هل يجوز للطبيب النفسي
أنه يشخص حالة شخص
ما طلب منه تشخيص ولا راح عنده ولا قاله عالجني ؟
وهل يجوز يتكلم عن حالته قدام الناس ؟
ماهي أخلاقيات الطب النفسي ؟


أدري في ناس يتكلمون بشكل عام عن علم النفس
والطب النفسي
وأنا ما أقصد هالنوع
أقصد النوع اللي يتكلم عن ناس معينين ويفضح أسرارهم

أخوي الكبير يعمل في المستشفى
وأذكر مرة كنا نتكلم عن هالموضوع
وقالي ممنوع يتكلمون عن حالة المريض قدام الناس
ولازم يكون فيه خصوصية بين الطبيب النفسي والمريض

>> الخصوصية منعدمة عند البعض

هذاك اليوم لما رحت المكتبة
اشتريت رواية " رامي السهم "
جميلة هالرواية وعجبتني جداً فيها حكم ودرر
تعلمك كيف تصير مثل رامي السهم في الحياة
وكيف تصوب على هدفك بدقة وبراعة


من قبل هالرواية وأنا أسوي مثل هالشي أصلاً
لما أحط في بالي هدف
أتخيل نفسي مثل رامي السهم
وكأني ماسكة القوس والسهم وأصوب ع الهدف
وأهم شي ما أستسلم ويصير عندي إصرار مو طبيعي
حتى لو ما نجحت من أول مرة عادي أجرب أكثر من مرة
أهم شي أصوب ع الهدف في النهاية

>> أجيبه يعني أجيبه

- اقتباس من الرواية

https://youtu.be/bVG5eIhReTs

أهمية وضع النوايا

على فكرة
كلمة هدف ونية أفضل من كلمة أمنية وحلم
لأن تردداتها أعلى
إذا قلت أتمنى أو أحلم يمكن ما يتحقق الشيء
ويبقى مجرد أمنية وحلم

لكن لما أقول هدفي أن ...
أو أنوي أن ...

كذا بشوف نتيجة
الكون مسخر لنا بس لازم نحدد شنو نبي
ولازم تكون الأهداف والنوايا واضحة وما يكون عندنا تردد
يعني مو كل شوي نغير راينا
>> اللي يغيرون رايهم كل شوي يسببون إرباك للكون
يعني الكون يقولك أنت شنو اللي تبيه بالضبط حدد لو سمحت

يعني ما يصير تقول هدفي أشتري سيارة لونها أسود
وبعدين تغير وتقول لا لا أنا هدفي أشتري سيارة لونها أبيض
لازم تحدد إما أبيض أو أسود
وتحدد اسمها وكل التفاصيل والمواصفات اللي تبيها وهكذا ..


كتاب " اسأل تعط "
حلو فيه أسرار حلوة

أنا جربت الكلام اللي فيه وجذبت أشياء
والحين أخطط لأشياء أكبر

يقولون أبدأ يومك بشي حلو عشان يصير اليوم كله حلو
وأنا أحب أبدأ السنة بشي حلو وإيجابي
عشان تصير السنة كلها حلوة
أهم شي تكون مشاعري إيجابية
والحمدلله مع المطر والأجواء الحلوة مشاعري إيجابية


المهم
الشي اللي ما أفهمه
شو علاقة الكريسماس ب رأس السنة
الكريسماس يكون بتاريخ 25
وهذا مناسبة دينية ولها طقوس وكذا
لكن رأس السنة شو دخله
وايش الطقوس الدينية اللي بنسويها فيه !

>> مجرد سؤال فقط

بعلق ع التقييم هنا عشان تعرفون كيف أفكر
اها .. يعني عشانها سنة ميلادية
والله ما فكرت إذا هجرية ولا ميلادية وما دققت
أشوفها بداية سنة جديدة وبس
>> كلن على نياته

وعلى فكرة
من يوم وأنا صغيرة
في المدرسة يكتبون التاريخ الهجري والميلادي على السبورة
يعني هم اللي عودونا على التاريخ الميلادي
>> يعني تفاهموا معاهم أنا مالي دخل

يمكن أنتوا عندكم غير مو مثلنا
بس والله ما عمري فكرت فيها ب هالطريقة
ولا فكرت أني ما أعتز بقيمنا وثقافتنا وتاريخنا




تدرون تذكرت شي
مرة حطيت صورة ل القرقيعان بمنتدى
جت وحدة سبتني وقالت أنتِ شيعية
وأنا على نياتي أقول ايش دخل الشيعة بالقرقيعان
طول عمري أشوف القرقيعان عادات وتقاليد وشي تراثي وكذا
حتى ف المدرسة كان في معلمات تربية إسلامية
وما عمرهم قالوا لنا لا تحتفلون بالقرقيعان وما يجوز

المهم لا تشوفوني كأني ملاك
أو كأني أعرف كل شي بالدنيا
صح مسلمة بس مو كاملة ولا معصومة من الخطأ
وأبوي الله يرحمه كان من الناس اللي ما راح درس بجامعة وكذا
كان يروح المسجد ويحفظ ويتعلم القرآن وبس
لكن مع هذا ما كان كامل أو معصوم
نحن درسنا في المدرسة
وصار في فرق بين اللي هو تعلمه واللي نحن تعلمناه
وحتى أخواني وخواتي مو كلنا نفس التفكير
>> مرات يشوفوني متحفظة بزيادة ومعقدة ترى


المهم أحسنوا الظن وبس
وعادي لو تقولون رايكم بأي شي ما بزعل =)

>> أهم شي لحد يهاوشني