اللهم أرزقنا من العافية أكملها ومن الدنيا خيرها ومن الآخره نعيمها ..

صباح الخير

صباح الخير للي ناموا بدري ومع زقزقة العصافير وهم صاحين

حكمة اليوم تقول :

إن ضاقت من الخلان ارقص مع الخبلان
احيانا الخبلان افضل من العاقلين

	منوره ياسحايب شماليه والله يجزاك خير يارب .. ريح الشمال وريحة هلي تملا اخوك رومانس كل مامريت ب اسمك اشوف حائل والقاني ماسك الخط ومتعدي محطة المشعان لمفرق العلا لبيضا نثيل واسبطر والشملي وهاكالديار تصدقين مشتهي خبز صاج وسمن بري وشاي مخدر وشبة ضو وفروه وياليت كل ذي تكون في راس طعس( ن) عسير المنالي مايدهله كود جيب شاص وارد بريمي وثلة من الزكرت المطانيخ وبس والله.. اعلاه بنكهة شماليه بحته

بوجودك النور اخوي رومانس واهل مسك

يوووه كلامك عن هاكالديار خلاني اتهيض ودي امسك خط لحائل وادعس بانزين

واشغل عيسى البحيري اغنية يسيل وادي الغيل ههههههههه الذوق عندي معدوم

بلا ابو نوره وغيره لين اشوف جبال وطعوس حائل يرجعلي ضبط المصنع والتهيئه

الله يجيب الخير والامطار وانصب خيمتي بذيك الطعوس بعيداً عن البيوت والاجهزه

واريح راسي بين الطبيعه وعلى قولتك خبز صاج وكاسة حليب بالزنجبيل في الصبحيه

اجمل من كافيهات وبحر الشرقيه كلها اظن اني دقه قديمه نظام شيبان


وهل فيه اجمل من الشمال بدون نقصان بالبقيه

إن أصبحت مُعافى في جسدك فقُل " الحمد لله "
هذهِ النعمة هي أغلى ما يتمناه آلاف البشر مِن حولك في هذه اللحظة ..


صباح الخير

أنا هالفتره صايره ماعندي وقت فراغ كل وقتي مضغوطه
لِأجل كذا ودي بعزله بعض الوقت لنفسي بدون احد لاجل اصفي مخي
وارتاح حتى من برامج هالتواصل هالاجتماعي خاااصه الواتس اكرهه لكن
مضطره اخليه مااحذفه لاجل قروبات القرايب والصديقات مجامله لهم
احياناً حتى لو سويت تسلل وخروج من بعضها يرجعوني للقروب ملاقيف
الوكاد الواتس صاير غثيث ومصدر ازعاج ورسائل كلها مكرره ومضيعه للوقت


مجرد تحلطم