الناقد والفيلسوف الحلقه 2 مع ŢαŢμαŊα( انثى اسثنائيه ) - الصفحة 8 - منتديات مسك الغلا

**ŢαŢμαŊα** · 08-03-21, 12:55 AM

المشاركة الأصلية كتبت بواسطة الدكتورة

بين الثوابت والمتغيرات

***

نرىيا تاتي اليوم كثير من القيم تغيرت بتغير الزمن
القيم / المبادئ
هل معنى ذلك ضاعت الهوية
؟؟؟

للآسف هيدي حقيقة اثبتت حالها في زماننا
وبالفعل تشوهت وضاعت معاني بعض المفاهيم والقيم
مثل الصداقة ,, تحمل المسؤولية ,, الاحسان مع الاخرين
وطغت المصالح والانانية المفرطة ع اغلب الافراد

* متى يفقد الإنسان قيمته
؟؟؟

حينما يفقد ذاته وكينونته وجوهريته
ويتجرد من شخصيته ومن ارائه ويصبح كــ تابع للاخرين

* الثبات على الموقف قد يؤدي لدفع الثمن غاليا،، هاتي أمثلة يا مهندستنا لنرى كيف يكون الثمن الغالي والغالي جدا
؟؟؟

مثلا عندما تتخذ قرار معين وبعد دراسه كل جوانبها ومعاينتها تقرر انك تمشي فيها
هذا القرار في الحالتين رح يربحك ,, بس نوعيه ونسبه الربح بتختلف
اذا كان القرار صائب وبمحلو ,, فــ وقتا بيخلي الموضوع او العمل ينجح نجاح باهر وتنشهر اكتر
واذا كان القرار غير صائب ,, فــ وقتا بتربح تجربه جديدة ولكن لازم تدفع ثمن الفشل مقدما
وبيكون هالثمن من وقتك ومزاجك ومرات اعصابك وتقبل فشلك بصدر رحب
لازم ترجع ادراجك وتعييد النظر من اول وجديد وتحاول تشوف الموضوع من اكثر من زاوية

* من لم يمت بالسيف مات بغيره كناية عن روح المغامرة والتغيير يحتاج جرأة كافية أقصد التغيير الإيجابي كيف نقنع الأشخاص بقبول التغيير خاصة أنها صُنعت من زمن تكوينه منذ نشأته
؟؟؟

آصبتي دكتورتنا الغاليه بقولك وتشبيهك الدقيق
وذكرتيني بمثل كوردي مغزاه انو الانسان مش ثور لحتى يبقى في جلد واحد !!
وقصدو ضروري انو البشر يحاولو يغيرو ويتطورو من حالن ومايتوقفو ع نقطه معينه

وبخصوص محاوله اقناع الاخرين بضرورة التغيير
لازم نجيب لالهم امثلة حية من قلب الواقع حتى يلفت نظرهم
وتبلش الفكرة تبرق بدماغهم ويفكرو انو فعلا التغيير مرات ضرورية ومرات مندون التغيير مرح تمشي الحال

* التقليدي اللي يرفض التغيير رغم أنه هناك الإيجابي والسلبي وممكن يختار الإيجابي المناسب لهويته ودينه،، تلك العقول ساهمت في تأخر الأوضاع وصناعة الدول النامية صحيح الاستعمار والغرب ساهم بلا شك،، لكن الجمود من قبل تلك العقليات فعلت إرادة الثبات،، هل هذا صحيح
؟؟؟

صحيح تماما دكتورتنا وانا بوافقك الرائي بكلشي حكيتيه
مرات الجهل ومرات الخوف من تجربة شغل او مشار او طريقة جديدة
بيخلي العقول يتبلدو وللأسف بتصادف انو أصحاب هيدول العقليه هم يلي بأيدن قرارات حاسمه

