتها الحقيقية مختلفة وهي : آزهاق آرواح بريئة لمصلحه الدول العظمى

* لماذا لا تكون منظمة حقوق الإنسان واضحة العمل في هذه القضايا الإنسانية المصيرية
؟؟؟

لآنن ببساطه طراطير واراجوزات بأيد الدول العظمى
ورافعين شعار : لا آرى ,, لا آسمع ,, لآ آتحدث
والا مش معقوله كل هولى الحروب يلي صارت وهم ماعندهم موقف صريح وحاسم

https://www.al2la.com/vb/1948652-post158.html

فعلا تمر فترة على الشخص يبدو غريب عن نفسه
* كيف تعود تاتي لطبيعتها
؟؟؟

بلاسترخاء واخد استراحه محارب
وقضاء نصف يوم في سفرة سياحية لمناطق طبيعية خلابة

هناك أشخاص يتغيرون عن نفسهم ولا يعودون كما كانوا ،، لماذا
؟؟؟

آكيد الظروف والأشخاص والآحداث يلي حوليهم الهم الأثر
وهم المسبب الرئيسي بتغيير الفرد وعدم عودته لطبيعته المعهوده

الحب والعاطفة تغير الشخص
؟؟؟

نعم دكتورتنا هم يغيرون الشخص
حتى اقسى وابرد البشر عندن جانب عاطفي قوي عم يخبوه ويضعفوه
(متل ماقرينا في فقرة هل تعلم يلي انتي اخترتيه)

https://www.al2la.com/vb/1965940-post188.html

* كيف يعاند الشخص قلبه
؟؟؟

بنكران العاطفة والاعجاب والميل الى الطرف التاني
خوفا من رفض الطرف الاخر او خوفا من آن يطلع شخص سيء
ومنعا للمزيد من الالام والوجع وحرقة الاعصاب >>> يلي هني من سلبيات الحب

* متى تموت القلوب وهي نابضة
؟؟؟

عندما يفترق حبيبان رغم حبهما الصادق ورغم محاولتهما للارتباط
ولكن القدر والنصيب يفصلهما عن بعض رغما عنهما
ويجمع كل واحد منهما مع شخص غريب !!

وهيدا آجاباتي ع البارت الثاني عشر من آسئلات دكتورتنا الغالية

**ŢαŢμαŊα** · 08-20-21, 09:35 PM

المشاركة الأصلية كتبت بواسطة الدكتورة

https://www.al2la.com/vb/1938650-post150.html

الأثنين
من مر بنفس تجربتك الأكيد مر بنفس شعورك
،،
لكن تعالي لمن يراك " كل شيء"
* هل من يشكل للشخص أجمل ما يملك يرى عيوبه
؟؟؟

يمكن من آول وهلة يرى العيوب
ولكن القلب رح يكنسل هيدي الآشارات وبس يبقي ع مزايا وآيجابيات الشخص
وبيضخمهم بنظر الحبيب ,, لهيك قالو انو الحب آعمى !!

* لماذا يكثر تبرير الشخص عن من يعني له كل شيء
؟؟؟

لآنو مابيقدر يستغني عنو ,, ومابدو يخسرو
بتعرفي دكتورتنا مرات يتحول الحب الى آدمان
والحبيب يدمن ع حبيبتو او العكس ,, وبيكون محل الدواء والعلاج
لهيك رح بيعملو كلشي لحتى مايخسرو حبيبن
ومن ضمن هالمحاولات ,, التبريرات المستمره بهدف ان يبقى صورة المحبوب او المحبوبة
دائما جميلة ومشرفة ومشرقة بعيون الحبيب او الحبيبه

* هل توجد فائدة مرجوة من مجادلة شخص عن الآخر الذي يراه كل شيء
؟؟؟

برائي مافي فايده مرجوة من مجادلة عاشق آعمى
الا بعد ما يروح آثر الإدمان وسَكَر الحب وسحره
(متل ماقالت كوكب الشرق : هل رأى الحب سٌكارَى مثلنا ؟!!)

