بين صدمات الحقايق وتعديل المسار
المناوي من ضلوعي طويت شراعها

والكبـار اللي من أول وهقاويها كبار
باعت كبار الهقـاوي مثل من باعها

ماقعدنا نشوف في صمّتنا رد إعتبار
لين طاح من الهقاوي ثلاث أرباعها

،.

‏عطني سمــا صوتــك برفــرف وأحلّــق
‏صوتــك رحــل فيـني أو إنّــه رحل بي؟

‏قلــبي .. و اعـرفـــه لا تعلّــق .. تعلّــق
‏ابيــك تاخــذني .. عــلى قــد "قلــبي" !

تذكّرتك البارح ولا ادري وش الليّ جاب
طواريك لين اشغلتني .. وانقلب حالي

و أنا تايب من الودّ و مفارق .. الاحباب
تجلويت يوم استوطن العشق في بالي

ولا كنت اظنّ الجرح ينزف عقب ماطاب
الين انشغلت بجرحك اكثر من اشغالي

خلّها على التحايا، وضحكات السنون
يوم صمتي في محلّه، وسرّي معقله

أنت والله خاطرك غالي ودايم تمون
تطلْق سبوق البشاير، وهمّي تعْقِله

والله إن ماهوب حملٍ تضيق به المتون
أو بعض حكيٍ أقوله؛ لا قالوا لي: قِله

واحدٍ يدري وش أسباب ضيقاته يهون
البلا في اللي ما يدري وش اللي مِثقله !