ومرات العقول المقفولة او المتصدئة بيرجعو الأمم والشعوب سنين لورا
آذا كانو نخبة العلماء والمفكرين والمثقفين من هيدول العقليات

* التنميط الذهني نوع من أنواع الخداع برسم صورة غير واقعية لكنها تبدو واقعية حقيقة لأن من صنعها أراد أن تكون حقيقة،،، هل تاتي تسير وفق التنميط أم وفق موضوعية الحكم والتثبت الذاتي
؟؟؟

عجبني كتير التوضيح الجميل يلي سبقت سؤالك
وهيدا جوابي / آنا بمشي وفق موضوعية الحكم والتثبيت الذاتي

https://www.al2la.com/vb/2158612-post452.html

أتفق يا الرائعة وبشدة أن تترك بصمة وأثر إيجابي ينتفع به،، هناك العديد من الأشخاص ينتقد لمجرد النقد اللي اسميه شخصيا نقد اللامعنى حقيقة ،، لأن تلك الشخصية عندما تسألها وأين ما صنعت يداك يكف لسانه عن النطق،، فكيف يترك المرء ما يستحق الذكر بالخير
؟؟؟

فعلا دكتورتنا اصبتي بالتقاط وبيان مدى ازدواجية هولي الناس
مــ آمثال هيدول يلي بيكرهو الناس في النقد
وعطول بقول لازم يكون النقد لمصلحه وفائده الشخص
او لتبادل الحوارات مع البعض بطريقه متحضرة او لتوضحيح بعض الخلل

(بس هون اهم شي لازم يكون أسلوب الناقد هين ولين ويبرهن للمنتقد منه انو مش مقصود ابدا
والنقد مش لشخصو ولذاتو , ويحاول يوضح وجهات نظرو بامثله واقعيه كرمال يقدر يقنع الطرف التاني)
والا شو دور ومنفعه النقد اذا كان مجرد تفريغ كلام او ثرثرة بلا هدف !!

ومتل ماانتي حكيتي: لأن تلك الشخصية عندما تسألها وأين ما صنعت يداك يكف لسانه عن النطق
هون بينطبق عليه قول ربنا سبحانه وتعالى (لا يسخر قوم من قوم عسى أن يكونو خيرا منهم)

وما هو معياركِ في التمييز والترجيح بين المستحق من عكسه
؟؟؟

بحسب العطاء وكمية الاعمال المقدمه ويلي فيهم منفعه لاغلب الناس
واديش الشغل يكون في اجتهاد وعمل حصري
لآنو عطول يلي من القلب بيوصل للقلب بأبسط واسرع طريقة

وأنتِ بلا شك تركتي في المنتدى أثر رائع وجميل وبصمة تستحق الإشادة

الله يخليكي ويسعدك غاليتي
هيدا من كتر ذوقك ولطفك وشهادة كتير غاليه ع قلبي من شخص اغلى

وهيدا آجاباتي ع البارت الرابع من آسئلات دكتورتنا الجميله

**ŢαŢμαŊα** · 08-04-21, 06:33 PM

المشاركة الأصلية كتبت بواسطة الدكتورة

تظهر المعادن وقت الشدايد،، فلا تحكم على شخص حتى تصاب بمنحة فإن بقى فتلك منحة ربانية وإن تخلى فذاك سوء اختيار وخبرة جديدة تضاف لك من خبرات الحياة
***

تعقيبك كتير واقعي وجميل دكتورتنا الله يعافيكي

* هل يوجد الخل الوفي( الشخصية اللي تقف معكِ وقت المحن) ؟؟؟

كتر خير الله يوجد هالشخصية في حياتي وهم آكثر من شخص 1

* أين الخطأ في اختيار الأشخاص اللي اثبتت التجارب أنهم لم يكونوا يستحقون رحلتنا معهم في الحياة
؟؟؟