ومرات هالقد بيكون قوى بيسموه (spell) بالعربيي يعني تعويذه الحب
وبعدما يفوق الشخص ويرجع لطبيعتو ويبطل آثر السحر
وهالمره رح يشوف بقا إيجابيات وسلبيات الحبيب سوا

https://www.al2la.com/vb/1988595-post209.html
* كيف يولد الخوف الزائد الفقد
؟؟؟

لانو يعطل خانة (آحتمالية حدوث أي شي لآي شخص) بلاحرى فقده
بالعاده الأشخاص الطبيعيين يلي مش عاشقين ,, بيشتغل عندن هيدي الخانه مزبوط
اما العاشقين الولهانين من كتر تعلقن بالحبيب ,, عقلن لا اراديا يلغى خانة احتمالية الفقد
حتى يطمن القلب انو كلشي رح يكون تمام والحبيب او الحبيبة رح يضلو موجودين طول العمر

وهيدا خداع بعينو ,, لانو محدا غير الله رح يبقى والكل راحلون
وبافضل الحالات حتى لو ربنا جمع الحبيبن برابط زواج مقدس
هيدا ما بيضمن انو تنيناتن رح يعيشوا سوا وبنفس العمر

https://www.al2la.com/vb/1982572-post204.html

كيف تكون الأحلام كمطر يعود مرة أخرى للنفس
؟؟؟

آذا كانو آحلام كتير غاليين ع قلوبنا ,, مافينا نتركن من اول مرة يتبخرو
رح منضل نحتفظ بهيدول الاحلام بقلوبنا وبخيالنا لحد ما مره 2 او 3 او حتى 4
يتهيء الظروف ويطلعو للنور ويصبحو حقيقة وواقع في حياتنا

* الحلم المستحيل متى يكون
؟؟؟

المستحيل هو مالم يكتبه الله لك
وليس ماعجزه عنه أنت !!
وبالتالي آغلب الاحلام المستحيلة بيكونو يأما اهداف خيالية مابيتحققو بالمرة
او تعلق الأشخاص بآشخاص اخرين مافي امل ان يجمعهم ارتباط رسمي

المشكلة هولى الناس لآنن بيأمنو بأختيارهم للنصف الثاني
ويمكن يحاربو العالم والظروف وكل العوائق كرمال يثبتو انو هيدا الشي بيستاهل التضحيه
والمصيبة اذا رب العالمين مابيكتب نصيب 2 مع بعض ,, ومافي قوة بهالكون يقدر يجمعهن

* الواقع المصنوع وفق تصورنا هل ممكن أن يحدث
؟؟؟

أذا كانو واقع موجود ومعقول ومناسب للتحقيق أي ممكن يحدث
بس انتي بتعرفي انو الانسان عندو خيال خصب ,, ومرات هيدا الخيال بيكون قوي
وبيطلعو من الواقعيه والمنطقية ,, وأغلب هالخيالات بيضلو خيالات ومرح يتحولو لوقائع

https://www.al2la.com/vb/1998211-post222.html

خليني آخذها من معرفة قيمة الذات
* متى تتزعزع ثقة الشخص بذاته
؟؟؟

من آول خيانة آو آول خيبة آمل يصيبو ,, وبيكونو ع شكل صاعقة او صفعه
وقتا الانسان رح يصيبو زلزال داخلي (بصرف النظر اذا كان شخص قوي داخليا او لاء)
آغلب الأشخاص بيصيبن هالاهتزازات ,,
وبيطول معن الوقت لبينما يفهمو شو يلي صار معن ولشو صار معن

وهون بيضهر شخصية الانسان القوي وارادتو بسرعة شفاءو
ورجوعه الى حياته الطبيعية وتقبل الآمر الواقع مع اخذ الدروس والعبر والحيطه بكل الوقت

* متى تعلم المرأة ما لا تعلمه عن نفسها
؟؟؟

آذا لقت تؤام روحها ,, ونصفها الثاني المكمل لها
هون التؤام بيقوم بدور المرايا وبيلفت نظر المرأة لأسرار وخبايا كانو موجودين فيها من زمان
بس بعض المرات الانسان مابيقدر يقدر حالو بنفسو
وظروري تجي الشهادة والتقدير والتذكير من شخص 2 مقرب حتى يكون الو مصداقية واثر اعمق ع النفس

وهون رح بجيبلك مثال /
صبية رائعه الجمال ,, الكل بيوصفوها بهالصفات وهي بتعرف هيدي الحقيقة
معرفتها هيا + وصف واخبار الاخرين مابيكون بقوة وتأثير اذا حبيبها او زوجها يخبرها نفس الحقيقة
هون بتحسي بتضاعف قوة الشخص لانو التؤمين اقروو بنفس الحقيقة !!

