،.


يطول الصّمت واهاب الحكي وافضّل التأجيل
وأوقف بين مجذوب السّهام وبين راميها

زلل كان السّهو لكن ظنونه خانها التأميل
سرق لحظة زمان وحرّم إنّه ما يسّويها

على لفت انتباه الذّاكرة مرّيت بالتّفصيل
يا ابن ذاكرتي البّار ،، وأبوها اللي مسّميها

عبث كنت أرمي الذّكرى وراء ليل يجرّه ليل
تذكرّتك عجل روحي نست إنّي منشّيها

تحايلني على ضحكةٍ معك في ضفّها وتسيل
تفاصيلك على غبش العيون وقلب راعيها

وش اللي جابك اللّيلة ؟ هقيت ان الظّنون تميل ؟!
أنا ما كنت افتّش في لياليك وهقاويها

توارى كلّ ما يلحق مدى شوفي .. وراك وحيل
ما بين إدراكي ل داني خطاويّي وقاصيها

إلين أمّنت أن الذّاكرة .. وأيام حُبّك سيل
أعدّيها عبث يمكن لكن ما أقدر أناحيها

ووقفت وقلت لثقال الليّالي فاتني.. بالحيل
أعيش اللحّظتين اللّي تكاثرتك معي فيها !!

ولا تحزن اذا ما غنّت الدنيا على ليلاك
تبسم وانتظر ليلاك هي اللي تغني لك !
ولا تحزن على حزة مغيب الشمس عن دنياك
تغيب و عذرها تاخذ "صباح الغير" من ليلك !
ولا تحزن على ارضك اذا صار الوطن منفاك
تمسّك بـ آآآآخر ترابه .. الين ترابه يشيلك !
ولا تحزن على اسمك ولا شكلك ولا منشاك
تفاصيلك تكون احيان ، ما تحمل تفاصيلك
ولا تحزن اذا صرت الغريب بطبعك ومبداك
مدام الحلم حلمك .. لازم التأويل تأويلك !
ولا تحزن اذا ما فيه غير الذنب شي ابكاك
دموع لغير وجه الله .. ما تسوى مناديلك !
ولا تحزن على نفسك اذا احرمتها مشهاك
يا كبر الفارق اللي بين : تمهيلك وتهميلك !
ولا تحزن اذا ما باقي الا يديك في مخباك !
نصيب ٍ كاتبه ربي يجي لك غضب بيجي لك
ولا تحزن لو اصحابك ورا ظهرك تصير عْداك
ورا ظهرك بتلقى ناس تفرح لك و تدعي لك
ولا تحزن على اللي مانسيت انه قدر ينساك
تأكد من يضحي فيك .. لا يمكن يضحي لك
ولا تحزن اذا تزرع ورود .. و تجني الاشواك
يجوز العيب من "تربتّك" ماهو من مخاييلك
ولا تحزن على عثرات عمرك .. جعلها تفداك
تشوف القادم اجمل كل ما توقف على حيلك
ولا تحزن اذا ما انصفوك الناس في محياك
تموت ويسرفون الناس في مدحك وتبجيلك
ولا تحزن اذا ما راح احد يحزن على فرقاك
من دروب الفراق .. اختار دربٍ ما يودي لك
أخيراً :

ولا تحزن ولو حتى يصير الحزن من سيماك
ترى الافراح تعني لك .. لأن الحزن يعني لك

ما عرفت اشرح لك بقلبي كثير
المهم ان كل شي اجمل معاك ..

.


يامهجة الروح يوم أدعيك وتلبّي
‏معك معك وين ماودك توديِني .

.