دكتورتنا هو في آكثر من خطأ في آختيار الصديق
آقواهمتوقعاتنا الكبيرة من هالاشخاص اننن رح يكونو معنا بكل المواقف ومايتغيير مشاعرهم
وبيضلو بنفس الإخلاص والوفاء لالنا ,, متناسيين انو هيدا هو توقعاتنا وامنياتنا نحن

يمكن بالواقع مابيتحقق او صعب او نادر التحقيق انو نلاقي كل هولي المزايا في صديق 1
لهيك للازم نكون واقعيين في اختيارنا للاصدقاء ومانحملهم اكثر من طاقتهم
وكمان مش شرط انو نشاركهم في ادق تفاصيل حياتنا او احلامنا او خصوصياتنا

ومرات ما بيكون الخلل منا ,, انما الخيانة بيكون طبع الشخص يلي مسمي حالو صديق
لآني واثقه كل الثقة انو يلي عنجد صديق مابيقدر يخون او يغدر
يمكن يقل محبتو او يبتعد ,, بس مستحيل يتقلب لعدو ويحاول يأذيك
ويمكن يكون من البداية منافق وبارع في التمثيل والخداع ونيتو مش سليمة لحتى يوصل لقربك
ويعرف نقاط ضعفط وقوتك وكمان اسرارك يلا يحاول يضربك
لهيك مرات نحنا لازم ندفع تمن اختيارنا الغلط ,, وربنا يبعدنا عن هالافاعي البشريه

* عند النتيجة بالخذلان تلوم تاتي نفسها على سوء الاختيار أم الشخص لأنه ليس بقدر الثقة الممنوحة
؟؟؟

متل ماوضحت في الجوابي المفصل السابق
يمكن يكون السببين صحيحين ومن الشخصين
الاول لانو تأمل خيرا واختار بناءا ع العاطفه وحسن النية الاكتر من لازم وعدم واقعية
ويمكن يكون السبب من الشخص التاني يلي طلع خاين العشرة

* إعادة تدوير أولئك الأشخاص هل ممكن بعد محطة الخذلان في حياة تاتي
؟؟؟

شخصيا بآمن آنو كل شخص بيستحق فرصه تانية
بس ..... بيتوقف إعطاء الفرصة او عدمها قياسا مع حجم الخطأ وتأثيره على الشخص ال1
وحسب درجه قرب الشخص المؤذي من الشخص الأول

وبرائي احسن شي كرمال تعطي فرصه 2 لشخص اعترف بخطئو وندم ع فعلتو
أنك تحطو تحت التجارب وتختبرو بأثر من موقف يلا فيك تعطيه فرصه التدوير الثانية
ومع هيدا ثقتي فيه بيكون بنصف الثقة الممنوحة السابقة لالو

https://www.al2la.com/vb/2233285-post560.html

هل مثل لكِ هذا النوع معنى السكينة
؟؟؟

آصبتي دكتورتنا هيدا احد معاني السكينة
ومحاولة لإيجاد النفس والمواهب والكنوز الدفينة جوات كلواحد منا

* متى تغوص تاتي مفتشه عن مكنونات الذات
؟؟؟

بل قولي : متى تتوقف تاتي عن الغوص والابحار والتفتيش عن مكنونات وكنوز النفس ؟؟!!
لاني من زمان بعرف انو فيى هيدي الميزه وانا بالفعل باحثه قوية عن النفس البشرية
وعن كلشي موجود ع هالكوكب الجميل وعن عالم المعرفة
وعندي نهم كبير لمعرفة واكتشاف أشياء واسرار جديده

ماذا حوت النفس من مكنونات
؟؟؟

عشق كبير للمعرفة والعلم والاستفادة بقدر كبير من العلم وتحويلها لافعال او نصايح
الاستمرار بالبحث والاستكشافات وهيدا بيشبع طموحاتي ورغبتي الكبيرة في المعرفة
و2 شي بيزيد مخزوني الحياتي والعلمي
و3 بيعتبر كــ نوع من العبادة وتحميد وتمجيد للخالق العظيم ربنا سبحانه وتعالى
يلي خلقنا نحنا والكون وكل يلي بيعيشو معنا ع نفس الكون بأحسن صورة وحثنا ع البحث والاستكشاف
ولمعرفة اغلب اسرار وحقائق والاستفادة منن

