يا رب و ذنوب العباد المذنبين
ترهق عبادك بالكمال و بالتمام

مجاهد النفس اللعوبه فرض عين
قبل اللحود وقبل تكسير العظام

" والآيبين ، التايبين ، الشاكرين "
هم والله اللي مسكهم مسك الختام

الارض ما تنسى جباه الساجدين
اللي تساموا بـ الصلاة و بـ الصيام

الليالي فانيه والعوافي ما تدوم
‏والوجيه الضاحكه ضيقها بصدورها

‏لا ابتدا ليل الحزن وانفرا جيب النجوم
‏استضاقت واستباحت جميع امورها

‏والقناعة كنز والناس معطى ومحروم
‏والحظوظ احيان بالوقت تلعب دورها

تمنيت شي .. وقدّر الله شي وصار
‏ولالي سوى وجه الرضى لو تصنّعته