|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
09-13-22, 09:55 PM | #67 | |||||||||||||
|
جاري البحث عن موضوع الحلطمة نااااو ناااو ايش حصل ؟؟ هل هناك هوشة؟ وبدون حضوري؟؟؟ أنا كنت زمان أشهر من نار على علم في الهوشات وأول من يجيب فشاره ويجلس يتفرج>>>> منقهرة من قلب لا جد جد،، ايش صار؟؟ ايش حصل؟؟ | |||||||||||||
|
09-16-22, 11:20 PM | #68 | |||||||||||||
|
عندي تكليف كاتم على أنفاسي 🤢 آخر موعد للتسليم بكرة ،، وقاعدة أسويه حرفيا من ورا خشمي ومالي أي نفس أسويه عليه درجتين بس،، نفسي الأمارة بالسوء تقولي راحتك النفسية أهم ولازم تحافظي على روقانك وهي كلها درجتين بس مو لازم تصيري دافورة على طول الفشل أحيانا مفيد وضميري الدراسي يقول درجتييين يالظالمة درجتييين كيف تخليهم؟! بتموتي يعني اذا سويتي التكليف؟؟ اضغطي على نفسك كم ساعة وارسليه واخلصي منه أحسن ما تقعدي ندمامة انك ما سويتيه ولما تطلع الدرجات تقولي اووه لو سويت التكليف كان زادت نسبتي درجتين هو في الحقيقة أنا بسويه بسويه ما يسخى قلبي أطنشه بدون ظرف طارئ بس جيت أتحلطم عشان أخفف الطاقة السلبية وأرجع له | |||||||||||||
|
09-21-22, 02:20 PM | #69 | |||||||||||||
|
كتاكيتنا صار عندهم أربع شهور تقريبًا،، وتوقعت انهم صاروا يفهمون في المشاعر ويتفاعلون مع الي حولهم فقررت إني أختبر مدى تأثرهم بمشاعر المقابل ،، فمسكت واحد ومثلت اني أبكي ،، ياعيني تأثر من قلببببه وبكى معاي هههههههههههه طبعا أمه سوت لي حفلة وانتِ بكيتيه انتِ سكتيه بس طنشتها ورميته عليها واخذت الثاني عشان نسوي له نفس الاختبار 😁 الصدمة كانت ان الثاني ما تأثر أبد!! لا والي جلطني انه يضحك!! وقررت اني أسحب عليه عديم المشاعر وأحب أخوه بس فأخذت حبيبي الحساس معاي للغرفة وخليته يذاكر معاي بعد ووووه أروح فدوة بث♥️ | |||||||||||||
|
09-24-22, 10:11 PM | #70 | |||||||||||||
|
فيه حاجتين تقريبًا كل الأمهات يسوونها ،، ويمكن حتى أنا اذا صرت أم أسويها😁 الأولى: جيب لي (الهذا).. (الهذا) نكرة غير معرفة عند الجميع الا عند الغالية معرفة وانت بعد لازم تعرف وش هي قد يكون (الهذا) سبحتها او مصحفها أو جوالها الي في الكنب الي قدامها أصلا او مناديل او حتى شبشبها الي تبي تكفخك فيه لأنك غبي وخذالك كم دقيقة تفكر عشان تكتشف وشو (الهذا)!! الثانية: وهذي ما يعرفها الا البنات _ يمة كم ملعقة ملح أحط؟؟ _قيسي بالنظر .. عاد انتِ تبي تركبين ميزان ملح في ايدك والا في عينك والا تبي تستفتين قلبك ،، كيفك المهم تتصرفي وتطلع كمية الملح مضبوطة 🫂 | |||||||||||||
|
10-07-22, 06:38 PM | #71 | |||||||||||||
|
أختي الصغيرة من زمان ودها في حفلة ،، وبما إنه ما نعترف بتاتا بأعياد الميلاد في بيتنا وعدتها إني أسوي لها حفلة لا خلصت تحفظ جزء(عمَّ) وبما إنها قربت تخلصه فبدأت أشتغل على التجهيزات ،، وأمس نرفزتني وغثتني وطلعت نفوخي على قولت اخوانا المصريين وزعلت منها وقلت لها لا تكلمني تستسلم؟ أكيد لا .. تقعد على راسي وتزن وتشغل حياتي ،، ولكني انتصرت عليها وقويت قلبي وبالأخير لما جت تنام قالت لي ببراءة كسرت قلبي وقسمته إلى نصفين : -أدري للحين زعلانة مني وما تكلميني ولسة يا دوب بأتكلم وأرد عليها بتعاطف،، إلا وأكملت بنبرة معاكسة وخالية من البراءة والمشاعر: -أصلا طُز كلميني والا ما تكلميني مو مهم انتهى الأمر !!!!!!!! علامات تعجب ضخمة جدا طلعت فوق راسي ،، عاد من الصدمة نمت فورا😂😂 ولما صحيت الصباح لقيت حاجة لطيفة جدا | |||||||||||||
|
10-09-22, 05:04 PM | #72 | |||||||||||||
|
الأجواء ذا اليومين ما تدري كيف تتعامل معها تحسسك انك واقف قدام أبوك وقاعد يهاوشك وإذا رديت وحاولت تبرر موقفك أو تدافع عن نفسك زعل ليه ترد عليه وإذا سكت بعد زعل ليه تسكت وتطنشه الشتاء تحسه كذا متردد أدخل ما أدخل؟ تلبس دافي تحتر ،، تلبس صيفي تبرد ،، وش نسوي طيب؟؟-_- | |||||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||