أكيد نفائس ودرر
:montaser_205:

وآنتي والله من اجمل النفائس والدرر يلي بتزين حياتنا
ربنا يخليكي لالنا ويزيد من بريقك ونورك وتأثيرك الرائع ع يلي حواليكي

وهيدا آجاباتي ع البارت الخامس من آسئلات دكتورتنا الجميله

**ŢαŢμαŊα** · 08-04-21, 10:49 PM

المشاركة الأصلية كتبت بواسطة الدكتورة

الله على هنا
نعم
هناك نسيان ولكن هناك ذكريات لا تموت أتفق وبشدة
،،،

* هل تاتي من النوع اللي ينسى كثير ؟؟؟

تسلميلي غاليتي سرني انو الكلام نال اعجابك
بالعكس آنا من النوع الكتير وفي ومخلص لهيك مابنسى بسهولة

* ما هي الذكريات الخالدة في حياة تاتي
؟؟؟

بعض ذكريات الطفولة والصبا والدراسة والاهل والصديقات

* ألبوم الذكرى،،، تصفحي لنا صوره وأخبرينا عن كل صورة في ذاك الألبوم
؟؟؟

هيدي آحد صور آلبوم ذكرياتي = بيزبط بيشبه بيت جدو

وقت كنا بنزور جدي وستي (الله يرحمهم) يلي كانو بيعيشو بمدينة 2
وكنت بقضى اجمل أيام طفولتي في بيتن وفي منطقتن الطبيعية الخلابة
طبعا بيت جدو كان بنفس موديل هيدا البيت بس كان اكبر وبيحتوي مساحتو ع 4 مباني
هيدي كانت البناية الرئيسية وبعد في مبنى وسط ع اليمين يلي وقت رجوعنا كنا نعيش فيه
وع الشمال في مبنايين للمطبخ وغرف الاكل والافران ,, ومبنى للحمامات وغرف الغسيل
وكانو الكراج بالوراء والو أبواب من خلف البناية ,, وبوسط كل البنايات كان في 3 جناين كبيرة

آكيد رح بتذكر اديش كنت بلعب انا واخواتي واديش كنا منقضي week_end بيعقد
وقضينا فيه اجمل أيام حياتنا ومش بس هيك الأسواق والشوارع المدينه وحدائقها كلشي كان رائع
قد ماعجبني تصاميم المباني بكل تفاصيلها الدقيقه وتوزيع الحدائق الــ تلاته بيناتن
لهيك من زغري كنت بحلم اني صير مهندسة لما اكبر وكتر خير الله تحقق الحلم

https://www.al2la.com/vb/2266377-post634.html

هل يوجد في عالم الخلود ساعة
؟؟؟

بل ساعات وكل ساعة بيرجعك لنفس الزمان والمكان يلي كانو بيجمعو ماضيك الجميل
ولآنها خالدة في ذاكرتنا وعقلنا الباطني وفي قلوبنا آكيد بين الاونه والأخرى بنتذكرها بكل حب وشوق
بس بذات الوقت مالازم ننسى الحاضر ونضل معلقين ع اطلال الماضي
بيكفي تكون نقاط مضيئة (spot light) بحياتنا نرجعلو لوقت قصير ونطلع منو بحماس وتفاؤل لنكفي واقعنا ومستقبلنا

متى يمر وقت تاتي بطئ/ سريع/ ومتى تحين لحظة الخلود
؟؟؟

يمر وقتي بطيء ...
لما بنطر حدوث شي جميل او بكون مريضة ولازم تاخد المرض فترتها المحدده

