صح أني أحب الأطفال وأرحمهم
لكن الحين لو أشوف طفل
يمكن أركض وأهرب منه هههه

صاير عندي اكتفاء
عندنا بنات صغار في العائلة
مافي أولاد > أصلاً أنا أفضل البنات أكثر
بس شاركت بالاهتمام فيهم
وتعلمت الأشياء اللي ما كنت أعرفها عنهم
وحتى سمعت كلمة ماما وكل شي
>> ناقصني آخذ شهادة هههه

الحين أحس صار كل شي عادي
يمكن اللي ما عندهم أطفال يحزنون ويبونهم أكثر =)

قاعدة أحط لايكات
بس يظهر كأني مو حاطة لايك
مدري وصلتهم اللايكات ولا ؟

بصراحة بالنسبة لي
أنه يكون كل شي عادي أحسن من أنه يكون عندي تعلق
يعني مثلاً لو وحدة عندها تعلق بالأطفال
ودايماً تحلم وتتمنى أنه يصير عندها أطفال
وتشوفهم سبب سعادتها
وبعدين الواقع يجي عكس اللي تتمناه
أكيد بتنصدم وبتحزن كثيير


ف من البداية يكون الشي عادي أحسن
يعني لو صار حلو
ولو ما صار عادي الحياة مستمرة

إذا على الأحلام والخيال وكذا
أنا عندي أحلام أكبر من كوكب الأرض
بس لو ما تحققت عادي
لأني عارفة الواقع حتى لو كنت أتحلطم
الحلطمة بس كذا لأن أحب أعبر عن شعوري
لكن مو يعني أن هذا الشعور راح يستمر للأبد
أكيد راح يتغير وأعيش وأكمل الحياة عادي ..

مرات الطعنة تجينا من شخص ما نتوقعه

أمس كنت جالسة بهدوء وسلام
فجأة جتني طعنة براسي
ولا هذي بنت أختي اللي عمرها سنة
واقفة وراي و قاعدة تمشط شعري بالشوكة
وشكلها تحمست وصارت تمشط بعنف
أنا تعورت وهي فرحانة وعاجبها الوضع
ولا كأنها مسوية شي

>> براءة متوحشة



المهم
انتبهوا من البراءة الزايدة

ترى خلاص سامحت بنت أختي " لولو الصغيرة "
تصالحنا ونسيت موضوع الطعنة 😇🤍

هي مسكتني من يدي
وسحبتني >> يعني تقولي يلا نطلع
وطلعنا نمشي مع بعض
ولعبتها وضحكنا واستانسنا

ولأنها غيرت جوي وفرحتني
قررت أسامحها ❤

اللي يفرحوني أسامحهم عادي
واللي يضايقوني وينكدون علي أنكد عليهم
النظام نظام 😌👌🏻

" التغيير صعب في البداية
و فوضوي في المنتصف
و رائع في النهاية ".