عطني لقا حتى ولو بين الأحلام
ما هو ضـروري نلـتقي بالحـقيقه

شوف القناعة كيف حتى بالأوهام
مصيبة المشـتاق .. نفـسه رقيـقه

سامحت كل الوجيه وعفت بعض الدروب
اللي عليها انثنت رجلي وشاح نظري

العمر يمضي وأنا بين الوجل والهروب
أخاف أواجه جروحي لاجل ماتنفري

لي زاوية كل ماهبت معاها الهبوب
ذاب الكِبر من جوانبها وعوَّد طري

وعلى كثر ما بقلبي من جروح وندوب
يا كثر ما اضحك وكن الحزن مني بري

،.

‏" ماني على تبرير الأحداث مجبور
‏و ما عاد عندي للتخاطب وسيله

‏رحلت .. ودنياك الدنيّه تبي تدور
‏و تقول ليت الأرض تنبت مثيله

‏بـ تفقد اللي يفقدك بين الحضور
‏و تبحث عن شعوره بـ قصة بديله

‏فقد الحبايب ما تعيشه على الفور
‏باكر تفوق و تجني أردى حصيله ..!"