ويمر وقتي سريع ...
لما بعيش لحظات سعيدة مع اهلي او رفقاتي او وقت نسافر رحلات عائلية خارج البلد
وقتا مابلحق اتهنى بين زيارة أماكن ومتاحف وشوبينغ وبين اخذ الصور وبين عيش اللحظه والاستمتاع بيه

اما لحظه الخلود ...
فــ هيا موجوده بحياتي مثل ماذكرت سابقا بس ع شكل سبوت لايتات

* الأوقات تلك أي الأوقت تصح للنسيان وأيها غير قابل إلا أن يكون ذكرى خالدة
؟؟؟

برائي الأوقات العصيبة والحزينة لازم نقلل من تذكرو وقد مافينا نضعف تأثيرو ع نفسياتنا
بس الأوقات الخالدة لازم نتذكرو بين الحين والتاني ,, ومتل ماذكرت سابقا لوقت قصير
ومش لدرجة انو نحنا ننسى نفسنا ونحبس حالنا بالماضي ,, لازم نعمل بالانس واقهي
بمامعنى انو ضروري يكون حنينا للماضي وأجرينا ع الحاضر وعيوننا ع المستقبل

https://www.al2la.com/vb/2303737-post707.html

خلقت الذكريات هنا
منها الجميل والقبيح
ويظل الوطن أجمل الذكريات حتى وإن عاش المنتمي لها في المنفى أو المهجر
كيف ترى تاتي ذلك
؟؟؟

بوافقك الرائي تماما دكتورتنا
المشكلة انو الانسان لما بينجبر يترك وطنو وينقلع من جذورو
هيدا لحالو متل الكوما حتى لو الشخص ضل عايش رح يفقد نصف قوتو وحماسو وسعادتو
وهلآ بهيدي الزمانات انتي بتعرفي كيف أحوال اخواتنا واخوننا في بلدان المهجر
واديش هني بيعانو ,, ومع هيدا مقررين انن مايرجعو مره 2 لنفس الوطن يلي مااحتواهم ولا قدرهم

* هنا نلمس حتى الذكريات السئة بقت في الذاكرة فليس كل جميل فقط تحفظه الذاكره،،، هل بالفعل الأشياء القبيحة المحزنة تظل عالقة بصورة أكبر في ذاكرتنا
؟؟؟

فعلا غاليتي ... هيدي للأسف حقيقة مره
الأشياء الحزينه بتضل عالقه بالذاكرة لوقت أطول ,, مش لانو عدد الحوادث الحزينة بحياتنا اكتر من المفرحه
1- وانما لانو تأثير الأشياء الحزينة بتكون اقوى بكتير واعمق من الأشياء الحزينه
مع انو لازم يكون معنا العكس ,, بس الانسان بطبيعتو بسرعه بينسى أوقات فرحو وسعادتو
بي بذات الوقت يضل يتذكر ادق تفاصيلو الحزينة والمؤثرة

2- يمكن لانو وقت الفرح بنستعمل أقل قدر من الحواس والخلايا
بس وقت الحزن نستعمل كل حواسنا ونستشعر اللحظه وتخزن بدماغنا بصورة اعمق وادق

ربنا يبعد عنك وعني وعن الكل الأوقات الحزينة

وهيدا آجاباتي ع البارت السادس من آسئلات دكتورتنا الجميله

**ŢαŢμαŊα** · 08-04-21, 11:24 PM

المشاركة الأصلية كتبت بواسطة الدكتورة

الموت
بشكل مادي صحيحة العبارة
وبشكل معنوي أرفضها فكم من أحياء أموات وكم من أموات تحت التراب خالدين
أحياء في قلوبنا
***

* متى يكون الحي مثل ذاك الشخص الميت
؟؟؟

عندما ينعدم دورو وتأثيرو في الحياه
وبيكون متل نسخ مستنسخه مالو روح ولا فكر
وبيكون تابع ومعتمد ع الاخرين ويلغى هويتو وشخصيتو وكيانو

