|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
02-26-24, 05:59 AM | #13 | ||||||||||
|
صبـاح النـور والخير 🩵🌼 - من زمان ما كتبت شيء في المدونة وحشتني صراحة , عاد المدونة هنا متنفس ليا من جد. 😂👍 طبعًا احدثكم من اجازتي الجميلة , ولله الحمد انتهيت من الترم الثاني يوم الثلاثاء الماضي. 💪🏻🤩 ترم جميل وخفيف وربي يسره لي رغم انه كان عندي مشروع تخرج 1. والاجمل طبعًا ان الانسان يشوف جهده وتعبه ما راحوا عبث ويفرح بالنتائج واللي قدمه. 😁🩵 من زمان عن فلسفتي الشخصية صح ؟. 😂 احس عندي رغبة اهبد شوي , فما راح اخليها بخاطري بسم الله. ^^ تتوقعون الغيرة بين الاصحاب امر طبيعي وسليم ؟. يعني اعامل صديقي كأنه ملكي واحاسبه على كل صغيرة وكبيرة واراقبه ومجرد اشوفه مقرب من صديق اخر تظهر الغيرة بشكل غير طبيعي وتوصل للمقارنة والخلافات وحتى اذية الطرف الثالث اللي ماله علاقه بشكل مباشر. انا من وجهة نظري ما اشوفها امر طبيعي , مهما حاولوا يبينوا انها نزعة في الانسان , فهذا ماله مبرر عندي. صديقي مو ملكي ولا انا ملكه , لو ما احترمت مساحته الخاصة وعلاقاته مين المفروض اللي يحترمها ويقدره ؟. الغريب ؟. 😂 بل بالعكس اشوف ان الصديق الحقيقي هو اللي ينبسط لما يعرف انه عندك دائرة معارف جيدة تقدر تعتمد عليها مو بس هو لوحده , لانه اللي يبغى يكون هو مصدر كل شيء لك "ما يحبك" هو بس يبغى يسيطر عليك ويتأكد انك لما تحتاج شيء دايم راح تروح له حتى لو ما اعطاك الاهتمام او الاحتواء الكافي. واشوف انه هذه وحدة من علامات الشخصية "النرجسية". لذلك من المؤسف جدًا انه فيه ناس تحب تعيش هذا النوع من العلاقات وعلى مر السنين تسوي انها ما تشوف الاذى وتبرر للطرف الثاني مرارًا وتكرارًا. [ مع اني ما الومهم لانه اوردي الطرف الغيور مسيطر عليهم ] . بس انا ما اتقبل اعيش في بيئة بهذا الشكل لا من قريب ولا من بعيد , انا شخص لين وسهل ومرن جدًا. و دايم اوضح شخصيتي وحدودي من البداية عشان انا شخص ناضج وكبير ومسؤول عن مشاعري , الناس مو ملزمة تقعد كل شوي تحلل انا مبسوطة ولا زعلانه او الخ. الشخص اللي يطلب من الناس تفهم مشاعره وتحلله وهو ساكت ويتعامل طبيعي وبعدين فجأة ينفجر احط حدود بيني وبينه ومستحيل يوصل لمكانه مقربه عندي. انا احترم جدًا الشخص الناضج المسؤول اللي مباشرة يوضح لك مشاعره وانه فيه تصرف ما تقبله. وعلى العكس هذا يخليني بكل رحابة صدر اعرف كيف اتصرف مستقبلاً واحترم الحدود الخاصة بالشخص. اني قريب من شخص يعني اكون فاهمته وهو فاهمني وهذا مو بالصدفه يصير , هذا يعني ان الطرفين ناضجين بما فيه الكافية عشان يلاقوا ارض مشتركة مناسبه بينهم ومريحة بالنقاش والوضوح. رجاءً لا احد يمشي ورا كلام السوشل ميديا الفارغ وانه الناس المفروض اللي يهمها امرك تحس فيك بلمح البصر وتجيك بدون ما توضح لهم مين انت وايش مشاعرك كل انسان فينا عنده اشغاله وحياته ومشاكله مو معقول اني بضيق عليه عشانه صديقي بدال ما نسند بعض!! وانه عزة النفس والكرامة اهم. صحيح كرامة الانسان لا تمس , لكن افهموها بالشكل الصح, شيء ما ترضاه على نفسك لا ترضاه على غيرك. زي ما تتمنى من الطرف الثاني شيء شوف انت ايش قاعد تقدم في هذه العلاقة , هل تحملت مسؤولية علاقتك ولا تبغى الطرف الثاني هو اللي يشيل الحمل كله وانت تدلع وتدلل كأنك طفل!! مخجل جدًا ان الانسان عند اقل خلاف يحول الموضوع الى حرب كبرياء وتحامل ومن هو الاسوء. يعني لا مفارقة باحسان ولا بقاء طيب هين. وطالعين بحركات " الصمت العقابي" كم اعماركم عشان تصمتون صمت عقابي ؟. 😄 وليه تعاقب شخص مقرب او صديق ؟. احس العلاقات زمان كانت اسهل وابسط , حاليًا كل من شاف كلام على السوشل ميديا صدقه وعمل فيه بدون ما يفلتر هو وش قرأ!! 😂 احم , يب احس دحين احسن بعد ما كتبت شوية. 😂👌 الحمد لله على الكتابة + على وجود المنتديات لليوم هذا. 🤲🏻🩵 وفي النهاية يا اصدقاء اتمنى لكم يوم جميل وسعيد ومليء بالبركات والخير. 🤍🌼 ^^ | ||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||