أختي الصغيرة معتمدة المثل الي يقول"الزن ع الودان أمر من السحر" في حياتها ..

زنااانة بشكل مش طبيعي ،، وأنا أكثر شي ينرفزني في الحياة ان الواحد يزن على راسي،، أصبر على شقاوة الأطفال وعلى عنادهم وطولة اللسان وكل شي بس الزن لا لا لا ،،

والله اني بعض مرات أمسك نفسي غصب لا أضربها!! علمًا بأني ما أسخى والله أمد ايدي على طفل نهائيا ولا حتى تراودني الفكرة ولكن وبقدرة قادر أختي النتفة أبو سبع سنين خلتها تراودني -_-

مدري من وين جايبة هالصفة!! أذكر اني كنت شقية لما كنت صغيرة بس ما اذكر اني كنت زنانة :/ والله مصيبة لو كنت😂 لا بس ما أظن أمي تقول ما تعبتها مثل أختي ذي😌😁

بس ما أخفيكم سرًا إني اعتمدت طريقتها مع اخواني هههههههههه والله نفعت معاهم ،، أنشب للواحد واتلزق فيه لين أغثه وهو لما ينغث يجيب لي الي أبيه عشان يفتك مني هههههههههه،، الجانب المشرق من الموضوع😂✨

https://youtu.be/e2T7fCTR8Ck

إدماني الجديد😍😍 عبد الله الجار الله يا ربي صوته فخم فخمممم
أنا إذا أدمنت شي لازم أنقل العدوى للجميع وبدأت بأمي وفعلا حبته ،، مفروض يعطيني نسبة من عدد المشاهدات قاعدة أسوق له من قلببب😁،، ولكن الحق يقال خامة صوته تستاهل يعني فخامة الصوت مع فخامة الكلمات شيء إبداعي والله👌

من وقت ما طلعنا من عند الكوافيرة لهالحين وانا مصدعة 💔

والسبب ان القصة الي هي حلم حياتي المستحيل طبعا لأن نبع الحنان رافضة تحت شعار(اذا تزوجتي قصيه) الكوافيرة قصت لأمي نفسها وطلعت تجنن😭😭💔

وأنا جاني صداع من القهر سويت كوب بُن أكبر من راسي على أمل ان هالصداع يفك عني بس مافي فايدة

ويبقى شوقي لك
غصة في حلق السعادة،، مرارة في عذب الأيام ...

رن المنبه وخلصت الإجازة😭😭💔
هو يعني أنا ما نسيت ولا راح أنسى بس حطيت المنبه خوفًا من نفسي الأمارة بالسوء لا تزين لي الغياب في أول يوم،، وأنا البدايات عندي مهمة جدا

على طاري الدراسة في عندي مشكلة عويصة أفكر فيها من شهور ولا طلعت بحل،، باقولها لكم بعدين بعد انتهاء الدوام 🚶‍♀️💔

وأخيرا لقيت وقت أتكلم عن مشكلتي العويصة

هي السالفة طويلة حبتين ولكن مختصرها اني درست سنة أولى في الجامعة أدب عربي وكان المفروض السنة الي طافت أكون سنة ثانية ولكن لظرف ما جمدت قيدي في الجامعة لمدة سنة ،،

وعشان أستغل هالسنة قررت آخذ دورات لغة أون لاين ،،

لهنا أوكيه؟
لا مش أوكيه أصلا من هنا تبدأ المشكلة

السنة قربت تنتهي وتبدأ اجراءات الاستئناف ،، وأنا بصراحة حبيت جو الانجلش والاون لاين،، حبيت الاحترام المتبادل وإنك تاخذ درجتك حسب مجهودك مش حسب نفسية الدكتور،، وان يكون لجهدك أثر ..

ونفسي الأمارة بالسوء تقولي خلاص يابنت كمليها اون لاين ودورات لغة وبتاع وشاي بنعناع ،، وبعد ممكن تاخذين لغة ثانية بعد ما تخلصي الانجلش،، تدرسي وتتسلي يعني كذا حاجة حلوة وخفيفة

ويرجع ضميري يقولي بلا غباء!! الدورات حلوة لزيادة مهاراتك بس من متى كانت تكفي عن شهادة البكالاريوس؟

وأمي تسألني ليه ما اسأل زميلاتي الي كانوا قبل عن المواد الي أخذوها واستعد للسنة الجديدة،، ما تدري عن الموال الي في راسي😁

لو تدري به بتفجر فيني،، فقررت اني أصرفها وما أقولها لين أقرر،، يعني الواحد اذا تفجر على الأقل يكون أخذ قراره بتأني وعن قناعة😂

مشكلتي مترددة جدا في القرارات المصيرية،، ما أحب ذا الصفة فيني تغث