* كيف نعيده لدورة الحياة مرة أخرى
؟؟؟

ع الاكتر هيدول الأشخاص بدن صفعه قويه لحتى يرجعو لدورة الحياة
لآنن متل يلي فايتين بالغيبوبة مابيوعو بآكشن بسيط
اما بعض الأشخاص فــ يمكن ينفع معن النصح او المحاولات التوعوية
وبعض الناس لما بيشوفو تجارب متقاربة لتجاربهم يمكن يتأثرو يحاولو يلاقو نفسهم بلاول
يلا يدورو ع هوياتهم وادوارهم الحقيقية والمستحقة في الحياة

* انقطاع العمل لبني آدم
إلا من
علم ينتفع به
أو
ولد يدعو له
أو
صدقة جارية

هذا عمل يد الشخص قبل موته فيحصد تلك الأمور أو لا يستحق حصادها ماذا ترين يا تاتي
؟؟؟

آكيد دكتورتنا طالما هالحديث مذكور فــ هيدول الأشخاص بيستاهلو
ومع هيدا يمكن يجو اشخاص اكتر منهم فائدة للناس , بس يمكن ربنا مش كاتبلن الخلفة
او يمكن ماعندن إمكانية تقديم عمل يضمن الصدقة الجارية لالن
حتى يمكن يكونو علماء فاضليين بزمانهم ,, بس بسبب معاداة عامة الناس مابينتفعو من علمو
وهيدول رح بيكونو تحت رحمة رب العالمين ونشالله رح يجزاهم خيرا

https://www.al2la.com/vb/2482810-post1012.html
ألم أقل العبرة بالخواتيم

هل هناك من غادر الحياة وبقى خالدا مع تاتي
؟؟؟

فعلا العبرة والاهم الخواتيم والاستمرارية بلاهتمام
ويلي غادرو حياة تاتي لقضاء وقدر ربنا هم الخالدين في حياة تاتي
متل اجدادي وجداتي خالي الكبير وعمي الصغير

وهل هناك من عالم الأحياء الصامدون الأوفياء
؟؟؟

نعم دكتورتنا ... هم موجودين حوالينا
بس مرات يمكن نحنا مامنقشعهم او مامنحس بوجودهم
مرات الصديقة بتكون متل القريبة او قريبة بتقوم بدور الأخت

https://www.al2la.com/vb/2768585-post1542.html

متى يخسر الشخص عافيته وترحل عن عالم خلوده
؟؟؟

وقت يعطي أهمية لبعض الاشياء واشخاص ومواضيع مابيستاهلو
وقت يدقق ع كل حكي وكل تصرف وكل حركة
هيك بيضيع وقتو من ميله ومزاجو وعافيتو من ميله 2
واكبر ضياع في حياة الانسان انو يحاول يكسب رضا الاخرين وهيدا شي شبه مستحيل
لآنو رضا الناس غاية لا تدرك ,, بس رضا الله غاية لا تترك

https://www.al2la.com/vb/2831291-post2122.html

صحيح شهادة وفاة لكنها أهم الشهادات مكتوبة بالملي

،،،

ما أعظم شهادات الدنيا التي ينالها الشخص لتكتب في شهادة وفاته
؟؟؟

بدايتا شهادة رضا الوالدين ,, لانها بتؤدى الى رضا الله سبحانه وتعالى
شهادة حسن التربية لاطفالنا وتعليمهم مباديء ديننا السامي وتقديم نماذج ناجحه وصالحه للمجتمع
وشهاده العبد الصالح الشكور ,, لاثبات عبوديتنا لرب العالمين
وشهاده نبل الاخلاق وحسن التصرف مع الناس
وشهاده نفع الناس ونفع ذاتنا بعلمنا وعملنا وفكرنا ومواهبنا

