نظرة نجمة للحياة والارتباط
وأحترام كيان الحياة
يستحق الإشادة
...
هالايام أعيش حوسة عيال اختي
صح معاهم شغالة لكن اخاف عليهم
ومن زود الخوف سحبت الاجهزة وطلعتهم للحوش بعد المغرب
سقيت الاشجار اللي بالحوش
ومريت عليهم غرقتهم موية
وتركتهم يلعبون بالطين وع بلاط الحوش زحلقة
الين ماصارو تحف
وارسلت لأمهم المقطع
تسب علي تقول مااخاف الله
قلت قدامك أسبوعين
كل يوم فعالية
كان الله بعون الأباء والأمهات
اللي عندهم دم وحاسين بالمسئولية

وراي عشا وحوسة الاخوة الاعزاء
قادمين
المهم خذيت كفايتي نوم روقاني تمام
مساكم

...
موصد الباب دون الذكريات الحزينة
وش يذرّيك ؟ لا هبّت عليك الطواري

خل كل الهموم اللي بصدرك سجينة
دام محدٍ عن اللي في حناياك داري

ما بقى للرحيل إلا صعود السفينة
ليت الأحلام كانت تستحق إنتظاري

وذهب الضيوف
في واحد الظاهر حرمته زعلانة
طلع فوق ينام..
احس تالي عمري بقلب ملجأ
طلب شاي البراد رقم أربعة
قال بنام هنا تحتاجون محرم

كنت حاسة ورا هالمداهمة واحد مجمعهم طلع هو
الاخوة السند الحقيقي
والقلوب الحانية
اللهم أخواني لأخر العمر
نيمت الفريق تبع أختي
والشغالة عطيتها غرفة جدتي تستانس..
اتوقع اول ماترجع معزبتها بتنحاش

الله إبتلاني بـ أسرة لاتقدر قراراتي
وصحبات لايربطنا غير مقاعد الدراسة
لا افكار ولا وعي
حقيقي اجد العزلة اجمل من كل التعب...
أكثر شغلة محزنة
خوف الأباء ع بناتهم من موجة التغيير..
والبنات لايحملون عناء رضا والديهم
والله الوالدين نعمة لاتعرف حتى تفقد
بخلص شغلات خذيتها من المكتب وبرجعها بلا تغيير

الخلاف كـ طبيعة مافي مشكلة
لكن تتناقش مع أم عيالك
بطريقة سيئة أمام البشر
والفاظ كأنها وجهك
وين الإحترام...
لا والمسكينة تسكت ولدها
ذا اللي يبيله نسوية تمسح في الأرض
بعض الازواج "قرف"
تدخلت وقلت إذا كذا معاك بالاماكن العامة كيف بالبيت...
رد مو شغلك يالمسترجلة
قلت تمام بس خلك رجال
وأحترمها...
حتى النقاش معاهم منقصة
القسوة اللي بقلوب الخلق
كيف صارت ظاهرة
هل لطبيعة الحياة دور
أو طريقة التربية
ويجيك اللي يعيب ع طارق الحبيب
كلامة ذا من مخرجات الجيل اللي حكى عنه...
بلاش مثالية
ليه الحياة صايرة عبء
عاطفي وظاهري

تذكرت همس ودفاعها عن المرأة
عساك ع القوة
....
القسوة بـ طريقة التعامل
أسلوب الكلام
التهديد والانتقاص
ذا اللي الواجب الوحدة تخلعه...
المشكلة الرجل الجيد طايح بشريكة زلابة..
والمرأة السنعة طايحة بعلة
قلة من تجد بينهم توافق إيجابي
....
تمر الـ ٤٠ دقيقة
الوقت ذا تحديداً
عالة ع عقلي
...
اللي يعدل مزاجهم شاي الترامس
بربكم الذائقة تعمل
الفكرة فقط أن تشرب
المزاج راح مع الاهلي لدوري الدرجة الأولى...
من زود تعصب أخواني
ماقدرت أتنمر
وقلعة الكؤوس من بينفض غبارها
بلاكم من الدعاء ع الهلال
...
ويقول سعد علوش
مناقع الما مرايات الطيور الصغار
الله جعل من رحيق الغيم معكوسها

الطيب والحب ورذاذ المطر والوقار
اشياء ماتشتريها الناس بفلوسها