ألسلام عليكم ورحمة الله وبركاته

أتردد كثير من النزول بساحة الشعراء هنا
طمعاً فيما يرضي ذائقة الأعضاء الكرام
واليوم كانت هنا قصيدتي المتواضعه



أم المعارك




إسمحو لي، أحدّ سنان قيفاني وحروفها
عندي أم المعارك طاحنه ، لها جعجعه

لحدٍ يردني ، وحربي انا كفو لها وندّها
حلفت اني أذوّق عداي حرّ الموجعه

خصمي مياعه مدري دنائه زاد حدّها
كنّ المجاري طفح صرفها من منبعه

أشباه الرجال مع بُويةٍ تناطح أصلها
ماتدري المقّبل فيهم وش مرجعه

حلال فيهم الجلد بالعصا واخواتها
وودي بعد كيّه بأعلى الراس مربّعه

الناس ماعاد تنكر المنكر بحسّها
كلّ لزم كهفه وصمْ اذنه ومسمعه

ماعاد فيها مهادن وجاك عِلمها
علي الملازم أعيّر السافل واردعه

وارد السفاله بجدّ الكلمه وهزلها
وكم كلمةٍ جرّت على الخد مدمعه

لاتوانى في كيّ الكبود ووسمها
خلّ الردي يعرف قدره و موضعه

يهمني مما سبق ،المبادي ورسمها
عهدٍ عليّ ماتضيع وبالقوافي سعه



النايفه

صح بدنك يالجود

منوره ياغلاي

أساسا العنوان لحاله يردع الأعضاء عن الدخول هنا
ماعليك بالملكيه ، الحقوق محفوظه لك طال عمرك

وأستسمحك وأستسمح الأعضاء لما في القصيده من حده
هذا كله في سبيل التبرؤ من الدبدوب
والعوده لحمل العجرا من جديد

حياك بكل وقت ويشرفني مرورك