وما أعظم الشهادات التي حصدتها تاتي في الدنيا
؟؟؟

في منن يلي ذكرتن في جوابي السابق صارو معي
وفي منن رح بحاول انالهم بمشيئة رب العالمين

https://www.al2la.com/vb/2851329-post2368.html

كيف تكون المحافظة على خلود المبادئ والقيم هنا
؟؟؟

بتطبيق النصيحة الثمينة الموجودة في التدوينة المذكورة
لآنو فعلا الانسحاب من هيدول المواقف الـــ 3 بيكون اكبر ربح وانتصار لشخصك وذاتك

الانسحاب رائع في هذه الحالات

فعلا دكتورتنا الانسحاب بيكون افضل حل مع الحالات الموضحه

***

وهيدا آجاباتي ع البارت السابع من آسئلات دكتورتنا الجميله

**ŢαŢμαŊα** · 08-05-21, 11:11 PM

المشاركة الأصلية كتبت بواسطة الدكتورة

الحكمة عصارة خبرات الحياة
***

درج يا تاتي لدينا أن الحكيم ككلمة تُقال لمن بلغ من العمر ما بلغ ،، لأن الحياة اعطته خبرة كافية،، هل تؤمنين أن الحكمة مقترنة بعمر
؟؟؟

نسبيا بؤمن بانو العمر رح يكسب نضج ومعرفة اضافية
بس بشكل قاطع واكبر بأمن انو الحكمة تكتسب :-
حسب كتر التجارب يلي مرق فيها الشخص وقدر يستفيد منهم او لاء
وحسب إيجاد طرق الحلول والخروج من المازق ونفع الاخرين بعلمه وعلمه وخبراته

وبشكل عام الشخص الحكيم لازم يتواجد فيه صفات ثابته وهم :-
الصبر ,, طوله البال ,, قوة البصيرة ,, القدرة ع حل المشاكل وتنوير الطريق للاخرين
عدم اطلاق الاحكام حسب الاهواء والعواطف ولا حسب المعارف والمصالح

* أفلاطون رأى أن الفلاسفة وحدهم يمثلون رأس الحكمة لذا هو وحدهم المستحقين الحكم،، ما رأيك
؟؟؟

مابوافق مع كلام افلاطون بشكل قاطع
لآنو من ضمن الأشخاص الناضجين والواعيين والصبورين والناجحين فينا نلاقي مئات الحكماء
فـــ الحكمة منوطه بصفات ومزايا وخبرات وأفكار الأشخاص وليس فقط بمهناتهم او أعمالهم

* أفلاطون هو بزاتوااا الشخص اللي أقر بعدم إمكانية تحقيق حلمه من خلال كتابه الجمهورية اللي تحدث فيه عن المدينة الأفلاطونية الفاضلة،، ولهذا بدا أكثر عقلانية وحكمة ومنطقية عندما كتب مؤلفيه السياسة والقانون في آخر حياته ،،، تربط هنا بالحكمة
؟؟؟

بوافقك الرائي والتحليل دكتورتنا الغاليه
ويمكن لآنو في اعماله الأخيرة تجرد من العواطف لهيك قد مابنبتعد عن العاطفه بنتقرب من المنطق والعقل اكتر

*العند والحظ،،، ألا ينبغي أن نعاند سوء الحظ كي نكسب رهان التحدي
؟؟؟

برائي المفتاح او المدخل لحل هيدي المشكلة هي
بأنو مابنعترف بوجود حظ سيء في حياتنا
يمكن فينا نسميه خطأ في تقدير الأشخاص والاشياء او نوع من التقصير
ويمكن نعتبرو كــ نوع من التوبيخ الرباني لتصرف خاطيء بدر منا تجاه الاخرين
ولانو رب العالمين بيحبنا وبدو يواعينا ع اغلاطنا الزغيرة والغير مقصوده لحتى مايزيدو ومايكبرو اكتر