طيب هي نصف الحياة ومربية النصف الآخر ينفع نقول عنها كل الحياة

آكيد فينا نقول عنها هي كل الحياة
مع آحتراماتنا لسادة آدم الفاضل

https://www.al2la.com/vb/1996651-post220.html
والله اعجبتني،،

طيب والأب

سرني آنو الكلام عجبك
الاب بحكم انو يضل مع البايبي لوقت آقصر لهيك المعلم الأول والأخير هيا الآم
ومع هيدا مابننكور آهمية نشأة الطفل وسط عائلته اديس بتأثر ع مستقبله وقت يكون بيى او ام

* كيف نكون منظومة أسرية سليمة صحيحة
؟؟؟

بأن يكون أساس الاسر متينة ومبنية ع الصدق والتفاهم والاحترام المتبادل
بأن يتم التركيز ع لغة الحوارات بين آفراد الاسرة
وآهمية المصارحة والفضفضة آذا احد وقع بالمشاكل او تورط بشي غلط

* الأم والأب رائعا التربية،، لكن أحد الأبناء لا ينتمي لذلك العقد الخلقي،، ما هي الأسباب ،، وسبل علاجها
؟؟؟

برائي صراع الآجيال من آحد أسباب الخلافات
مرات طبيعة الأطفال بيختلف ,, في منن مطيع وفي منن المتمرد وهيدا سبب اخر
ومرات أصدقاء السوء او العاطلين بيؤثرو ع أفكار وتصرفات الأطفال

https://www.al2la.com/vb/2028066-post264.html

ذي العصابة اللي تبي تكونها النايفة على وزن توكلنا

ترى طلعت الفكرة موجودها بنقاضيها

ههههههه والله موتتيني ضحك دكتورتنا الغاليه
عنجد نايفه بدها تنشيء عصابات بهيدا الستايل الرقيق ؟؟!!

* الرد على العنف بهذه الطريقة مقبول حسب رؤية تاتي
؟؟؟

برائي آي ولا كمان
حسب الموقف والشخص يلي اعتدى بلاول
ما ربنا سبحانه وتعالى قال في قرآنه الكريم
(العين بالعين والسن بالسن والبادي آظلم)

ومرات ينعدم لغة الحوار والمصالحة السلمية وبيتطور للعنف
مع آني كــ رائي شخصي مابفضل الضرب بالأيدي والمشاجرة العنيفة مع الزوج
قبل مايوصل الانسان لهيدي المرحله ,, بيقدر ينفصل بهدوء وبلا مايحروق اعصابو ويهدم صحتو

* العنف ضد المرأة ظاهرة موجودة حول العالم، وإن كان الفوكس والزوم مسلط على العالم الشرقي إلا أنهاا موجودة في كل دول العالم،، لماذا هل الاهتمام بمسائل المرأة الحقوقية في الشرق،، مع أنه هناك مسائل مجاعات وفقر غير ملتفت لها بالمرة
؟؟؟

هيدا آتجاه سياسي وفكري هدفو خداع العالم الشرقي
بأنو العالم الغربي اكثر تمدن وتحضر واكثر احتراما وتطبيقا لحقوق المرأة
وهيك رح يسحبو آغلب الشباب والنساء لعندن

آذا لاحظتي دكتورتنا آغلب العوائل الشرقية والمسلمة يلي بيهاجرو لاوروبا وامريكا
هونيك النساء والأطفال بيتكيفو بسرعه وآكتر من الرجال
وأذا بتعطيهم فرصة الرجوع مع عمل ناجح جدا في بلدانهم
رح تلاقي اغلب الرجال بيقبلو ,, بس اغلب النساء والأطفال بيفضلو البقاء في بلدان المهجر
ورح يجاوبوك : انو حياتنا هون مستقرة وعايشين في مستوى معيشة ثابته
لهيك الأغلبية مرح يرجعو

* ما هي سبل مواجهة العنف ضد المرأة
؟؟؟

بعيد عن الحلول النسوية
،،

بلآول لازم آحترام شخصيتها وآختياراتها
ومراعاة مشاعرها اثناء وجودها في بيت آسرتها الكبيرة
وعدم آجبارها للزواج من شخص هي مابدوياه لآنو هون بتبلش آول آسباب النفور من المرأة

وكمان وقت تتزوج ,, ما لازم الزوج يحاول يختبر عليها قوتو الجسدية وعضلاتو
وهي كمان مالازم تستفزو او تتجادل معو ومالازم يخليه يرفع ايدو عليها ويضربها
متل ماقلت في جوابي السابق ,, اذا كان في مجال للصلح يتصالحو
وأذا لاء من الأفضل أنن ينفصلو ,,حتى لو أبعض الحلال بس ربنا عطانا هالخيار
كرمال مايسوء الوضع بين الزوجين ومايتطور للخيانة او القتل

https://www.al2la.com/vb/2054374-post294.html

* متى تصل العاطفة لمفترق الطرق
؟؟؟

وقت مابيضل في آمل بلاستمرار
وتسكر كل الآبواب والشبابيك بوجه الطرفين
وتنطر آطلاق رصاصة الرحمة ,,, بهديك الوقت الآنفصال بيكون الحل مع انو مرير ومؤلم

* أين تكمن النهاية السعيدة
؟؟؟

واللهي مافي غير ربنا سبحانه وتعالى بيكتب النهايات السعيدة لبشر
كلشخص من جواتو بيتمنى يكون نهايتو سعيدة مع حبيبو او حبيبتو
ويتتوج هيدا الحب برباط زواج مقدس ... بس دائما الخيرة في مااختاره الله لنا
لهيك مرات النصيب بيجي بعكس الاتجاه

المشاركة الأصلية كتبت بواسطة الدكتورة

وصلت أنا أيضا لنهاية مشواري معكِ اليوم
ويكند مميز هنا

،،
ألقاكِ على سعادة
يا ملكة الذوق

آنتي بتنوريني ياست ابحسن
وعطول آهلين فيكي وبآسئلاتك ومشاركاتك الاكتر من رائعيين

هيدا آجاباتي ع آسئلات البارت الثالث عشر من آسئلات دكتورتنا الغاليه
بعتذر عن تأخيري يلي بسبب رعايتي ومتابعتي لمسابقتي الجديدة آخروني
ونشالله راجعه لحتى آكمل باقي الإجابات

**ŢαŢμαŊα** · 08-23-21, 06:26 PM

المشاركة الأصلية كتبت بواسطة الدكتورة

صبااح الورد والسعادة والجمال
وما شاء الله على الفكر المتيقظ
نمسك الخشب

المحاور لديكِ متشعبة وجميلة

،،

الحلو أن هناك جزء ثالث
ممكن من خلاله نضيف جمال جديد
،،،

ننتقل للمحور الثالث وتشعباته
ومثل ما اتفقنا لج وقت مفتوح وما له سقف زمني
،،،

وأنا متأكدة من أن هذا الحوار سيشكل مرجعية رائعة

هو للآن مشكل مرجعية حلوة جدا

طيب
وصباح الخير مجددا
من باب
اعطاء الجمال حقه

مع ملكة الذوق
تاتي

يسعد مساكي وكل آوقاتك دكتورتنا الجميله
واللهي آنتي الجمال والبريق يلي اثرو وآبهرو آستضافتي هيدا
بطلتك البهية ومشاركاتك وآسئلاتك الفخمة والقيمة
وآنا الاسعد والآكتر فائدة بمحاورك الفكرية الراقية والمتحضرة

بتمنى آنو روادنا وزوارنا الكرام يستفيدو من حواراتنا
وعطول آهلين فيكي بتنوري وبتعطري كل مواضيع تاتي

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج