فن التسويق

أقوال في الحكمه

الحكمة في الاسلام
قال تعالى : وَمَنْ يُؤْتَ الْحِكْمَةَ فَقَدْ أُوتِيَ خَيْرًا كَثِيرًا سورة البقرة
والسيد المسيح عليه السلام يقول الحكمة هي نور كل قلب
وأرسطو قال الحكمة رأس العلوم و الأدب و الفن
وأفلاطون قال الفضائل الأربعة هي الحكمة و العدالة و الشجاعة والإعتدال
وهيجل قال الحكمه هي أعلى المراتب التي يمكن إن يتوصل إليها الإنسان
وعلم النفس الايجابي قال الحكمة هي تناسق العلم والخبرة واستخدامهم المتعمد لتحسين الحياة
بينافلو ليجيس قال الحكمه هي القدرة الفائقه علي فهم طبيعة الأشخاص و الأشياء و الأحداث و توقعها والاستفادة منها

غياب الحكمه مش مجرد بيخلينا نغلط لأن كلنا بنغلط، إنما غياب الحكمة بيخلينا نعيد نفس الغلط بالرغم من النتيجه الوحشة اللى بنوصلها كل مره!
غياب الحكمة بيخلينا ما نتعلمش من تجاربنا و لا نتعلم من الحياة عموما غياب الحكمة بيخلينا ساعات نتصرف تصرفات تخسرنا كتير جدا لو بصيتي حواليكي كده هتلاقي ملوك و رؤساء العالم أوقات كتير بياخدوا قرارات تحدف بلادهم خمسين سنه لورا ؟ ليه ؟ مفيش حكمه
الحكمه دي مش بنشتريها يا سندريلا الحكمه عباره عن خبرة و علم وحكم صحيح على الأمور ودي حاجات مش بنتولد بيها دي بنكتسبها في حياتنا بس بشرط إننا نكون مركزين و واعيين مش عايشين في الحياة كده و خلاص

سندريلا سيكريت هبه السواح

من طرق واساليب فهم الحكمه واكتسابها من الخبرات الحياتيه ان مفيش اي حاجة في حياتك بتحصل بالصدفة كل موقف اتحطيتي فيه ،كل شخص قابلتيه،كل كلمه قريتيها أو سمعتيها،كل غلطة وقعتي فيها،حتي الكتاب اللي فإيدك ده، كل حاجة فحياتك هي رسايل من ربنا ليكي،لكن مين اللى بتقدر تقرا الرسالة ؟ اللي عارفة كويس إن كل حاجة بتحصلنا لحكمه، اللى فاهمة كويس هي عايشة ليه وعندها علاقة بجودة مع ربنا
ركزي واقرئي الرساله اللي في مواقف حياتك هتلاقي مع الوقت بقى عندك حكمه في نظرتك للأمور حتي لو اتحطيتي مره في موقف ومافهمتيش الرسالة والحكمه منه مع الوقت والصبر حتوصلي للى انت عايزاه

هبه السواح