* عادة يا تاتي الإنسان تتحكم فيه مشاعره في أمور الفوز/ الخسارة فكيف نفرح لو عبس لنا الحظ،، لماذا لا نسعى لتغيير أقدارنا طالما لا نعلم الغيب فلماذا لا نقلبه ونجد ولا يلقاها إلا ذو حظ عظيم،،، عموما أنا ماحب المكشرين
أن ما ابتسم وألا غيرت وجه الحظ بكبره يا تاتي

والله انا كمان متلك ياست الحسن
بحب التفاؤل والإرادة القوية وعدم الاستسلام
بس قصدت انو لازم نتعود ع بعض الخسارات في حياتنا
لازم نكون منطقيين وواقعيين يعني بالنهاية مش كلحدا بيقدر يربح كل الأشياء يلي بدوياه وبيسعدو

ماهو قدوتنا خاتم الأنبياء (عليه افضل الصلوات والسلام) احب واقرب عباد الله من ربنا سبحانه وتعالى
هو قدر يربح كل شي او قدر يكون حياتو كلو مليان سعادة وهناء ورخاء ؟؟!!
لحتى نحنا كمان نتمنى ننال كلشي ؟؟ لهيك برجع وبقول لازم نكون واقعيين
ونقبل ببعض الفشل والاشياء الغير مفرحه اذا مكان فينا نغيرهم وكانو قدر ونصيب من رب العالمين

https://www.al2la.com/vb/2884263-post2741.html

كيف يكون التفكير أداة من أدوات تغيير سوء الحظ
؟؟؟

بدايتا بانو نقتنع انو هيدا السوء الحظ او المشكله ماهي الا اختبار رباني لالنا
وبعدين نرجع ونعترف بقوتنا وقدرتنا ع الثبات وتحليل جوانب المشكله برويه
او الصبر وطولة البال لايجاد طرق الحلول المناسبة وتجربتها لحتى نشوف الطريقه الناجحه شو هيا
يلا فينا نعترف انو نحنا قدرنا نتغلب ع المشكله وننجح في الاختبار
والاهم نقلب سوء حظنا لحظ ناجح وجميل ونكون مثال نافع وحي للاخرين

وهيدا آجاباتي ع البارت الثامن من آسئلات دكتورتنا الجميله

المشاركة الأصلية كتبت بواسطة الدكتورة

أما عن حظي فكان حلو طالما كنت برفقتكِ يا ملكة الذوق
أتوقف هنا
،،،

ولي مع السعادة موعد بلا شك

والله انا حظي اجمل واسعد بوجودك دكتورتنا الغاليه
وبالاجابة بكل دقه على اسئلاتك ومشاركاتك القيمه جدا
بتمنى انن ينالو اعجابك واعجاب واستفادة عشاق هيدا الموضوع الرائع
واكيد اهلين فيكي بكل الأوقات وانتي بتنوريني ياقمر

**الدكتورة** · 08-06-21, 04:45 PM

يااا مسااا الورد والسعادة والفرح
على ملكة الذوق
تاتي

اتمنى أنج قضيتي إجازة سعيدة ،،
وبشريني
هل أنهيتي الجزء الثالث من الناقد على أساس آخذ راحتي
تصوري كل ذي الأجرام ومش ماخذة راحتي

بالفعل ودي أعرف إذا انهيتي الالتزام من الجزء الأخير على أساس إذا انتهيتي من الإجابة على الأسئلة نلحقها بالجديد
،،،

فمهام المراقبة+ الناقد = عبء ثقيل وما ودي تكون الأسئلة أيضا معاهم عشان ما نثقل عليج
،،،

عموما مما فات ومن خلال الإجابات
هنا
إنسانة راقية مثقفة الجميل أن تكون مناقشتها مثرية لكل من يمر بها من خلال إثارة العديد من التساؤلات،، وتكوين اتجاهات من مع أو ضد،، والتعرف على أشياء جديدة

،،،

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج