طيب ليش ماعلمتيني من بدري ؟ههههه والله يا سحابتي الجميله اتفق معك و بشده وبالنهاية كل شيء نصيب

اهلن اهلن باللي حظرت هنودتي
شوفي الزواج لازم يكون فيه عنصر من المفاجأه بعدين نعرف
خليك متفاجأه هههههههههه الزواج كله على بعضه مفاجأت
كل شيء من اقدار الله فيه خير لنا ونحنُ لانعلم

صباح الخير يالغوالي
عوده لكم من بعد غيبه وحشتوني فـ انتم بيتي الثاني
بس قلت اريح شوي من برامج التواصل الاجتماعي وانشغلت شويات
مع ان برامج التواصل الاجتماعي صارت من ضمن حياتنا اليوميه
ولا نقدر نستغني عنها رغم انها اشغلتنا عن تواصلنا مع القرايب والاصدقاء
ويمضي معظم وقتنا عليها لان كل شيء نريد معرفته نجدهُ فيها
من اخبار واحداث يوميه خاصة انا لي سنوات مااتابع التلفزيون إلا اذا صدفه
لان كل شيء موجود بالجوال صار الاستغناء عن التلفزيون عادي
مو ذاك الاهميه بالنسبه لي
عاد مادري وش اللي خلاني اقول هالكلام غير اني سهرانه وطفشانه
وجالسه بالحوش ومضبطه الجلسه ولابسه فروتي بهالبرد
كأني عجوز متهاوشه مع ابو عيالها وزعلانه
المهم اخباركم خيمتوا بالعطله او سافرتوا وإلا جالسين بالبيت مثل حالتي
هالعطله من قصرها غمض عين فتح عين جت المدرسه

ابتسامة صباحيه

من المواقف الطريفه وحده تقول
أمي اول ماجابوا تلفزيون كانت جدتي تخليهم يرتبون البيت
عشان المذيع يشوف البيت نظيف ومرتب
وتتغطا وتقول لخالاتي تغطوا لا يكشفكم
ويسكرون التلفزيون الين يخلصون مشاغلهم
على اساس المذيع ينتظرهم

الزوار اللي تحت جالسين يالله انك تحييهم اقلطوا تقهوووا

يوم الجمعة افضل ايام الاسبوع فيه ساعة استجابة
أكثروا من الدعاء والاستغفار لِـ أنفسكم ولِـ أهاليكم واولادكم
ولمن على الأسرة البيضاء ادعوا لهم بالشفاء العاجل
ويلبسهم ثوب الصحة والعافيه والهناء
ولمن رحلوا عنا ولم يبقى لهم إلا الدعاء فلا تبخلوا عليهم من صالح دعائكم ..
اللهم ارحم امي وابوي وجميع امواتنا واموات المسلمين ..

صبحكم الله بالخيرات

الحمدلله بلا سبب ، الحمدلله بلا طلب
الحمدلله بلا عدد ، الحمدلله حتى يرضى ..