| |||||||
| :: قرار هام :: |
648Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
02-12-24, 02:54 AM
| #259 | |||||||||
  
|  النهاردة انا كنت باخد لفة في الارشيف بتاعي جو نوستالجيا كدا .. زي ما انتوا شفتوا في الصفحة اللي فاتت مقال وقصة وبتاع ..حتي عملت ليهم نسخ هنا .. بس انا حابب اشارككم اليوم بجزء انا ماكنتش بحب اظهره .. لاني مش مقتنع بيه بأمانة .. وهو كتابة الخواطر وشعر عامية وجو الادبي ده .. بدليل اني لما بدخل هنا مابقيتش بخرج بره قسم النقاش .. بس كنت حابه جدا في فترة ما يمكن من 2016 لحد 2020 ويمكن اللي مسحته اكتر من اللي نشرته بمراحل كنت حبيت جو الشعر والخواطر ده فترة بامانة كان ممتع كتجربة ..بس ماكنتش مقتنع .. لاني كنت بحس اني دخيل عالعالم ده هههه بس دايما بسأل نفسي سؤال هل كان في مجال للتطور في الحوار ده لو انا فعلا كنت حابب اتطور ولا لاء .. يمكن طبعا عشان فيه عامية كتير ممكن لا يناسب البعض هنا .. بس هحاول انوع .. لاني كنت بفتي في حاجات كتير بس للمارين هنا ان شاءوا اللي حابب يشاركني ويفيدني بوجهة نظره بتقييم صادق بدون مجاملة هكون ممتن .. لاني بفكر اجرب تاني .. يتبع .. | |||||||||
 |
|
02-12-24, 02:55 AM
| #260 | |||||||||
|
ارق هل صرت عجوزا حين سهدت أم شاب الليل علي وجهي يعانق ذنبا يمنعه أن يتصنع دور الصنم فحراك اليوم سكون تام .. يسابق نفسا دون طريق.. والعمر صبي يلحقه.. كي يدرك أملا صار غريق .. والليل طويل لا يرحم من كان للحب رفيق الليل غريما للقلب يمزقه إن صار رقيق اصراره عالنصر دقيق لا ينسي كم كان يناضل حتي صار الأرق صديق .. | |||||||||
| |
|
02-12-24, 03:01 AM
| #261 | |||||||||
|
علي بالي علي بالي أعيش الدور ويحلالي واجيب كاميرا واثبتها علي عينك وكل الكون بدون رحمة يحسد ما رأت عيني في نور عينك . فبتاخد وادوب في المشهد الثابت بدون فاقد . فاجيلك في السما مطرة وأعيش اللحظة بالفينتاج بدون الوان وبحق الأسود الفاتح اغنيلك يا محلي الكحل لما انساب من عينك مسيره يصون خدود وردي من الحساد . يا محلي الدنيا في سماكي بتضحك قوس قزح نادي يغيث عشاق . ولما تنتهي الصورة ونطبعها تكون زينة علي حيطك علي بالي اكون كونك وجوا ضلوعي هتكوني ولمرة ناخد الصورة وأكون المشهد الكامل جوا النن في عيونك حاسس انني هندم اني نشرت دي بالذات ههه | |||||||||
| |
|
02-12-24, 03:06 AM
| #262 | |||||||||
|
احنا معاكم ! خلونا نتفق إن الكلام خانه ارتجاله وسط كترة قوالينه مرسال غلاف عنوانه دايما في الأمل كذاب مابقاش بيفرق مابقاش بيسند ناس كتير كلمة ( معاكم ) عالورق بقت تخض مش تعين .. كلمة معاكم عاللسان كان يوم نيسان غرق سفينة تيتانيك كانت نهاية الالتزام ... عارفين الكلام بقا وزنه في الحياة حرفين حب بح ... وبح فين ده اللي بيخليه ويبقي عالغلاف عشان بيسند في الفراق لكل عاشق مدعي محتاج لكلمة حب تبل ريق وسط زحمة الاشتياق وباقي دايما عالسطور عشان ينظم كل دقة قلب خارجة من قلوب دايما مراهقة عايشة دايما الف دور .. احنا في دراما السندريلا لما وقعت في الغرام وهي قايمة بدور غوريلا وشافها مخرج قلبها توكتوك ولما زهقت ..صورها تيك توك ومن يومها قلبت تريلا والغريب في مصيبة كل يوم انه دايما نحكي إن عٌمر الضحك يوم والحقيقة إن كل الناس بتبكي بس لحظة في ربع يوم .. وفي النهاية يراودك إحساس ثئيل ان كلمة وحدة بينا تشوفها فرقة بنار حنين و أرواحنا دايما تشتهي من آن لآن أنها تظهر جروحها بين قوسين بسؤال حزين (شايفين ؟ ) مسيري ان كل يوم هصرخ ومصيركم أنكم عايشين متصلبين عاجزين .. وفي كل يوم في فقرة الأخبار تتذكروا أن الحياة مواويل وفي كل قصة تسمعوها وتشوفوها تقولوا آأأأه لازم نواح يا محسنين انفجار اغتصاب قتل أمه بدم بادر وسط شارعه بدون ممم مش عارف المهم تصدقوا نفسكم انكم حزينين تصدقوا كلام قالوا غيركم وسط حزن في حي غيركم .. من غيرتكم قلتوا غيرنا ليه بيبكي واحنا لاء هو احنا غيرهم يلا نبكي .. يلا نحكي يلا نرسم النهاية بصوت حزين وبعد لحظة فقرة تانية جديدة تبدأ يلا يابني قوم وغير القناة خلينا نضحك .. نقوم ننام يلا سلام | |||||||||
| |
|
02-12-24, 03:11 AM
| #263 | |||||||||
|
ايقاع متكرر ايقاع بطئ بيرمم تفاصيلي لحد ما سكتي دابت... اعاهد كل يوم نفسي وادعي أني أكون ثابت... وانام والهمة واخداني وصوت وجداني جداني .. مستني قرار بكرة في قيد تنفيذ * وبصحي من جديد بدري .. تاخدني العادة بزيادة .. والفجرية بتعدي ...والضهرية بتنادي .. وبرضه نمت بزيادة .. وانسي اني كنت متعاهد من امبارح وبرضه بأجل المكتوب ومش بخطي .. وبرضي بدوري في الدنيا وبختار أني أكون مظلوم .. وعشت الدور واتقنته فاقوم واشكي و من زمني مليته سطور ,, ومش ببكي .. مافيش دمعة بترضي تصالح خدود جاحد في دور مظلوم.. * تملي اليوم بيجري ويعدي وبرضه برمم الصورة وانحت فيها تفصيلة .. توضح كل لحظة زهد بتعدي مع نسمة هوا صافية .. تفكرني ان نور الشمس بيصالح ولو أنه ماهوش باقي ... مصيره يسيبنا أخر اليوم والاقي في غربته دائي.. * وارجع تاني ادور علي ضحكة فاقول واضحك علي نفسي ده ضوء الشمس لو ثابت ماكنش فيه لمبة تبقي نيون ماكنتش عنينا شافت نوم ماكنتش للسما هنظر .. ولا اتفاعل مع نجومها ولا أشكيلها ولا حتي اعاتبها .. علي كدبة حكايتها مع قمرها وان جماله كان معدوم... ظلام كاسح بدون أمل في نقطة نور ارضها بور .. * وتسترها شمسها بضوئها وبرضه شاعرنا يزغرها بكام بيت شعر يتغني بأطيافها وينسي اصلها بكدبة ويبني بيها أحلامنا بدون رحمة وان شهابها لما يعدي بيحقق أماني طفلة بتبص لسماها تتمني امها ترجع من سما غيبها وما بترجعش .. أو يبني بيه حكاية نور ما بين عاشقين وتبقي نجومها مرسي لهوي روحهم وينسي بحكم البور أن بكرة هتبقي مرسي لجروحهم .. * ما بين الاتنين طريق واحد محله الروح بتتفكك لما تعيش كدبتها بهواها بدون معني .. بدون مسعي وينسي ايمانها بجروحها وان مسيرها هتتعدل بدون كذبة بدون ما نخلي للضلمة بدلة نور مسيرها شمسها تشرق واعاهد نفسي من تاني وازود من ايقاع بكرة لحد ما اعيش في يوم غير يوم ... | |||||||||
| |
|
02-12-24, 03:21 AM
| #264 | |||||||||
|
انا حاسس بيك انا حاسس بيك لحظة قبل النوم في حياتك دايما سادة شكك دايما وارد في نقاء قلبك ألمك سالب منك عقلك ... بره حدود الكون ده سعادتك انت حكاية في علم الغيب بس قريتها بعلم سعادتك أنت المعني وأنت الكلمة بحكم غباوتك شايف نفسك غير الناس قافل زنزانتك بمرايا فسبحان الخالق في مرايته لما تكون معدوم المعني بتشوف نفسك دايما هايب دايما هارب دايما شايف نفسك قصة من غير قافلة دايما فاتح شباك أملك عكس القبلة دايما ثابت بخيال هايج كلك شهوة .. أنا حاسس بيك حاسس بيوم قررت فيه تبنيه طوبة ورا طوبة وقدرت تكمله بشيطانك وفي لحظة ما بين قتيلك وسجانك قررت تعبد فيها تمثالك ومن يومها دايما تناديك همسة خوف من بكرة بذنب امبارح لابس أبيض من جواك اسمر مادح دايما ناسك جوا الصورة فاضح قلبك بره الفكرة عامل عاملة ..؟ قاتل لعبة ؟ قلبك جوا في سجن مشدد حابس نفسه في كبرك يا أعمي دايما جوا غرورك حكمة لما تكون مسلوب النعمة نعمة أنك تصحي في يوم ندمان أنك تقرا سطورك واضحة | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
