سحايب ... اذا لفيتي مع مفرق العلا وانتي وجهك لدليهان وموقق تبين تجين بعد كم كيلو بين ضلعان وتحويلات تشلع القلب هدي معها واذا تعديتيها دزي وخلي دواسة البنزين من تحت رجلك حد الدعسسسه ولاتهدين الا احتراما وتقديرا لساهر هههههه وبس اعلاه برضو بنكهة شماليه ..

والله اخبرهم هذيك الضلعان والتحويلات قبل العام مريتهم وحنا راجعين من موقق والحفير تمشيه
بس عاد وين تبيني ادعس ههههههه الظاهر بوجهي لتبوك مرورا بالصنيناء والشملي الله على ذيك الديار

عاد يبلها شيلة عود ريحان بجال الرهيه

هاتوا الجمس الحمر واتركوني
ودي امشي بالديار الخليه

صباح الخير والرحمة لقلبي وقلوبكم
صباح الصفاء والنقاء والابتسامه

ابتسموا للحياة مثل هذا الفيس
رغم سقوط احد اسنانه إلا انه مبتسم وحواجبه ترقص

كنت داخله من متصفح فايرفوكس وماقدرت انزل مشاركات بالمنتدى
لين غيرت لمتصفح جوجل مع ان متصفح فايرفوكس بالمواقع الثانيه شغال معي
مادري وش المشكله

صباح الخير ..
" إفعل ما يُسعدك فالأيام لا تعود "

صباح الخير

بعض الناس جايين يصبحون وهم متطعمين بفايزر
يدي اليسار احس متخدره مااقدر ارفعها او احركها ألم حيييل
كأنها مو ابره اللي اعطتني ايها حاسه كانه مسمار
امس الظهر اخذته التطعيم اليوم متخدر جسمي والمغثه ويكند يعني منثبره بالبيت
وكملت بعد ابو الشباب له شهر مسافر ورجع قبل البارح يعني توقيت التطعيم زفت
والله اليوم حالتي مثل سالفة اللي يمشي ويعرج قالوا وش فيك قال ضرسي يألمني ههههههه
يعني مايدري منين جهة الالم من شدته